天幕 (已結業)

以前好钟意喺呢间西餐厅帮衬朋友介绍嘅佢哋嘅特色，有 半西式自助餐午餐。 价钱唔算贵 啲嘢又好食 仲要汤 都有时有两款。可惜已经结业咗 原本想带多啲朋友去。最近睇返啲相，觉得𠮶度真系好靓环境，兼且舒适的音乐 英文歌 ，好relax嘅感觉 ，完全系世外桃源！这是我其中一间很喜欢的餐厅。有时自己会一个人去食个午餐， 叹反两三个钟。沙律好正 分量好足。 西餐嘅主菜 有平有贵，任君选择。甜品都做足功夫，一啲都唔hea。真系认识咗呢间餐厅之后 经常去 ，仲每次都食得好开心感谢店主带给我的欢乐 期待你会再开业:)…查看更多

原本book左七点，后来有事要迟点到，早两个钟打去改迟半个钟，个接线既职员好好礼貌。个环境好靓，经一条好靓既楼梯上去，见到好阔落既露天位，又有秋千、马车既布置，仲有音乐添，不过当时露天位一个人都无，夏天又热又多蚊仲惊落雨，我地都book左坐餐厅内。一入到去，好似去左北极咁，个冷气冻到无朋友，应该都系得十几度，我地见d职员自己都加件风褛。由于见佢系中央冷气通晒成间餐厅，我地都无叫佢调高d温度，不过全程都觉得好寒 (好在佢个杯系暖水)。室内既环境的确系有点失色，因为内外温差太大，成玻璃都只系水珠。=_=因为手机坏左用左旧机先，所以无影相。我地叫左两个set (包沙律、汤、甜品)，一个沙律同两个粉饭，share食：烧猪骨(set1)：烧猪骨系全晚最好食既野，酱香浓，肉都好厚又稔，薯条都够juicy够热。蕃茄蚬肉天使面(set2)：天使面份量都几多，但d蚬肉细细碎碎，都系食味道，好在个蕃茄汁都几好味，几均匀。set1&2甜品：普通忌廉蛋糕，不过忌廉好实又无味，有一件无食到，食生日蛋糕好d~带子鲜果沙律：呢个沙律同set既沙律都麻麻地，因为佢个沙律汁系啫喱汁既味……好怪，宁愿唔落。有部份菜系苦的，不过三粒带子煎得好香。鹅肝risotto：鹅肝都有一大片，又系煎得几香，整体味道都唔错，不过个饭好明显煮得唔够耐，仲系硬硬地。xo酱海鲜炒饭：中式炒饭既感觉，d海鲜切到好碎(例如一粒正常size既青口分左四份)，正常味道，无咩特别。我地自带蛋糕，之前问左切饼费系每位$5，但最低消费系$30，都唔贵，庆生都几好~整体黎讲，食物就认真麻麻，不过服务都唔错…查看更多

即日book 都ok!环境: ok, 不是full booking~~ 不过阴阴天,, 想落雨咁款~~食物: 一人一个set 餐 有前菜,, ribs,, 同埋cake~~前菜,, 唔错~~ ribs: 好味~~ 不过唔系咁方便食 薯条好正~~ 病左都忍唔住食哂~~甜品,, 一般~~ 因为我地有birthday cake~~求其食左少少就算~~ …查看更多

3月尾，趁天气重未好热，到沙田这间有露天座位的餐厅happy hour。餐厅位于2楼，先要经过1条长楼梯。reception设在地面。很奇怪，那位女仕用对讲机通知楼上有2位客人，但系我地等咗2～3分钟，佢又问咗好几次都无人应佢，唔通上面好忙？星期四下昼5点几，全场得1台外籍人仕。室外空间很大，我地被安排到最外边位置。 今日唔想饮啤酒，虽然happy hour的红酒价钱只系比normal hour平＄10倒，大概＄4x／杯，也就来2杯啰！又要咗1份香肠拼盘。红酒当然系平价货色，胜在份量也多。香肠拼盘味道ok，最好笑系其中1条竟然系你同我都好熟识嘅厨师牌鸡肉肠！洋葱汁能为白烚无煎过嘅香肠加1点香气。薯蓉不滑溜，唔香，份量属微型。伴碟嘅什菜份量亦奇小，可幸混合似系桃汁嘅沙律汁，都几好味。 坐咗半个钟倒，才有一对男女到来。又奇怪，全场得2台人，竟然安排他们2人坐喺我地隔离张台！唔通惊我地闷？坐2个钟倾吓计，每人都系几廿蚊，环境都唔错。但始终比人感觉系，食物可以做得更用心，服务可以更顾及客人所想，例如想要烟灰缸、黑椒同后来追加1杯红酒，每次都要等待服务员出现。加上座位的奇怪安排，实在系令人觉得不足。希望此处能自我圆善，始终沙田的露天餐厅酒吧唔多，其实呢度有好大优势啊。…查看更多

Totally disappointed. Food was no better than fast food chain. Soup was watery and tasteless. Pasta was also watery. :(Service was bad. The same set of cutlery used throughout the dinner. Didn't even say thank you after payment. Tip too small?!Not value for money.…查看更多