大班麵包西餅

食過「嘉多娜」開始留意法式麵包布甸見到連大班都有出 （利申：原來2019年已經出咗，平時真係冇乜點幫襯）總係想試試路過即管試試咩料子法式牛奶布甸杯-$12.5先入為主會係相似既口感但比起香脆煙韌既法包卻是鬆軟既圓’法包‘？布甸比較香滑 淡淡嘅口味一樣可以凍/熱食視乎個人喜好今次我就凍食價錢還可以 唔算太貴不過可一不可再😂試過就算 基於CP值唔算高冇左份匠人既細膩真係想食寧可花多少少時間同金錢去買「嘉多娜」…查看更多

今日同屋企人去咗新都廣場食Lunch，食完lunch再上佢屋企玩board game同埋打下麻雀，所以都想買啲甜品上佢屋企下午茶食！行過大班西餅，俾呢個法式牛奶布丁包吸引住，外型成個碗咁，好得意！呢個包應該係下午先有，我之前早上去都唔覺有得買~~~ $12一個唔算特別平，如果好食都值得嘅~~呢件甜品食落都幾有層次，首先講下個包，係鹹鹹地嘅！內層係又甜又滑溜既布丁，有勁香濃牛奶味！！我將佢雪凍咗嚟食，凍冰冰咁食更加透心涼！好滋味！ $12抵俾！…查看更多

母親節限定蛋糕 $128賣相不錯，忌廉好滑，但實在太多忌廉🤢，食到怕怕，加埋入面既芒果醬實在太甜....🤦🏻‍♀️好彩呢個分量細細地幾好，唔怕食唔哂😝😝…查看更多

奉命去買蛋撻，行了幾間餅店都無，行到呢間終於有，店面好大，光猛乾淨！雖然有蛋撻，不過無傳統款式，只有兩款新款！我要每款半打，店員好好咁建議，其中一款芝士撻買三送一，所以8個最抵，另加四個蛋白蛋撻！ 包裝盒好堅固，好易拎，仲會用紙咭分隔！唔會壓爛蛋撻！ 半熟芝士撻：近期熱賣，所以其他餅店都一齊湊熱鬧，曲奇皮幾脆，焗到微焦，芝士香滑！好濃味！如果熱食更好！撻皮香脆！一個剛好，我食兩個太膩！ 蛋白蛋撻：曲奇皮幾脆，蛋白唔太甜，可惜蛋白唔滑！所以一般！店員好細心抵讚，為客人（荷包）著想！窩心！…查看更多

星期五收工後路過大班比張海報吸引住,所以就買0左呢個芝士CAKE LA~最上層很甜應是蜜糖,個CAKE好滑好好味~$22.5呢個價錢值得食多一次~…查看更多

前日早餐買0左個雞批比呀哥,自己食牛角飽,牛角飽唔熱,唔夠脆,食完好似冇食過咁,唔抵買($6).呀哥話雞批好味.所以今日早餐買0左雞批,果然真係好好味,雖然只係微熱,但個皮好鬆化,好薄,好足料,D雞肉好滑好有口感,食完後好滿足,價錢值得($8)個收銀員目口目面,冇表情,我同佢講唔該佢都冇反應,多謝都冇聲.…查看更多

姐夫生日快樂家姐吩咐小妹買蛋糕, 約一磅便可, 夜晚為姐夫慶祝 。經過大班, 見到蛋糕櫃有兩款好特別的生日蛋糕, 是用批做底的, 之前都未見過, 不知是何時推出的呢? 一款是芒果慕絲批, 另一款是泡芙藍莓慕絲批。想Fresh D就建議選芒果, 而後者則夠哂gimmick, 有成七八粒原味小puff鋪面, 層層疊咁, 每粒puff都夾有好多cream, 好似好好味咁! 不過姐夫喜愛芒果, 所以最後決定要mango moouse! 這款moouse批只有一磅賣, 只售$65, 都好抵!芒果慕絲批：平時吃的生果批、朱古力餡批、檸檬批...size都是迷你型的, 這個則是加大版, 愛批者如我未吃已雀躍。芒果酸酸甜甜, 都新鮮, 沒有淋pat pat, 有杏仁片放面, 覺得不太配合。cream圍邊, 芒果底下也有, cream不會太甜, 唔漏。至於芒果moouse部份, 下得太多魚膠了, 蠻挺身的, 質感不夠軟滑, 芒果味都足夠, 眼見並非用芒果茸而製, 應該下了芒果液調色調味, 如果用芒果茸打成就好味得多。到了批底了, 這個沒令我失望, 都有兩三層, 雪凍後更酥脆, 也嚐到牛油味, 但不會太重又幾好WOR!吃了不少呢~整個蛋糕最好是批底, moouse質感方面可以做得更好, 價錢也合理, 不是生日也可以買來吃, 份量不會太大麻! 下次可以試下泡芙藍莓慕絲批不過個盒設計就認真麻麻, 有點土氣, 還是喜歡以前的那種。…查看更多

上次開生日會時，因為已準備左好多美味既食品，本來都夠野食架喇，但無理由生日會無蛋糕架所以就黎左呢度買左個迷你鮮什果蛋糕 個蛋糕既造型都唔差架，但因為係迷你蛋糕既關係，無可能係個咁細面積既蛋糕面上整得太多既項目架 原怕會食唔哂既蛋糕，最後竟然係d人爭住食!!! 因為實在好好味呀 蛋糕又軟熟、d cream又滑又唔會太甜 配合埋d帶有生果味，唔係「糖水味」既生果，真係唔錯架呢個迷你蛋糕真係愈食愈滋味，我怕我平日都會買黎食呀…查看更多