大甲芋圓

好耐之前都食過一次 今次堂食可能喺屋邨關係 唔係好多人食椰汁紫米露 ($24)完全顛覆平時對紫米露嘅認知😂嘿到一個點 完全冇紫米嘅存在又冇甜味 只係得啲紅豆渣🫠椰汁味都唔係好出 可以話係難食😮‍💨仙草特盛 ($38)配黑糖 呢個對比之下好好多有芋泥球 芋圓 仙草 紅豆 迷你白珍珠同埋椰果黑糖嘅甜度啱啱好 配埋其他配料口感豐富呢個真係好食好多😬呢一間都係適合食芋圓多啲🥲…查看更多

好難食！不會再幫襯！在2025年一次比一次差，以往我經常買黎食。中秋節正日，叫左兩碗糖水外賣，比平時多人等位/買外賣。第一碗係椰芒仙草芋圓加湯圓芒果雪泥 》作為糖水鋪比既竟然係好假嘅芒果雪糕。失望！兩粒白色唔知乜丸》硬嘅，未煮熟，一堆粉，咬咗一啖冇食了。湯圓〉》 我另外加錢叫湯圓，湯圓入面餡料，一團硬既黑芝麻。未夠熟透呀！仙草》 常溫 ，熱既湯圓放埋入兜凍嘅糖水？令到成兜嘢變咗常溫/熱 ，我俾得10幾蚊買湯圓，唔可以分開第二兜嗎？食左半碗頂唔順要掉咗。第二碗 川貝麥冬燉雪梨早兩年，我第一次食，食過返尋味。轉餐牌/ 轉手後，然後越食越差，味道變了，有一陣怪味。結論；好難食不會再幫襯了！十分失望！…查看更多

叫咗個網上外賣平台外賣 兩碗 一碗係腐竹糖水 一碗係紫米芋圓 一打開個糖水得六成 另一碗就正正常常嘅 先唔講味道 即刻聯絡店舖 淨係話拒絕退款 係正常份量 即係點即係另外一碗正常係施捨畀我？ 跟住社交媒體網站聯絡佢哋 仲搞笑 話佢哋嘅標準係300ml 會唔會係畀咗個大碗我 根本兩隻碗一樣 我真係笑咗出嚟 就算你話用左個大碗 係咪應該要同個客講呀 仲問我屋企有冇辦法度到係幾多容量 依家我係客 我覺得我係畀你玩多啲 你身為一個負責人唔係咁樣講嘢呀 同埋如果你真係話要300ml 係咪要係個menu度寫明呀…查看更多

屋企人住天瑞邨，以往每次返去食飯都必買大甲芋圓。自從兩年前開始有幾個出名既影片分享平台紅人介紹之後，佢地既生意係好左，夜晚堂食好多時候都差唔多滿座。上個月係大甲芋圓幾個月前轉左餐牌之後，我第一次再幫襯，發現新餐牌既糖水種類多左好多，多左好多港式糖水。由於唔知食咩好，聽左店員介紹佢地楊枝金撈（$42）同仙草特盛（$38），味道係合格，只係價錢上無左之前$2x就食到個種抵食既感覺。但今次要寫食評係因為每當我睇餐牌，店員就好主動推介，推介親都係算貴既糖水。今次佢推介俾我既係芒之迷（$38）同豆花特盛（$38）。豆花特盛賣到$38，仲要無左有餡既包心芋圓同芋泥，我已經有d失望，不過味道係正常，合格的。但不可不提芒之迷，由於餐牌無寫係包括咩配料，落單時問左店員係咩黎，佢話係芒果汁、小丸子、芒果雪糕同新鮮芒果，我都幾鍾意食小丸子，所以就嗌左。我一打開個蓋，我真係呆左，賣到$38，個份量係裝得個碗既2/3都無，只係一半再多dd⋯⋯小丸子10粒左右，芒果6粒左右。我寧願佢裝個再細d既盒比我都無咁肉酸。因為本身芒之迷個外賣碗係矮身過豆花特盛添嫁啦。呢個價錢，我想講行去天瑞街市有芯記、有錦記，真係唔一定幫襯你大甲。老實講呢個價錢我可以去T town 食椰子媽或者天水圍一糖都係差唔多價錢。希望大甲你睇到評價，重新考慮過自己定位同定價，你要加價無問題，但水準同份量要成正比呢！…查看更多

餐牌轉咗味道都冇變， 冇咗糖煮芋頭。多返有餡芋圓🤤 好味😋 叫咗宇治牛乳芋圓，仙草特盛同埋紅豆涼粉。大家都話味道冇變，好似仲好食左。不過係真係貴左啲，但都係正常價錢。之前真係太平。 但有啲掛住招牌大甲，如果之後有返就好了🥺 仲有 糖煮芋頭🥲🥲 …查看更多

裝修完第一次食，外賣自取番屋企食。叫左一碗海底椰仙草配花奶同埋急凍芒果西米露。點知道第一碗嘅份量得外賣碗嘅一半，而之前個外賣碗係大啲而且份量都足一碗。跟住第二碗就完全無俾到芒果，淨係得珍珠同埋西米。失望，差評…查看更多

裝修完第一次幫襯，轉咗新menu，除咗芋圓仲多咗好多唔同款式嘅糖水買咗嗰$30 芒果西米撈現實得到嘅就係幾粒芒果+幾粒西米+幾粒珍珠同埋一大碗奶用一個碗都裝唔哂啲奶食完同冇食過一樣，呃錢以前主打食芋圓抵食好多，而家價錢貴咗仲要嗰份量少到咁失望，唔會再幫襯，$30買咗碗垃圾，嬲到即刻上嚟寫我既第一嗰食評。。。。。。。。。。。。。。。。。。。。。。。。。。。。。。…查看更多

抵食芋圓食物:🌟🌟🌟🌟價錢:🌟🌟🌟🌟天水圍唯一芋圓店招牌大甲芋圓人氣既之選，多種配搭芋圓（豆花，仙草，芋泥，紫米露，蓮子，地瓜圓等）芋圓煙靭，配搭不同食材，口感亦佳，價錢合理，值得一試。…查看更多

同朋友行完街仲想吹水當然就係去食甜品！想食芋圓，第一時間就諗起大甲芋圓🤤種類都偏多可以揀豆花、仙草、紫迷露等每一款都配埋雪糕， 一碗大約都係廿幾三十幾蚊，非常抵食👍🏻…查看更多

📍大甲芋圓宜家周街都有得食芋圓但搵到一間抵食又好食既芋圓就唔係一件易事今次同大家分享一間係大西北既芋圓糖水舖❗️😋招牌大甲芋圓 （$28）呢碗招牌大甲芋圓係呢間舖頭最人氣既糖水之一‼️入面既材料好豐富有芋泥、仙草、芋圓地瓜圓、大甲芋頭雪糕🍦芋頭雪糕再加芋泥撈埋一齊真係食到勁濃既芋頭香味再加上芋圓煙煙韌韌既口感成碗糖水既配搭好夾✅不過佢每一款料都好多食完會覺得好飽🤣🤣🤣總括黎講20幾蚊買到咁足料又好食既芋圓真心覺得值💯…查看更多

一直久仰大名 咁岩入開天水圍終於可以試到 叫外賣買番屋企食二十幾蚊嘅糖水真係好少見😮‍💨招牌大甲芋圓 ($28)有仙草、芋泥、芋圓地瓜圓同芋頭雪糕佢個雪糕外賣會分開裝 比較似雪芭攞到番去都冇咩融 食落就冇咩芋頭味芋圓好煙韌！正 不過仙草冇咩味但都好多料 甜番少少就好芋泥紫米芋圓 ($25)紫米食落有啲苦 整體都係冇咩味芋泥有少少芋香味呢個比較一般特盛豆花芋圓 ($27)三款最好食係呢一款 比較多甜味而且豆腐花幾香豆味配有紅豆、蓮子、椰果芋圓地瓜圓 同埋一球豆腐雪泥食落口感豐富啲😎…查看更多

各位食友，今日我來到一間專賣台式甜品的店鋪，呢啲天氣最啱嚟一碗又甜又涼的芋圓！我點了份招牌大甲芋圓，啖啖芋泥加上Q彈芋圓，口感相當豐富唔誇張。芋泥綿密又香滑，芋圓彈牙得嚟又唔會太硬，食落真係超有層次😋。個仙草底嘅芋圓，仙草嘅香味竟然完美咁融合咗喺裡面，芋頭控嘅我都唔自覺嘆咗一聲，正到喊出嚟！我朋友揀咗焙茶豆花芋圓，個焙茶雪糕嘅茶香味好濃郁，而家都仲回甘喺我個口腔裏面。豆花嘅口感滑溜溜，同芋圓、雪糕拼埋一齊，完全係新鮮嘅口味體驗，真係諗住食慢啲，但一不留神已經食晒啦🍨。明明係間唔起眼嘅店，但隱藏著挺厲害的手藝，將平凡嘅芋圓做得咁有特色。倒是黑糖燒麻糬有少少失色，麻糬雖然韌性十足，但黑糖味道就真係有點淡咗，希望可以再提升吓！整體嚟講，招牌芋圓真係值得一試，解郁係咁簡單🥳。…查看更多

夏日天時，有時食完飯飽飽哋都好，都會想食番碗糖水滋陰吓。今日就試咗呢間天水圍嘅台式糖水舖，估唔到都幾抵食，仲好足料!☄️特盛仙草芋圓($27)呢個年代要搵到碗$30以下嘅糖水真係唔易，雖然同以前比少咗包餡芋圓，但普通芋圓依然份量十足!蓮子同紅豆亦襯托得啱啱好，唔會苦又唔會太甜。加上椰子雪糕、椰果同仙草，食落既消暑，口感又豐富。小店嚟講，呢個價錢有呢個份量，難怪區內人氣都幾高!雖然舖頭位置唔多，但一般區內食客一般都以外賣為主，所以都唔算難搵位。經開天水圍嘅朋友不妨一試!…查看更多

全港唯一的一家大甲芋圓，去天水圍揾朋友，食完dinner去咗呢間食甜品。勁大份又勁抵，根本就食唔曬😂😂😂先得個24-27💰又有雪糕又好多芋圓！！！好正！下次去要再食…查看更多

我在天水圍天瑞商場品嚐了一碗大甲芋圓，發現這碗芋圓和一般的芋圓有些許不同。雖然成本不高，但它不會過甜，讓人感到非常清爽。值得一提的是，雖然芋圓中的湯汁不是很多，但店家卻提供了足夠的冰塊， 但又不至於成本都係冰，讓整碗芋圓吃起來更加清涼爽口。此外，28蚊的價格也十分實惠，份量也算滿足。芋圓的和。芋圓 雪糕都很特別，讓整碗芋圓吃起來更加豐富多彩。如果你喜愛芋頭的味道，這碗芋圓絕對值得一試。而且，這家店的產品不僅價格實惠，還有很多特色的小吃，可以滿足你的味蕾。當然，如果你不是很喜歡甜食，這裡的芋圓和雪糕也不會讓你感到膩。總體而言，這家店的芋圓是一個值得前來品嚐的好選擇。 整體而言很有台灣的風味！…查看更多