大阪日本料理 (已易手)

午餐約百多元的舊式日本餐廳，之前已經食過幾次，一直都覺得很不錯的，可惜再去時就收到了下月即將結業的消息了。環境：4雖然裝潢已經很舊，但很明亮乾淨，而且座位也很寬敞呢。服務：4很有禮貌又耐心的跟人解釋點的餐內沒有了哪種食材，要換上哪一種。點了雜錦刺身，但姐是不吃三文魚的，又欣然的換成了另一款魚。食物：4刺身都是厚切的啊，而且量不少，足夠配一碗白飯有餘了，最後還有雪糕，雪糕碗都是冰震過的，慢慢吃也不怕一下子就溶。…查看更多

本來想去帝京嗰間香田，點知原來已經執咗。於是搵吓仲有冇其他好選擇，搵吓搵吓發現咗呢度，原來都係做埋呢兩個禮拜就執笠，仲話搶企業搶人才，越搶越霉咁款，香港呢兩年搞乜？咁趁佢未執就拿拿淋訂枱試試佢。我同我老友準時到達，喺門口報上名來，阿姐帶我哋去一張隱蔽舒適大卡位，呢張似乎係全餐廳最正嘅一張枱，做乜咁益我？諗住正啦，一陣醒多啲貼士。點知過咗十秒鐘，另一個阿姐話搞錯咗，話呢張留咗俾另一個客，叫我哋起身轉枱，轉返出大廳二人枱。有比較就有傷害，由八尺長大枱縮到得番兩尺細枱仔，心情即刻由天堂跌落地獄，唔失望就假。又會咁都錯得，同姓就帶錯枱，咁係咪有鬚就嗌老豆？算，呢啲嘢嘈都無謂，都係收拾心情睇餐牌。我哋每人叫咗個三色御膳（$178）。繼帶錯枱之後，又再錯多一次。第三道菜我老友叫天婦羅蕎麥麵，我就叫牛肉烏冬。點知出到嚟調轉咗，塊牛肉擺咗喺碗蕎麥麵上面，天婦羅同烏冬分開上，好明顯廚房撈亂咗。呢間嘢啲伙記真係好求其，係咪諗住就嚟執笠就是是但但？我哋每人加$15轉即磨咖啡，埋單$425，每人200多啲，算抵食。其實見佢都多人，啲客似係附近返工嘅人，差唔多坐滿。點解咁好生意都要執笠？個市真係咁差咩？諗唔明。…查看更多

朋友就上機返澳洲，去了一家意想不到出色既日本居酒屋用膳，一行5人用膳還預留到房間，私穩度極高。聽說此家以往主要是國內客居多，現在疫情關係食客仍然不多。餐廳入面除了有鐵板燒，還有定食，燒物，應有盡有，因為人多就全散叫，再叫了3支清酒。秋刀魚刺身和日本海膽特別出色，刺身鮮甜，有機會一班朋友聚會可以考慮再來一下。▫️大阪日本料理 (尖沙咀)📍尖沙咀麼地道71號富豪九龍酒店1樓106-109號舖…查看更多

這間大阪日本料理非常有水準，午餐來說可能昂貴了一點，但論質素是值得的。我們選擇了一個壽司御膳午餐及一個鐵板燒御膳午餐。雖然看似價錢有些貴，但包括很多嘢食的。壽司御膳包括九件廚師發板壽司，沙律及蒸蛋，我哋選擇了烏冬及天婦羅。 魚生夠新鮮，壽司食到我津津有味。天婦羅炸得夠薄又脆。鐵板燒御膳方面，有三款刺身，水果及白飯。肉方面有豬、牛及帶子，還有蔬菜。尤其牛的味道很香。肉質可以在冧一些，但都合格的。定食包飲品及甜品，選擇了綠茶雪糕。坐得舒服，環境優雅。服務都OK。…查看更多

12月到尖沙咀看聖誕燈飾，之前要先填飽肚子。我們預早在Openrice訂座，一行三人獲安排一張非常寛闊的沙發卡座，十分舒適。點了很多美食，逐一介紹一下：加州卷一客六件，份量相當大，外型很齊整。表面鋪滿蟹子，底下是濃郁的沙律醬。加州卷包裹著青瓜、蟹柳、玉子及牛油果。當中，牛油果很香滑，果肉味濃。串燒牛舌（上）及雞腎（下）牛舌尚算軟身，入口易咀嚼，肉汁香濃。雞腎鹹香吸引，相當滋味。但兩者灑了太多黑椒。炒野菜色彩豐富，是視覺享受。椰菜炒得十分腍身，帶有鮮甜味，再加上紅蘿蔔絲和芽菜，增加了口感。餃子一客五件，送來的時候已經放涼了，應該是服務員太忙，未能把它及時送過來。餃子皮燶了，但完好的部分滑溜無比，內裡豬肉肉汁豐富。天婦羅烏冬大大碗的烏冬溫暖而滑不溜口，湯底清澈。有兩隻大蝦，蝦肉新鮮、結實之餘亦相當彈牙。鰻魚飯配了前菜、沙律和面豉湯。沙律有車厘茄、青瓜和生菜，簡單之餘亦色彩吸引。面豉湯有昆布和豆腐，鹹味適中。鰻魚飯份量很大，鰻魚的焦香味撲鼻，非常吸引。珍珠米飯粒軟熟，入口微甜。這是一頓稱心滿意的晚飯，這裡人流不太多，環境亦算寧靜，是聚會的好去處。…查看更多

大阪御膳呢個午餐有9件師父發辦壽司🍣，每件都好新鮮🍣！好好食！再配左一碗辣豬肉烏冬，好香口，食完勁飽🤣壽司、鍋物、同茶碗蒸都令我好滿意😆😆環境仲好闊落…查看更多

嚟呢度食過晏晝，幾抵食又唔錯，夜晚經過尖東，唔知食咩好就入嚟食下啦。•魚燒得幾香，火喉控制得幾好，唔會乾，好味！•前菜小食係芋頭包住雞肉，好特別，有驚喜！•麵豉湯同前菜不過不失:)•最後甜品有雪糕送，夠凍，好食！雖然價錢唔平但坐得好舒服，所以還不錯啦！…查看更多

3個人每人叫一個餐， 落完單有店員問我哋係咪落咗兩個餐，我哋話3個.... 咁都可以漏🙄 講返比佢聽佢落漏咗嘅餐！之後叫三色御膳，又變咗壽司御膳.....嚟咗牛肉喬麥麵.....我怕佢再錯，再講多次我叫咩～之後又嚟咗蒸蛋，又唔啱。同佢講佢即收返😂好心錯咁多，一個蒸蛋就當比客食啦！到另一個鐵板燒餐，叫牛、帶子及比目魚，比目魚又變咗豬....仲話同事落單落呢個。我理你落咩，我都唔係叫呢個😑 $188個餐，無理由因為你落錯而要我食，仲要錯幾次！茶餐廳咩！北海道海鮮丼，溫泉蛋熟哂....唔知點撈飯...最後可揀飲品或雪糕。雪糕簡直係災難😂 有綠茶、芒果味揀。比較少呢個類型嘅日式餐廳會用似牛奶公司嘅雪糕.....一食就知....都好失望！之後啲嘢野最終嚟齊，食物overall算ok～服務、同成日出錯，真係無下次！…查看更多

上次食咗個貴夾唔飽既鐵板燒午餐今日係時候幫大阪平反一下今次叫了822午餐套餐高質新鮮 絕對係值得一而再再而三咁幫襯首先揀咗五件壽司🍣再加蔥花吞拿魚海膽飯壽司🍣件件新鮮蔥花吞拿魚海膽飯亦超高質和牛烏冬牛肉重牛肉味烏冬夠彈牙這餐令人回味👍🏻…查看更多

自從無係尖沙咀番工加上大阪由亞士厘道搬咗去尖東富豪酒店真係少左幫襯！以前大阪都會係lunch 既其中一個落腳點😁 因為有Lunch set價錢合理又多選擇而且近公司🤣 今日難得去尖東，專登要過去食lunch 呀😗 搬咗新舖地方寬闊左，裝修仍然保留日本風味😁 都仲係好多日本人幫襯同以前一樣👏🏻 午市定食同以前嘅餐牌大同小異，叫左一個北海道海鮮丼🥢同 三色御膳（分別要左 5款手握壽司、蔥吞拿魚飯同埋辣豚肉烏冬😍）每樣都有D ,正呀！仲要overall都非常新鮮！滿足晒我咩都想食啲既慾望！午市定食都係百幾二百蚊左右，真係唔貴🥰冇得飛日本🇯🇵，唯有過嚟「大阪」過吓口癮😝🤤 …查看更多

上次嚟食完覺得好正今次試下其他嘢叫左個鐵板燒午餐唉😮‍💨失望個餐$298+10%食完都唔知食咗乜仲要去麥當勞買年麥炸雞個餐一開始有個類似沙律🥗既好細個 大概有兩片青瓜 兩粒半邊嘅車喱茄同幾片生菜🥬之後就係主菜三文魚 蝦🦐 帶子雖然係午餐 但份量太少喇帶子明顯係一粒片開兩件三文魚得三份一隻手掌✋🏻（唔連手指）食完好似冇食嘢咁我指明唔要飯正常餐廳都會加多啲菜個菜嚟到都係好細 平時啲細牛油碟咁個餐仲有碗麵豉湯同杯野飲既…查看更多

朋友介紹，同老婆來試下鐵板燒，有在日本食的水準， 可以一解思鄉病。$362 一個set 好值， 有沙律， 一隻大蝦， 兩件三文魚， 薄燒牛肉 ， 炒菜，炒飯/ 麵，面鼓湯 ， 焦糖多士， 雪糕 。 肉量睇落唔多， 但食完真係好飽師傅㕑藝一流 ， 有心機煮 ， 火喉掌握得好， 蝦肉同魚都做到外香內軟 。 蝦頭煎得好脆 ， 腳都可以食埋 魚皮香脆 ， 配少少辣汁一流 。 我本身唔鐘意食煎三文魚， 好驚佢魚油的腥味 ， 但依度的三文完全唔腥。問返師傅，佢地用剌身級的冰鮮三文，冇過雪， 新鮮程度好好多 。 抵讚👍🏻食完海鮮， 會有漬物蒜頭 ， 一定要試 ，爽脆， 冇生蒜的辛口， 有少少面鼓味。 本來每人有幾粒 ， 師傅見我食晒， 又加俾我， 加埋食左十幾粒😂薄燒牛肉 卷蔥花及蒜片， 有牛味又清爽 。 可以選炒飯/麵 ， 我地兩樣都試晒炒飯炒得粒粒有蛋包， 乾身及香口，唔油 ，開始飽飽地都好快食晒 炒麵醬油味香濃，配紅薑絲解一解滯 ，好夾最好都好飽下， 但個焦糖多士配雪糕真係好夾 ， 肥都要食🙈多士上枱等一下， 等糖醬凝固返變脆。 配埋雪糕一齊， 成餐真係完美。 …查看更多

無意中在網上發現這間店今天第一次試菜單有很多選擇選擇困難症的要花一點時間我選了822號午餐包括三項食物第一項我選了五件壽司壽司🍣十分新鮮第二項我選了濃汁豬扒飯整個飯比我想像中大濃汁有點像咕嚕肉的汁 酸酸的豬扒很脆而且不會很乾第三項我選了牛肉蕎麥麵牛肉是半熟的 完全不會太硬湯味非常濃除了食物外 午餐還包括了飲品或雪糕我點了蘋果汁🍹這個餐$168 非常不錯而家服務也十分周到每一位服務員都很有禮貌而且衛生環境也不錯筷子🥢是一次性的令人放心…查看更多

星期日下晝，偷得浮生半日閒，帶埋一家大細嚟尖東嘆日本料理。九龍富豪酒店入邊嘅大阪日本料理，午餐物超所值，魚生新鮮，蕎麥麵湯底鮮甜，小朋友鍾意食嘅漢堡扒又係新鮮熱辣，位置寬敞，服務貼心暖心，我的小朋友大吵大鬧也用耐心疼返。雖然裝修有少少殘舊，不過都維持得好好。其實我真係唔明白，之前點解會有咁多人對服務有負評，因為各個服務我哋靚女，都係好好笑容，同埋又好attentive. 呢度絕對係家庭假日午餐的首選！…查看更多

和幾個朋友初試大阪日本料理,見到食評都幾好所以來試下,我叫左個壽司定食,有壽司,蒸蛋同埋自選喬麥面或烏冬,壽司好食,新鮮,但係賣相麻麻,而且係超迷你,睇相可能唔覺,但實物非常細小,以價錢188,咖啡+10,再加一服務費共200蚊鬆D黎講性價比極低,都好肯定唔會再返嗒…查看更多