大興餐廳 (第尾牛扒)

原本想去呢間大廈2樓嘅牛肉放題試下，但後期見到牛放題餐廳飯點時間竟然不是太多人，所以諗住之後先至試！搭𨋢經過一樓見到好多人出嚟呢一間餐廳，以為有好嘢，於是入去諗住訪問下！啲叔叔嘅態度一絕，嗰邊有卡位，開嚟兩位自己入去坐，點餐嘅時候估唔到神戶牛/柳跟西冷只係相差六蚊，仲只係神戶牛柳有沙律送，當然梗係要試下呢個神戶牛柳啦；另外落單嘅姐姐提醒我哋：原來晚餐嘅牛柳同主餐牌嘅牛柳份量是不同的，咁我哋當然想有大滿足，於是乎貪心的叫了兩個主餐牌的鐵板餐。仲有例湯分別有羅宋湯和牛尾湯選擇，本來想叫普通紅湯，點知姐姐就話梗係叫牛尾湯囉，點知原來個牛尾湯傑过罐頭湯，真係非常有心思！主角出道嚟，果然係以前初初出嚟做嘢嘅情懷，當時見到呢啲咁嘅份量簡直心花怒放非常之興奮,牛肉嘅質量相信同以前都係一樣，乸到非常之淋一啲肉味都冇，但係我可以講，神戶牛柳同西冷啲肉質係有分別嘅👍不過最攞命嘅就係佢放喺枱面嘅餐具同埋紙巾係有茄汁㗎,仲有嗰隻筋係有油漬嘅，呢一個真係好復古，相信而家啲人嘅洗碗質素係冇進步過。…查看更多

位於太子的第尾餐廳，我已經食過N次了，之前同家人一起吃，體驗唔錯，所以今次再去食。餐廳內的裝修是80年代的風格，充滿懷舊氣息，侍應的服裝也是經典造型。點了兩個牛扒餐，一個是牛柳餐，另一個是肉眼扒餐，價錢大約$11x, 記得之前食唔使$100，不過份量都大咗，鐵板配上薯菜，薯條份量都唔少，今次揀五成熟，塊牛扒大過我隻手掌，配黑椒汁，牛扒熱辣辣，但餐廳用鬆肉粉醃過，口感軟腍腍，個人比較鍾意食自然的口感，但這個價錢，性價比算很高。套餐包埋一個餐湯和餐包，是嘉頓衞星包，上枱的時候暖暖的，配上牛油，特別好吃。餐湯以紅湯為佳，白湯是麵粉牛油雞湯做成。…查看更多

☀️「太晏」的早餐已成假期儀式，在慵懶晨光中享用完美慢煮蛋與酸種麵包後，又到尋覓午餐時分。特意找上提供沙律的選擇，為身體補給清新能量。 🌞正午轉戰太子「大興餐廳」，推門即是時光倒流的懷舊陳設。招牌「第尾牛扒」反其名而行，燒牛肉帶著誘人焦脆邊緣，肉質柔嫩多汁。驚喜是旁邊的沙律，新鮮番茄仔與清脆青瓜交織出爽朗滋味，恰好平衡牛肉的豐腴。 兩間食肆，兩種充電方式。當「太晏」用精緻喚醒味蕾，「大興」則以街坊風情與實在滋味，為午後注入滿滿元氣。這份燒牛肉配上的簡單沙律，恰似忙碌生活中的小清新，讓人重新找回飲食最純粹的滿足。…查看更多

太子抵食之選！大興「第尾牛扒」的爽快肉食體驗🤠今次同家人喺太子搵食，想搵大大啖肉嚟食！嚟到呢間以「第尾」自居嘅大興餐廳，反而有種親切嘅貼地感，餐廳氣氛熱鬧，充滿港式風情，係追求爽快飽足嘅好地方。「第尾」比我感覺係一種自嘲嘅幽默，但食物絕對交足功課，唔會「第尾」。呢類餐廳嘅好處就係唔使諗，目標明確。是日菜式如下：🍤 大蝦沙律▪︎🐂黑椒西冷牛扒▪︎忌廉湯▪︎羅宋湯▪︎🧊凍檸茶▪︎☕️凍檸水▪︎🧋凍華田…查看更多

收工約咗女朋友去大興（第尾牛扒）食飯！呢間野個名就搞笑，乜嘢「第尾」啫，明明就好抵食！😆 門口睇落舊舊地，但係晚晚都排長龍，好彩我哋早到啲咋！我哋兩個都係打工仔，最緊要性價比高！呢度一個鐵板牛柳餐包晒餐湯、飲品，都係百零蚊，認真抵到爛👍。女朋友要咗忌廉湯，話幾滑又唔會好水汪汪；我就揀咗羅宋湯，酸酸地幾開胃！主角鐵板牛柳嚟啦！仲要係「滋滋聲」咁上枱，熱辣辣煙霧四起！🔥 牛柳切落去唔會韌，仲有少少粉紅色，好嫩滑！我簡黑椒汁，辣辣地好過癮！女朋友就話個蒜蓉汁好香，搶咗我幾舊牛柳嚟食😤。伴碟仲有薯菜，真係無得頂！ 份量絕對夠晒大，我食到好飽，連女朋友都話今次真係要破戒清晒成個碟！餐飲叫左凍檸茶同凍奶茶，大大杯，夠晒解渴！☕️最後埋單兩百幾蚊，兩個人都捧住個肚走，仲要係飽到聽朝都記得嘅程度！女朋友大滿足💑。#平民美食 #情侶晚餐 #抵食夾大件 #鐵板牛柳 #第尾其實唔第尾總結：雖然唔係咩高級餐廳，但係夠鑊氣、份量足、價錢平，絕對係平民美食之選！以後同女朋友唔知食咩好，呢度肯定係飯堂之一啦！💯#平民美食 #情侶晚餐 #抵食夾大件 #鐵板牛柳 #第尾其實唔第尾…查看更多

同舖頭名一樣 名符其實 啲女侍應態度都係第尾第一次去餐廳食飯冇嗌野飲就比人話係鵝本身都唔知係咩意思因為同啲阿姐差太多generation gap上網check完就知係奚落人$3把口都唔收 呢間野有冇咁窮警世 想比人串比人西就去食下…查看更多

一直都想試下呢間懷舊嘅港式扒餐一開始個中年姨姨侍應好好態度，又很有禮貌，令我眼前一亮.. 再來餐廳播緊梅姐啲歌、環境都好60年代、近乎所有食客都係local, 心念應該唔錯, 非常期待啲嘢食上咗個羅宋湯，味道唔錯，應該古早味，所以較為油咗少少再來鐵板黑椒牛排，熟度剛剛好，蒜蓉味好香，味道絕對對得起個價錢不過我較大食，所以份量對我來講中規中矩.. 可以多少少就好啦.. 或者加少少錢可以有個麵包都唔錯..真係希望大家可以多啲幫襯呢啲老店，都好擔心過多幾年唔知仲有冇..…查看更多

太子平價懷舊扒房👍🏻👍🏻👍🏻我同朋友都好鍾意啲懷舊嘢，放起懷舊就一定唔少得呢間第尾牛扒🥩。懷舊裝潢再加上80年代舊歌作為background music，一下子好似穿越咗去幾十年前咁樣😝。食嘅係一種情懷，而且價錢又真係唔貴，午餐時段 60幾蚊一個鐵板午餐，正呀！😇📍大興餐廳 (第尾牛扒) (太子)太子西洋菜南街218-220號生發大廈1樓…查看更多

點了鐵板肉眼牛扒（五成熟，黑椒汁），份量照舊咁大份！牛扒超足料，配薯條同三色豆，女仔一個人真係食唔晒。牛扒嫩滑多汁，牛味濃郁。餐湯揀了羅宋湯，加埋牛油餐包同凍檸茶，簡單好食。朋友點了鐵板肉西冷，份量同樣咁大份。侍應叔叔態度有啲「港式直率」，點餐同上菜快，但略為催促，食得慢的朋友可能會覺得有壓力。不過見佢哋忙到飛起，都理解係老式扒房嘅特色。人均約 HKD 120-150，包湯、餐包同飲品，份量大質素穩定，喺太子區真係抵食！相比高檔西餐廳，呢度勝在平民價同地道風味，CP值高。總結：大興餐廳的鐵板牛扒同羅宋湯真是一個懷舊驚喜，雖然服務同環境唔係完美，但食物夠誠意，推介給想重溫港式扒房滋味的朋友！下次想試吓佢哋的焗豬扒飯同品牌咖喱！…查看更多

之前都有經過, 但一次都未食過😅, 今晚就過來試一下, 本身比安排坐四人枱要同人搭枱, 但真係張櫈太硬, 唔係坐得好舒服🤣, 見到有二枱卡位也一起離坐, 就問店員可否調去卡位😜, 侍應望下出面無人等位, 就叫我哋坐過去😀, 望下餐牌都有幾多選擇, 再望下晚餐餐牌, 好似都幾吸引😄, 就叫左二個什扒餐, 一係要牛尾🐂湯, 一係要忌廉粟米🌽, 就叫左二個忌廉粟米🌽湯, 一個什扒要蒜茸🧄汁, 一個什扒要黑椒汁, 我唔食牛, 再將牛扒🐂變雞扒🐔或豬扒🐽, 等左一陣湯送上, 也有一個迷你餐包仔🍞, 忌廉湯飲落好香好滑🥰👍 麵包🍞雖然望落個樣麻麻地, 但食落有d軟熟有d温暖, 都算係合格🤪😆, 再隔多一陣送上二個什扒, 好有儀式感😂😂🤣, 係有煙升起有聲再個只, 夠晒有氣氛😘😝, 加d茄汁食薯條😍, 熱辣辣☺️, 有坑紋的薯條再加茄汁好味👍, 望到有2件雞扒🐔, 一件豬扒🐽, 有一條腸, 有细细塊🥓煙肉就比左家人, 切件🐽豬扒好大塊, 唔係太肉汁, 但食落有d肉味, 唔錯🥰👍, 腸仔就正常味道, 雞扒🐔都好厚肉, 食落都有肉味, 也是唔係太差, 不過由於份量都唔少, 所以其中一件扒都食唔哂😂, 黑椒係香, 唔算係辣😍, 再之後叫左一杯熱🍋檸茶, 一杯奶茶少甜, 家人說唔係港式奶茶, 係西式, 所以個人覺得麻麻地, 我自己就飲熱🍋茶, 夠熱, 茶味夠濃, 埋單無加一都算幾好, 如果下次想食鐵板, 都會諗起依度😘😝, 但大家要留意, 依度沒有其他電子支付, 只接受現金💰…查看更多

餐廳的店名好好笑，自叫第尾牛扒，是否這麼第尾？小人一於以身試食，直擊測試有幾第尾！如常的港扒慣例，都是餐包、紅湯、白湯的組合。紅湯帶烯烯的蕃茄味，明顯料少。反而白湯的奶油味尚可接受，襯著微暖的麵包好好味。什扒餐自然是甚麼都有：雞扒、牛扒、火腿等等，統統齊全，落的是蒜蓉汁，放在鐵板上，滋滋咋咋的好不吸引，使人胃口全開！而牛柳的是黑椒汁，同樣鬆軟無匹，明顯是鬆肉粉的效果，但那又何妨？一次半次，亦不為過！現代人常說減此減那，偶爾一次，又不是天天食，有何問題？…查看更多

咁岩出開去太子，屋企人話要鋸扒，咁就相約太子懷舊既扒房「第尾」，不過因為我胃部不舒服，所以都照陪屋企人去食晚餐一去到竟然超多人，要去門口排隊，樓梯滿人到轉彎上去，好彩屋企人早到，我去到下一張枱就係我地了餐包 紅湯 白湯 正常既發揮，下次我都係叫番牛尾湯，比較濃味大蝦沙律我諗全場得我一個係叫大蝦沙律因為胃不舒服，其實我好想叫扒餐，好彩沙律同大蝦都新鮮。鐵板牛柳我偷食左一舊，好淋身，但牛味欠缺，加上鴛鴦汁，不過不失。因為價格都算係平，所以要求都唔可以太高如果可以改善一下陣油煙味會比較好，食完離開個身陣味揮之不去…查看更多

平時基本上就算間餐廳再難食，我都不會上黎作出評論，但呢間垃圾餐廳真的不能放過，店內裝修殘舊，食物價錢愈來愈貴，職員服務態度惡劣，大聲說話又不聽清楚客人點菜，那些牛扒份量愈來愈少，肉都是用大量鬆肉粉乸過，肉質口感極差，食緊一pat pat嘢完全唔似食緊肉，飲品都預製好，無論叫小冰或小甜都是拿預製好的過來，已經收了加一服務費，找續時還故意拿一堆硬幣過來，就是為了要人給小費，真不明白服務態度這麼差為何還好意思叫人給小費？…查看更多

#豬同鴨講 #Pig2duck▫️🔍 大興餐廳 (第尾牛扒)📍 香港太子西洋菜南街218-220號生發大廈1樓▫️📝 ★★★★★ 👍▫️▪️▪️▪️▪️▪️▪️▪️▪️▪️▪️裝修係70年代高級餐廳風格💈好懷舊味道🪟▪️▪️▪️▪️▪️▪️▪️▪️▪️▪️▫️【 鐵板鑊仔牛柳 】HK$118🐂牛柳最好食，夠淋易入口😋加上黑椒勁惹味🧂▫️【 鐵板牛仔扒 】HK$97🥩牛仔扒相對比較有咬口，有返啲肉味，最好叫5成熟，咁就岩岩好喇👏👏▫️【 法蘭西多士 】HK$33🧇係扒房食西多士唔知係咩玩法！但原來無花生醬餡，只係炸麵包💔▫️▫️完！…查看更多

會真係算全港排第尾的牛扒嗎？第尾牛扒～晚餐～己叫哂最貴的牛柳同招牌牛扒五成熟出場沒冒煙，又無聲，肉質100％淋，應該加入大量鬆肉粉估計超越了神級店太子金鳳，凍檸檬茶無味，叫左杯世上最難飲的雜果葯水賓治35元加一杯硬紅豆冰奶水35元～四人叫二個晚餐加二杯特飲，355/人均90（因為剛吃完晚餐淨想試佢牛扒）结論：沒有最差的牛扒，只有神級第尾牛扒，無改錯名🤣…查看更多