大自然素食

今日嚟到呢間素食館，一打開menu就被佢嘅創意菜式吸引——今次試咗生炒臘味糯米飯同牛油果法式焗多士，完全打破咗我對素食「清淡寡味」嘅印象！生炒臘味糯米飯：素臘味嘅鹹香完全還原咗傳統臘味嘅風味，咬落仲帶少少油潤感，糯米炒得粒粒分明，混合芫茜同花生碎嘅香氣，每啖都夠晒惹味，食完一整碗都唔覺膩牛油果法式焗多士薄切麵包烤到外脆內軟，鋪滿牛油果泥再鋪一層芝士焗到微焦，芝士嘅鹹香裹住牛油果嘅綿密，口感濕潤又夠香濃，連平時唔鍾意牛油果嘅朋友都讚好食，中西合璧嘅組合真係無得輸！…查看更多

因為係5-7點個段時間食，所以有9折優惠～(⁎⁍̴̛ᴗ⁍̴̛⁎)以為佢出餐慢會過時間，因為一直差一碟飯未出，好在有問，出得切最後碟飯，佢好似差少少同隔離檯搞亂左。好幾個店員不斷輪住hard sell套餐同椰子…但唔吸引，散叫左幾碟。燒味拼盤真心系mvp，其次小籠包子、南瓜飯、竽頭鴨都值得一試！星洲炒米比出面酒樓好食，已經好夠辣！整體來說，鐘意食素食既人覺得同唔食素既朋友聚會好岩食，因為食得出同平時食開既分別…查看更多

今日我哋嚟到呢間素食餐廳，環境相當舒適，食物選擇也非常多樣化，包括中式、日本式同埋西式嘅素食菜式。餐廳提供咗多款美味嘅素食選擇。我哋點咗泰式酸松子魚，外形同質感都好似魚。味道酸酸甜甜，配上香脆嘅松子，口感非常出色，讓人忍不住多吃幾口。另外，仲點咗釀豆腐芥菜煲，這道菜係員工姐姐推薦嘅，味道亦相當不錯。豆腐滑嫩，內餡充滿香氣，搭配清脆嘅芥菜，令整體味道更加豐富。總體而言，這次嘅用餐體驗非常愉快，無論是食物嘅味道還是環境，都讓人感到放鬆。下次再來一定會再探索更多素食菜式，期待能有更多美味嘅驚喜！…查看更多

新派素食🫶🏻素鴨+刈包素鴨炸得偏乾身，望落去好似over time就甘食落就感覺一般🙈🙈刈包即叫即蒸，夾住素鴨一齊食可以中和油膩感☺️🫶🏻生魚片拼盤生魚片用左蒟蒻造成，個口感凍冰冰Outlook唔似係素生魚片，做得又OK😋😋整體來講還可以☺️…查看更多

食物質素差 清炒菜心90元 又老又烚熟焗飯不熱又乾 似番熱 廚司不知是什麼人似不懂廚藝。用半價吸客 但非常粗制濫造咁樣做生意 結果可以想像😱希望香港仍然有做好生意的初心🙏🙏🙏…查看更多

自己係2025年開始每月1號同15號食素(因為自己實在唔會睇舊曆)😂😂😂今次就食位於荃灣嘅大自然素食間中食下素食感覺上都幾好仲無意間發現只需$380就可享全年半價詳情大家問返職員 (利申: 不是廣告, 真心抵) 👍🏻── ✦── ✦ ── ✦ ── ✦ ──ʚ #鬆化芋頭魚 ɞ 你以為係魚 唔通條條都係魚咩其實佢成條都係芋頭 所以非常飽肚個皮脆脆地 唔會好厚粉 同埋真係都幾鬆化 咬落去啲卜卜脆都跌哂落嚟ʚ #竹笙榆耳扒滑豆腐 ɞ除左竹笙同榆耳之外 仲有啲菇類不過我唔知咩菇 但味道都唔錯豆腐係唔會夾得起 因為好似BB仔皮膚咁滑ʚ #避風塘一口茄子 ɞ呢碟無可否認有啲失望 🥹唔似避風塘味 而且太厚粉最後自己切開個皮嚟食茄子算啦ʚ #香煎豆沙窩餅 ɞ開頭仲驚飽得制會食唔哂但估唔到最出色係呢個甜品佢唔算太甜 最緊要係唔油而豆沙滿滿! 大家睇相就知── ✦── ✦ ── ✦ ── ✦ ──…查看更多

今日中午2個人去用膳 ，應該60 分鐘左右，一個服務員拎住張單拍我枱話外面好多人等，其實我唔介意埋單即走，但唔好拍枱呀 ，我要求經理睇返CCTV 其實唔係想對呢個員工點樣，我哋香港仲唔爭氣多野做又發脾氣，冇生意又冇老闆投資 ，香港真係俾呢班態度差嘅人害死…查看更多

平日下午茶三點至五點，雖然有下午茶餐牌，但佢話例湯已經送晒。見下午茶餐牌唔太吸引，同埋其實普通餐牌（例如炒飯炒米）半價後同下午茶價錢差唔多，就叫咗黑松露牛油果醬炒飯。好香黑松露味，夠鑊氣！但唔係好覺有牛油果醬，好大碟，最少都應該有兩碗半飯，晚餐都唔使食。堂食要加一同茶芥。…查看更多

黑松露炒飯，飯粒粒分明,顆粒感十足,散發出一陣陣香濃的松露香氣,實在太誘人啦。佢配搭上富於層次感嘅惹味醬汁,每一口都令人欲罷不能。整體味道簡直是醇厚濃郁,而且每一粒飯都入味得恰到好處,真係令人欲罷不能。做為一道主菜,可以滿足不同人的口味,實在太出色啦。…查看更多

家人安排了英雄宴在這餐廳享用，感謝職員很耐心解答我們的查問及安排訂枱！雖然餐廳地方不大，枱與枱之間比較迫，但是員工服務也很親切，每碟餸菜送到枱上也是熱辣辣的，每一道餸菜都有點驚喜，沒想過那麼美味，就算不是吃素的家人朋友，也很享受每一道齋菜，餸菜的份量也十分充足，最後的炒粉麵都吃不了需要打包，員工為我們分配入盒拿走。非常相信美味的食物能夠改變心情，我們本身帶着傷痛到這餐廳，用餐後竟然帶着滿足及喜悅離開🙏🏻 …查看更多

中秋節買外賣，唔知佢個出餐機制係點。大家都係17:20落單，人哋張單17:40做起，我張單就等足50分鐘18:10先攞得其實做唔切佢做乜唔提早停做外賣呢？搞到人哋等咁耐。啲服務仲要係好差，聽到好多食客都投訴啲侍應好串。有人問自己張單得未，但比個侍應用好粗魯嘅口吻彈返出去，完全無服務可言講真依家荃灣有唔少質素好嘅斋鋪，呢間嘅服務質素，即刻比下去價錢方面，呢間喺區內都接近最貴㗎啦！係咪要改吓啲質素呢？…查看更多

✨素片皮鴨本身想嗌素刈包，點知個waiter聽錯😂🤣其實都幾似真片皮鴨喎，用皮夾住素鴨素醬嗰啲，包曬一齊食 就會比醬搶曬啲味。如果齋食塊素鴨，就等於食緊一塊鹹嘅麵筋，唔好預佢同真鴨肉咁🙈✨牛油果法式焗多士我不嬲都唔鍾意食avocado，因為又肥又難食🥑不過呢一款係牛油果蓉加素芝士，出奇地好食🤤💚甜甜地，好香，芝士熱起上嚟都識拉絲。而法式多士唔係好硬，外脆內軟，同🥑🧀幾夾！✨鮮茄肉醬焗意粉佢應該要叫芝士茄膏焗意粉😂😂一啲都唔肉醬的，只係裏面有少少齋肉碎同蘑菇。食落個意粉係甜，都幾香番茄味🍅意粉都有微微彈性🍝🍁✨香酥炸大腸呢個真係睇個人口味，在坐有個人好鍾意食佢，但係我食咗一舊就冇再食😂唔識欣賞😂😂就係好普通嘅炸麵筋，係炸得幾酥脆嘅～✨水東芥菜釀豆腐煲。係幾清熱嘅感覺嘅，豆腐冇咩調味，偏硬啦 應該煮咗好耐。芥菜唔苦嘅，呢煲落勁多黑椒㗎，可能想遮芥菜本身嘅苦味？啲湯好清甜咖，如果落少啲黑椒就完美！✨糖水：咋喳我最鍾意呢間嘅糖水系列，幾專業😂🙈呢碗好多豆，紅豆啊黑豆啊。✨(p.8)素芝士我都幾鍾意，其實芝士薄pizza都好正，同嗰個牛油果包一樣 識拉絲。…查看更多

兩人去吃晚飯 一共 消費407元 點了4個主餐牌的菜 最貴是硬菜金沙南瓜蝦 分量很大可是金沙炸得实在太油腻太焦 好燶 所以不太想吃完打包拿走就算了沙窩菜膽雲吞翅 味道很一般 不太好吃 不太推荐 前菜三文魚🍣sashimi好好食口感逼真 最點讚 一定要來吃 避風塘一口脆豆腐十分之高質很好吃！ 十分抵吃！大自然素食是集团化经营的 、荃灣店缺點是：太細好逼 、裝修好普通老土無咩美感 、餐牌超級殘舊霉霉烂烂的 对食客第一印象不好 餐厅有必要改善。…查看更多

店內面積比我想像中細， 因假天花關係，樓底比較低， 聲音回響好犀利，咁啱隔離有一台十幾人講野超大聲，加店內其他聲音，頓時恍惚在大排檔一樣，同枱人講嘢好困難先聽得清楚好嘈睇緊餐牌時有位熱心女員工不停建議半席套餐， 又話套餐嘅菜可以改自己想食嘅菜， 改改下其實套餐一半嘅野都改晒， 但仍然係套餐嘅價錢比我哋單叫貴一倍有多， 熱心女員工又再一次熱烈建議，最後決定單叫 食物陸陸續續上枱， 仲上咗一碟我哋冇叫嘅食物， 咁啱屋企人夾咗， 熱心女員工過嚟了解事件， 夾咗嗰碟我哋要啦，個碟係六十幾蚊。而我地想食個碟七十幾蚊，熱心女員工又建議我地要埋，即要付費。因未上菜，最後決定退回廚房。隨即著熱心女員工印返張點菜單，發現pizza冇左，佢話寫落單的紙仔唔清晰明明寫得好清楚，唔知點解佢睇錯和落錯單，因小朋友想食pizza,最後加返pizza食完，隔離枱嘈到食得唔舒服，賣單走人啦，點知張單又有問題Pizza 和退回的食物在帳單上，又問我係米要void左碟退的食物我唔明冇食過點解要俾錢嘅？？？茶位錢上又糾纏，最後個2歲唔收茶位。好煩，女員工由開始到走都係傾數冇咩事唔會再返黎食建議各位check電腦印的落單紙和帳單食物 ：個pizza 幾好， 菠蘿咕嚕肉啲咕嚕肉幾好食，其他都可以啦…查看更多

間唔中都要食下齋對自己個胃好啲，，今日去咗荃灣廣場大自然素食食飯，唔使等位就入佐去，第一次食呢間，我哋叫咗啲睇落比較有興趣嘅嘢食。法式牛油果焗多士🥑$15一件，最少要叫兩件，黎到時有啲嚇親，無諗過$15有咁大件，即刻覺得好抵，襯佢熱辣辣嗱嗱臨試一啖先，好好味，牛油果加芝士有拉絲效果，多士脆卜卜，加埋味道好夾鬆化芋化魚, 好耐之前有食過, 印象好深刻, 今次見到呢間都有, 無可能唔嗌, 都係用芋頭做既, 都幾逼真, 特別係個魚頭, 好熱辣辣, 小心辣親, 味道唔錯原本想嗌一款$30原盅黃耳素翅燉椰皇, 但無曬, 所以改呢款唔記得係咪叫陳皮白菊素蛇羹$38, 都足料幾好飲福建炒飯, 平時唔鍾意食太濕既飯, 不過朋友想食, 原來都可以接受, 偶爾都真係要跳出下舒適圈, 嘗試下平時唔會試既嘢鮮竹粒班腩豆腐煲, 份量好足啊, 鮮竹粒好紥寶大粒, 好食, 最後係食唔晒要打包的, 但一個外賣盒收$3, 個膠袋叫$2, 真係好貴…查看更多