影片
开饭介绍
座位宽敞的火锅店，汤底及配料选择众多，以金屋藏娇为招牌汤底，内有鸡、花胶冬瓜等，建议先喝汤，才打边炉。
继续阅读
营业时间
今日营业
18:00 - 02:00
星期一至四
18:00 - 00:00
星期五至日
18:00 - 02:00
以上资料只供参考，请与餐厅确认详情
有关奖赏计划
今日同朋友去左荃湾呢间大红袍度打边炉之前有朋友食过话身份证有以下嘅数字有优惠～身份证有 1，5，7，9 四个字其中一个已经有优惠！ （1个字9折 2个字85折 3个字8折 4个字75折）今次拣咗个招牌椰子鸡煲汤底，半只鸡份量岩岩好仲要劲新鲜～最贴心系餐厅仲送咗两个椰青俾我地用嚟加汤，保持香甜滋味，仲可以直接饮椰青水解渴。安格斯牛颈脊油花分布平均，轻轻涮几秒已经熟得啱啱好，肉质嫩滑，牛味香浓带少少甜味，唔使任何酱料已经好好食。炸午餐肉打边炉真系唔少得午餐肉～外层炸到金黄香脆，咬落仲有轻微焦香，入面松软咸香。稻庭乌冬面条幼滑弹牙，挂汤能力一流，吸到汤底嘅椰香同鸡香，食完有满满幸福感。油麦菜油麦菜都好新鲜～带自然清甜，配椰子鸡汤特别清新，可以中和肉类嘅油香。双籽鲜虾云吞大大粒，皮薄而滑，咬落啖啖鲜虾肉，虾味浓郁弹牙。贡丸质地结实弹牙，咬落有肉香同汤香，平时钟意食贡丸嘅朋友一定要试！绣球菇大大棵，吸饱椰子鸡汤精华，咬落汤汁即刻爆开，鲜香浓郁，食完成个口腔都系汤底嘅香气。手打柠檬茶最近去边都要叫嘅柠檬茶，大大杯～新鲜柠檬嘅清香同微酸，饮落清爽解腻，配火锅一流。
继续阅读
夏日热辣辣最爱就系食椰子鸡清凉地打边炉🍲🍨餐厅嘅布置好特别，宫廷式嘅设计，而且地方好宽敞舒适有卡位🥰🎉🍲 五指毛桃椰子鸡汤呢个椰子鸡，有两个新鲜椰青水，汤底好鲜甜，饮两啖椰子水汤，好清甜😋🍲之后再放埋成碟鸡落去等熟♨️肉质鲜嫩～🦪 桂花蚌 + 鹅肝墨鱼丸食完份量十足椰子🥥鸡有少少饱肚，所以叫咗呢间铺好有特色嘅桂花蚌 + 鹅肝墨鱼丸😍 桂花蚌好新鲜，滚两滚再放落口劲鲜味！鹅肝墨鱼丸好特别，咬开墨丸有鹅肝嘅滋味Yummy！🥩 滑牛肉 + 羊肉片打边炉点可以唔食肉类，我哋叫咗画牛肉同埋羊肉片，牛肉配鸡蛋真系打边炉嘅佳品，入口牛味浓食落又好嫩滑😋而羊肉片油花好均匀 碌一碌好快食得羊味好浓郁😍🥟 双籽鲜虾云吞 + 黑柏叶 + 红薯粉双籽鲜虾云吞呢个非常推介👍🏻云吞嘅馅料好丰富 虾🦐味好浓☺️皮薄馅靓 黑白嘢系冇加工过嘅牛柏叶，打边炉食真系够晒滋味！眼阔肚窄我哋最后仲叫咗个红薯粉，不过饱到上心口食两啖红薯粉原来都好满足😍🍻 BECK 啤酒打边炉咁热气，我哋要叫鬼佬凉茶下火🍻啤酒做紧优惠，我哋一人叫咗一杯，好大杯打边炉一定要嗌翻杯🍺
继续阅读
一年四季我都钟意打边炉，今次嚟咗荃湾呢间港式火锅店试吓先，餐厅座位环境宽敞，食物选择好多，汤底都有成2️⃣0️⃣款选择，啱晒成日钟意试新嘢嘅我🥰🔸五指毛桃椰子🥥鸡汤底🔸食火锅最紧要梗系个汤底啦！大推呢款用咗足足两个椰子🥥的椰青水嘅鸡汤底，仲有半只鸡份量，先品尝汤底的清甜，鸡肉嫩滑，用呢个汤底打边炉，感觉润而不燥，仲可以带出其他火锅配料嘅原味道👍🏻🔸顶级安格斯牛颈脊🐮🔸例排嘅牛颈脊份量都几大碟，肉质鲜红色，肥瘦均匀，轻轻滚几十秒就可以食，入口牛脂味道香浓🔸西班牙猪肉🔸西班牙猪肉味道浓郁，没有太多肥肉，就算滚耐咗到吾会太嚡口，口感柔软🔸手打四宝丸🔸可以试到四款唔同嘅丸类，包括墨鱼丸、鲜虾丸、梅菜猪肉丸、牛筋丸，因为系自家手打造嘅原因，口感弹牙，食到真材实料嘅味道🔸紫菜炸响铃 拼 炸鱼皮🔸紫菜响铃，即叫即做，就咁食又得，轻轻用汤滚一下先食都得，炸鱼皮脆卜卜，带有少少咸香味道🔸招牌黑松露肉蟹饺🔸黑松露肉蟹饺馅料饱满，食落充满黑松露香味，仲可以食到一丝丝蟹肉🔸油麦菜🔸油麦菜颜色翠绿又新鲜，入口爽脆🔸 手打柠檬茶🔸大大杯手打柠檬茶冰凉解渴🔸 咸柠七🔸咸柠味开胃增加食欲
继续阅读
大红袍火锅料理装修偏中式气氛舒服，卡位大张枱阔落，适合朋友聚会同家庭饭局。店内环境整洁感觉加分。「椰子鸡汤底」真系用足两个椰子🥥加半只新鲜鸡，全部真材实料，亲手倒入汤内汤底清甜带椰香，鸡肉嫩滑，还有红枣、杞子同五指毛桃增添层次，饮落好润喉又暖胃，非常足料，朋友都赞口不绝。椰子味特别突出又不会太腻😍职员话身份证上含有1，5，7，9四个字其中一个或以上即享有以下优惠［不计算重复及身份证括号内号码］最多有75折😳记住问职员👩💼 我就无一个字中，大家加油👏点了以下食品😍😍1. 手打墨鱼丸：弹牙鲜美，咬开有浓厚墨鱼香，口感十足❤️2. 西班牙猪肉：油花平均，涮起嫩滑多汁，肉味突出，入口不觉腻质素高。3. 脆鱼鲩片：鱼肉鲜甜，入口有弹性，几秒便可入口感觉新鲜。4. 大蚬：蚬味浓郁，每只都鲜美无沙，煮完蚬鲜味在汤底更突出。5. 蟹柳：劲大条口感弹牙而鲜甜😍不会煮到溶晒，配火锅好合适。6. 双拼（炸腐皮拼炸鱼皮）：炸腐皮薄脆吸汤唔过火，炸鱼皮外脆内香配鱼皮作小食一流。7. 皇帝菜：超新鲜爽口，吸满汤味后保留菜香，健康又解腻。最后梗系食公仔面用嚟收尾最正，火锅必备😆全场食材新鲜选择多，汤底选择都多元化，火锅氛围一流，价钱合理。
继续阅读
与朋友一同来到荃湾楼上火锅店，装修走宫廷风格，占据一整层，座位宽阔，可以舒适地边聊边吃五指毛桃椰子鸡汤底 $198足足两个椰青水，半只鸡和非常足料的药材，吃火锅前喝了半碗汤，清甜好喝，鸡皮爽脆，鸡肉味香安格斯牛颈脊 $338大大盘份量十足，油脂分布平均，牛油味浓韭菜饺（半份） $40可以点半份，方便2人分享，粒粒皮薄，韭菜饀料饱满，推介猪颈肉 $65以秘制腌料腌过，有点像沙嗲酱香，肉质软嫩爽脆，价钱超值蟹子墨鱼滑 $88墨鱼滑新鲜自家制，每口吃到墨鱼香味，口感弹牙 脆鲩骨鱼腩 $98新鲜爽脆，边煮边闻到阵阵鱼香，肉质香甜炸响铃 $60热腾腾新鲜炸起，香脆可口，整份有八条，必点鲜腐竹 $38吸饱清甜的鸡汤底，同时吃到淡淡豆味现时有特别优惠，身份证上含有 1，5，7，9 四个字其中一个或以上即享优惠，1个字9折，2个字85折，如此类推，星期日、公众假期及节日不适用全部食材新鲜，感觉到用心制作，值得支持
继续阅读