天幕

以前好鍾意喺呢間西餐廳幫襯朋友介紹嘅佢哋嘅特色，有 半西式自助餐午餐。 價錢唔算貴 啲嘢又好食 仲要湯 都有時有兩款。可惜已經結業咗 原本想帶多啲朋友去。最近睇返啲相，覺得嗰度真係好靚環境，兼且舒適的音樂 英文歌 ，好relax嘅感覺 ，完全係世外桃源！這是我其中一間很喜歡的餐廳。有時自己會一個人去食個午餐， 嘆反兩三個鐘。沙律好正 分量好足。 西餐嘅主菜 有平有貴，任君選擇。甜品都做足功夫，一啲都唔hea。真係認識咗呢間餐廳之後 經常去 ，仲每次都食得好開心感謝店主帶給我的歡樂 期待你會再開業:)…查看更多

原本book左七點，後來有事要遲點到，早兩個鐘打去改遲半個鐘，個接線既職員好好禮貌。個環境好靚，經一條好靚既樓梯上去，見到好闊落既露天位，又有秋千、馬車既佈置，仲有音樂添，不過當時露天位一個人都無，夏天又熱又多蚊仲驚落雨，我地都book左坐餐廳內。一入到去，好似去左北極咁，個冷氣凍到無朋友，應該都係得十幾度，我地見d職員自己都加件風褸。由於見佢係中央冷氣通晒成間餐廳，我地都無叫佢調高d溫度，不過全程都覺得好寒 (好在佢個杯係暖水)。室內既環境的確係有點失色，因為內外溫差太大，成玻璃都只係水珠。=_=因為手機壞左用左舊機先，所以無影相。我地叫左兩個set (包沙律、湯、甜品)，一個沙律同兩個粉飯，share食：燒豬骨(set1)：燒豬骨係全晚最好食既野，醬香濃，肉都好厚又稔，薯條都夠juicy夠熱。蕃茄蜆肉天使麵(set2)：天使麵份量都幾多，但d蜆肉細細碎碎，都係食味道，好在個蕃茄汁都幾好味，幾均勻。set1&2甜品：普通忌廉蛋糕，不過忌廉好實又無味，有一件無食到，食生日蛋糕好d~帶子鮮果沙律：呢個沙律同set既沙律都麻麻地，因為佢個沙律汁係啫喱汁既味……好怪，寧願唔落。有部份菜係苦的，不過三粒帶子煎得好香。鵝肝risotto：鵝肝都有一大片，又係煎得幾香，整體味道都唔錯，不過個飯好明顯煮得唔夠耐，仲係硬硬地。xo醬海鮮炒飯：中式炒飯既感覺，d海鮮切到好碎(例如一粒正常size既青口分左四份)，正常味道，無咩特別。我地自帶蛋糕，之前問左切餅費係每位$5，但最低消費係$30，都唔貴，慶生都幾好~整體黎講，食物就認真麻麻，不過服務都唔錯…查看更多

即日book 都ok!環境: ok, 不是full booking~~ 不過陰陰天,, 想落雨咁款~~食物: 一人一個set 餐 有前菜,, ribs,, 同埋cake~~前菜,, 唔錯~~ ribs: 好味~~ 不過唔係咁方便食 薯條好正~~ 病左都忍唔住食哂~~甜品,, 一般~~ 因為我地有birthday cake~~求其食左少少就算~~ …查看更多

3月尾，趁天氣重未好熱，到沙田這間有露天座位的餐廳happy hour。餐廳位於2樓，先要經過1條長樓梯。reception設在地面。很奇怪，那位女仕用對講機通知樓上有2位客人，但係我地等咗2～3分鐘，佢又問咗好幾次都無人應佢，唔通上面好忙？星期四下晝5點幾，全場得1檯外籍人仕。室外空間很大，我地被安排到最外邊位置。 今日唔想飲啤酒，雖然happy hour的紅酒價錢只係比normal hour平＄10倒，大概＄4x／杯，也就來2杯囉！又要咗1份香腸拼盤。紅酒當然係平價貨色，勝在份量也多。香腸拼盤味道ok，最好笑係其中1條竟然係你同我都好熟識嘅廚師牌雞肉腸！洋蔥汁能為白烚無煎過嘅香腸加1點香氣。薯蓉不滑溜，唔香，份量屬微型。伴碟嘅什菜份量亦奇小，可幸混合似係桃汁嘅沙律汁，都幾好味。 坐咗半個鐘倒，才有一對男女到來。又奇怪，全場得2檯人，竟然安排他們2人坐喺我地隔離張檯！唔通驚我地悶？坐2個鐘傾吓計，每人都係幾廿蚊，環境都唔錯。但始終比人感覺係，食物可以做得更用心，服務可以更顧及客人所想，例如想要煙灰缸、黑椒同後來追加1杯紅酒，每次都要等待服務員出現。加上座位的奇怪安排，實在係令人覺得不足。希望此處能自我圓善，始終沙田的露天餐廳酒吧唔多，其實呢度有好大優勢啊。…查看更多

Totally disappointed. Food was no better than fast food chain. Soup was watery and tasteless. Pasta was also watery. :(Service was bad. The same set of cutlery used throughout the dinner. Didn't even say thank you after payment. Tip too small?!Not value for money.…查看更多

前陣子病了個多星期，病至什麼食慾也沒有，這個星期總算病好了，無意中在openrice的地圖搜尋上發現這家餐廳，是意料之外的收獲，讓我可以獎勵自己一頓悠閒的午餐！午市主要是做套餐包括自助餐湯，沙律及甜品吧及選擇一個main course。今日四款主食是1.雜菌海鮮粒意粉 2.豬扒 3.雞扒 及 4.薄牛扒意粉味道尚可，硬度應該算適中，但因個人偏好軟身一點所以覺得還好。反而最喜歡那個雞絲雜菜清湯，最初看到覺得那麼清的一個湯味道應該很淡吧，誰知一試郤有驚喜，湯內的肉及菜都被切成很幼的一絲絲，味道介乎中湯與西湯之間，我也不懂怎麼形容，總之兩個字 [好味]，結果我這個極愛喝湯之人厚著臉皮喝了三碗。沙律吧只得幾樣選擇，生菜、粟米、蕃茄、青瓜、薯仔及長通粉，沒什麼特別。吃畢主菜再吃了一小件蛋糕，味道也算不錯。埋單68元沒有加一今時今日這般漂亮的環境，不錯的食物質素，這個價錢簡直是超值，值得推介。…查看更多

如果不想在已擠得水洩不通的新城市廣場排隊等吃飯，這裡會是一個不錯的選擇。這已是第四次在這餐廳吃飯了，我們不喜歡排隊和嘈吵，食物質素也可以接受，於是成了這裡的常客。我們點了二人餐。食物餐包和餐湯 (1/5 分)︰餐包可以說是不知所謂，第一次見皺皮的餐包，口感太靭。我們好奇怎樣可以做到這樣的餐包，望過去見到侍應把麵包放在像自助餐的金钃焗盤裡不斷蒸著，怪不得會皺皮。餐湯還可以︰雜菌忌廉湯的菌味怪怪的，羅宋湯濃和甜，較忌廉湯好。鮮蝦蜆肉菠菜闊麵 (3/5 分)︰麵條口感不錯，彈牙。汁太"水"，不夠濃稠。蝦太靭，蜆肉味道還可以，但有些蜆殼碎開了，不小心會割傷口。總體而言僅一般。茄汁豬柳意大利飯 (4/5 分)︰意大利飯重視口感，要煮到 Al Dente (即實而不硬) 並不容易，這裡的意大利飯口感實但有點硬，還未算Al Dente，但而不錯。茄汁味道甜中帶點酸，很開胃。豬柳切得像火腿，口感頗粗糙，但整體來說不錯。Choco Mousse Cake (3/5 分)︰朱古力味較淡，Mousse口感算滑，賣相有點心思。環境環境十分寧靜，出面是一個空中花園，是一個浪漫的地方，也可以是在大會堂結緍註冊後作行禮用餐的好地方！服務可以接受價錢價錢以食物質素來說有點貴，但環境方面加分，都算值。總體來說，這間餐廳有它的賣點，我們會再光顧的。:)…查看更多

一個月食四次的餐廳，除左部份連鎖快餐店外，咁大個女都好似未試過情況幾乎可以等於大劉去福臨門咁密...那天，友人跟我慶祝預祝生日♥，為方便我就選了沙田區啦，影樓都在附近嘛這裡是天幕 :)是訂了台啦，基本上都不用訂....（個場吉架XD）weekend wor，人數極少.... 靜靜地都幾好，今次揀左室內坐其實室外是極好feel的 :)~heehee，所以之後去的每次都坐外面好大風，正正正呀!在不太肚餓的情況下，我們都各自點了兩份set dinner我就點了海鮮墨汁麵 $138，友人點了美國燒排骨$168前菜小食(包括在內的)點了沙律和多士~味道還不錯的說啦:)白湯x2配怪味包包, 味道真是一般過一般....但友人說尚可接受，下次我會選羅宋湯的主菜來了，海鮮墨汁麵好味，海鮮唔算太多，不過麵既份量好多........食不完！ 美國燒排骨都唔錯，炸著條好鬼好味~最愛!熱氣都無計啦......仲有甜品送tim，係openrice聽人講有怪味的cake無怪味喎，只是無乜味....不過都清晒 :) 之後慢慢嘆嘆熱檸茶 :)這裡不失為一個傾計好地方...不過highly recommend坐室外!室內感覺一般，出面只是不太熱真是非常okay!! (不過室內影相就靚少少... haha)事隔不夠六日，我去食第二次了，tea time，坐室外，正!隔晚放工約左人又去，再隔天的星期五又約左朋友去!!! btw, 室外有得叫beer同cocktails飲，抵喎:) 十個推介，吹水區~真是一個月去四次喎，有無得做VIP?…查看更多

今日去沙田探朋友，佢話中午呢度會有位，因為要離開冷氣商場，露天行2-3分鐘至去到，熱到少人去。三大兩細，要叫四個餐，都合理。服務一般餐廳咁，OK啦環境開揚，OK。食品半自助(沙律/甜品/湯)沙律 ~ 有薯仔沙律、蕃茄、青瓜、什果(罐頭)、粟米粒、什菜、西瓜，有兩種醬汁(千島/唔知係乜)，都算新鮮，OK。 甜品 ~ 兩種西餅加一種奶凍，普普通通。湯 ~ 兩種，都係忌廉湯，試咗磨菇忌廉湯，OK啦。主菜牛扒 ~ 本來係羊，但係話冇貨，一早12:00都冇，個MENU....唉，味道?一般啦豬扒 ~ 味道?一般啦 (真係"乏善可陳")雞扒 ~ 味道?一般啦 (真係"乏善可陳")海鮮長通粉 ~ 哈，估唔到最好味，長通粉有咬口同有海鮮味。飲品熱咖啡 ~ 幾好。(P.S. 如果改要朱古力要加$27-，因為只減$5-，所以冇叫，不過，佢地一早提&,OK啦)總結：要食飯，又唔想等位之下選擇嘅午餐…查看更多

事發7pm , 向 receptionist 表明?位用餐後 , receptionist 已言帶質問係米食飯 ....... 指向身後 : 上去得架啦 ~ 態度係唔歡迎? 定唔想做生意 ? 坐下後 , 只見兩張過了膠的晚餐牌 , 招手向 waiter 要求主餐牌 , 因想散叫食物 , "主餐牌、想散叫食物 " 同一句說話講了4次 , waiter 都只用 " 下 "回應 !? 第5次就答 : 我地無個喔 ! 改左啦 ~ 而家係得呢D架啦 ~ 之後另一名 waiter 為我們落單 , 跟著餐牌名 order drink , waiter 竟然唔識飲品名 ?!? 要求我釋成中文名落單 .... 等侯食物的25 mins 內 , 沒有任何加水、俾share plate 等 service , 餐同一時間出 , 算不錯。我們表明要 share , 等了 3分鐘 都只見"他"去了搞怖置 , 好像把答應了拿碟的事沒左一回事 .... 全場3張枱 , 菜在剩涼了 ??! 我們呆左望住佢地 waiter , 佢地嘻哈係到傾計 , 只有無視。無奈再叫 : 我地想要 share plate , 唔該 ... waiter 施施然慢慢答句 ok 慢慢行去拎 ... 我的餐足足等了 5 mins 後才等到 share plate 食野 .... 剛想拿起隻碟食野 , God !!! 雪凍的碟 ?? 凍既碟裝熱既野食 ?? 即係食雪糕時調轉用熱既碟去裝 ?!? 只好再叫佢地換碟 ...... 2 mins 後 , 出現的是一半熱 , 一半凍的碟 ... 唉 ... 鵝肝意大利飯 , 只輕輕按一下 , 成隻碟都是牛油滲出黎 , 朋友幫忙吃了少少 .... 百幾蚊的一碟飯 , 我到底是食定唔食好 ? 浪費係我最不喜歡的一件事 , 但這次卻要我無奈地浪費他 .... 無言 ... 整餐飯中 , 3個waiter 全程用著斜視的目光 , 叮著安靜食飯的我們 , 水杯沒水了 , 都只站在旁邊沒有加水的想法、行動 ... 只好耐心等待我的飲品 .... 食完了 , 埋單了 , 飲品都未出 , 只好無奈取消 , 為了要改單 , waiter 再次黑面 ..... 埋單拎完錢就走開 , 基本的道謝禮貌都無 ...... 唉 ... 俾 $ 食餐飯都要睇 waiter 面色 .... 我黎食飯定黎受氣 ... ??!!…查看更多

見到openrice既食評~咪諗住幾十蚊試下個lunch+salad bar~不過有D失望，環境唔算太好~係就係少人~不過D野好舊 ，野食方面~好少款，味道都係平平~講真~咁既價錢，去文化中心下面個間食好好多~第一次寫食評，冇相又頹頹的~請見諒:)…查看更多

見openrice既comment唔差, 又想靜靜地坐下, 就黎左呢度tea一tea. 佢既set lunch好似抵過食tea, 但係唔肚餓, 不過最吸引都係個德國什腸配薯茸 $50.若果佢真係德國腸既話, 其實都唔算好貴, 因為佢都叫做有3條半. 但係去真正既德國餐廳起碼要過百. 不過食落都分唔出佢同凍肉舖賣既雞肉腸同街邊食果啲司華力腸有咩分別. 不過, 只花$55 (連加一), 係沙田搵到個可以靜靜地坐下, 環境有舒服, 坐得又唔泊既地方, 都算係咁啦.雖然話佢"靜靜地"咋, 但係只係少人所以靜, 但員工自己都冇諗過要製造一個"靜靜地"既環境, 真係有啲失望. 因為佢地由廚房/bar枱叫到出餐枱位置, 完全冇理過食客既感受. 同埋坐左成個鐘都冇人斟過水, 就算我仲有野飲, 我都可以飲水"浪"下口呱.…查看更多

飲下嘢傾下計唔錯,幾舒服,靜靜地.d嘢食都唔差,雖然唔係有d咩特色嘢食,不過味道同賣相到ok,令我同太太都有d意外(因為我地係冇睇`過任何資料).有時我地想靜靜地飲下傾下,哩到都ok,一定好過出油尖旺.…查看更多

跟旅行認識的朋友們飯聚，在沙田新城市地區，要找一間 "坐得耐、靜靜地傾計" 的餐廳，此處確為不二之選。網評個個話環境一流，服務欠佳。其實又唔係太差，只要無期望，就唔會有失望服務員有維持 "適當" 的服務︰添水、落單、收碟，無一遺漏。但係，以客人少過服務員的情況下，服務員是否可以加添一點笑容，讓客人覺得更加舒服呢？以百多元的晚餐而言，前菜的沙律是 "罐頭水果"，餐湯味道偏淡，主菜味道不俗，甜品則無甚驚喜，都唔知點評？呢個食評真係唔識俾分，一定唔係笑臉，但又唔講得好差，給予喊臉又似乎過於嚴格。其實，沙田區有此環境的餐廳不多，但願服務能有所改善，留住顧客。戶外景色優美，可惜服務員以 "維修" 為由，不建議坐在戶外。前菜 - 鴨胸酥皮盒蝦沙律西蘭花湯燒排骨龍蝦汁魚柳帶子天使麵甜品…查看更多

看Open Rice知道沙田有間有任食沙律及甜品午餐 ,反正今天下午有空,便去一試.12:45去到,感覺環境OK,正因餐廳在大會堂旁邊,有一班36人觀禮完的朋友正在用餐,自助吧內的食物都時常有補充,:)…查看更多