天后站清湯腩

見到下午茶時段$42就有清湯牛腩米線，價錢親民，望望menu幾多選擇，有興趣一試。快餐格局一派，落單快，適合趕時間或者附近街坊醫肚。服務簡單直接，不過效率夠快。清湯牛腩米線端上枱就聞到牛香同蔥花味，碗面簡單一片幾大舊牛腩，配上白滑米線，灑下蔥花加分點綴。湯底飲落清甜沒味精口渴感，牛骨味突出，唔會太油膩。牛腩滷得入味，纖維分明，但仍保有咬口（唔會鬆到化晒，但亦唔過柴），部分帶少少筋，算有驚喜。米線偏向港式出品，煙韌度中上，掛湯力OK。蔥花落得夠多，提升鮮味。咁啱聽到隔籬喺茶餐完結之前啱啱坐低，職員即刻好熱心咁快手落單，幫食客享受到優惠，人情味可見一斑！…查看更多

**清湯牛腩麵食評** 這家的清湯牛腩麵水準不俗，牛腩切得厚薄適中，入口爽滑，肉質鬆化卻不失嚼勁，相當入味。麵底選了幼麵，煮得夠腍，吸附湯汁後更顯滋味。湯頭清澈卻不失鮮味，牛骨香氣濃郁，可惜略帶少許味精感，喝完稍覺口渴。外賣自取包裝妥當，湯麵分開，拎走方便，回家翻熱仍能保持風味。整體而言，是一碗令人滿足的牛腩麵，若湯底能減少味精調味，相信會更完美。…查看更多

平時我哋都會叫天后站外賣!! 一直我都係食清湯牛腩河直至有一次發覺叫咗魚蛋河俾阿女之後發覺魚蛋河嘅湯底超香🤣所以今日再叫外賣，就諗住叫下唔同款式今次我就試咗一個紫菜三寶河💖裏面有紫菜魚蛋，牛丸，墨魚丸但係最驚喜嘅係一打開個河粉🍜嘅時候不過佢嘅紫菜係用心心嚟擺設即刻覺得成件事好sweet🤣🤣🤣唔知叫外賣佢哋都會分湯上所以都保持到河粉🍜既好味道～ 不過認真覺得阿女叫開嗰個魚蛋嗰個湯底特別香濃!! 一於下次再見先😍…查看更多

我投訴的不是食物質素，而且店員既服務態度(著紅色圍裙果位）。首先我坐低左5分鐘都冇人主動埋黎幫我落單，要我主動大聲叫先有人過嚟，果時只係5pm，店內極之清閒，而啲店員只係企係度傾計! 跟住我叫既係清湯牛肚河+凍0茶少甜，落單又幫我落錯清湯牛腩河，凍0茶係好甜…啲清湯又真係清到同水無分別，份量好少，HK$45真係俾多你，只此一次永不再光顧！…查看更多

康城新發現🤩 人氣麵店！去康城睇戲，見到隔離麵店進食氣氛都幾好，人來人往，去試下先！🐮清湯牛坑腩撈麵麵條色澤金黃，入口很彈牙，我哋轉牛坑腩，一片片牛腩厚薄適中，肉質鮮嫩，入口有油脂，帶著淡淡鹹香，令人滿足，很高質。另加$10，有兩粒鮮蝦雲吞，🦐雲吞係另上，都幾大粒，皮薄又爽口，配上清湯和少少紅醋，份外鮮美。🐮清湯牛筋幼麵好鍾意個湯底，入口甘甘地，帶肉香，灑上一點蔥花，更添香味。牛筋口感軟滑，很juicy。…查看更多

今晚約咗老公去康城睇破·地獄，點解去咁遠，就係因為可換免費票。點知老公又OT又唔熟路，我地睇7:25pm，佢6:55pm才到，就係同層搵間快食。麵店整齊企理，環境光猛，有多張二人枱，亦有圓枱和卡位，都算坐得舒服。餐簿設計精美，而選擇都幾多元化，有清湯粉麵飯、咖喱粉麵、擔擔麵、飯類、淨食、酸辣粉麵和飲品。牛筋擔擔麵($59) 大大碗，黏滑嘅牛筋份量好足，滑嘟嘟，好有膠質；麵條煮得岩岩好，柔韌滑身；湯底不算很杰身，但味道香濃，鹹香中帶點香辣，好味！蠔油芥蘭（$21）粗壯翠綠，爽嫩無渣，蘸少少旁邊的蠔油，添上鹹鮮，不錯！清湯崩沙腩飯（$65+$6）非常抵食！大大件嘅崩沙腩半肥瘦，口感軟腍，牛味香濃，件件都連帶我最喜歡嘅筋膜，正！清湯鮮美，用來撈飯一流！仲有清甜多汁嘅蘿蔔，完全無渣，好腍嫩。…查看更多

今晚放工要去康城攞貨，適逢要做孤獨的美食家，所以諗住睇吓商場有冇啲簡單方便嘅美食。心血來潮不如去食碗牛腩粉。行行吓見到喺最高層有間主打食清湯腩粉麵鋪，就入去試試。入到鋪店員同我講仲有下午茶，不過下午茶就只得普通嘅牛腩，見到Menu除咗普通嘅粉面，仲有酸辣粉/擔擔面Order, 所以我就叫咗個少有嘅崩沙腩擔擔麵😋配鮮蝦雲吞，再跟咗杯餐飲。一嚟到已經聞到好香濃嘅花生醬味，麵條彈牙，湯底食落酸酸甜甜配有蔥花及榨菜粒，麵條每一口都吸湯汁，崩沙腩三種口感滿足晒，有筋有肥有肉，肉質嫩滑且大口感，一啲都唔會韌，而且好重牛味。雲吞看起來唔算好大粒，但係裏面都有兩隻蝦。整體上以店舖環境，價錢，我誠意向大家推介，以60幾元一碗，份量一啲都輸蝕，足足有9至10嚿嘅牛腩👍👍加上味道不錯😋抵…查看更多

康城嘅天后站清湯腩，晚市十分旺場，而且好多外賣單，證明深受街坊歡迎！清湯崩沙腩河 $61上下都有層簿簿嘅筋，爽口嫩滑，牛味香郁，的確係正！上湯有效提升食材嘅鮮味，不帶任何味精，好飲！河粉滑溜，加少少辣醬更滋味！清湯爽腩河 $61墨魚丸 $8｜鮮蝦雲吞 $10口感較彈牙，肥位甘香可口，同沙腩各有千秋！墨魚丸爽彈鮮甜，有驚喜！鮮蝦雲吞大大粒，勁多蝦肉！凍菜蜜 ＋$8跟餐可以優惠價加購各式港式餐飲，性價比頗高！…查看更多

路過日出康城商場買左票睇戲，得返45分鐘唔上唔落又想食少少野！戲院同一層行出黎竟然見到天后站清湯腩！之前聽台灣朋友講想試，但身在香港就一直都冇機會試下，見今次有少少時間一於試下！😌我地睇戲前的時間係大約5:15pm 左右，仲有下午茶餐可以選擇。一行二人我地點左菜肉雲吞擔擔麵加熱檸茶$42，及清湯牛腩河粉拼牛丸加熱鴛鴦$50！👍點左餐一陣好快就上枱，仲要同正餐一樣大大碗份量冇少過！仲要原來唔使加一，非常抵食！本身好鍾意食餃子、雲吞類，今次的雲吞擔擔麵有點喜出望外，平時食的擔擔麵的湯底都係花生香加少少辣，但今次呢碗係微酸加花生香及少辣，好開胃，而且麵質本人非常喜歡，質感似日本拉麵的煙韌口感，越食越想食！而清湯牛腩河粉拼牛丸，都係大大碗，牛腩炆得好嫩好易咬，而且湯底都好足料好好飲！唯獨覺得杯檸茶酸左d，但整體都覺得好味，有機會下次會再食過！:)…查看更多

呢間天后清湯腩我經常買外賣,因為落咗單之後佢係用好快嘅速度就整好咗畀你.如果你啱啱放工趕住返屋企, 又想買下晚飯嘅話, 呢間真係速度上首選.有兩樣嘢我係成日都嗌嘅,第一就係佢嘅清湯腩河,入面都算幾多牛腩, 配埋佢嘅湯,味道夾得好好.加埋個河粉又唔會太滯同太飽.根據佢餐廳裏面嘅介紹, 佢個湯係淆咗好多鐘, 味道十分濃.另外就係嘅咖哩牛腩飯,有少少辣,但係個咖哩牛腩撈飯真係好送飯,我本身唔算食得多嘢,但係因為有佢個咖哩撈啲飯嘅話我一次過可以食好多.佢辣辣地食完之後個人都好似精神啲咁,不過我個人本身怕辣嘅, 所以一路食都要飲好多水先得…查看更多

天后站清湯腩，除了清湯腩的選擇菜單🍜🍜紫菜三寶丸河粉（$53） 🥬芥蘭（$21）發現咗間唔錯嘅小店，專賣清湯腩，真係俾我驚喜連連！首先試咗佢哋嘅紫菜三寶丸河粉（$53）一碗色香味俱全嘅河粉，裡面有紫菜、魚丸同蝦丸，樣樣都新鮮。河粉滑滑地，配合清湯，飲落去真係好舒服，唔會太油膩，反而令人感覺輕盈。湯底清而不淡，恰到好處，完全可以引出每一樣材料嘅鮮味，真係令人一口接一口！再講講芥蘭（$21）呢個配菜雖然簡單，但味道卻唔簡單！芥蘭保持住咗原本嘅鮮脆感，口感非常好，搭配清湯腩一齊食，真係好有層次感。多咗啲青菜，食落去更加健康整體而言，呢間小店嘅清湯腩真係值得推介！價錢合理，味道又好，無論係一個人靜靜享受，定係約埋朋友一齊都非常適合。下次再嚟，我一定要試下佢哋其他菜式，期待有更多美味發現！…查看更多

$149外賣 一碗淨菜肉雲吞、一碗牛肚米、一碗鮮蝦雲吞麵 。 一㗳咬落口就知中伏，啲菜肉雲吞喊過食鹽，肚米叫咗再淋因為比老人家食 講咗聽咗話知你完全冇乜煮淋過 我諗十蚊買過菜肉包 絕對好食過佢呢度 唔🙄️會再幫襯囉！…查看更多

收工去左天后清湯腩食野，係康城少有既平價餐廳，但價位依然比出邊其他粉面店貴。今日本來想叫牛坑腩，但無晒，唯有食沙腩，另外再叫左鮮蝦雲吞牛丸河粉。湯底清澈鮮美，沙腩肉質鮮嫩，河粉有嚼勁。鮮蝦雲吞同牛丸口感出色，鮮甜多汁。湯底與餃子同牛丸完美融合，每一啖都令人愉悅。…查看更多

一時興起心血來潮想食牛腩，隱約記得日出康城有一間叫天后站嘅清湯腩，於是就嚟日出康城商場4樓。地鐵站一出嚟上1層就搵到，個地點都幾方便。大概係一點幾，過咗午飯嘅繁忙時段，空位比較多，唔使等就可以入去食，一坐低阿姐未俾Menu我我就已經落咗單，一碗沙腩麵。通常阿姐會問你飲唔飲嘢？咁如果你唔介意加錢嘅話就可以飲嘅，咁我就冇乜需要啦，就冇叫飲嘢。大概等咗5分鐘個麵就上。咁第一時間就飲起啖湯，係幾香嘅牛骨湯，飲落都幾舒服，然後又夾咗一舊沙腩，肥瘦適中咬落去唔油，仲幾軟，整體上唔錯，份量就同一般嘅牛腩麵差唔多。呢間嘅牛腩水平算唔錯，但其他嘢比較一般，所以通常我只會食牛腩。我自己個人就比較喜歡食幼麵，個幼係OK嘅，其他種類嘅麵就唔係好清楚一碗沙腩麵$59價錢算係合理，唔算太貴。有興趣嘅朋友可以一試美中不足嘅就係啲阿姐好似有啲比較混亂，可能係人手唔夠，不過都唔係好影響食嘢嘅體驗…查看更多

【食出頭髮唔承認，態度仲差，千祈唔好食】好不容易来康城办事，同学说天后站清汤腩是康城食堂，除了猪手都可以无脑冲，结果我还不如吃大家乐…下午茶时段，有位但是还是让我搭台，点了牛腩担担面配热奶茶，44无加一，此时基于这个价格，我对这一餐大概是有一个心理预期的，很快便送了上来，确实也就那么回事，先美美拍了张照片。五块牛腩，配点小榨菜，汤上散落着几段碎葱，喝了口汤还不错，筷子捞了捞，竟然看到了一根头发！！顿时一阵恶心。接下来更搞笑，我叫来服务员，本意是想让她换一碗。她端走摆在出餐口，三个员工凑一块儿拿出家伙在碗里翻来翻去，窃窃私语，我都依稀听到大概是她们没见到有任何不妥，果阵时我真系后悔冇即时影相！跟住佢又将呢碗面丢返比我（已经被他们翻到溶溶烂烂），说那个不是头发是牛筋须，意思即系话我唔识货，震惊我把头发挑出来放在桌上，黑白对比明显得不能再明显，我：仲话唔系？？她无话可说，又把面端走了，我已经完全没有食欲，当场走人，希望她不要把这碗她觉得没任何不妥的面给下一个客人。康城的食肆本身就不多，不期待有多好吃好歹得做到干净卫生，态度不要太差…有错要仁挨打要立正太失望了！…查看更多