天園餃子 (北帝街) (已搬遷)

肚空空最啱食熱野見到餃子店就幫襯下性價比真係唔錯見佢咁少食評，就推薦下餃子皮真係好薄餡份量適中第一次食蕃茄蛋/西洋菜餃子少許甜味加上清湯剛剛好牛坑腩雖然件數唔多但係靚腩，有少少咬口又唔太騷(一般餐廳好易太"淋" /太"鞋" ) 上海幼麵(?) 少少彈牙，係我鍾意嘅口感下次會試下佢個手撕雞湯麵隔左少少時間食都仲維持到好脆味道就係醃過的炸雞翼，唔會太淡雖然肉燥味道比較淡，需要改進但欣賞佢有台式肉燥配蔬菜菜心都算ok店員好有禮貌見我地企門口等耐左特登打開門講聲已經pack緊d食物有機會一定再幫襯…查看更多

雖然大部分時間都係在家煮但星期六就休息一下 去找黃店吃吧！早排見到介紹話土瓜灣新開左間好食既餃子店 我本人其實從來都唔好食餃子 u magazine報導話有松茸湯 所以想試下 可惜送上既係清淡既豬骨湯底 我叫左兩款餃子 一款韭菜豬肉餃 另一款係蕃茄雞蛋素肉餃 雙拼10粒 再配小食 $55 店員推介鹽燒雞翼 其實我係幾失望 我第一食唔出鹽燒咪 第二同上海炸雞翼冇分別 個餃子呢皮係堅滑既 除此之外都冇咩特別湯較清淡 蘿蔔清但唔甜豆漿另加$8 餐配一杯菜蜜另一樣叫既都係店家推薦既肉燥豬扒煎蛋飯 $42肉燥好少我唔係好睇到 豬扒係家既味道 醃得幾好 微煎切件 飯粒明顯受熱不均勻 一d正常一d爛 隻蛋就。。係唔落油就咁煎既蛋😅我真係第一次出街食見到咁既蛋埋單時店員問我好唔好食，嗯。其實我覺得一般，或者我期望過高。食物質素黎講 我並唔係話佢難食 但未至於我會再食 不過店內滿是宣傳 值得一試 其實我唔係好明好多街坊推薦係真心覺得好食 正如此店前身係做點心，都被推。但果時都試過一次就冇再回頭，或者佢係有心機既，但sorry 我食過更好食既#黃色經濟圈 #黃店 #土瓜灣 #天園餃子 #tokwanwan …查看更多

聽左好耐呢個禮拜終於有機會黎天園餃子食，最後我係去左食2次，第一仲要買左一打生餃番屋企食。我試左西洋菜豬肉、芹菜木耳同埋韭菜餃。其實3隻既味都好出！豬肉有口感，啲菜好足料（不過唔係好食到啲木耳）。最緊要係皮夠薄！成粒餃啲肉好似俾塊皮真空包住咁，好juicy.我加左個小食雞扒，holy f*ck, 好juicy。無野挑剔。認真，有機會試試，唔敢堂食咪外賣生餃，番去用雞湯煮熟佢囉，包你唔會後悔。後記：碗湯入面個一粒蘿蔔先係個精髓，好有驚喜。…查看更多

呢度新開 以為淨係食餃子點知都有好多碟頭飯嘅選擇，例如豬軟骨飯肉操豬扒飯等等，勁大碗 。味道都不錯尤其餃子都幾好食，係細隻咗少少。啲飯勁多女仔最好叫佢小飯。食完覺得超飽土瓜灣真係勁多黃店佢鋪頭都貼滿支持香港人嘅字句…查看更多

新黃店💛😋店內有唔少文宣，亦都有學生優惠，一個飯加菜蜜都只係$35😍今次叫左一個肉燥滷雞翼煎蛋飯，粒粒分明既飯，配上蛋汁同肉燥一流，雞翼都好入味！再叫多個10隻西洋菜豬肉餃，餃皮好薄，餡料好足，好食過XX雲集！…查看更多

Lunch 時間黎到好滿座，點了韭菜餃子餐（有菜同埋橙汁）$41 好抵食。餃子有10隻，皮薄餡多，可以配其他小食。 午膳時間人比較多，可能新開有少少亂，但簡單家庭式小店，值得再去。…查看更多