天龍咖喱

中秋節正日公司放早，夜晚會同屋企人做節，晏晝先來天龍咖哩食過午飯。大約兩點多來到，餐廳半滿座，下午茶時段都唔少人食緊咖哩飯喎。睇睇餐牌，都係叫返鍾意嘅咖哩牛筋牛腩飯同肉餅飯先，再加份小食share下。⭐咖哩牛筋牛腩飯滿滿一碗咖哩汁入面全部都係料，牛筋牛腩都好多，炆得入味，牛腩香口肉質鮮味，牛筋軟腍浧膠質狀，加埋咖哩汁撈飯真係好好食。⭐咖哩生煎肉餅飯呢碗咖哩入面竟然有三塊生煎肉餅，件件肉餅都厚身㗎，大大塊充滿肉感😋外面煎得香脆入面仲有肉汁，口感好正😋自己呢碗咖哩要咗加辣，我覺得夠辣先好食，入面嘅洋蔥碎加埋辣醬真係超啱我口味，成碗咖哩汁撈飯一啲都冇曬。⭐雞皮餃子煎得香脆嘅雞皮入面包住豬肉餡，一咬落去啲雞油爆出嚟勁甘香，邪惡又好食🤤⭐炸鮮奶朋友鍾意甜食，佢又加咗一份炸鮮奶，外面炸得脆,入面係甜甜嘅奶香餡料，正🤤⭐鹹檸碧 & ⭐柚子梳打呢度用雪碧所以係鹹檸碧唔係鹹檸七😆鹹檸檬鹹鹹酸酸，解辣解油啱曬😋朋友要咗柚子梳打，柚子醬下得多，甜甜哋帶有柚子香，都好好飲㗎，不過紙杯裝就略微細咗少少啦。呢間巴基斯坦風味咖哩真係好啱我口味，佢除咗咖哩，都有其他款式嘅碟頭飯嘅，唔食辣都有好多選擇㗎。…查看更多

天龍咖喱 非一般的咖哩飯！今日元朗朋友拍心口話要帶我開「咖喱眼界」，一行兩人撲到合益路呢間「天龍咖喱」。門面雖唔算起眼，但一推門已經聞到陣陣濃郁香料香——原來主打嘅巴基斯坦式咖喱，同港式、日式真係差天共地！先試招牌金牌牛魔王咖喱牛大四囍飯，配埋兩塊油酥餅簡直絕配！碟裡面牛筋、牛腩、牛舌齊齊集郵，牛筋煮到通透軟糯，咬落膠原蛋白「啵啵」彈牙，牛腩軟腍得來又有嚼頭，牛舌則爽脆帶甘，三種口感層次分明，牛味濃到好似行咗入牛欄！重點係咖喱底——蕃茄同洋蔥碎煮到融成泥，完全滲入咖喱汁裡面，食落除咗濃郁嘅芫荽籽、孜然香，仲有蔬菜天然嘅酸甜，撈埋白飯勁開胃，連油酥餅蘸汁都食到渣都唔剩！跟住挑戰咖喱香煎青衣柳飯，呢味簡直係「鮮味炸彈」！青衣柳煎到金邊微脆，魚肉卻嫩到好似豆腐，入口完全無骨，魚油香混住咖喱嘅辛香超級夾。呢個咖喱汁特別加咗蕃茄蓉同洋蔥碎煮足兩個鐘，質感濃稠得黎充滿蔬菜纖維，撈飯時每粒米都掛滿橘紅色嘅汁，咬落仲有細細粒嘅蔬菜碎增添口感，微辣中帶陣陣果香，連平時少食魚嘅朋友都食到連聲「唔該加飯」！食埋小食雞皮卷真係邪惡到一個點…查看更多

今日下午坐車入到嚟元朗食午餐，嚟到呢間好有人氣既天龍咖喱。午餐時段到店，已坐滿9成食客，但店員妹妹很貼心地安排我坐一張二人空枱，唔使同人搭枱。坐低就即刻睇下佢地個餐牌，最後點咗個咖喱厚切牛脷飯。一陣間就上餐，份量都好足，有好多咖喱汁，仲有3大塊厚切牛脷，牛脷煎過幾香口，仲幾淋下，味道唔錯，咖喱汁加咗大量既洋蔥，帶點酸味，唔太啱我口味，但味道唔差。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚🥚[糖果]性价比：🥚🥚🥚…查看更多

咖喱牛腩牛筋飯牛腩同牛筋都煮到好軟諗，牛筋入口即溶，吸晒啲醬汁，連埋白飯一齊食，飯都食多幾碗，配菜方面有薯仔🥔增加左個不同口感咖喱生煎肉餅飯肉餅足足有三件，而且每一件都有一定厚度，外面煎到酥脆香口，配埋啲重口味的咖喱一流🤤咖喱方面都十分之香，入面的料落到足，啖啖都食到大量的洋蔥碎🤓天龍雞皮卷雞皮卷外面的雞皮燒到超薄，外皮香脆，內餡鮮嫩😎 油香十足☺️香煎牛仔骨外層煎得微焦帶香👍佢地成塊牛仔骨咁煎，做到內裡保持肉汁和嫩度，黎到就因應自己的需求再切返相應嘅大細話梅可樂 甜中帶酸的獨特口感😜話梅的酸鹹味中和了可樂的甜味😁 飲起來清爽解渴😍紅豆冰佢地的紅豆的煮到好軟，而且仲keep住原粒，咬起上嚟綿密香甜😋天龍咖喱 (元朗)元朗合益路17-53號合益中心地下23號舖…查看更多

元朗真係臥虎藏龍，尋日行街無意中去翻天龍咖喱，個陣香味真係隔住條街都聞到，入去試完即刻想話比所有咖喱控知！ 首先必點孜然羊架，羊肉愛好者不能錯過，烤得外層微微焦脆，切開入面啲肉嫩到出汁，完全唔會有羊騷味，孜然香滲晒入肉入面，根本停唔到口😂 牛四囍四寶都絕對要試！一碗有齊牛筋、牛腩、牛俐同牛肉，四樣嘢浸晒濃郁咖喱汁，撈飯一流 仲有咖喱海鮮飯，咖喱汁金黃金黃，配上青口同蝦仁，聞到都覺得鮮😊 食完鹹野，炸鮮奶係必點收尾！外皮脆卜卜，甜得來又唔膩，解膩又治愈😜 飲品揀咗生薑柑桔蜜同柑桔大話七，前者有淡淡薑香同柑桔清新，飲完個胃暖笠笠；後者柑桔味更突出，夠晒解膩，配咖喱真係天作之合！ …查看更多

巴基斯坦咖哩盛宴📍地點：元朗🍽️菜式：港式💰人均消費：午餐 HK$50~80🔖服務費/ 茶芥：❎ / ❎🧻餐巾/ 濕紙巾：✅ / ❎🪑座位類型：方枱/ 長枱📝落單方式：侍應生落單免費🅿️：❎【咖喱生煎肉餅飯】💰HK$57巴基斯坦咖哩加上港式食品，又出奇地配合。咖哩太好送飯，食完整碟飯。【惹爆蔥油雞扒茄子煎太陽蛋飯】💰HK$56名字好長，就知道性價比高。長長雞扒加蔥油加太陽蛋，沒得輸。茄子經醃製同樣美味。【牛肉薯餅】💰HK$38薯餅加了咖哩醬汁，超級惹味。【鹽酥雞翼】💰HK$25鹽酥雞翼鹹鹹脆脆，雞翼很厚身。@ 天龍咖喱🏷️ 元朗合益路17-53號合益中心地下23號舖#foodcourt #foodxcourtx #foodxcourtxYL#元朗搵食地圖 #元朗美食 #元朗 #港式…查看更多

前排YouTube見到呢間主打咖哩店嘅製作過程好吸引，今日黎開元朗終於試到！😙同朋友叫左兩樣野share👅👅咖哩牛腩牛筋飯超大碗嘅牛腩牛筋加一大碟飯，份量爆棚！🫨佢嘅咖喱應該仲有啲未煮溶嘅洋蔥粒，所以幾有口感，辣度唔高容易入口😋牛腩夠淋唔痴牙，牛筋都夠腍但係未係入口即溶嗰種，個人黎講覺得呢種冇咁膩👍👅👅咖哩生煎肉餅飯有三大塊，唔算好大塊但夠厚，比我預期中多👍🏻煎得非常唔錯，香口但唔燶咬落有肉汁唔覺肥膩整體都幾抵食幾有驚喜，有機會會再嚟👍…查看更多

📌元朗平民食堂 自薦小店篇平民食堂最近，就系社交平台上面招募餐廳自薦，自費去支持下，畢竟香港其實有好多小店需要大家多多支持。平民食堂平時港式咖哩就食得多，而今次自薦既小店系一間位於元朗主打巴基斯坦咖哩既特式咖哩 一 天龍咖哩 @curryten_🐮金牌牛魔王咖喱牛大四喜 $114平民食堂今次就直接嗌左佢地既招牌，一次過有哂牛腩、牛筋、滑牛肉同埋厚切牛脷，咖哩的確系幾香幾惹味，配埋油酥皮真系好夾，而牛大四喜我自已就最鐘意半腍不爛既牛筋同埋好有口感既厚切牛脷😋👍🏻👍🏻而平民食堂既友人就嗌左比較平民價既：🎇🐷咖哩吉列豬扒飯 $58平民食堂既友人都話咖哩好香好惹味，不過對佢黎講就辣左小小，而塊吉列豬扒就真系大塊之餘仲炸得幾靚仔幾酥脆😋👍🏻👍🏻整體而言，雖然小店吾大，不過都有吾少街方幫襯，而天龍咖哩既特色咖哩食落的確辣得幾惹味，份量其實亦比得幾大份，誠意十足📍天龍咖喱地址： 元朗合益路17-53號合益中心地下23號舖#元朗 #天龍咖哩 #咖哩 #合益中心 #平民食堂 #平民美食 #自費食評 #良心小店💛 #元朗食咩好 #星星帶你食 #星星和你食 #咖喱牛大四喜 #咖哩吉列豬扒飯 #金牌牛魔王咖喱牛大四喜#foodie #hkfood #hkfoodie #foodiehk…查看更多

今日約左媽咪係元朗食晚餐，媽咪話想食咖喱🍛，我就揀咗「天龍咖喱」，餐廳雖然主打咖喱，但對唔食辣嘅人都非常友善，選擇多元化，照顧到唔同口味，環境雖然唔算大，但感覺企理舒服，係一間有心經營嘅街坊小店。我吔哋揀左：- 天龍雞皮卷 外脆內嫩，雞皮香脆包住嫩滑雞肉，口感層次豐富，邪惡得嚟又好滿足！- 唐揚魷魚鬚 即炸魷魚鬚脆卜卜，配埋泰式辣醬，鹹香微辣，係小食之選。- 生煎香草羊架飯 羊架煎得香口，香草味突出，肉質嫩滑，配飯一流，唔食辣都可以食得好滋味。- 金牌牛魔王咖喱牛大四囍飯 鎮店之寶！超級足料！牛筋、牛腩、牛舌、牛肉一次過滿足晒牛魔王，咖喱汁濃郁但唔太辣，仲有油酥餅點咖喱汁，真係邪惡到不得了！- 柚子梳打 清新解膩，食完咖喱飲返杯柚子梳打，酸酸甜甜好refresh。…查看更多

隱藏喺合益中心嘅小店，專做港式同巴基斯坦風味咖喱，味道濃郁又唔辣，街坊同食客都大讚！環境簡單親民，充滿地道小店feel集合牛筋、牛腩、牛舌、牛肉四寶，牛筋軟腍入味，牛腩炆到入口即化，牛舌厚切爽口，牛肉嫩滑juicy！咖喱汁濃郁香滑，椰香撲鼻，微甜唔辣，撈飯超正！附送嘅油酥餅香脆可口，吸滿咖喱汁，食落好似喺巴基斯坦街頭試正宗風味，份量仲超足，抵食到爆！咖喱海鮮飯係海鮮控嘅心頭好！有青口、魚塊、魷魚同蝦全部新鮮彈牙，海鮮嘅甜味同咖喱汁嘅濃香完美融合！咖喱汁比牛四囍略為清爽，椰奶味突出，配飯食好順口，青口肥美，蝦肉Q彈，食落好似喺海邊餐廳享受一餐，超滿足！天龍雞皮卷真係必點！雞皮煎得香脆，裹住嫩滑多汁嘅雞肉，咬落外脆內嫩，配上泰式辣醬，微辣酸甜超開胃！每粒都好似小炸彈咁爆汁，當小食或者配飯都一流，食落好似喺夜市試新奇小吃咁過癮！外皮炸得金黃酥脆，咬落一聲脆響，內裡鮮奶凍軟滑香甜，奶香濃郁得來唔膩，口感層次好豐富！喺咖喱嘅濃味後食，解膩又開胃，食完好似返咗童年嘅甜蜜回憶！…查看更多

天龍咖喱 (元朗)地址：元朗合益路17-53號合益中心地下23號舖 推介1. 芝士和牛漢堡扒太陽蛋飯「和牛漢堡扒超Juicy，太陽蛋一篤穿就流心！」一上枱就聞到勁香牛油同芝士味，塊和牛漢堡扒厚身得嚟又唔會乾，咬落去肉汁爆出，仲有淡淡嘅黑椒調味，好惹味！面頭鋪咗層半溶芝士，拉絲效果一流，撈埋啲飯食真係邪惡到極點～ 重點係嗰隻太陽蛋，一篤穿蛋黃即刻湧出嚟，撈埋啲飯同漢堡扒一齊食，口感滑溜又濃郁，超級滿足！如果鍾意濃味嘅朋友，呢個飯絕對係必食！2. 咖喱厚切牛脷飯「牛脷厚到似牛排，咖喱香濃唔會太辣！」牛脷控注意！呢度嘅厚切牛脷真係誇張，每塊都厚過手指公，咬落去超軟嫩，完全唔韌，仲帶少少彈牙口感，牛味好出！個咖喱汁係日式風格，甜中帶微辣，撈飯一流，仲有啲薯仔同紅蘿蔔煮到好入味，整體好有滿足感！ …查看更多

天氣又濕又熱胃口麻麻，唔想匿廚房悶熱煮，於是申請出街食飯，他選了咖喱🍛。事後才知道原來此店在該區薄有名氣，一講起店名，網友立即反饋「好味」😋小食（圖中的已經食咗一半）：炸鮮奶、炸魷魚鬚香口鬆脆但唔油膩，是不錯的餐前小食主食：金牌牛魔王咖哩大四囍飯咖哩味道香濃但唔算太辣，獨特嘅香料味與牛配料非常配搭，送飯及薄餅一流。份量好足，對於少食澱粉質嘅人，足夠二人共享。飲品：3杯（椰子冰、梳打水、可樂）食物質素👍🏻👍🏻👍🏻好味😋😋😋服務正常…查看更多

鍾意食咖喱嘅朋友真係唔可以錯過呢間專賣咖喱嘅專門店👍🏻 天龍咖喱 口味款式眾多～仲有多款不同小食同特飲自家調配招牌咖哩汁真係好好味夠哂濃郁見到勁多香料、洋蔥同蕃茄肉！咖喱牛腩牛筋飯牛腩牛筋炆到好入味！份量好足～我仲加多左隻煎蛋🍳配上咖喱汁撈飯真係好正！咖喱吉列豬扒飯即叫即炸吉列豬扒～酥脆多汁沾上咖喱汁食勁香口小食選擇好多，我叫左兩款小食順德炸鮮奶、唐揚魷魚鬚飲品叫左凍奶茶、夠姜大話七天龍咖喱元朗合益路17-53號合益中心地下23號舖…查看更多

想食咖哩一定會入元朗食天龍，區內出名嘅咖喱專門店，絕對係誠意用心製作天龍嘅咖哩味道獨特，香辣味易入口，濃而不膩，最欣賞係混入咗煮到軟腍嘅香甜洋蔥，吉列魚柳外皮又脆又薄，肉質實淨得嚟保持到濕潤，製作用心牛舌腌到好入味，口感一絲絲，厚切有咬口，係高質嘅牛舌酥油薄餅金黃酥脆，油香十足，同咖哩好夾雞皮卷外皮脆得嚟又有煙韌嘅口感，花枝丸口感彈牙，炸到好香口紅豆冰椰汁味香濃，紅豆份量十足，天氣咁熱飲凍檸冰好解渴小店感覺幾溫馨，又有人情味，環境乾淨，餐牌提供嘅選擇好多，出品水準穩定，絕對係高質小店…查看更多

元朗咖喱🍛，呢間數一數二，今日有過嚟食🤭好滿足［食後感］📝1. 咖喱香煎青衣柳（加蛋，薄餅） 這道菜的香氣四溢，青衣柳的肉質鮮嫩，搭配蛋和薄餅，口感豐富。2. 咖喱牛仔骨（加蛋，薄餅） 牛仔骨的肉質鮮美，咖喱的香料味道濃郁，與蛋和薄餅的搭配讓這道菜更具層次感。3. 牛肉薯仔餅 香脆的外皮包裹著柔軟的內餡，牛肉和薯仔的味道相得益彰，非常滿足。4. 孜然羊架 孜然的香氣讓羊架更加美味，肉質鮮嫩，帶有微微的辛辣感，十分開胃。5. 罐裝雪碧 清涼的飲料為這頓餐點增添了清新感，特別是在享用辛辣食物後。6. 油酥餅 外皮酥脆，油香和餡料的香氣融合，令人食慾大開。整體來說，這頓餐的口味層次豐富，每道菜都有其獨特的風味，好飽滿與滿足！…查看更多