大漠 (已結業)

雖然食物不是太好 還記得那羊奶布甸也是不錯的 還有串燒 不過可能始終位於土瓜灣區所以價格方面 覺得有點貴 另外 在這一兩天已經結業 都有點可惜 不知道 在同一位置會開什麼食店 很期待…查看更多

以前住土瓜灣經常來，今天重遊此地，希望回味下以前的味道，一入門口覺得唔對路,兩位東南亞服務員唔見咗，老闆娘唔見咗，但係山長水遠來到都試吓啦，叫返以前常常吃的羊架、崩沙腩重有其它幾樣野，唔好講味道住，睇賣相同以前都已經好大分別，羊架又細又乾，崩沙腩都唔知點形容好😰😰😰，其它食物就😖😖😖😖，食落口簡直是兩回事🤮🤮🤮🤮，我諗已經唔係以前嘅大漠，可能已經頂左手，又少一間可以食羊的好地方了。…查看更多

多年前食過，印象好好，如今都變得不好吃了，失望。侍應說廚房換了師傅，難怪。羊肉串，居然是微暖的，不熱。小小兩串盛惠$78點個羊湯粉絲沒粉絲，用個日本飲味噌湯嘅碗仔盛上來，都收$31。翻了一翻，發現居然無粉絲，要叫他們追加！居然羊肉粉絲湯可以無粉絲！炸哈蜜瓜牛腩，完全不像樣，只有一些瓜絲墊底，完全沒有炸哈蜜瓜件。追問之下，推說換了師傅，而且沒有哈密瓜—這不是欺騙是什麼？若非我以前吃過，還當真被蒙混過去。最後換了個古法咖哩羊坑腩，不就是好普通的咖哩羊腩，稀稀的葡汁顏色，和menu的古法羊坑腩的相完全唔同（相中是紅色，也不是水水的）但侍應堅持說是，那我就不辯了，反正再無下次。盛惠$466，吃不飽也不好吃，活該。…查看更多

新疆菜，清真餐點，烤羊排最好吃，都是大盤大盤的，10個人也沒吃完，在香港很少找到心儀的新疆餐廳的哦，值得推薦。可惜沒有手工酸奶，很懷念上海的耶利夏麗啊，她家的酸奶超級好吃的，春節期間一定要回上海多點幾個酸奶吃飽飽…查看更多

土瓜灣好陌生的地方 始終唔係住附近 二來 少特色商場 商店行逛友人欲特別推介區內其中一間餐廳「大漠」有2人餐選擇 可惜肚濟濟 未能嘗試唯有散叫菜式羊肉卷餅皮很柔軟 但不油膩 羊肉粒炒得好好 但會太乾羊肉串 十分驚喜🎉🎉唔好睇串燒細細 羊肉扭紋式串入串燒羊肉十分肥厚 好足料 上菜時熱辣辣 香味四溢😋😋羊肉串配二種味粉點配上下分別為唔辣同辣老實講 就算唔點味粉 都已經好好味😍😍羊肉炒飯羊肉粒都幾大粒 配有提子乾 有畫龍點睛效果飯粒分明 有機會一定會再幫襯👏🏻👏🏻👏🏻 …查看更多

好友生日與她慶祝，想起她喜歡食羊腩煲，所以就帶她去呢一間大漠，食全羊宴。以前曾經來過，是沒有套餐的安排。在OpenRice睇下食評，而家新增左一個A套餐、B套餐、同埋一個全羊宴，感覺不錯。所以先試了一個A餐。前菜是涼拌豆腐，豆腐簿切刀法10分好。清真羊肉粉絲湯，有羊嘅香味而沒有蘇味，呢個湯很好吃。讚👌蜂蜜炒紫椰菜，好新的配搭，蜂蜜甜甜地配上紫椰菜很香甜。孜然香酥羊肋排，麵粉不是很厚炸得好脆，比較乾身。個人覺得有點肉汁會更好。高湯燴呀魏菇，菇菇簿切淋上高湯，味道咸咸地突出菇的香味，只是份量太小了。大漠羊鬆手抓卷，卷皮煙銀包住菜同羊肉，不錯的配搭。甜品是羊奶凍，很香滑。一共飮左6支啤酒，埋單576元。整體來說都十分不錯。…查看更多

難得今日約左朋友聚一聚 醒起之前同學介紹既大漠 即刻book位 抱著食好味羊咩咩既心態黎由於平日 都唔算多人 全部餐廳招牌菜😁😁仲有套餐同羊肉宴🤗黎到大漠 肯定要試下新疆啤 同香港本地啤用戰鬥碗飲特別痛快😍新疆黑啤甘甘地又唔會偏甜 推薦！香港啤就有多一陣果香味 都正！套餐上菜 羊肉粉絲湯 老實說 成晚最滿意係呢碗野 味香 肉嫩 有羊肉味但又唔會太over 蜂蜜椰菜 上面有啲提子乾 好得意既口感 椰菜好新鮮羊肋排 聞落好香 但係 好韌 咬唔開 朋友咬到成舊跌落褲度😱 幾乎食唔出羊味 以為係牛腩咁款 隻羊生前應該成日係草原奔馳 奔到咁有肌肉😛扒菇 幾入味 估唔到新疆人都會咁整法！另外叫左個晚市碟頭飯 甜酸羊 同羊肋排一樣 都係咬左好耐😂 其實望落是非常juicy的 我好奇望下隔離啲人 見到個女仔食緊羊扒 都咬到好吃力 可能呢間餐廳係大部分羊都係呢個texture最後送羊奶凍 好好味！幼滑！整體比我期望中差啲 對啲羊製品有啲失望 除左羊奶凍仲有個羊抓餅 淡而無味 羊肉碎零零丁丁既口感令人失去驚喜 下次有機會再去試下其他羊肉 睇下會唔會好啲🙂 …查看更多

返左成個月終於放假，咁咪同女朋友食返餐特別野囉，上Openrice見到依間新疆菜又係屋企附近就決定試一試，都好耐無去過土瓜灣，黎到見到個裝修好似好貴咁就周圍行下睇下有無其他餐廳，不過都係覺得依間好似比較舒適啲就揀左依間，入到去環境唔錯，好有中國文族feel，幾得意，叫左個套餐A，先黎左兩個羊肉湯，個湯好足料，好多餸，有粉絲，木耳絲，羊肉等等，唔似出面飲啲湯好似飲水咁，之後就黎涼拌豆腐，豆腐食落就唔係好特別不過都OK，跟住蜂蜜紫椰菜，幾特別，咁大個仔都未食過炒既紫椰菜，甜甜地幾好食，跟住唔記得果個係咩名，好似有西蘭花同唔知咩菇，個菇食落好似鮑魚片咁，最後就係個孜然羊肋排，以為會好大陣So味，但食落唔覺得So，有小小辣味，好香口。總體食物質素都唔錯，同埋聽佢地員工講依度開左十幾年老字號黎，下次如果有時間可能再去多次試下個羊宴…查看更多

今日同家人到土瓜灣試下大漠食羊。本身我本人對羊一般般。。但食完大漠的確有驚喜！我們一家4人點了羊宴。。一開始先上湯。。湯有羊肉粒。粉絲。木耳絲。有羊味但不會太騷。份量好足值得一讚。之後有羊手卷味道有點騷但可自己加子然粉。味道不錯。之後羊西冷加醬汁甜甜地。但西冷好似有點薄。無咩口感。但整體都可接受。之後仲有羊安。羊串。同埋手抓羊。。羊安有肉汁唔會太乾。。不錯。。羊串我狂加子然粉。。好似大陸燒烤咁。。正！手抓羊之前聽都未聽過。原來是湯羊肉。食左咁多燒野食返個有湯唔會咁熱愛口乾。。岩岩好。。最後羊炒飯。。本身已經超飽食唔落。但食左一啖辣辣地幾好入口。。最後都食左一碗。屋企人就太飽食唔落要打包了。最後有甜品奶凍。正。。至愛！整體黎講我覺得雖然不便宜。但物超所值。值得推薦！…查看更多

以前住東九龍，一個月會專程黎食一次。之後搬左入新界太遠就無乜點食，但對佢既羊成日念念不忘，對上一次食都差唔多一年前。早幾日想book位，上網見佢無左例休既星期唔記得二定三，以為因為租金上升，要爛做d，因為佢加價都加得好密，最愛既全羊宴仲曾經cut過菜。不過質素keep到都無所謂。去到見本餐牌唔同左仲多左平價晚餐，而且七點幾無乜人都心知不妙，唔知係咪轉左手。但係專程黎到同定左位都無理由唔食，因為不明朗所以無叫全羊宴散叫，食落真係中伏，同以前完全兩回事，味道未至於好差，但係唔值。最搞笑係叫左個唔記得叫咩既飯，唔似係炒飯，佢有三款飯，我叫個款，羊炒飯同海鮮炒飯，佢比左個羊炒飯。我又衰食到中段先醒起叫左乜，淨返少少陣個阿姐黎收碟先同個阿姐講黎錯左，我叫個好似貴六定八蚊，梗係要講聲。個阿姐諗都唔駛諗夠膽死同我講無黎錯，我地話叫個飯相有蛋，佢話黎到係無。我話我個碟有紅蘿蔔絲，d飯黃色，仲有條屍起度。本身叫個相係無紅蘿蔔絲，同白色，佢話岩架喇。跟住拎左我個食淨少少既碟入廚房，心諗咁都得，算數，橫掂無下次。之後個阿姐行黎話佢地無黎錯，話你地個碟唔係炒飯，我心諗我食個碟咪炒飯囉，以前我食開個餐係呢個飯，先咁肯定你黎錯，就係無食過先叫個款飯，雖則炒飯無左豬肉鬆，但真係羊炒飯。真係吹脹。食物質素一般，性價比低，服務其實唔係差，係撐個下搞笑。唯一無變係個羊奶凍。不過都好，終於可以對大漠死心，唔駛再心掛掛。之前仲成日推介比人，今次仲專登約兩個對面海既朋友山長水遠黎食。以後都係唔好再推介野比人。…查看更多

試新野，第一次食新疆菜，都唔知有咩食，但緊系叫羊肉串燒拉，羊肉燒得好脆，嫰口多汁，自己可以調教落孜然粉（系檯面有個調味盒）自己落，味道幾好，仲有烏魯木齊古法蜂蜜煮紫棷菜，好似好健康甘，菜上面有啲抄香既花生粒，幾好味！啤酒系用碗飲，幾搞鬼！…查看更多

朋友想來探訪新搬來紅磡區的我們，但我又不想下廚，惟有一齊出街搵食。朋友提議這間聽聞在土瓜灣有多款羊肉菜式的大漠。喜歡食羊的我們當然讚成，我們還預早一星期book 位呢！一行四人，來到餐廳，餐廳不是很大，裝修則很有新疆色彩。我們叫了羊肉炒飯，蜜糖炒紫椰菜，羊架四枝，及黑啤燴羊脾。紫椰菜先來，我們起初怕用蜜糖炒會否又甜又咸，但食落覺得很夾。平時出面餐廳很少會有紫椰菜。再來羊肉炒飯，這碟味道也不錯，但不是有太大驚喜，因始終是炒飯。再來是我們也期待的黑啤燴羊脾，因想試下是否真的用黑啤。來到真的驚喜，因無想過有兩大隻羊脾，而且黑啤味很香，但食時可能酒精已揮發，所以沒有酒味，只有黑啤香味。並且羊脾是湯煮，所以沒有烤的乾，並且保留了肉汁，最重要一點也不羶。老公覺得想多些味道，叫了侍應拿了孜然粉來。那個裝孜然粉及辣椒粉的盒很有新疆色彩。最後烤羊架上場，烤的很香，沒有想像中的乾，外皮烤的有少少脆，而咬入中間部分，很嫩，應該7-8乘熟。果然像坊間的評價，好味道，滿足喜歡食羊的我們。今次無試甜品，因為已很飽。食物總體來說不錯。不過可能餐廳不大，所以侍應收拾餐具也很快，食完一碟便立刻來收拾，像是想我們快點食完離開。雖然這樣，但也算不錯的食羊好地方。…查看更多

上次同朋友來食應該都有半年啦，再次光顧呢間小店，菜色無咩變化，味道依舊，質素都無下降，唯獨價錢有少少提升，不過無咩太大影響，因為物價年年都加架啦！今次食物唔講啦，反正都一樣，食羊真係要來！講一講間鋪既裝修啦，好有新疆特色，牆壁掛左唔同既掛氈，以啡色為主，聽店員講呢間鋪做左十二年幾，雖然有啲老舊，但呢啲係老店先有既風味，依家既飲食業能夠做咁長既時間唔容易，所以一定有啲特別既地方先可以吸引客人再來。當然我相信食物口味未必人人都一樣，但個人來講都幾鐘意呢到既野食而且店員健談又有禮貌，食一餐飯最緊要係舒服又開心，食物係咪最好美係其次啦，唔係好難食就得啦。呢間鋪值得再來既…查看更多

闊別左一年半左右，特登同家人再次黎到大漠打算食一餐豐富的一餐，點了以前食過既羊架同羊小腿，味道雖然同以前唔係差好遠都好好食，但當上菜時就覺得份量貌似減小左... 羊架係咁都算，我最想食既羊小腿都縮細左唔少，仲要一大一細得幾明顯😭事後睇翻年半前既相，發現我係唔會介意大漠加價，但可否唔好減料減得咁明顯...本人對大漠十分喜歡，完全係一名羊肉愛好者，而且以佢既烹飪手法絕對做到我生意，但如果大漠水準保持喺今日既水平，以呢個價錢我真係好難會再返去…查看更多

自身很少吃羊肉，平時也很少特別地去找羊的菜式吃，但對羊沒有抗拒。剛好過土瓜灣工作，收工時和同事一起吃晚餐，他帶我到大漠，新疆菜，羊肉為主，但也有其他肉類，如雞，牛，海洋等，食了老虎菜，當中有雞絲，味道方面酸酸甜甜，痲油味香，比西餐沙拉特別，由沙角，青黃紅燈籠椒等做的沙拉，很特別！另試了羊架，烤得剛好，肉不會太老，不知道是用什麼醃製過，另有一番風味，羊羶咩不重，我想怕羶的人會很喜歡，羊肉串燒，不太老，味道不重，如果覺得不夠重味，店內提供調味料比客人調配，很細心，因為有些人不太喜歡吃辣，如喜歡食辣可以自行加入。另外叫了一條烤魚，孜然粉烤成，加上青檸汁，雖然比不上現時流行的烤活魚主題餐廳，但有新疆特色。最後加上一個羊肉炒飯，這一餐挺滿意，滿特別的一餐。價錢中等吧，比較起自身吃過的餐廳，這個價位算是物超所值，看的出菜色方面有用心制作。味道也很不錯。比起前兩天吃的一家西餐廳好得多，一塊248元的安格斯牛排，加一杯20元飲料，吃不飽，牛排很老。這家大漠稱不上最美味，但價位跟食物都均等合理，所以個人會再次光顧。…查看更多