大自然素食

因为买咗大自然嘅会员，所以我哋而家食嘢都会拣呢一间，之前黄大仙喺屋企隔离我哋惯性就会去，但系自从去咗一次尖沙咀之后发现服务好好多，同埋啲嘢食好食好多，所以我哋之后每一次聚会都会拣呢一间，必食嘅系芋头鱼，同埋炒伊面，菠萝炒饭都好食，上次食过嘅叉烧都好推荐。同埋佢个腰果露都劲好食，今日个猴头菇争啲，唔知点解佢炸出嚟整到好韧，同埋好硬。对于呢一间整体质素都好满意，尤其是佢嘅服务，感觉到佢系用心去招呼顾客。同埋佢食物都算选择多，尖沙咀分店是我推荐的餐厅！…查看更多

约咗一大班屋企人去食下午茶 有大枱 都算宽敞 的确系个好选择 下午茶时段3点-5点 时间段内食物都有半价优惠 虽然系半价 但系食物份量都无少到 必食原只木瓜蟹籽沙律 木瓜真系好甜😍法式牛油果焗多士 热辣辣脆卜卜 有芝士拉丝 正印度咖哩羊肉配薄饼 薄饼系真心好味 配上咖哩汁一流👍🏻海鲜鸳鸯焗饭有啲过咗嘅湿 湿到汤饭咁芋蓉猪扒焗饭感觉焗饭都系麻麻哋 唔系话佢唔好味 就系争咁啲～豉油皇杂菌炒面反而个炒面就真系炒得几好味 麻酱鸡丝粉皮唔错嘅小食台式肉碎手指茄有点辣辣哋 几惹味～…查看更多

大自然素食系我想食素就会谂起嘅餐厅，配搭大胆得嚟又和谐，而且菜单选择多到有排试！当然都会有啲菜式系一般，不过优秀嘅居多。今次分享几道食过后「完全上瘾」嘅正餐菜式，每道都真系唔错，想再食，系味觉同口感嘅双重享受！ 1. 西柠麒麟鸭甫｜酸甜清新，口感层次大爆炸 口感：鸭甫唔系一味淋软，咬落微微弹牙，表面煎到微焦，入口有啲似腐皮卷嘅香脆边，但内里保持湿润。配搭：切片青瓜嘅爽脆度直逼新鲜腌渍嘅泡菜，夹埋腌过嘅柠檬片（完全无苦涩，只有柠檬皮清香！），三样一齐入口，酸味先冲出嚟，跟住青瓜嘅清甜中和。惊喜位：酱汁系柠檬糖醋汁，酸度明亮但唔呛喉，仲有少少蜜糖挂汁，好正！ 2. 秘制蜜汁叉烧（跟挂包）｜甜脆控必杀技！ 呢道菜完全颠覆我对素叉烧嘅想像——叉烧本体：虽然浸满晒蜜糖，但系表面依然食到炸过嘅脆，内层有点烟韧，蜜汁唔系死甜，而系带焦糖同豉油香。挂包：软绵带空气感，热辣辣夹住叉烧，脆皮同包嘅软糯形成反差，食到最后一啖都唔腻。 3. 蚝皇灵芝菇海参扒滑豆腐｜菇香轰炸灵芝菇：钟意食菇嘅应该会爱死，真系要畀100分！，咬落*爽脆度有啲似金针菇，但系比金针菇更加容易咬断，但又更有咬口，每咬一下都爆出浓郁菇香，仲带有鲜甜，完全唔会有「斋菜寡淡」感。滑豆腐：配合埋灵芝菇一齐食真系好正，菇爽脆又烟靭，然后豆腐滑捋捋，口感层次好丰富！海参：唯一扣分位，口感似蒟蒻啫喱，无乜味道 性价比同总结三款菜式人均约$100-150（视乎食量），以精致素食嚟讲绝对合理。不过大自然素食好抵赞嘅一点系，有平有贵，午餐同埋下午茶时间系抵食。必试原因：每道菜都有「记忆点」，唔系一味靠重口味，反而用食材本质同烹调技巧取胜！回头指数：⭐️⭐️⭐️⭐️⭐️/5 今次系推介篇，下次有机会会写「唔回头篇」。唔系话啲菜式唔好食，只系相比之下冇咁出众。其实每间餐厅都好难做到样样都完美，所以点评出嚟留返quota食好嘢。…查看更多

大缩水 长期Fans 买咗VIP全日半价质量大缩水兼非常求其煑 敢说会做坏招牌 得不常失 希望管理层多加留意客人希望食到有水准素食 香港已经非常少大自然是其中一间 珍惜所有 明白租金贵生意难做 但偷工减料是下下策 真心希望能用心做好 不要负Fans期盼👩‍❤️‍💋‍👨…查看更多

带来香港旅游的素食朋友食晚饭，因为正做全日半价的优惠，所以我们4人想吃就点，畅快！朋友特别喜爱口水鸡还追加多一份😋，也秒清！😜朋友食完都赞不绝口，份量，味道，价钱晚市都半价半天不用说了！👍…查看更多