大煲皇小廚

营业中

休息中

朋友們約打邊爐，帶我去每碟單點的火鍋店，食材質素很高又新鮮，叫了一個孖寶象鮁蚌刺身+濟公豬骨煲$588，象拔蚌刺身即叫即切，新鮮爽口美味😋 濟公豬骨煲內材料已經勁豐富🤩內有幾舊大豬骨,粟米,鳳爪,白蘿蔔已經很夠飽了😆頂級手切肥牛，油花均勻，牛味濃郁，輕輕灼幾秒就已經食得，入口化開嫩滑好味🤤另外再點了，個刺身拼盤都只是$500樓下，刺身有三文魚，北寄貝，希靈魚，海膽，赤蝦，魷魚，鮑魚新鮮美味，大家都食得很滿足😋火鍋料大碟又新鮮，價錢都合理，比較特別的豬腳根，店員一放底話要滾一個鐘才食得😳我地即時放落煲，又真係幾好味喎😋 似牛根有嚼勁，唔似太啫喱骨膠原口感，不錯😋田雞即叫即劏，上枱時肌肉仲會彈下彈下，超新鮮🤩農場新鮮雞子有卡位同圓枱選擇

今日去長沙灣探個朋友，做返個香港人四季都要打邊爐，搵到呢間新發現嘅餐廳首先講一講佢個份量全部都非常多，我哋兩個男人最尾都係冇食晒啲嘢🥹🥹🥹酸菜魚煲:鮮嫩多汁的魚肉與酸香濃郁的酸菜完美融合,在熱騰騰的鍋底煨煮,讓酸菜的味道徹底入味。酸菜明顯有炒過，所以幾香。手切封門柳:幾好食，有牛味，刀工唔錯厚薄適中，非常之唔錯！鮮蝦雲吞: 鮮蝦餡料包裹在薄薄的雲吞皮中,鮮甜多汁的蝦肉和彈牙，好過出邊食雲吞麵！即炸魚皮:酥脆可口的即炸魚皮,，幾新鮮即炸響鈴:夠吸湯，必點✌🏻蝦滑: 食得出幾新鮮同埋蝦肉嘅多，唔會成口粉，而且上面有少少蟹籽食嗰陣會多一種口感😝😝😝

我平時係長沙灣附近收工，都會約下朋友食飯聚舊，因為呢頭真係好多好野食，最近見到呢間餐廳好多人推薦，我地今次黎就試下佢嘅濃湯雞煲翅鍋，聽講真材實料，一定要試試先。🥹🥹🥹呢個濃湯雞煲翅鍋可以揀要幾多兩，咁我地二人食就揀六兩。一上枱，已經見到湯顏色帶有光澤，首先飲一啖雞湯，非常濃郁鮮甜，唔係坊間果啲加入咗味精嘅雞湯，飲得出係新鮮雞煲嘅，果然係十分高質。🤩🤩🤩職員會幫手分碟，非常友善，雞湯入面花膠係軟軟地但帶點爽口，唔係平時出面食果種平貨，用料好高質，魚翅爽滑彈牙，每啖都充滿魚翅和雞絲，而且湯汁滋味又濃郁，真係奢華嘅享受，好正啊，飲完好滋潤好補身。🍲❤️😆飲完湯就點左本地特級手切肥牛，肉質鮮嫩，每一片都係均勻嘅肥瘦適中，一入口即化，肉汁濃郁，輕輕係火鍋淥完之後，吸收曬雞湯嘅味道，好味到連醬油都唔洗點，食落去肉嘅香氣迴盪於口中。🥩🥹👏🏻

昨天晚上十點左右跟朋友去大煲皇食火鍋，因為上星期六也有去食，點的是同一樣東西，還以為質量可以延續，但原來份量是會差天共地，我同朋友點了一份細的象拔蚌、一份手切肥牛、一份墨魚滑、一樽酸梅湯、湯底是清湯，象拔蚌比上星期的份量少了1/3，一看到這次的份量就想馬上離場，詢問過店員就是聽到問話後頭也不回的沒有回覆；象拔蚌價錢並不平宜，要$980，上星期就是看到他夠份量才會有下一次，經過這次就不會再去，看看圖片就明白。上星期六我們有叫到一份細象拔蚌、一份細的手切肥牛、墨魚滑、兩支酸梅湯、湯底是豬骨湯。

大煲皇小廚位於天悅廣場，主打本地手切肥牛火鍋！場內自設魚缸，供應游水活魚刺身、生猛龍蝦刺身！皮蛋芫茜湯 $68除咗有勁香嘅芫茜外，仲有埋豆腐、粟米、馬蹄等，多一份來自蔬菜嘅甜！本地特級手切肥牛（小） $198帶充足嘅油花，手切有一定厚度，入口軟柔而且多肉汁，肉味香郁，正！小份已經勁大碟，抵食！新鮮牛坑腩片 $88軟腍而且油香滿滿，同時帶有香料嘅香氣，推介！日本黑豚肉 $88｜豬頸肉 $48大煲皇嘅豬肉質素亦頗高，日本黑豚肉啲油花比得上靚牛，而爽滑嘅豬頸肉亦值得推薦！魚皮餃 $48一咬即爆汁嘅魚皮餃！鮮淮山 $38｜唐生菜 $42蔬菜類選擇亦頗多，都係大大碟！醇滑嘉士伯 $26｜ 道地綠茶 $15大煲皇嘅酒水都係特平，大支裝啤酒都係廿零蚊有交易，遇到推廣仲會有優惠！

朋友約打邊爐，對於香港人來講，唔係，應該係話對於中國人來講，不論春、夏、秋、冬，乜嘢季節都可以打爐嘅，起碼我自已喺夏天都試過喺成都食火鍋吖😋😋 而朋友今日带我來呢間叫做“大煲皇小廚”， 朋友來過，我就係第一次來嘅。超級多的湯底揀，豐儉由人，有活魚刺身火鍋、濟公豬骨鍋、胡椒咸菜豬什鍋、辣汁什菌花甲鍋、 滋補水魚鍋、瑤柱冬瓜田雞鍋等等20種鍋底，而且有我哋鍾意的“菜膽豬肺鍋”，個鍋大概有10件大大舊豬肺，清洗得非常乾淨，又有D小白菜同埋D菇，還有雞腳同豬骨，成個湯底味道好足够，我哋再嗌D肥嘟嘟的“廣島蠔”，好粉的“豬粉腸”，新鮮的“脆鯇片”，彈牙的“珊瑚蚌” ，記得灼幾秒就ok，如果過咗龍就唔好食。全部D嘢一個字，非常新鮮，燈光十足，睇得好清楚，還有够大隻的“原隻鮮魷”，亦都係新鮮貨色，超彈牙，食得好滿足，“皇帝菜”好耐冇食，翠翠綠綠够吸引；“稻庭烏冬”、“鴨血”、“鮮淮山”亦都有令人失望，下次來就試下唔同的湯底喇😋

大煲皇喺天悅廣埸已經好多年，由小鋪變大鋪，之前小鋪時都已經有幫襯，依家變左大鋪，門面裝修更加美侖美奐。 坐既位置又寛敞，有房間、卡位、大小圓檯，坐得舒服。 食物質素依然保持水準。蕃茄薯仔牛坑腩鍋湯味濃郁，成個大煲都係材料，用料十足。 牛腩好入味又夠淋，仲有好多秀珍菇，$128 真係好抵食。頂級手切鮮肥牛牛肉色澤紅潤，鮮嫩，油花分怖均勻，牛味香濃亦有油香。叫左一份（小）, 但份量都算多。牛骨髓依家唔係好多地方有得食。 本身食材係無咩味，都吸晒d 湯汁，同埋中意軟滑既口感，係我打邊爐必食之選。足料水餃水餃脹卜卜，超足料，餡料鮮蝦既比例係比較多，所以味道好鮮味，加上餡料多，好有口感，味道一絕。豬粉腸脆爽嫩滑又夠粉。蝦滑/墨魚滑雙併材料夠新鮮，一定好食，無得輸。 口感好爽滑，又夠鮮味。。兩個人食左大概$800，飽到攬住個肚，依個價錢食到咁好味同咁優質既食材，坐得又舒服，值回票價。

「大煲皇」位於長沙灣天悅廣場地下，門口正對長沙灣道，為一家火鍋店，裝潢睇落都係街坊小廚，本不抱大期望，但食落卻有驚喜。整體而言，比起一般火鍋店，同等價錢，但份量普遍多三分一以上，性價比極高，而且用料新鮮，質素的確唔錯。椰子雞鍋 （$198/半隻）：主打不加一滴水嘅海南風味，採用280日大嘅果園走地雞，那的確，雞隻個頭較一般大，半隻雞份量已經好多，雞件肉質結實爽脆，較有雞味，仲搭配少量雞雜，實屬難得；而湯底味道清甜可口，絕無味精感覺。極品頸脊肥牛 （$198/小）：份量果真不少，小份已足夠2-3人享用，肥牛塊厚薄適中，每塊均一，食落幾有口感。頸脊脂肪比例適中，富油香及爽滑之餘，肉味亦相當濃郁。即炸響鈴卷 （$48）：即點即炸，質感酥脆，豆香撲鼻，其搭配甜酸醬，即食其實比火鍋更惹味……脆鯇腩（$78）：勁大碟，而且每件都非常厚切，食落啖啖肉，口感爽脆嫩滑，味道鮮甜唔腥。招牌三寶丸（$80）：分別係手打蝦丸、墨魚丸及牛丸，每款三粒，口感爽滑，蝦丸含有粒粒蝦肉，非常鮮味；而墨魚丸都幾有墨魚香。

足料價錢公道嘅長沙灣火鍋店星期日晚上人頭湧湧 好多大枱 成枱一齊打邊爐叫左太公魚頭鍋 煲嘅大小唔係好大 但係入邊擺咗成個魚頭 蘑菇 大量枝竹腐竹 令到個湯大都幾甜魚頭煲吓煲吓煲到林晒 食到啲滑捋捋嘅面珠墩精品牛肉 霜降手切頸脊肥牛嗌咗一碟小嘅 份量夠二至四人食 排得好靚 牛肉鮮紅色 有啲坑紋 入口有口感 招牌三寶丸 總共有墨魚丸蝦丸同埋牛肉肉丸蝦丸係真係一粒大蝦 真材實料都幾彈牙 生串海蝦 共有八大串 蝦都幾新鮮，而且夠大隻娃娃菜 豬頸肉份量好多炸魚皮 魚皮超大塊 新鮮炸出嚟熱辣辣

朋友想食椰子雞火鍋，於是去了大煲皇小廚～主打雞煲火鍋及精美小菜，亦有多款活魚海鮮刺身，自設養缸，保證新鮮，港鐵長沙灣站A2出口，步行約6至7分鐘。店內裝修非常港式地道，座位寬敞清潔衛生。晚飯時間已經座無虛席，人來人往，店員忙過不停，就知道無去錯地方。菜譜簡單易明，多款湯底、精品牛肉、火鍋配料、超值海鮮、新鮮蔬菜、活魚刺身、粵式小菜，任客人自由配搭選擇。海南椰子雞鍋（半隻）$198全鍋都是新鮮椰子水，清香樸鼻，湯底入口清甜，半隻果園走地雞，雞件吸入椰水味，皮脆肉嫩，口感豐富，肉質彈牙嫩滑，勁美味可口。本地特級手切肥牛（小碟）$198牛肉鋪滿碟，件件大小均勻，生滾幾秒，油而不膩，入口冧滑鮮嫩，牛味香濃，口齒留香。墨滑拼蝦滑$78墨滑和蝦滑，兩款都很彈牙爽口，食出新鮮味道，吸入椰水湯底，非常美味。潮州三寶丸$58牛丸、魚旦、魚片頭，三款都是火鍋最佳之選，彈牙又爽口。野菌雜菜盤$80盤內食材豐富，有車厘茄、秀珍菇、雞髀菇、金菇、鮮冬菇、唐生菜、油麥菜、白菜仔、粟米，款款都非常新鮮甜嫩，令這火鍋顯得更加出色美味。竹蔗水$40火鍋必點解熱飲品，甜度剛好，一杯落喉，非常舒暢，為這餐劃上完美句號。

今日雖然連日大雨，但無阻我和朋友出街揾野食的興致。今晚我地去深水埗青山道天悅廣場地下的大煲皇打邊爐。朋友是常客，今晚由他發辦。朋友話這小店受街坊歡迎，有雞煲，活魚，刺身，火鍋等任君選擇，價錢實惠，用料新鮮。今晚我地揀左抵食好味的翅群花膠雞鍋，這個受歡迎的人氣鍋底真係無得輸，雞湯濃郁香甜，充滿骨膠原，花膠和翅群滑，雞肉香，特價$228算超值。火鍋配料選擇多，各款精品牛肉尤其出色。今晚的頂級手切鮮肥牛真係好好食，牛肉味濃質感好，厚薄適中，一碟小的也份量不少，推介！蝦滑拼墨魚滑鮮甜，好食。潮洲魚蛋爽脆有魚味。棉花魚肚吸滿濃雞湯好惹味。打邊爐之餘最好飲埋竹蔗茅根水，清甜下火，正！支持本地消費，我地推介這良心小店。

今日我和朋友去了長沙彎吃火鍋。海南椰子雞鍋半隻：（$198）個椰子雞鍋真的有好香的椰子味，個湯又好飲，雞件好滑，肉質鮮嫩，幾好食。彈牙墨魚滑（$68）：墨魚滑非常彈牙同新鮮，幾好食。蟹子蝦滑（$68）：蝦滑又幾鮮味，好彈牙，幾好食，不錯。頂級手切鮮肥牛（小）（$268）：非常鮮味，牛的質素非常好，好正，食落去入口即溶，超正。打邊爐真係最重要是肥牛，所以我一定會選質素好好的肥牛。另外雖然我選了份量（小），但2個人食都好夠食，而且質素真的好好，性價比高。九菜餃（$58）：餃子又好豐富，幾好食。稻庭烏冬（$38）：烏冬夠彈牙，份量都算多，兩個人食絕對夠飽。埋單叫咁多都只係$872，真的不算貴，又好食，值得一去。

【濃雞花膠魚翅鍋升級版 6兩】今次要同大家介紹嘅係濃雞花膠魚翅鍋升級版，我哋揀咗六両嘅size，呢個版本嘅鍋底比一般嘅更加濃郁，雞湯嘅味道更加濃厚，成個湯都係雞湯嘅精華濃縮，同埋加入咗大量魚翅同埋花膠，魚翅部分絕對係真材實料，份量十足，飲落十分滋潤，黎呢度係必點嘅菜式。🍲【美國穀飼肥牛】餐廳選用嘅係頂級穀飼牛肉，肉質鮮嫩多汁，每一口都帶有濃濃嘅肉汁，輕輕喺雞湯入邊淥過之後，保留咗牛肉嘅原味同鮮甜！🥩【蟹子蝦滑】蟹子蝦滑煮完之後食落口感彈牙，充滿着蝦嘅鮮味，亦都咬到好多蝦肉喺入邊，上面嘅蟹籽令到個味道層次都升華咗。🦐😁【彈牙墨魚滑】墨魚滑亦都非常新鮮，唔會好似平時嗰啲食落成嚿膠咁，而係非常之彈牙，又食得出冇味精。🦑☺️【炸魚皮】另外，我哋點嘅炸魚皮都不錯，呢個小食雖然簡單，但最犀利係炸得十分香脆，配上啲微微嘅鹽味，帶點點鹹香。🐟

香港人一年四季都鍾意打邊爐，今次同foodie朋友仔黎到長沙灣「大煲皇小廚」，店家喺區內一直人氣高企，晚飯時間全場爆滿，主打新鮮抵食海鮮同十幾款特色鍋底，火鍋配料款式繁多，搞到我哋樣樣都想試吓😆蕃茄薯仔牛腩鍋我同朋友仔都係牛魔王，所以就點咗蕃茄薯仔牛腩鍋同手切牛，鍋底材料勁豐富，有大量蕃茄、薯仔、洋蔥、西芹、秀珍菇同十幾件牛腩，滿滿一大煲嘅食材就知道湯底已經好鮮甜，牛腩用上肋條位置，牛味較濃有嚼勁👍🏻我地留到最後再飲返碗湯，裡面嘅蕃茄同薯仔已經煲到淋晒，再加入稻庭烏冬，製成一碗濃郁嘅蕃茄湯烏冬😋本地特級手切肥牛我地嗌咗一碟小份嘅手切牛，份量十足有成二十幾片👍🏻肉嘅厚薄適中色澤吸引，油脂比例分布均勻，呈現雪花紋路，放入湯底滾幾下啱啱熟口感最好，肉質軟腍牛味濃郁，推介🉐新鮮雞雜坊間嘅火鍋店較少有嘅菜式，雞雜包括雞腸、雞肝、雞心同雞腎，雞腸上帶點脂肪，落湯底煮熟後腸嘅部份爽口脆身，油脂會喺口中爆開，非常好食，雞肝帶點粉粉嘅口感，雞心同雞腎爽口有咬口，內臟愛好者必點😆墨魚滑拼蝦滑推介必點火鍋配料👍🏻👍🏻👍🏻店家手打嘅魚滑同蝦滑，墨魚滑加入蟹籽，味道更鮮味又彈牙，而蝦滑係睇到用上一隻隻新鮮嘅蝦仁

｛食盡長沙灣之港式 — 大煲皇小廚｝————————————————最近好似成日都打邊爐， 唔知大家會唔會睇到悶😂不過呢一間我真係要happy share俾大家！ 呢間位於長沙灣嘅邊爐，並唔係放題任食， 而佢嘅食物質素相當之唔錯！，基本上叫嘅所有嘢食都好滿意😆 🔸 鮮茄豆腐三文魚頭湯底 $128 湯底有成大個三文魚頭連魚鮫， 連埋鮮茄同豆腐一齊煲， 好入味， 成個魚頭俾我清曬😍 同埋唔知點解呢個湯底好似煲到最後都唔會話好油嘅感覺🧐 🔸 本地特級手切肥牛（小） $198 兩個人食一份細嘅肥牛就啱啱好， 肥牛油花分佈均勻，唔會太肥， 薄薄一片輕輕滾5-6秒就食得😋 🔸 美國桶蠔 $180 呢個真係嗌得好好！ 一共有六隻， 隻隻都超大又飽滿🥰， 未煮聞落都好新鮮， 煮完亦都唔會縮水太多，正！ 🔸 脆鯇片 $48 切得好靚而且部位係比較小骨既， 記得唔好煮太耐，咁就爽口又鮮味！ 🔸 流沙芝士獅子狗 $68 一共有八粒， 煮熟之後小心熱， 一咬落去啲芝士會流曬出嚟， 佢係芝士汁唔係拉絲嗰種， 都唔錯嘅 Overall comment: 最近呢個月食咗咁多間打邊爐，發現始終都係 一分前一分貨， 如