大越越南餐廳

营业中

休息中

今日下午同老公去咗沙田行街，行行下有d肚餓，想食d野醫下肚！呢度嘅環境真係好加分💯感覺到老細花左好多心思👍重點係咁好嘅環境，價錢仲好合理，都幾抵😙老公話想食香茅豬扒河粉，我就叫咗份馬拉盞灼椰菜仔同埋椒鹽軟殻蟹🦀🦀香茅豬扒河粉d 豬扒炸到金黃色又好香，仲好皮脆肉嫩！湯底味道濃郁，老公話呢碗河粉係滿分💯😂馬拉盞灼椰菜仔惹味得嚟新鮮爽脆重頭戲係椒鹽軟殻蟹，椒鹽味道濃郁，軟殻蟹好酥脆加椒鹽，超惹味🤤這裏的越南菜好地道，環境又舒適，滿分十分既話，呢間餐廳值9.9👍👍👍👍

同朋友假日撐枱腳，沙田都有好多餐廳，有間好特別既越南餐廳！餐廳滿滿既越南裝修設計，牆上既畫都好生動，餐牌色彩繽紛🖼📖黎到越南餐廳當然要食撈檬，所以我哋叫咗香茅牛肉撈檬粉，魚露灼秋葵，大頭蝦🤤🤤🤤我覺得香茅牛肉撈檬粉d牛肉份量幾多，唔係薄薄一片，牛肉好嫩滑，香茅味道好突出，檬粉份量都好多😍👍魚露灼秋葵煮得剛剛好，脆嫩爽口，夠原汁原味，魚露汁鮮甜😋最後係大頭蝦，d蝦肉超爽口彈牙而且肥美肉厚，色澤誘人😍雖然今次我哋唔係嗌左好多嘅野食，但係每一款嘅食物，份量都好多，食到好飽🥳🥳

難得見今日假期天氣咁好，梗係唔想嘥咗一日嘅時間啦！同老公出咗去沙田行街又去食越南野，門口等位，聞到滿滿食物香味，已經好肚餓，終於有位一睇餐牌諗都無諗就就嗌左碗古都湯檬 ，西貢咖喱牛腩湯粉以及一份馬拉盞灼生菜✌🏻等待食物期間先開始留意到餐廳既裝潢擺設，真係好越南feel🇻🇳🧑‍🌾古都湯檬入面有牛腩、扎蹄、扎肉、牛丸 ，款款嘅配料都不錯。牛腩吾會韌好嫩，牛丸會爆汁🤩西貢咖喱牛腩湯粉，其實未食已經覺得好吸引，好香咖喱🍛香味，🌱香料味好足，牛腩都煮到好入味！馬拉盞灼生菜好新鮮，依然爽脆，醬又惹味👍🏻👍🏻

係沙田反工嘅我，👣平時行過見到呢間大越越南餐廳想試好耐，咁啱d同事都幾推介，就決定同佢地嚟呢間越南餐廳食個午飯🍴餐廳已經坐滿曬人😅，好彩唔洗幾分鐘有人賣單走😝午市套餐都有好多野揀，我哋叫咗份灼蘿蔔🥕，大越小食拼盤🥘同埋叫咗越式札肉冷麵🍜咁我覺得灼蘿蔔清清甜甜咁幾好食😊而大越小食拼盤 ，個炸春卷炸得好香脆👍🏻地道煎扎肉好香口而且味道不錯👍🏻反而越式札肉冷麵都幾驚喜😍入口清脆又味濃，冷麵嘅口感好煙韌！呢個午餐不單只好食仲好抵食，下次一定會再反嚟試埋其他特色嘅越南菜🥳

今日陪屋企人喺沙田行街，行到攰攰哋就諗住搵間餐廳坐下同食嘢！行過見到呢間大越越南餐廳門口既畫已經瞬間被吸引🗺️👀🥙🧆🍜🍲🥘午市套餐樣樣都好想試，最後媽媽同我點左烤雞肉串，烤豬頸肉，海南雞飯同埋大越三寶香茅雞翼豬扒扎肉飯！🐔雞肉串肉質軟嫩，配埋佢個醬汁，超好吃！🐖豬頸肉好香，軟滑爽彈嘅口感好正！🐤海南雞飯，雞肉好嫩滑，油味十足，配有薑蓉同個甜醬油，撈飯一流！🍗香茅雞翼豬扒扎肉飯，雞翼甘脆可口，豬扒淋滑，滿滿香茅青香！呢間餐廳滿足左我對越南食物嘅恩念，好奈有食過咁好食又正宗既海南雞飯💖💞💗💘

難得同閨蜜放半日假，咁我哋就梗係好好地去嘆吓啦，諗住揀返間越南餐廳撐下枱腳！呢間大越越南餐廳，近日都見到有中意食既叻沙去，當然要去試試啦！😽🍴閨蜜就叫咗個海鮮叻沙，而我就叫咗鮮牛腩叻沙！因為我係食肉獸😹🥘🥘海鮮叻沙配油麵，嚟到見到份量都足，每款海鮮都新鮮！起碼有五款配料，🦐🦑🐟魚蛋及魚片！一試叻沙湯底好香濃，濃厚🥥味道，🍤🦑好彈牙鮮美我叫嘅鮮牛腩叻沙，都非常之不錯，牛腩肉味濃，🥩好嫩又大舊！叻沙湯係呢個麵嘅靈魂，每啖油麵食落都好滋味😽我同閨蜜對今餐都大感滿足！下次要再試埋晚餐✌🏻💁🏼‍♀️💁🏼‍♀️

番屋企經常經過呢間越南餐廳，見到裝修好有特色，門口牆壁上既巨形畫好著目👀👀今日放假特登帶朋友黎試試👩‍👧麵類，小食選擇好多，我同朋友都睇到心花獠亂😩🤨不過多得侍應親切既推薦，如果唔係天黑我都未必決定到食咩🥺💗$46 蜆港蕃茄蟹膏蝦丸扎肉湯檬🦀🍤🍅湯底真係好濃郁，蟹膏味完全冇比蕃茄味蓋左。🦐蝦丸都好鮮美彈牙，扎肉香濃富肉味$65 鮮牛腩叻沙配油麵🐮叻沙香料椰奶味香濃，啖啖湯都好惹味。牛腩煮得好軟爛好入味😚🤑食物好食又價錢合理，裝飾特別，環境舒服，下次都想試吓佢其他菜式！😜💕

沙田花園城一期地下大越越南餐廳湯麵好值得推薦，絕對係一試難忘❤️餐廳裝修非常越南風格，🖼️牆上既畫都好有藝術感，連餐牌都十分可愛👧🏽朋友同我一人點左一碗湯麵🍜，再加左份廣寧魚餅🐟大越生牛肉湯粉🍜湯底呈淡啡色，湯香料味突出，牛肉油花分布平勻，肉質嫩滑，牛味濃郁🐄越南素扎肉撈檬粉🍜檬粉味道清淡，素扎肉口感柔韌，嫩滑，味道清香。拌上醬汁，味道酸酸甜甜，好滋味😋廣寧魚餅🐟魚餅好大件，口感軟滑彈牙，魚味清香鮮美。👍🏻點樣去化解我所有壓力，煩惱同疲倦既心靈，就是食到好食既美食。而呢間就係我既心靈雞湯🍲🐣

食過最好食又正宗既越南餐廳，忍不住要推薦比大家😚餐廳位於沙田花園城一期地下，牆壁上既圖好特色，到處都充滿越南風味🇻🇳下午茶套餐真係最抵食，選擇多又價錢又合理😉🍲$48 古都湯檬配有牛腩、扎蹄、扎肉、牛丸🍴湯底濃郁帶少少辣，牛腩入曬味，牛味濃，肉質仲好軟嫩。扎蹄相當有口感🍜$75 海鮮喇沙油麵配海蝦，蜆，魷魚圈，魚蛋，魚片🍴蝦味、咖哩香及椰香缺一不可，濃厚得來又不會過膩，蝦肉新鮮彈牙，魷魚圈爽口，魚片軟稔🫔$12 炸春卷🍴炸得酥酥脆脆的，啖啖蝦肉鮮味係香港有咁好食又抵食既越南餐廳，真係好難得😚💯

唔知點解好鬼中意食喇沙，可能同係新加坡留過學有關掛～😙😙呢間大越越南餐廳真係企係門口聞到都已經好香，流曬口水呀😋💦喇沙套餐選擇會唔會太多，有選擇既我真係諗到頭都暈，牛腩又想食，海鮮又想食最後決定點指兵兵，再加個最愛炸蝦餅🍜海鮮喇沙油麵真係好豐富呀，色香味具全，一飲湯底味道又酸又辣，仲滿滿椰奶🥥🥥配料真係好多，有海蝦，蜆，魷魚圈，魚蛋，魚片，真係食到好過癮🦐🐟🦑🦐炸蝦餅係新鮮炸，上枱仲係熱辣辣，一食口感彈Q、蝦味鮮濃😳配酸甜醬更加好食🥰呢間既喇沙味道好正宗又好食，真係食完都令人念念不忘呀🥰🥰

今日好想食蕃茄湯麵，於是放飯既時候去左花園城一期地下既大越越南餐廳，餐廳又闊落，座位又舒適！見到下午茶餐牌有$46蜆港蕃茄蟹膏蝦丸扎肉湯檬，毫不猶豫點左，再加左一份$26烤豬頸肉。蜆港蕃茄蟹膏蝦丸扎肉湯檬湯底以豬骨、番茄、鮮蟹熬成，飲落好鮮甜又開胃，成個人都暖曬。扎肉同蝦丸，口感好彈牙又滿滿肉味😚😚。加點既烤豬頸肉都好大份，豬頸肉一入口好香口又惹味，肉質酥脆嫩滑，邊邊仲有少少焦香，再配埋酸辣汁，非常好食！🥰食到咁飽又好食都先係$72蚊，仲有埋杯野飲，下午茶真係好抵食！😆👍🏻

難得挨到星期六放假，可以訓到自然醒好開心，訓醒好肚餓唔知食咩野好，決定去屋企樓下花園城行下睇睇， 見到呢間大越越南餐廳，我仲未食過，於是趁今日試下先。見到餐廳午市套餐真係有好多選擇，而我仲最意食肉，所以就點左古都湯檬，有牛腩，扎肉同牛丸，再點左個烤雞肉串。古都湯檬一到我驚訝左😍，真係好大份，肉都好豐富。牛腩片好大片，食落肉質細膩爽口！扎肉味道香濃富肉味！👍🏻湯底都好正，看落平淡無奇，實際牛肉湯味十足，仲一D都唔油膩！😋烤雞肉串都好大條！😆雞肉烤過食落好外脆內軟，雞肉味濃郁，配酸甜醬都好開胃！☺️

🍽️下午茶餐$38西貢咖哩牛腩湯檬+ 咸桔水 勁多餸...六件牛腩, 三件牛筋 炆到勁淋, 我本人就唔鍾意咁淋😬湯底唔算濃, 有咖哩味, 味道適中檬粉幼身, 正常發揮, 但份量都幾多 咸桔水味道ok鹹鹹地 追加: 廣寧炸春捲兩件$12$12蚊兩件仲跟埋生菜, 追加嘅食品都唔算揸流灘, 即叫即炸, 新鮮脆口, 內有肉碎粉絲, 甘筍絲, 木耳絲, 不過味道屬一般, 餐廳比較暗, 衛生環境ok, 食物質素屬一般, 但份量足夠食得飽又唔貴😜。  

今晚收工唔想煮飯，想食完先返屋企，經過屋企樓下俾餐廳外牆幅璧畫吸引又見佢轉左手重新裝修完一直未幫襯過，今晚就選呢間來試吓，而且又少食越南美食，就入呢間食返餐飽先，睇餐牌有：套餐、火鍋、飯、河粉、羊腩煲、小食和小菜選擇。我哋散叫左幾個來食軟殼蟹米紙卷：米紙卷入囗清淡，咬落蔬菜新鮮爽囗，連同軟殻蟹一齊食，美味可囗，覺得淡可點埋個越式醬汁，提升味道大越小食拼盤：（春卷、胡椒豬肉串、煎扎肉、牛肉蝦片）胡椒豬肉串賣晒轉左做蝦餅，春卷熱辣辣香脆可囗，蝦餅和煎扎肉味道惹味，點埋個酸甜辣醬更好味，牛肉蝦片，蝦片入囗脆咯咯大越火車頭2人份量（生牛肉、牛腩片、牛丸、牛栢葉、牛筋）：我覺得唔祇2人份量，個湯底好濃，我選左金邊粉，入囗好滑，生牛肉半生熟好嫩滑，牛腩片牛味濃唔硬，牛丸入囗彈牙，牛栢葉爽囗，牛筋腍滑唔使用力咬最終食唔晒，太大碗，要打包返屋企做宵夜，下次再來可以試埋其他

想食越南菜 見到OpenRice咁多正評 所以就去試下晚飯喇首先喺門口睇餐牌係幾吸引但入到去得一兩枱客食飯環境亦都比較殘舊枱面上有放置餐具同水餐具都比較舊d🔹🔹🔹我哋叫咗1)生牛肉牛腩湯金邊粉$60落單前已經同職員講咗d湯要熱d但湯河黎既時候係完全唔熱已經有d失望生牛肉都滑，牛腩片就唔好食 冇味又勁薄金邊粉比較粗 麵質就正常湯底味道偏淡總括只係啱啱合格🔹🔹🔹2) 蕃茄蟹膏蝦丸扎肉河粉$65蕃茄湯底都算濃郁但係亦都係完全唔熱所以飲落有浸草青味同埋亦都感覺比較油膩蝦丸同扎肉味道都正常🔹🔹🔹3) 炸春卷$42/4條炸春卷上枱係凍嘅所以我哋忍唔住叫佢返叮但係叮完上枱係極度油膩每一舊春卷d油係滴出來個餡亦都係唔好食非常失望🔹🔹🔹值得讚賞嘅係，員工態度非常有禮親切座位雖然殘舊，但位置闊落價錢上唔貴，份量都正常可惜食物唔夠熱 味道普通 環境感覺亦唔太乾淨所以都唔會再去了