大頭蝦南風海鮮酒家

营业中

休息中

朋友回港想試地道大排檔風味，咁就揀個隱世地道大排檔啦！佢哋本身雞煲海鮮係最出名既，遺憾偏逢腸胃炎剛癒，為免辛辣刺激剛“收斂”的腸胃再次“山洪暴發”，唯有屈就朋友捨卻招牌菜一次，陪我食次家常小菜。本想地道啲坐戶外 但就返身體情況最後揀咗室內冷氣雅座。朋友想食少少香口嘢，就叫咗碟魷魚鬚 原本擔心太炸食咗會唔舒服，點知佢哋只用上薄薄的炸粉，包住新鮮彈牙既魷魚鬚，頓時食慾大增，如能配啤酒同用風味應該更佳。大排檔少不得食“滷味”，一碟紅腸豬手鴨舌，又食惹味之選，鹵水汁加咗好多香料同鹵得非常入味 係好出色既下酒菜。再來係家常小菜生炒骨，市面的生炒骨大多用大比例肥肉或骨多過肉好多，但呢度肥瘦比例平衡得嚟“啖啖肉”，估唔到佢哋普通菜色既選料都咁認真，幾驚喜。揀咗幾款葷菜，叫返個菜清清腸胃，朋友鍾意菠菜，就叫個清清地既金銀蛋菠菜，菜鮮度很高，葉莖都係碧綠色，滿滿的鹹蛋皮蛋舖面，上湯完全褪去草腥味並提鮮，一啲都唔“齋”。最後多手叫咗甜品，咖啡凍，都好認真，有布甸同奶凍2層的口感，咖啡味好香濃，甜度適中，一啲都唔馬虎。門口路邊有先到先得的免費泊車，但位置不算多，今日早到有位，總體而言都幾方便。

平時好少會去東涌，但原來呢區都幾多好野食，搵左日約朋友黎呢區覓食。夜晚去左一間名叫大頭蝦既大排檔，如果本身唔熟東涌既話位置有少少難搵，但食物質素好有驚喜！當日係星期五夜晚仲好旺場添，好彩我地早入座食飯。黎大排檔第一件事緊係啤啤佢，然後叫左幾款小菜都好令人滿意。南風燒鴨。燒到皮脆肉嫩，鴨油香突出，點埋自家製酸梅醬甜甜酸酸好夾，例牌既份量都唔少呀！麻辣雞煲。可以揀一隻或半隻雞。川辣味十足非常惹味又辣得過癮，整體重口味得黎唔會偏鹹。泰式辣椒醬炒青口好惹味！而且青口好新鮮好鮮甜！青椒紅椒好清甜。豉汁帶子蒸豆腐好有住家菜既感覺！帶子厚肉鮮味。南風小炒王非常出色！炒得好有鑊氣，而且材料豐富，有多款海鮮，例如魷魚、帶子、蝦等、腰果，好香口好送飯。黃金茄子。用鹹蛋黃包著茄子油炸炸到金黃色。雖然邪惡，但呢個真係好好味，鹹蛋黃好鹹香，入面既茄子軟腍！

久違的大排檔風味！去咗喺東涌大頭蝦南風海鮮酒家晚飯，位於大嶼山醫院附近，東涌站步行10分鐘就到，地點都算易搵。由於食物水準好高，呢日我6pm去到已經有唔少客人，勁旺場！餐廳有室內同室外座位，室內環境乾淨企理。明爐燒鴨燒鴨燒得皮脆肉嫩，肉味濃郩，肉質軟腍嫩滑，脂肪比例岩岩好，真係好香！份量仲好足！小炒王材料豐富，有韭菜、蝦仁、帶子、果仁、魷魚等，炒得好有穫氣，韭菜鮮甜無渣，好食。黃金茄子呢個真係超級好食！茄子用鹹蛋黃炸得薄脆，每一啖都外脆內軟，加埋鹹蛋黃嘅鹹香，雖然超級邪惡，但非常惹味，食到冇停口！豆豉帶子蒸豆腐豆腐蒸得嫩滑，不過豆豉就落得重手咗，如果唔送飯會比較鹹。麻辣雞煲雞煲份量十足，雞件吸收香料嘅麻香，麻而不辣！我欣賞呢度嘅雞煲唔會太鹹，伴菜嘅青椒同埋洋蔥都好入味！炒青口青口大隻肥美，炒得好有鑊氣。呢晚仲見到好多枱都點咗乳豬，乳豬用炭火即燒，勁吸引！下次再試下！

呢間大頭蝦餐廳係東涌係幾有名氣， 住東涌既朋友應該都會聽過， 位置可能偏少少，近北大嶼山醫院間餐廳好有大排檔feel, 有一半枱無冷氣， 另一半係室內有冷氣既呢間大頭蝦餐廳係東涌係幾有名氣， 住東涌既朋友應該都會聽過， 位置可能偏少少，近北大嶼山醫院首先要左個南風例牌燒鴨， 皮薄又燒得好香脆， 肉質同味道都唔錯， 食落有d似燒鵝(應該唔會畀錯燒鵝我咁正掛)見到其他枱都有叫雞煲，我地都叫一個試下。半隻重慶香辣雞煲， 雞超級入味同超級滑。一開始唔算好辣， 加熱後越食越辣， 但辣得好爽。 唔食得辣既， 唔好加熱太耐京都骨， 食得出係即刻炸起。佢個炸粉應該係有混左少少咖哩底味， 好香口都酸酸甜既汁好夾， 有驚喜wo欖菜肉鬆四季豆，要黎送飯同送酒都係一流。 食飽飽諗住走， 店員話佢地有做埋甜品， 問我地要唔要試下。 食埋甜品先係完滿一餐嘛， 梗係要啦楊枝甘露好足料， 酸甜味道調得好好， 好耐未食到咁岩味道既楊枝甘露紅豆沙配台式小丸子， 紅豆沙煲得好靚， 紅豆煲到溶晒整體黎講呢度好岩同屋企人或者朋友黎傾下計同食飯， 店員都好nice, 好有禮貌

今日同媽咪去完迪士尼就出去東涌睇吓有啲咩好食🧏🏻‍♀️ 揸車見到餐廳 — 大頭蝦南風海鮮酒家 (東涌)😋 個名咁得意我哋一於就試吓 我哋總共點左四個菜，第一個當然係我最愛嘅黃金鮮尤 超夠脆 夠乾身 有新鮮尤魚味同埋蛋黃香味🤪🤪🤪 蛋黄香好好食 第二樣都係炸物😏椒鹽多春魚 超級香口 配啤酒食真係一流 完全唔辣 岩哂唔食得辣既朋友🤔叉燒白切雞燒味拼盤 白切雞好滑，有濃濃既沙薑味，好似食緊沙薑雞咁🤓🤓叉燒偏瘦，但夠淋 食落去完全唔會乾巴巴食咗咁多肉 ，我哋最後點左一碟蒜蓉菠菜 超重蒜味但唔咸，炒得好爽口，好夠鑊氣👏🏻👏🏻👍🏻

東涌有好多間大排檔都好有風味，今次嚟呢間大頭蝦位置喺北大嶼山醫院對面堆餐廳到嘅～行完山去食就啱晒啦！今日行完山去完馬灣涌村睇日落，就去咗呢一度食飯，因為大嶼山唔係好想食飯，所以淨係叫咗餸。燒鴨味道唔錯，食個燒鴨髀配酒正😊👍🏻之後仲叫咗個冬陰功炒蜆，啲蜆都夠新鮮鮮味，酸酸辣辣咁幾好食👍🏻仲叫多咗個炸雞軟骨送酒，酥脆入味~ 我地坐左外面，環境好夠氣氛幾有假日feel！大家嚟東涌玩都可以試吓🙆🏻‍♀️🙆🏻‍♀️

唔係第一次黎食，上次試過南風小炒王超級有鑊氣，今次特登叫埋frd過嚟試下其他野。搭的士嘅時候同司機話去醫院嗰邊佢唔知我講咩，點知一講大頭蝦餐廳佢即刻知😂😂見到出面有燒味檔，咁就整咗個例牌燒鴨。皮燒到香脆，肉好滑嫩無平時鴨嘅腥味。我地試咗兩個小菜：京都骨、欖菜肉鬆四季豆京都骨都係一如既往嘅酸甜開胃，食得出新鮮炸起，真係唔可以同兩餸飯比，半肥瘦嘅排骨叫咗實無錯欖菜肉鬆四季豆係友人叫，四季豆走過油炒得香口，肉鬆係啲肥豬肉同肉碎大菜係香辣雞煲😍😍😍雞粒非常嫩滑，最開頭幾舊唔算好辣，滾耐阻啲雞粒索晒辣醬嘅味，搞到我忍唔住係咁飲凍野又停唔到口😍今次見到佢多左個甜品menu，中西式都有，食飽想傾多陣偈咪即管叫黎試吓一路食甜品一路吹水。我叫咗奶茶奶凍，香甜有茶味，而且都幾飽肚。鐘意朋友嗰個楊枝甘露多啲😍😍啖啖都係果肉同淡奶嘅香味，足料過出面啲糖水舖，有驚喜嘅呢間大排檔都真係算隱世高質，試一試都會有下次👍🏻

喺北大嶼山醫院附近有一間食海鮮嘅特色大排檔🍤佢個位置比較難搵就係喺村屋地下通常咁樣先有驚喜！地方好大而且好多座位揀適合一家大細少或者大班朋友嚟食飯飲酒傾偈😙小炒王🥗炒嘢方面覺得佢好有鑊氣👍🏻 有蝦仁韭菜果仁蝦乾同埋XO醬炒成味道調校得好好而且韭菜係冇渣😆🌶香辣雞煲🐓佢落咗好多辣椒 好夠辣🤪加埋花椒八角 再煮一煮令到啲雞好入味而且雞件大件 推斷係新鮮雞👍🏻👍🏻胡椒蝦🍤未食已經聞到好濃嘅胡椒味！肉質新鮮 蝦肉爽口充滿胡椒味😋

天氣突然轉凍，同友人去完東涌郊遊，唔想食東薈城嘅連鎖店，就搵下附近既大排檔開餐。呢間有齊雞煲烤魚打邊爐小菜燒味，樣樣都想食就啱晒！重慶香辣雞煲（半隻）食開麻辣雞煲，原來四川麻辣同重慶香辣係有啲唔同，唔會麻到條脷無晒知覺！即場有爐熱住兜炒一下，熱辣辣上枱好惹味。雞煲汁唔會太鹹又夠辣度，雞件十分多，食極都有，仲有伴菜嘅青椒、雜菌索晒汁，送白飯一流。🍚出爐叉燒（例牌）見到櫥窗嘅燒味幾靚仔，於是嗌左碟叉燒例牌試試，半肥瘦少少燶邊，係最理想嘅叉燒。荷芹炒臘味突然轉凍嘅天氣令人好想食臘味暖下胃，呢碟荷芹炒臘味就黎得合時，臘味嘅油份剛剛好令荷蘭豆保持爽嫩。食完辣辣嘅雞煲，有啲清甜蔬菜平衡番味覺，不知不覺就清左成碗白飯。今次唔記得左試招牌嘅奶油蝦，約定友人下次郊遊再黎食過！

成日都想試啲有小炒風味嘅酒家餐廳，今日特登去咗東涌食呢間大頭蝦南風海鮮酒家。聽講好多東涌人都會嚟呢頭食，鍾意佢夠鑊氣。今日嚟到真係見到好多人黎食，經常都幾滿座。佢有分室內同室內空間，如果有需要食煙嗰啲坐室外就好方便，自由度大啲。最近秋涼夜晚都好舒服唔會覺得熱。講完餐廳環境就講吓嘢食！好多人都嗌乳豬我哋都嗌咗個例牌試吓。真係夠晒脆皮，肥瘦都夾，有脂肪嘅又有啲肉地。仲嗌咗碟海鮮炒菜，值得要提及嘅係好足料。有腰果魷魚帶子鮮蝦，呢碟菜好足海鮮，真係淡淡都唔同料。用得夠多油去炒，有鑊氣。仲有叫咗個個黑椒薯仔牛仔骨，我特別鍾意食個薯仔因為佢係炸完先至再炒嘅。所以外脆內軟，口感好好。再配埋三色椒洋蔥去炒，落得多油，配個飯食就啱啱好。最後嚟多個避風塘茄子，真係即叫即煮送到上枱熱辣辣。炸得金黃鬆脆，同埋避風塘味好足，攞嚟送飯一流。

餐廳有分室內及室外，兩個地方供選擇，環境都好寬敞。餐牌上都有好多唔同類型既食品提供，適合不同口味，一家大細或者一大班朋友聚會。燒味類就有炭燒烤乳豬﹑明爐燒鵝﹑沙薑雞﹑燒腩仔。烤魚類就有巴蜀川味烤魚﹑日本地獄烤魚﹑冬蔭功湯烤魚。除此之外，煲仔類﹑椒鹽類﹑黃金類，仲有岩晒中意食辣既朋友，水煮類，毛血旺﹑水煮魚﹑水煮田雞。雞煲用既配料有洋蔥﹑紅椒﹑辣椒炒香左，雞肉熱氣香濃四溢之餘，還伴有響亮的滋滋聲，非常惹味，令人食指大動！臘味炒荷蘭豆，油光紅潤的臘肉、鮮亮緊實的臘腸，加上荷蘭豆一齊炒，唔會吸晒D油，變得油溢，反而配合得好好，呢道菜食既係一種滋味，更是一種情懷！滷水拼盤，有鴨翼﹑豬仔腳﹑豬耳﹑鴨掌﹑紅腸等，滷水料的話，新滷水料太多，味道不夠也不行，因此需要很花時間調制。

住東涌咁耐，一直想搵啲好食嘅餐廳，直至我發現佢，大頭蝦南風海鮮酒家。餐廳好隱世，係條小巷入面。有室內外座位，用膳當晚非假日但都幾乎全院滿座。叫咗幾個招牌嘢食：1. 四川麻辣雞煲 （半隻雞 $198）雞肉嫩滑，辣度唔會太辣適合食少辣既人士食，如果平時食開大辣既人士可能要求加辣。雞有醃過所以好入味。2. 南風燒鴨 （例牌）$88無諗過食泰國嘢既餐廳有燒味食，質素仲唔錯。燒鴨唔會乾爭爭，好juicy，同埋唔會有鴨‘蘇’味。如果皮再脆D會更好！3. 冬陰公浸蜆 $88 呢碟蜆十分高質，大蜆隻隻飽滿完全無沙，仲好鮮甜。冬陰公湯底略咸因為佢地唔預你當湯飲，但係冬陰公既酸甜完全帶出左大蜆既鮮甜味出黎，打緊食評時已經想再去食。走嗰陣，見到餐廳有現場炭火即燒乳豬，但要預訂。下次一定要黎試試。

成日聽朋友講東涌行入啲有好多隱世美食，今次帶埋男朋友去覓食，係隱閉處見到呢間海鮮酒家！😍好彩仲有少少位唔洗等好耐就入到座😎嗌左3道餸，全部大大份～仲要勁飽肚😋1.椒鹽鮮魷🦑食落好香脆同惹味！🥰而且每件魷魚都好大條，仲好易咬同入口～牙唔好既人都唔洗擔心🦷（正是本人😎）2.胡椒豬肚雞煲🐣（極推💯‼️）淨望落賣相已經好吸引！😍滿滿既雞同豬肚～肉質超級嫩滑！絕對係當日MVP😍椒味好出但吾會好辣，好味到我地連湯都飲左半煲！😋3.椒絲肉鬆四季豆🫘呢道餸一傳出黎已經聞到炒得好香！🤤食落好惹味～本身我唔太好四季豆，但最後同男友食食下清哂！唯一建議係，下次可以加多碗飯！🤩真係好岩送飯食🤣

1⃣️避風塘粟米 $68一上枱賣相都十分吸引，避風塘陣味撲鼻而來，味道又香又爽又甜鑊氣十足！可以將簡單嘅粟米演變成惹味嘅一個小食確實不錯😋😋2️⃣奶油蝦$178奶油又香又creamy，唔單止每個蝦身都入味，每個蝦殼更沾滿濃郁的奶油，蝦嘅肉身緊緻吸收晒奶油嘅精華😍真係幾好味😋3️⃣明爐燒鵝例牌$148燒鵝係呢間大排檔嘅主打，燒鵝嘅油脂分布平均，塊皮燒到又香又脆，例牌上庄肉質厚身，下庄係脾肉質嫩滑。4️⃣牛肉炒通菜$78腐乳炒通菜係一道家常小菜，平時食開多數是蒜蓉腐乳炒，配上牛肉更豐富成道菜。牛肉肉質爽身沾上腐乳汁又有牛味和鹹味。🚇港鐵東涌站A出口，步行約12分鐘；逸東邨居逸樓對面☎️2988 1770

同朋友係東涌行完街 諗住睇下附近有咩好野食😛 但行完商場 都好似諗吾到食咩好 就問左個住東涌嘅朋友有咩推薦🫣 最後佢介紹左依間大頭蝦南風海鮮酒家🤣去到嘅時候係夜晚7:30 已經坐滿左一半以上座位😳 可以簡戶外有瓦遮頭 或者室內有冷氣座位☺️🍀酸菜味烤魚 (半條細邊)🐟湯底味道調配得好好 吾會太鹹太酸👍🏽 烤魚加熱嘅時候 吸晒啲湯底 令每一啖魚肉都好入味🤤 如果夾埋少少酸菜一齊食 味道更加濃烈 更加好食😋 兩個人食 所以只係叫左半條 但份量已經好多 好高性價比😍🍀白切雞 (半隻)🐔白切雞肥瘦均勻 有少少脂肪係雞皮下 令到咬落口有口感嘅同時 吾會太油膩😜 除左賣相好吸引之外 食落口好有驚喜🤩 一咬落去 超級滑嫩🫣 烹調嘅時間岩岩好 吾會煮到老左令到肉質變得粗糙🥳 簡簡單單嘅一碟雞 估吾到口感同味道係咁充滿驚喜🥰🍀蒜蓉炒時菜(蒜苔)🥬蒜蓉味好香好濃🤣 每條蒜苔都黏到啲蒜蓉 同埋炒過嘅蒜蓉油 愈食愈開胃☺️ 除左聞落好香 味道甜甜地又好清爽 好開胃之外 口感都係一試難忘🤤 蒜苔嘅口感好脆嫩 煮嘅時間都係恰到好處 吾會太硬實又吾會太淋身😚最後埋單每人都係大約$200 食物質素咁高 價錢又合宜 絕對係