大業車仔麵

今日第一次同同事過嚟食。 一人叫左一個麵。 超級有驚喜。 價廉物美。 d餸又唔使特別加錢（幾耐無見過） 。 老闆又熱情又好服務 。 仲有個杯奶茶真係好好飲。 一定會返嚟再食多幾次。 爽呀…查看更多

喺附近探完朋友, 諗住身水身汗去食壽司啦咁啱撞正食飯時間超多人排隊~Search search下openrice就見倒依間開24小時嘅小店, 原來過條馬路就係張自己✔️嘅點菜紙, 最多可以揀5餸~揀左4樣心大心細唔知第5樣揀咩好。5款以上每加一餸+$8, 都唔過份就要多2款啦舖面細, 又冇門~開左冷氣其實有對流都愈食愈熱! 不過勝在凍檸茶🥤夠大杯! 食到中段真係頂唔順🥵, 要放低啲嘢出去食支煙~事頭婆好好人, 仲叫我慢慢總括來講食物質素不過不失, 但主要都係嗰份人情味啦街坊生意…查看更多

多次路過都覺得風格比較麻甩🤔今日終於一試，賣相真的麻甩😅但一試就叮咗一聲，佢嘅沙嗲好野味，牛肉薄得嚟夠滑💯凍齋啡出奇地好飲😅應該話啱我口味，因為平時茶餐廳會較苦，老闆一腳踢，好禮貌👍雖然裝修老舊，但會再幫襯🤞…查看更多

同班朋友飲啤酒，吹下水，仲有小菜點，老細招呼一流！埋單平過大排檔！車仔面份量十足，宵夜係鰂魚涌算係首選！👍🏻👍🏻👍🏻缺點係廁所麻麻地，都係去隔離麥記乾淨…查看更多

太古大業車仔麵包菜蜜 or 豆漿三餸油麵腩汁油麵煙刃不重鹼水味。牛肚好入味 夠林 有咬口。鹵水雞翼 不會太咸，肉質不錯。魚皮夠爽，咸香為主。整體偏咸，菜蜜可中和咸味。$37 太抵食了。…查看更多

師傅之前講過黎緊會寫一系列關於車仔麵嘅食評，所以繼續去搵車仔麵黎食。位於鰂魚涌太古中間，車仔麵嘅食店真係冇乜幾多間，有得食都要偷笑啦! 由於冇乜得選擇，師傅只好黎呢間食店，食個車仔麵午餐。入到去，放飯時間都幾多人，師傅一條冷當然好易搵位，坐底後二話不說就攞起張紙同支筆，好似答緊MC咁係咁劃😂。師傅一口氣劃左豬紅，豬皮，豬腸，牛筋腩，沙爹牛肉同腐皮卷，粉絲做麵底，配上辣汁同腩汁，六個餸，再揀左杯豆漿。說時遲那時快，車仔麵就放左喺師傅面前。個侍應姐姐係咁話師傅要六個餸，偏偏黎到得五個餸，咩玩法先? 左睇右睇先發現少左一個腐皮卷，同個姐姐講左兩次才還師傅一份腐皮卷，真係搞笑。一如以往，師傅第一啖當然是試下個湯底，湯底味道普通，唔香唔辣，沙爹味，牛腩味，辣味，樣樣味有少少，但就係唔算好味，到底係食店問題定師傅問題呢? 再試下豬紅，豬紅四四方方細細粒，味道就滷得一盤，入口唔滑亦冇煙煙韌韌嘅口感，一夾就碎，都幾普通下。豬皮正常嘥屎，入口零爽口加上勁腍，超冇癮，失敗。至於豬腸就炆得唔腍，有渣，係幾厚身但算韌，唔掂。反而個牛筋腩又幾好，牛筋比牛腩好，牛筋夠腍夠膠，入味，牛腩就乾身同鞋口少少，牛筋間接提高返師傅少少食慾。沙爹牛肉就正正常常，就係沙爹牛肉囉，冇特別。另一敗筆就係腐皮卷，話佢係腐皮卷倒不如話佢係魚肉卷好過，味道唔得，腥腥地，真係千萬唔好試。至於個粉絲都冇特別，係勝在多，份量撘夠。最後杯豆漿都幾好味。總括嚟講車仔麵水準絕不合格，環境普通，唔算乾淨舒服，埋單50蚊，50蚊有六個餸送埋豆漿，只要冇乜要求，都算扺食嘅。笑臉肯定比唔到，唔喊都係因為扺食撘夠，再黎機會不大。相比從前，好似仲差左。…查看更多

放工去physical 做gym最好嘅晚飯宵夜選擇。有次，誤打誤撞，吾知食咩好，知道要食d野，但又吾可以食到好飽，見到一間好本地嘅茶餐廳，梗係入去支持下。入到去，到叫做乾淨嘅，吾死得人gei, 叫我最鐘意食嘅豉油豬扒飯，一黎到，真係即叫即做，好熱好好味。份量叫做arm arm 好，不過，有時候，肚餓上黎，真心吾夠食。d豬扒好香好好食，都叫做夠食。如果一個愛好豉油豬扒飯gei 你，一定一定一定要去食，價錢適中，老闆好好人。Hahahaha hahha!!!…查看更多

唔知點解,次次睇完星爺既食神,都想去食車仔麵,因為覺得車仔麵要做得好食真係好難,湯底,配料樣樣都要精,唔係求求其其煮埋一堆就得.但係無奈地,好食既總唔係附近.但係想起屋企行一段路有間大業車仔麵好似開左好耐,就決定去試一下啦.呢條街成日都有渠味,真係好惡頂,好彩今次索唔到.先叫個魚蛋,沙嗲牛肉,羅白米線試一試,加凍飲就TOTAL:34.價錢合理其實一上場,我就覺得中伏,因為碗野好空虛.可能因為個碗太大.湯底淡淡的,無咩味道.魚蛋無咩彈性,魚味亦一般,牛肉好散,被鬆肉化整成零口感既肉.好彩羅白無渣帶少少甜.米線份量極為少,食完都幾唔滿足.所以食神講野真係值得參巧,係要用心先得…查看更多

Reviewed on 2013年5月3日 鰂魚涌大業-三餸麵轉丁 彈牙: 8/10 味道: 9/10 硬度足夠，但欠缺了彈牙的咬口，麵本身的味度尚算okay。 轉丁+$3 (此店沒有公仔麵，本身麵為幼麵或粉河等。)…查看更多

12月19日, 夜晚喺太古嗰邊, 想食一d平平地嘅野, 真係難搵. 唯有行去鰂魚涌, 呢條街都有幾間平野, 尤其呢間車仔麵最平~::: 紅腸魚皮餃墨丸粗 + 豆漿 ::: $24一個三拼車仔麵都只係$24, 仲要加送豆漿, 雖然份量唔多, 一個餸都只係2粒丸, 不過都有條菜跟下, 係咁上下~ 湯底可以選咖哩腩汁等等, 我就要咗辣汁, 如果唔係個清湯底會好淡. D料都係一般貨色, 只不過墨丸有d差, 好粉好硬食唔出墨丸味.豆漿喺雪櫃攞出嚟, 擺名係擺住等, 味道有甜冇乜豆漿味, 但係送嘅又唔會有乜期望.::: 雲吞麵 ::: $18無啦啦呢間車仔麵舖又有另外嘅特別推介雲吞麵同水餃麵, 又姑且叫個雲吞麵試下. 雲吞都有4、5粒, 竟然仲附送幾塊大大塊嘅椰菜片, 果然係一間百搭嘅車仔麵店! 雲吞應該係店家自己包, 味道都好家庭式, 味道較淡, 加上湯底又無乜味, 要狂加醋先得~車仔麵嚟講方圓幾里呢度都應該係最平, 不過要忍受下個環境, 同埋嗰對唔知係咪夫婦嘅店主, 落錯單又或者唔記得咁. 除此之外, 想食飽肚冇乜要求可以一試.…查看更多

豬腸有口感, 豬紅好滑, 柱侯牛腩多筋, 雞翼尖好入味, 韮菜餃d 韮菜 新鮮 ! 蘿蔔亦清甜! 食車仔麵有飲品送, 抵 ! 除左車仔麵, 還有飯食 ! d 蒜香雞扖啖啖肉, 好香蒜香味. 蒸飯亦抵食 ! 環境雖然普通, 但價錢超平, 值得推介 ! …查看更多

2/2(一) 5:30pm將近晚飯時段,滿以為可一了心願涉足"金峰",氣炸地得悉其啓市日子為初十!牢騷滿腹地跑到隔壁的"大業車仔麵 ".自己吃了下午茶餐魚蛋貢丸酸辣米線$18跟凍檸茶(加$2),同事則來了碗雞扒通粉$23跟凍奶茶.魚蛋貢丸酸辣米線--酸辣湯底面上封上一層火紅的油層,辣度非一般人可接受,而且油分濃厚,讓其零碎的米線雪上加霜.然而魚蛋及貢丸的食味則比較稱心.上了一小口雞扒,煎至微焦的雞扒肉質嫩兼調味足,算不錯吧!凍檸茶--冰塊過甚的檸茶味道尚清香的...納悶的下午茶...…查看更多

師傅喺佑民街食完一次之後, 當然要黎第二次啦, 皆因呢條街都有好多間食店, 所以要遂一試真d, 睇下邊一間最抵食, 而今次師傅就揀左呢間食店!入到去呢間食店, 又估唔到呢間又係以車仔麵做主打, 但依然有飯食添, 但諗左一陣師傅都係決定揀車仔麵, 皆因好似幾抵食咁, 於是就柯打個五餸麵, 諗住一次過試多d, 於是揀左幼麵, 豬皮, 豬腸, 牛筋腩, 牛肚同埋牛柏葉, 再加辣汁, 而且仲送杯豆漿添!話都冇咁快就有得食, 果然有效率; 第一口當然係試下湯底, 味道唔算太特別, 唔算吸引但又未至於淡口, 加左辣汁亦唔覺辣, 一般啦; 而餸嘅份量唔算好多, 豬皮就幾細塊, 不過就勝在爽口, 可以啦; 豬腸夠腍亦唔算好肥, 唔錯啦; 牛筋腩竟然係筋多過腩, 牛筋好腍口感唔錯, 而牛腩反而係碎腩, 口感麻麻; 牛肚賣相一般, 係夠腍不過唔係咁好味; 牛柏葉亦幾爽口, 可以啦; 幼麵反而唔好味, 唔夠煙韌爽口, 口感其差, 唔得囉! 豆漿就不過不失啦!總括黎講車仔麵質素一般, 地方同服務都係普普通通, 價錢就幾平廿七蚊五個餸仲要送杯豆漿, 都算抵食, 咁嘅價錢咁嘅水準, 可以啦; 不過師傅就未必有下次, 而笑臉都比唔到!…查看更多

呢度d野麻麻地好食,由於我住呢頭附近,間唔中都有食下款色,但d油麵有少少押押地,個湯唔夠味,牛腩好似食肉鬆咁散晒住附近因為無咩野食先幫襯,而家有車,情願開車去第二度食好過…查看更多