影片
食家推介
去西贡食海鲜一定想起「天天好海鲜酒家」，之前已经写过食评，最吸引之处就系食得好放心，唔会食完埋单价钱不似预期。午市同晚市加工费都系一样，价钱公道无隐藏收费，按人头收加工费，今次我哋四个人到西贡买海鲜，自来料每碟加工费$75，刺身加工费$120，酒家都可代买海鲜，报价之后实报实销，去到问返店员，食前了解价钱就食得好放心。⋄ 码头艇仔档 ► 游水方利 (3条) $300❖ 盐蒸方利 (加工费) $75游水方利唔系成日会遇到，西贡都算多，游水方利咁新鲜又靓，仲要唔细条，当然食蒸啦，撒啲盐加葱清蒸，鱼肉超滑，鱼味劲鲜，如果食炸，可能会俾人笑嘥料唔识食，当然渔民遇到靓鱼都系平常事，照炸可也。⋄西贡街市 ► 懵仔鱼扒 (1块) $70❖ 煎封懵仔鱼扒 (加工费) $75到街市鱼档买，想要几厚就切几厚。鱼扒厚肉，简单煎封已经相当美味，皮脆肉嫩，肉质实在，油份较重，豉油另上。⋄ 码头档 ► 滑仔鱼干 (1袋) $50❖ 姜丝豉油熟油蒸鱼干 (加工费) $75码头档口总会见到有一袋袋鱼干卖，间间唔同，可以问返船家就知系用咩鱼晒干，呢种鱼干唔属于咸鱼，似一夜干啲friend，唔会晒到干晒，有少少湿润，较咸鱼淡口。简单姜丝豉油蒸，送饭佐酒一流。买一包今次蒸咗一半，一半攞返屋企，放饭面蒸。⋄ 码头艇仔档 ► 大尾鱿 (1条) $150❖ 大尾鱿刺身 (两食) (加工费) $120大尾鱿系鱿鱼界中嘅极品，买一只鱿鱼两食，肉身部分刺身，大厨刀工了得，切成大薄片晶莹透明，劲新鲜，入口柔软黏黏的口感，强烈鲜甜味，好钟意，食唔停口。❖ 泰式金沙大尾鱿 (两食) (加工费) $75泰式金沙系呢度独有嘅style ，用鱿鱼须同埋啲边位嚟做，酱汁有番茄同埋蛋浆，香辣少少酸甜，热辣辣好惹味。❖ 羊腩煲 $338冬天就最啱，大煲多料，羊腩入味软腍，啖啖肉，筋皮位都炆得腍，胶质丰富，完全无膻味，连麻麻地食羊嘅我都食咗好多嚿，枝竹同冬菇吸收晒汤汁嘅精华，最后渌唐生菜。❖ 蒜蓉炒豆苗 $108豆苗翠嫩，口感爽脆，蒜蓉芡汁包裹住每棵菜，热辣辣够晒镬气。❖ 北菇蒸鸡 $88鸡件入味，混合北菇、云耳一齐蒸，酱汁香浓，味道丰富。#天天好海鲜酒家地址：西贡市场街41号地舖
继续阅读
今日试完呢间店，真系要上嚟吹吓水！🌟 首先，跟朋友三两成群嚟到，环境算系清洁企理，坐落得舒服。我哋一行人醉心于它个，外层酥脆嘅椒盐味好扑鼻，入口后就觉得鲜鱿肉质弹牙又爽口。再讲讲其他菜式，呢，真系砌到唔错👍，肉质软熟带点咸香，简直系下饭狂魔。话晒，你话唔食两碗饭都难！至于呢，嫩滑得嚟香气逼人，我食得停唔到口啊！啱啱得闲仲回味吓个，啖啖肉，咸酥香脆就系王道！我又点止食左两碗饭，连隔篱桌嘅人都看得出我嘅开心模样呀。食饱饮足，仲有生果送上，真系贴心！总括来讲，这间店的食物同服务都算系上乘，重点系价钱合理，真系平民天堂之选。下次再嚟，我铁定要试下佢地嘅奄仔蟹，我哋下次见！🦀🍚🍗
继续阅读
8位波友打完波慕名而来，餐厅后面就系街市，入座后由靓女老板娘代买咗8款海鲜，加份椒盐鲜鱿、炒面&油菜连饮品，埋单每位$510。1.椒盐鲜鱿2.椒盐濑尿虾3.姜葱鲍鱼4.豉椒圣子5.蒜蓉粉丝蒸扇贝6.酥炸台山蚝7.清蒸黄脚䲞8.辣酒煮花螺9.盐焗奄子蟹10.清炒白菜仔10.豉油王炒面
继续阅读
呢间海鲜餐厅真系好抵食，价钱又公道，味道又好正。我去𠮶阵，试咗豉油皇虾、墨鱼同椒盐鲜鱿，全部都好新鲜好鲜味，令人十分满足。而且佢地嘅价钱真系非常平民化，非常适合我呢啲啱啱出黎做野无耐既人。餐厅环境都好舒适，令人感到好放松。另外，员工都好友善，服务好好，真系帮到我地好多。总括而言，呢间海鲜餐厅系一个非常抵食嘅地方，如果你想食到好味道嘅海鲜同埋唔想花太多钱，咁就一定唔可以错过呢间餐厅啦！
继续阅读
成日睇社长游街市都见社长黎呢间天天好食鱼，今日终于有机会一试。我地6个人试左几道海鲜都好正，价钱都合理。1. 清蒸东星班 蒸得啱啱好 好有水准 豉油好味2. 姜葱炒鲍鱼一片片 容易夹劲好食 3.椒盐赖尿虾6人海鲜加工费$85/每碟 加左几碟小菜同啤酒汽水 连海鲜每人都系$200左右 价钱公道 （试过出面食要贵成倍）虽然呢间餐厅冇自己供应海鲜，但老板会帮手打电话去街市买新鲜嘅海鲜，真系好贴心。下次再嚟都会再拣呢间啦！记得订位，因为都好满。
继续阅读
您可能会有兴趣的...