天丼

旧阵时嘅越南菜就帮衬过，自从开咗天妇罗丼店都系第一次去食，每个set都好靓仔，我点咗华味鸟盛合，本身好钟意食华味鸟，会去买一pack华味鸟鸡腿肉就咁白烚都已经好好味，但就未食过天妇罗咗嘅佢。即叫即炸天妇罗要等12至20分钟。餐嘅卖相好肆正，有几张吸油纸垫住天妇罗帮助索油，无咁油腻，鸡肉唔会柴，有肉汁，不过都系钟意原汁原味，鸡宝即鸡肉丸，有调过味，反而有啲滑嘅口感，其他野菜天妇罗都好香脆，蘸加咗萝卜蓉嘅天妇罗汁解一解，香口脆而不腻。荞麦冷面好清爽，冷面汁唔咸。被开心果吸引住，跟餐点咗个满记嘅开心乐园(同一店有埋满记甜品，使乜去西贡)，四个人share试吓，香浓开心果酱汁入面有碎冰，透心凉，面头有开心果仁碎配芋圆，Q弹又香脆，双重口感，食少少冻嘢一解天妇罗嘅油炸感，每人食几口甜品好满足。…查看更多

系我疯狂睇完黑白大厨之后，就一直开始好想食天妇罗饭！今日晚餐谂唔到食咩，经过见到终于唔使排队！就决定试吓啦！呢个天妇罗饭啲嘢唔会炸得好油，全部都好香脆。天妇罗有个特别嘅地方就系，平时一啲我唔钟意食嘅嘢炸完就觉得好味咗好多！例如秋葵！仲有最重要嘅系个天妇罗汁，呢个汁啱啱好，又可以消除咗一啲炸物嘅油味。呢个饭嘅𩠌都唔算少，仲配咗一碗面豉汤，但饮品就冇啦！佢仲同满记甜品店做紧Crossover ，不过个甜品就冇乜特色。好似仲差过去满记堂食。所以建议大家去嘅话食返天妇罗就得啦。…查看更多

今日收工饿到一个点，午餐都无食嘅我，冬至呢晚决定要好好款待自己，点知眼光麻麻，食咗个又腻又寂寞嘅盛合。天妇罗好油猪骨汤底就是浓汤宝味道满记甜品 - 杨枝甘露 超难食我本身都唔太食得甜，都完全觉得佢无味！痴线～真系鬼斧神工唯一可取系 天妇罗上枱系热辣辣嘅。…查看更多

今次系第2次食，非常失望☹️首先由点完餐到送到上台，足足等佐有20至30分钟，茶都饮完一杯，最后忍唔住问职员可否跟一跟单，结果都系等佐一阵先有...其次，食物味道大不如前，可以话难食添😕只炸虾系人生食过最霉嘅一只虾2粒带子都系难食，一啲鲜味都无其他配菜更加不值一提...而且以上所讲嘅食物全部都唔够热，似放佐一阵先送上黎😵‍💫朋友个碟有旧天妇罗仲夸张，炸粉多过啲肉，食完旧炸粉都饱哂啦🫠呢个价钱食咁嘅质素，完全唔值，唔会再有下一次………查看更多

有野做要去屯门，心血来潮突然好想食天妇罗，所以去左市中心附近连住个商场食天丼。之前多数都系去形点个间。▪︎餐牌▪︎▪︎巨星天丼▪︎$89巨星天丼里面有 黑虎虾、青森帆立贝 、鱿鱼、蟹柳、紫菜 、本菇、四季豆。已经食左天丼好几年，钟意佢既天妇罗热辣辣又唔会好厚粉浆。佢个天妇罗个汁酱都好好味，送饭一流。食饭时间成日见天丼都排长龙等位🤣▪︎餐牌▪︎▪︎餐牌▪︎之前试过甜品同冻柠茶都唔错，不过今次就无叫到野饮了。…查看更多