天ぷらまきの

之前見到社交平台好多人介紹所以專登去試下。整體感覺就係一般 冇第二次！#沖繩阿古豬漢堡日本雞蛋天婦羅定食先講講天婦羅，炸得雖然都脆，同埋皮薄，但啲料味道勁淡，唔係好夠味。至於個飯，食落去都有少少痴，唔係粒粒分明，口感麻麻。…查看更多

晚飯時間一丁友唔知食咩好，經過見到有天丼食😛諗住食好啲就走咗入去。落單用QR code自助點餐，亦都會比Menu你睇。個情況係，點餐系統無列出各款丼飯包括咩餸喺裏面，而Menu有。但Menu唔係有曬所有款。建議可以加返每款丼飯有咩餸喺個app度就唔使估估吓。當然你可以問店員，但係咁就冇咗自助點餐嘅意義。最後點咗個特上天丼，上菜係包埋一小碟前菜同一碗味噌湯。天婦羅外皮夠薄&炸得幾酥脆。不過裏面個餡就全部都好淡冇調味。如果你本身食得好清淡嘅話或者可以接受😅我就將枱上面提供嘅胡椒同埋七味粉滲晒落去都覺得唔知食咗啲咩…跟飯嘅味噌湯味道正常，碟前菜我第一眼望落去係有啲失望，估唔到係醃白蘿蔔粒..埋單連加一$108。總括而言，服務方面冇乜特別投訴；點餐系統可以改進；食物方面有啲遺憾。我諗我唔會特別想再幫襯。…查看更多

天ぷらまきの（Tempura Makino）在香港旺角 Moko ，是一家以日式天婦羅聞名的餐廳。呢度天婦羅以新鮮即炸為名，單是外觀就讓人垂涎欲滴。餐廳裝潢簡約是日式風情，營造舒適的氛圍。菜單上提供很多選擇，包括蝦天婦羅、各種蔬菜天婦羅等。每一道天婦羅都是現點現炸，外酥內嫩，脆度恰到好處，特別是蝦天婦羅，口感十分驚豔。餐廳的自製醬汁清爽，完美搭配天婦羅的風味。此外，服務人員的態度友善，讓整個用餐體驗更加愉快。總的來說，天ぷらまきの無論是味道上還是呈現上，都值得一試，是愛好天婦羅的食客不容錯過的好地方！…查看更多

香港首家關西天婦羅專門店，就開喺壽司郎隔離，叫咗兩個套餐，兩個嘅天婦羅都有唔同款式，佢炸得好薄之餘仲好軟熟。最驚喜嘅係佢話阿古主漢堡整得幾好食，又厚身又彈牙，又香濃，仲有厚切嘅三文魚。另外叫咗個沙律小食上面有三隻天婦羅嘅蝦，最後仲有甜品，係焙茶味道，正呀。兩杯梳打水幾甜唔錯。灼燒三文魚天婦羅御膳套餐$128沖繩阿古豬漢堡日本蛋天婦羅丼配雜錦天婦羅定食$118Tempura Makino Shop 352, 3/F, MOKO, Mong Kok…查看更多

近日品嚐了這份天婦羅蕎麥面套餐，實在是收穫滿滿的驚喜！首先映入眼簾的是那兩隻碩大的大蝦天婦羅，炸制的火候堪稱完美，金黃酥脆的外殼在燈光下閃耀著誘人的光澤，輕輕咬上一口，便能聽到那清脆的咔嚓聲。而裡面的蝦肉則是緊實彈牙，鮮美滋味在口中瞬間綻放。與大蝦搭配的蔬菜天婦羅也毫不遜色，蓮藕片被炸得薄脆可口，西葫蘆則保留著淡淡的清甜，清爽不油膩，讓人越吃越上癮。一旁的蕎麥面更是口感筋道，散發出陣陣淡雅的麥香。搭配的兩碟蘸料更是這份套餐的靈魂所在，深色的醬汁咸香濃郁，滋味醇厚；另一碟蘸料則帶有獨特的香料香氣，為整體風味增添了更多層次。無論是單獨品嘗食材本身的味道，還是蘸上醬汁，都能帶來截然不同卻同樣美妙的味蕾體驗，真心值得一試！…查看更多

尋晚接埋太太放工就去左旺角新世紀行左陣街😬行到咁上下又開始餓啦🤪又係時候搵下嘢食先得😊今次比我哋發現到有間天婦羅嘅專門店！好耐都冇食過天婦羅🍤就去試吓先得，呢間餐廳就叫做「天ぷらまきの」😋呢間係日本關西人氣天婦羅專門店 「天ぷらまきのTempura Makino」！嚴守日本總店傳統，採用自家製炸漿以日本炸爐即叫即炸👍全新《沖繩阿古豬漢堡日本雞蛋天婦羅定食》Menu，採用日本直送沖繩阿古豬漢堡扒，鮮嫩多汁，漢堡扒上放上外脆內嫩嘅日本雞蛋天婦羅，肉汁與蛋液交織的滋味！沖繩阿古豬漢堡日本蛋天婦羅丼配雜錦天婦羅定食 $118見到呢個原來係全新Menu, 咁小編就當然要試一試啦！而且樣樣都岩我哋食😬呢塊阿古豬漢堡真係又鮮嫩多汁 又夠厚切👍真係好好味😋而且天婦羅都係即叫即炸，用料都好新鮮上乘☺️鰻魚天婦羅御膳套餐 $160鰻魚、虎蝦（1隻）、魷魚、茄子、法國邊豆、蓮藕御膳係日本嘅解說係一種傳統嘅日本料理方式，由多款精緻嘅菜式組合已成！岩哂心多多 咩都想食下嘅小編🤪款款都好出色！而且份量都相當之勁😂相信搵多位朋友黎都夠食🤣輕燒三文魚沙律🥗 $58呢個前菜相當之醒胃👍而且啲三文魚輕輕燒過，帶出佢本身嘅魚油香味！仲要每塊都係厚切！口感相當一流😋是日雪糕 $28食埋呢個培茶味嘅雪糕真係滿足哂啦😋香桃梳打 $38菠雜梳打 $38P.S. 原來御膳係一種傳統嘅日本料理方式，係由多款精緻嘅菜式組合已成，快啲去「天ぷらまきのTempura Makino」感受一下東瀛の味啦😋…查看更多

位於旺角MOKO的日本關西人氣天婦羅専門店「天ぷらまきの Tempura Makino」嚴守日本總店傳統，採用自家製炸漿以日本炸爐即叫即炸，而且有多款天婦羅套餐，價錢相宜，難怪人氣滿滿！▪️沖繩阿古豬漢堡日本雞蛋天婦羅定食分別有兩碗不同的丼，分別是採用日本直送沖繩阿古豬漢堡扒，鮮嫩多汁，漢堡扒上放上外脆內嫩嘅日本雞蛋天婦羅，肉汁與蛋液交織的滋味，簡直是人間美味，另外一碗是野菜天婦羅飯，所有野菜炸得外脆內裏Juicy，再配上漬物、麵豉湯和日式蕨餅，超級好味和豐盛▪️鰻魚天婦羅御膳套餐御膳係一種傳統嘅日本料理方式，係由多款精緻嘅菜式組合已成，這個套餐分別有鰻魚、野菜天婦羅、天婦羅碎蔬菜沙律、小蕃茄粟米和枝豆、麵豉湯和日本米飯，食材滿滿非常滋味▪️輕燒三文魚沙律小食亦有多款選擇，三文魚分別有炙燒過和香炸兩種不同做法香口惹味，配上新鮮沙律菜，美味又健康▪️焙茶雪糕甜品時間，焙茶雪糕味道濃郁，每一淡都是焙茶香氣不同口味的水果梳打都是滿滿日式風味，唔太甜相當唔錯▪️沖繩四季柑梳打▪️熱情果芒果梳打…查看更多

上星期同朋友去旺角食飯，揾到呢間日本關西人氣天婦羅專門店 「天ぷらまきのTempura Makino」，原來佢有幾間分店，旺角呢間環境唔錯，好大間坐得都好舒服，仲有BAR枱位可以近距離睇師傅處理食物😉呢間天婦羅專門店嚴守日本總店傳統，採用自家製炸漿以日本炸爐即叫即炸，最出名就係佢嘅天婦羅🤪🔻試左佢全新《沖繩阿古豬漢堡日本雞蛋天婦羅定食》Menu $118，成個定食其實好大份，除左有麵豉湯、漬物之外，主食有兩大碗飯🍚🍚，一碗上面就係阿古豬漢堡扒再加日本雞蛋天婦羅，佢嘅漢堡扒係採用日本直送沖繩阿古豬漢堡扒，鮮嫩多汁，而漢堡扒上放上外脆內嫩嘅日本雞蛋天婦羅，肉汁與蛋液交織的滋味，真係超級好味😍😍😍而另外一碗就係雜錦天婦羅，上面有南瓜、茄子、蓮藕等嘅天婦羅，配埋天婦羅汁食真係好正！🥹🔻朋友就試左佢嘅天婦羅御膳套餐🍱，總共有6款，御膳係一種傳統嘅日本料理方式，係由多款精緻嘅菜式組合已成。我地就揀左燒三文魚天婦羅御膳套餐，呢個套餐都好豐富，有雜錦天婦羅、沙律、味噌湯同白飯，另外仲有一碗粟米、枝豆、車厘茄咁，果兩塊三文魚好肥美，條邊因為燒過所以脆脆嘅口感😋好味🔻最後甜品用左蕃薯天婦羅配焙茶雪糕（$35）🍨作結，超級推介呢個雪糕，好有驚喜，因為佢嘅蕃薯天婦羅真係好好味，燒到好脆蕃薯又香甜，配埋個焙茶雪糕食真係啱啱好😚好match!!🔻飲品方面佢都有啲🥃sake 或者梅酒，唔飲酒可以揀Soft drinks, 我地就揀左熱情果芒果梳打（$38/glass), 同埋沖繩四季柑梳打 （$38），兩杯都唔錯！🔻呢間餐廳抵食又好味，大家都快啲黎「天ぷらまきのTempura Makino」感受東瀛の味啦！…查看更多

🐷 沖繩阿古豬漢堡日本蛋天婦羅丼配雜錦天婦羅定食 HK$118・味道：漢堡冇豬羶味幾香口，after taste有燒汁嘅烘香味，應該係掃咗照燒醬先燒，有驚喜👍🏻！炸溫泉蛋正常發揮🥚。蔬菜天婦羅新鮮，未算香甜但OK的，淡淡蔬菜天然甜味，點白蘿蔔天婦羅汁不錯～・口感：豬漢堡唔係爆汁juicy，但肉質濕潤，肉末打得夠綿密😋。天綿羅炸衣夠薄嘅不膩，飯粒飽滿煙韌。🍤 炙燒三文魚・天婦羅御膳套餐 HK$128・味道：蔬菜天婦羅淡淡天然甜味。炸蝦彈牙新鮮，反而雞扒塊冇乜味，連雞味都唔夠～炙燒三文魚入口滿滿炙燒焦香，三文魚同樣新鮮厚肉，半生熟好食。・口感：天綿羅炸衣夠薄嘅不膩，飯粒飽滿煙韌。🥗 輕燒三文魚沙律 HK$58・味道：推👍🏻！炙燒三文魚入口滿滿炙燒焦香，三文魚同樣新鮮厚肉，半生熟好食。・口感：入口好厚肉，超滿足🥰🍊 沖繩四季柑梳打 HK$38・味道：真係唔同於平時飲嘅蜜柑，係酸酸甜甜但唔澀嘅四季柑，仲有啲似新年食嘅柑桔，幾清爽。・口感：不過梳打唔夠氣。🍑 香桃梳打 HK$38・味道：係超重蜜桃嘅甜，甜到頂唔順XD，但飲得出唔係糖漿，真係桃嘅甜味嚟XD・口感：不過梳打唔夠氣。🍨 紅春香蕃薯天婦羅配焙茶雪糕 HK$40・味道：焙茶雪糕香濃，微甜唔澀，茶香清幽幾long lasting。蕃薯綿密香甜，一凍一熱夾埋食幾上癮！・口感：雪糕同蕃薯都好綿密，即使有天綿羅炸衣連埋食都幾夾，幾抵食👍🏻！・・・・・・・・・・・・・・・・・・・・🤰性價比：高～🤰9衝度：9衝～🤰結論：用天婦羅配搭唔同日本嘢食，一個set可以食到天婦羅mix漢堡／刺身，double滿足🥰！份量夠大而且好食，用嚟止下日本思鄉癮，不錯👍🏻！…查看更多

依間野個名得個天字睇得明 食完真係不禁心裡叫左句 天啊 點解可以咁難食 先唔講個位迫到掂到隔離個手臂 個雞$48黎到得幾舊 同啲蔥一齊食難食到嘔 唔明點解會擺埋一齊 啲麵豉湯鹹到… 唔係講笑 真係仲鹹過鹹魚 究竟落左幾多鹽 一碗野成百幾蚊 又少又難食 憑咩賣呢個價 不如改名做天下最難食既天價丼😡…查看更多

關西正宗原創天婦羅! 定食套餐🍤🍽🍤今次去左旺角MOKO 天婦羅代表「天ぷらまきのTempura Makino」叫左2個定食野菜天婦羅定食 $90南瓜、茄子、西蘭花苗、北海道舞茸菇、蘆筍、 蓮藕、法國邊豆(配抹茶、咖哩及紫蘇鹽)食材新鮮清爽，再點3種食鹽再併日本米飯🍚，十分夾👍▫️▫️▫️▫️▫️▫️▫️▫️▫️▫️▫️▫️天丼定食 $120虎蝦(2隻)、鳝魚、雞胸、北海道舞茸菇、茄子、南瓜、法國邊豆、日本雞蛋虎蝦新鮮，鳝魚肉質夠滑以上餐也有跟麵豉湯 和 特色醃漬 (秋葵)過江龍日本兵庫縣天婦羅專賣店🍤採購日本特製的天婦羅麵粉新鮮即油炸，以最佳新鮮又夠熱的狀態呈現給顧客，炸漿較為輕盈，味道濃厚😋好飽大滿足😋📍天ぷらまきの (MOKO店)旺角MoKo新世紀廣場3樓352號舖位…查看更多

前日行過moko 商場，肚餓搵野食，上到三樓food court諗住求其搵間餐廳用膳，點知改晒一間間舖頭，再行前角落位有間食天婦羅，抱住試下心態入去，坐在bar 枱可以見到廚師現場即炸，我就叫左個醬積三文魚丼飯$120，三文魚都厚身口感新鮮不流，加埋秋葵漬物同湯，份量都夠飽，另外上菜前服務員都有溫馨提示十月感恩月送一隻天婦羅雞蛋冇，我都冇幫佢…查看更多

【油尖旺區】【天ぷらまきの】有一日喺旺角做嘢需要飯腳，叫咗浣紗娘嚟陪我食，但係又唔知食乜。喺 moko 新世紀廣場嗰度搵，見到呢間「天ぷらまきの」，英文叫 Tempura Makino，見佢有位就食佢啦。點知入到去坐先話有限時，我其實就唔係好中意，不過既然揀好咗就算啦。佢叫咗個 $120 嘅「天丼定食」，有虎蝦兩隻、鱚魚、雞胸、北海道舞茸菇、茄子、南瓜、法國邊豆、日本雞蛋配飯。我就叫 $180 嘅「特選天丼」，有虎蝦三隻、鱚魚、海鰻半條、魷魚、北海道舞茸菇、茄子、南瓜、法國邊豆、日本雞蛋，都係配飯。雖然我嗰個飯貴六十蚊，但係我覺得兩者其實分別不大，啲餸唔係爭好遠，唔使食貴嗰隻。嘢飲就飲各 $38 嘅「沖繩四季柑梳打」同「菠蘿梳打少冰」少甜，味道都唔算特別，而且都係散叫，冇優惠。埋單 $414，我覺得唔平，味道又冇特別之下，唔算抵。。。（地址：旺角旺角太子道西193號MOKO新世紀廣場3樓352號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #太子 #旺角 #旺角東 #天ぷらまきの #tempuramakino #天婦羅 #天丼 #天丼定食 #沖繩四季柑梳打 #特選天丼 #菠蘿梳打 #1am1508 #1ambackup…查看更多

過江龍𝐓𝐞𝐦𝐩𝐮𝐫𝐚 𝐌𝐚𝐤𝐢𝐧𝐨於𝟐𝟎𝟎𝟔年在日本兵庫縣開設了第1️⃣家分店，並於𝟐𝟎𝟐𝟐年正式進軍香港市場。每一道天婦羅都是使用店家自製的獨特麵糊炸製，保證每一件都是新鮮現炸、酥脆可口（會在你面前即刻炸‼️)——— ✤ 特上二人套餐(期間限定)｜$𝟒𝟐𝟖✰ 沖繩豬耳沙律~清新𝐫𝐞𝐟𝐫𝐞𝐬𝐡𝐢𝐧𝐠，豬耳爽脆無比，味道酸甜開胃✰ 三文魚刺身配飛魚籽~肥美𝐬𝐚𝐥𝐦𝐨𝐧捲成玫瑰花𝐬𝐡𝐚𝐩𝐞超打卡𝐚𝐛𝐥𝐞🌹✰ 香蔥吞拿魚腩蓉手卷~𝐦𝐢𝐧𝐢 𝐬𝐢𝐳𝐞剛剛好，𝐭𝐨𝐫𝐨蓉用料新鮮🐟✰ 輕燒帆立貝配柚子汁~炙燒過的帆立貝更顯鮮甜🐚✰ 天婦羅盛盒~必須重點介紹‼️包括粟米野菜雜錦天婦羅(以洋蔥🧅、粟米筍、甘筍、雜菜𝐦𝐢𝐱而成，口感味道具豐富，推薦！）、超甜番薯、南瓜、雞胸肉(略柴）、炸蝦(剛熟肉質保𝐬𝐭𝐢𝐥𝐥雪白之餘帶點晶瑩剔透🍤)✰ 時令冷素面~嫩滑麵質一啜勁𝐫𝐞𝐟𝐫𝐞𝐬𝐡𝐢𝐧𝐠✰ 十勝紅豆檸檬雪葩~檸檬口味酸酸甜甜好解膩🍋…查看更多

星期六下午兩點幾去到，因為附近其他餐廳都排隊，見呢間唔洗排就試下，喺門口已見到有吉枱 (大枱)，吧枱都有位，店員話有張二人枱執緊，叫我哋等執好才入，點知等了一陣有另兩個人取了飛，店員就竟然叫我哋都取飛，明明係話執好就入得，而家變咗排第二，之後店員問我哋，有吧枱坐唔坐，咁我哋就話OK，點知問完我哋後，佢又去問攞了飛的那兩個人，對方又答無所謂，店員就話因為人哋張飛係先的，所以要俾對方先，咁你就唔好走嚟問我哋啦，我懷疑佢發緊夢都唔知自己做緊咩！ 入座後點了餐，足足等了廿幾分鐘才上餐，當時只約有6-7成客人，都要等咁耐，仲要限時一個鐘，仲要食物都唔係熱的，咁先至激氣！唯一OK係天婦羅夠脆身，但係入面是暖的，最離譜個天婦羅汁係冰凍的，從未見過係用雪凍的汁，點完汁後，外層是凍，入面是暖，真係唔知自己食緊咩！麵豉湯勁咸，我朋友都算係食開重口味的人，都話好咸，鰻魚飯同樣係唔熱，只係暖。另一差勁食品係所謂的和牛烏冬，其實都預咗只係肥牛，邊會有和牛俾你食，但連烏冬都差就真係劣！烏冬明顯係一早已煮定，我要用筷子摷散啲烏冬，因為已結成一舊舊，碗好細，湯好少，混在唔熱的烏冬中，整碗嘢只係溫溫哋，最勁係可以煮到啲烏冬好稔完全無咬口，收呢個價錢，用嘅唔係急凍烏冬，細細碗都要用cheap cheap 烏冬！ 我個餐是包甜品，原來係一小碟水果，但無餐具，問侍應攞，佢嘅覆回係：「我哋無叉喎，枱上有牙簽！」真係估佢唔到。服務唔洗講，梗係無啦，隔離枱叫斟茶，兩張枱咁細咁近，我哋兩杯都飲晒都唔會順便斟埋！一個set連加一要HK$180多，但食物係food court 質素，亦無服務，仲要限時一個鐘，無人排隊真係有原因㗎！…查看更多