大歡喜餅家

————————————————————-📍大歡喜餅家 (青衣)青衣涌美老屋村44號地舖————————————————————-最近突然之間好想好想………食返久違了芝麻餅的味道………😍以前讀書時候經常都會買嚟食…..今日專登去涌美買….✨…………芝麻餅………..絕對係傳統中式餅……有成塊面咁大 上面鋪滿芝麻看似平平無奇 食落香味濃郁….酥鬆易化……入口微甜香口鬆脆…充滿芝麻香味……👍🏽👍🏽…查看更多

上篇俾黑窗里嘅食評提到,前日(23-9-2023 Sat)我同老公喺呢喥同八仙餅家買月餅,其實我係嚟呢喥再買$80.00一個嘅鴨膶月餅送俾人同亞姨試食,咁又見到都有$50.00一個嘅豆沙月餅,橫豎又係買豆沙月餅,於是不如都喺喥買返個,即場做個比較.買嘅時候,我話豆沙月餅可以同一個 鴨膶月餅放入孖盒,女店主話前者鬆軟要雪.噢!咁分返開吧.我哋買完嘢返到屋企,就引誘亞姨同爸爸試食,老公切開時,我都特登問佢手感,佢答係鬆啲嘅,咁分好我哋就食喇,個黃都唔太乾,而佢唔太甜嘅.然後都即時切開$60.00八仙餅家嘅豆沙月餅比較,老公話呢個手感係冇咁鬆,食落明顯係甜啲同紅豆味出啲.咁呢間嘅豆沙就紅豆味唔出.4.5分而鴨膶月餅喺上個月已經食過,同舊年食嘅分別唔大,而且我都俾啲同事食,佢哋都話幾好食.上次食評係2022年8月23日刊登嘅呢篇:https://www.openrice.com/zh/hongkong/review/%E5%88%9D%E8%A9%A6%E5%82%B3%E7%B5%B1%E6%96%B0%E5%A5%87%E6%9C%88%E9%A4%85-e4510149…查看更多

見最近都無咩出去食又打過去問呢個星期開始做月餅鴨膶月餅聞 就普通月餅味可能個皮大家一樣簡單係 伍仁月餅既變奏版入面有瓜子仁，火煺粒總點係 膶腸粒所以係鹹鹹地又有甜度雞油月餅聞都係一般月餅入面既蓮蓉就偏黃可能係➕左雞油係有點點既油香而且有一點點既鹹😯簡單就係 黃蓮蓉➕鹹🤣結: 如果喜歡食鹹月餅既我十分推介 鴨膶月餅伍仁就比下去🤣#鴨膶月餅#大歡喜餅家…查看更多

19-8-2022(Fri)晚睇電視,見到介紹青衣一間老餅舖,做蛋黃雞油豆蓉月餅同鴨膶月餅,我見未食過而且又可以買一個,而唔係一盒買,於是search吓,就search到呢間,我同老公嚟過青衣涌美村老屋村兩次,有一次走嘅時候經過呢間,我哋喺大前日(20-8-2022  Sat)特登走嚟買.見到蛋黃雞油豆蓉月餅賣$50.00一個,鴨膶月餅就賣$80.00一個,咁各要一個啦,老公見到佢有$6.00嘅公仔餅,貪得意又要一個.買嘅時候,店員打開膠片拎時,老公即刻話嗅到好香月餅豬油味.我哋喺青衣食完晏返屋企擺低先,兩個月餅拎上手,似鴨膶重過蛋黃雞油豆蓉,鎊吓先,兩個重5兩(7安士).之後由於我想試吓公仔餅,於是雖然係飽,都掰少少嚟試,呢個係完全冇饀嘅,食落就係軟腍腍嘅餅皮嗰類.味道:2.7分到前日(21-8-2022 Sun)朝,我同老公切開嚟當早餐食吓,先試蛋黃雞油豆蓉月餅,佢內有瓜子肉,豆蓉滑唔太甜,蛋黃唔夠油,成個感覺唔油膩,不過電視播嘅時候,店主已話其實已經冇用雞油.而鴨膶月餅呢?一打開就嗅到膶味,對比起,雞油嗰個香味唔太濃烈,鴨膶月餅切起嚟較實,佢都係綠豆蓉加瓜子肉,但蛋黃係碎嘅.膶煙韌偏實,襟𡁻,但又唔算好油,本身唔鍾意食膶腸嘅我都接受到,呢隻鹹月餅又OK喎.呢兩款都用豆蓉做唔用蓮蓉,我估係減少油份,令油膩感大大降低,醒目,不過,都係少食多滋味,多食壞肚皮.月餅味道係4.3抵食係2.8分…查看更多

呢間算係青衣最歷史悠久既餅店，因為唔近地鐵站，仲要入村，所以要花小小時間揾。🥚椰撻（$5）：蛋撻上午好早賣完，好耐冇見過中間有紅色車厘子🍒既椰撻。放左一日，撻中間好似蛋糕咁濕潤，撻皮充滿牛油香，雖然皮少少淋，但都好好食👍🏻味道：🔅🔅🔅🔅新鮮：🔅🔅🔅🔅🔅分量：🔅🔅🔅🔅衛生：🔅🔅🔅速度：na（5🔅為滿分）…查看更多

去青衣老字號餅店買包，以往食菠蘿包、方包覺得唔錯，今次試下奶油包點知中伏。🔸奶油包：係一般懷舊包店都有賣既款，面包軟軟的，但奶油有羶味，似乎牛油唔夠新鮮喔🤔…查看更多

每逢過節，大歡喜門外總排上人龍此唐餅店本來位於青衣墟市，後搬到涌美村，小時候吃過其生日蛋糕，味道不俗。大歡喜賀年食品仍保持一貫水準，買年糕要排隊等候，至八時已售罄。年糕口感一流，配以紙盒，賣相佳。其他值得推介的食品還有油角、芝麻餅等。…查看更多

大歡喜餅店是我童年的回憶，兒時常跟媽媽到涌美村買餸，也會在餅店買合桃蘇、芝麻餅、雞仔餅、光酥餅……回家品試。適逢父親節，買了爸爸最喜歡吃的合桃酥，給爸爸品嚐，順帶買了芝麻餅、雞仔餅、光酥餅、紙包蛋糕等。合桃酥香口鬆化、芝麻餅香脆可口、雞仔餅咸咸甜甜油香滿嘴、光酥餅口感鬆軟、紙包蛋糕有蛋味軟綿綿，現代的餅店已很難代到像大歡喜老餅店的味道 亦很喜歡大歡喜餅店內懷舊的裝修，現在已經買少見少，充滿著昔日的味道 …查看更多

昨日11:00路過, 買袋麵包返去早餐。上一排見報紙菠蘿包重量大比拼後, 還是幫襯舊式餅店穏陣點。買了兩個波蘿包、一個雞尾包、一個腸仔包, 帶返返屋企都幾重手。波蘿包: 重身, 皮脆, 個面唔太甜, 個包不是大集團的鬆化, 而是實而不華, 食完唔會好快餓。雞尾包: 一個大大的, 少甜, 椰絲多, 唔錯 !腸仔飽: 條腸咸味適中, 個飽都唔算太甜, 鬆軟。對比下, 大集團的包都幾甜易入口, 而小店的包份量足, 價錢平, 不太甜, 反而有益健康一點。…查看更多

上星期受到住起香港區嘅家人所托，去呢家餅店買嘢，而自已又住在同區，無所謂啦，加上自己都有好幾年無食過呢度嘅厚切方包(每磅5片)……是日於下午三點四十分到達，成條村只有幾家店未關，到該店時第—時問有無厚切方包，老闆娘話無，於是第二曰早上再去，都只不過係為咗厚切方包，可惜老闆娘再一次話"無"，認真失望……，於是就買咗兩包芝麻餅及—包迷你合桃蘇(已包裝好的)芝麻餅:不俗，咸香帶甜，夠脆口，不過顏色偏深，就好似燶燶地咁合桃蘇:唔算太多油，Size剛好，可惜有少少通風，腍咗……而覺得有待改善嘅係老闆娘嘅態度，無嘅，咪講聲唔好意思囉，收錢後都應講聲多謝吧，這是基本禮貎吧是次消費$37…查看更多

呢間野應該有四十年以上吧……呢間餅家每年都幫襯唔少次，但發覺每逢過時過節，食品質素必定"下降"，特别係上完雜誌及電視後更明顯……，老板及其母親嘅態度真係要改善—吓其實真係唔想講出黎，話晒連自己家人在內，已經光顧佢四十年以上，但真係想老板改進—下發生起上星期某日，蝦餃仔於開工前，專登走去買蛋撻比薯片妹、及哪渣仔食，食完之後三人前後肚疴，薯片妺更要回家休息……事隔兩日，蝦餃仔再次前去買蛋撻做早餐，結果係薯片妹唔敢再食，所以蝦餃仔同哪渣仔就平均對分四隻蛋撻，結果係兩人都要排隊去厠所老實講同—款蛋撻前後兩次，差唔多時間進食，食完都—齊肚疴……，老板應該深究呢個問題，以及依家再對比—吓以前蛋撻嘅味道約十幾年前:蛋撻層牛油皮厚簿適中、入口香脆、入口似好鬆化嘅曲奇，蛋漿似燉蛋，滿滿咁，毎次食之前都會諗，食皮先定係食蛋先呢……今日嘅蛋撻:個蛋撻輕輕拎上手，層皮己碎，蛋漿再唔係飽滿喇，雖然甜度適中，但蛋香好淡囉，完全無咗昔曰嘅水準………查看更多

朋友買了合桃酥和芝麻餅給我吃, 聽說大歡喜在青衣是很有名的老店.吃到好重雞蛋味, 餅很鬆脆, 不費勁就咬開, 爆LIKE這個酥芝麻餅也是非常好食, 餅做得很薄, 表面舖滿芝麻, 未吃已遠遠聞到芝麻香.吃到咸香味, 因為芝麻超多, 所以味道很重, 吃了2塊就頂不順了.朋友說這家店地點不易找, 好像是在一條老舊村屋裡的街市內, 要找一段時間才找到. 因為她住青衣, 所以去比較方便. 我一想到要坐車進去, 又轉車, 又要找店, 頭都暈. 還是請她有空再去買!…查看更多

電視效應嘅威力真係好大! 因為9月4日晚, 一個節目介紹咗呢間餅家嘅紅鴨潤月餅, 之後呢幾日都好多人慕名而來買月餅, 我就喺其中之一, 雖然住喺青衣只有年半, 之前亦有去過此餅家位於嘅市集內買過菜, 但從來都無在意呢間餅家, 直至電視節目嘅介紹! 尋日中午時候嚟過, 老闆話一早已沽清紅鴨潤月餅, 仲話前日嚟買嘅人要大排長龍, 其實呢款餅已賣咗好多年, 只係啲人睇咗電視節目後就專程過嚟, 之前都未試過咁樣排隊, 親切嘅老闆都話要多得電台嘅免費廣告! 之後我再問下午仲有無得賣, 佢話師傅都整緊, 可能要夜晚7至8點先有, 叫我先打電話嚟問一下, 到6點幾我打去問, 但又再次沽清, 因為又有好多人排隊等買, 一出爐又即刻賣晒! 於是.我又等到今朝10點半再打去問, 店員話中午12點會有出爐, 大約11點去到, 已有幾個人排隊, 等咗15分鐘左右, 紅鴨潤月餅終於出爐喇! 原本想買兩個紅鴨潤+兩個五仁, 但店舖臨時改制唔散賣, 要以4個/盒嚟賣, 好彩排後面個女仔都係想買兩個, 咁我地可以湊夠4個, 而佢之前都買咗兩個五仁, 咁我叫店員將兩款餅各分一半裝兩個鐵盒, 店員都樂意為我們分包!咁大個人都未食過熱辣辣嘅月餅, 今次第一次試, 仲要係未食過嘅鴨潤口味, 切開後, 聞到好香濃嘅潤腸及咸蛋黃味, 食落去咸咸香香, 而面頭嘅餅皮有少少脆, 好香口! 感覺唔油膩, 不過食得多會有點漏, 因為都偏甜, 但總括嚟講都係好味, 值得再試, 始終食得多傳統嘅蓮蓉味, 食下呢種口味都覺得好新鮮! .S. 除紅鴨潤月餅外, 其他款式嘅月餅係唔駛排隊o架!…查看更多

好不起眼的老店，有時經過了都不知，當想吃時就要穿過一排排的村屋，唔知向左走定向右走，再穿過陰森狹窄的小巷，先會找到......買了三樣野，總數27元，圓形一塊餅，佈滿芝麻，平平無奇，樣子有些醜陋，長期封印在玻璃罌內，當打開封蓋，芝香撲鼻，幾遠都聞到，又香又脆，食到停不到口。相當鬆化…查看更多

大歡喜(兄弟)餅家---芝麻餅+核桃酥+蝴蝶酥日期：2009-08-15在"大歡喜(兄弟)餅家"(青衣)買了"芝麻餅"($10~6塊)、"核桃酥"($2)和"蝴蝶酥"($2)。在家用焗爐翻熱[以200C焗2分鐘]。1.芝麻餅---它主要由麵粉、發粉、臭粉、五香粉、南乳、糖、油、水和白芝麻製成。餅身硬脆，南乳味濃郁，芝麻香十足，鹹味適中。2.核桃酥---口感相當鬆化，入口即融。核桃味濃，充滿豬油香，略甜了點。3.蝴蝶酥---外層香脆，內裡鬆軟。牛油味極之香濃，帶點蜜糖甜味。…查看更多