大本瀛日式放題

今晚約咗一班朋友去食生日飯，成餐飯滿滿驚喜係我食過最好服務嘅放題餐廳。餐廳食物選項應有嘅都有，價錢都好合理還有生日優惠。每一位侍應嘅服務態度都好好送餐收碟都好主動幫忙換碟，我未遇過放題餐廳會主動幫客人換幾次碟一見到碟有骨就會更換，用餐尾聲仲會特登拎雪糕雪條俾客人揀，生日蛋糕都好特別。希望大家都可以多啲支持香港消費，支持小店。…查看更多

🍣 旺角篇 · 撐枱腳系列喺旺角搵任食日式放題，原來有驚喜！🐟💥 刺身新鮮得嚟仲有多款選擇，重點係啲豉油甜甜地，配壽司一流～食完先發現OpenRice有優惠券，大家記得食之前攞定啦！🍽 餐廳資料📍 大本瀛日式放題（旺角兆萬中心店）📅 2025年7月2日（二人晚市）💰 合共消費：$655.6（人均：$327.8）🍱 餐點內容（任食放題）•多款刺身（三文魚、甜蝦、八爪魚等）•日式壽司、前菜冷盤•炸物（天婦羅、南瓜、蓮藕等）•熟食燒物、熱食煮物•多款甜品同雪糕🍨💑 情侶位推薦指數：★★★★☆#旺角 #旺角美食 #日式放題 #大本瀛 #日本菜 #刺身控 #任食天堂 #香港情侶 #情侶必試 #撐枱腳系列 #元朗以外都好食…查看更多

同媽媽食3個鐘中午放題 12點真係食到3點 一坐低已經好細心話我媽媽知有熱雪梨茶 唔係淨係得凍櫃既野飲 超貼心！所有店員都好快手 有禮貌 主動換碟 又俾紙巾 收落單紙 上菜都好快💪🏻食咗好多樣野全部都好食 魚生特別推介馬刀甲 勁新鮮同爽口！佢壽司細細件 但賣相都勁精緻 另外燒菠蘿同火鍋係世界級 😋另外雪糕仲有Dryers 同埋好多其他雪條同甜品揀！臨走見到老闆佢都問feedback，感受到佢真係勁有心做 下次會再食！人均$250 …查看更多

好耐冇食過服務咁好嘅餐廳嘢食正常，但係服務超好，所以性價比高連阿媽都讚！話咁樣令到餐飯食到好開心見到都仲係剔紙仔，大學嘅時候已經成日食，滿滿回憶感。佢而家經濟咁艱難嘅時候，更加會再幫襯。 今晚食得好開心🥰…查看更多

朋友幫我慶祝生日，佢揀咗呢間日式放題，所以就喺今日嘅中午上嚟食，可以食3個鐘太開心啦上到嚟見到座位好寬闊，原先安排我哋坐窗口位，但我哋想坐卡位，同店員講想坐卡位，佢哋好nice好爽快咁俾2個卡位我地㨂，咁啱我哋揀嗰個位係喺飲品櫃前面，拎嘢飲非常方便店員真係好友善，介紹飲品櫃喺邊，有同我哋推介下食物嘅種類，跟住我哋去咗飲品櫃拎飲品，有個男職員見到我哋冇拎飲筒，仲好細心咁拎兩支飲筒嚟跟住我哋叫嘢食，呢度係用懷舊點餐紙點餐，好鍾意呢一種睇圖用筆剔下剔下嘅點餐感覺，嘢食嚟嘅時候係黎齊，冇漏單，賣相靚，刺身好新鮮，冇雪味，質素令我真係感覺到有驚喜，尤其是我最鍾意食嘅希靈魚刺身，好鮮甜，我朋友隻手掂唔到醬汁，老闆即刻行過嚟搣開濕紙巾俾佢抹，看似簡單嘅一個舉動，但其實呢個貼心行為真係會令客人好感動跟住到熟食，我哋點咗通菜、汁煮牛舌、芝麻雞翼、炸魷魚鬚，估唔到熟食都可以咁好食，最回咪係個炸榴槤球，熱辣辣好香，最重要係佢哋嘅炸嘢炸得乾爽，唔會好多油一路食，店員會一路幫你碗碟，跟住仲會拎一大盆雪條過嚟你枱叫你揀（如果唔食住可以之後自己出雪櫃拎），入嚟食嘢頭一個鐘， 已經深深感受到佢哋嗰一種貼心同用心服務顧客嘅態度，真係好難得，冇咩幾多舖頭可以做得到，仲要做得咁好食食下突然間店員嚟清理我哋張枱嘅食物，我心諗咦唔通夠鐘，原來唔係，因為我就嚟生日（我自己都唔記得），我朋友訂枱嘅時候備注左有人生日，所以就有個生日碟裝住件心形嘅蛋糕，係心形既木糠布甸蛋糕啊，最感動嘅係佢哋嘅蠟燭唔係用普通嘅蠟燭，而係用煙花蠟燭，仲要比兩支，好有氣氛啊，仲要幫我哋不停影相，呢個位真係令我好感動，碟上面嘅生日快樂字寫得好靚，個心形木糠布甸蛋糕非常好食到我哋走嘅時候，喺門口老闆執整緊d雪條，仲笑住問我哋覺得食物質素如何，我真係覺得佢哋非常尊重客人既感受，同埋真係好有心去經營，呢間店真係要多多支持，我一定一定會再嚟…查看更多

估唔到係香港仲食 甘好食放題老闆同服務員都做得好好同朋友黎慶生 有蛋糕驚喜食物唔錯可以再食同埋真係好快 真係服務又有善又快好有心做 好耐無試過係香港有呢個甘好服務態度要支持一下…查看更多

第一次寫食評，昨天與家人們一齊去。首先，食物質素非常好。刺身質素不錯，油甘魚脂肪均勻，刺身沒有雪藏味。另外炒物及一品料理質素也不錯， 10分推薦黑椒炒牛柳粒。此外，非常值得一提的是他們的服務質素。當日隔籬枱生日，店員很貼身的播生日歌，還為他們送上蛋糕。此外店員長期微笑以待，臨走前我和家人才發現雪糕櫃放在門口外，所以沒有拿取。店員察覺到後，非常友善地建議我們拿着走。最後，最讓我驚喜的是他們還用着傳統放題點的紙張點餐模式。讓我立刻回憶起小時候和父母吃放題的興奮感覺。因此大推這一間✨👍🏻…查看更多

嘢食正常質素放題嘢 估唔到熟食幾好味！不過都合理嘅一坐低梗係解啲會回本嘅刺身啦 食落幾好味，而且有鮮味質素好過爭鮮薯仔牛柳粒好味encore咗幾次 而且熱辣辣，不過熟食嘅嘢佢晏啲啲嘅時候會出慢咗，因為多人 估唔到都幾滿場乳鴿都好有質素熱辣辣㗎 ！皮脆肉嫩金菇牛肉卷幾好味炸嘢全部好好味！我覺得個芋圓球仲正如果唔係遲咗我哋仲有嗌火鍋以為呢度冇雪糕食原來門口係有㗎 ！好在臨走嗰時店員提我哋 畫個完美嘅句號！如果唔係就可能會有少少想食甜品嘅感覺🤣…查看更多

難怪其他comment 都讚服務呢間係我去過最好服務嘅放題餐廳放題基本上每間都差不多，呢間都係水準之上應有嘅都有，價錢同其他餐廳都差不多嘢飲嘅選擇都好多，仲有暖熱飲品可以問侍應攞而且佢哋每一位侍應嘅服務態度都好好送餐收碟都好積極仲有少見放題餐廳會主動幫客人換幾次碟一見到碟有骨就會換真係好impressive 仲會特登拎雪糕雪條俾客人揀好多選擇，泰國榴槤雪條都有侍應仲好好人俾卡片我哋話訂位會有唔同嘅優惠…查看更多

【油尖旺區】【大本瀛日式放題】同一大班同事去食嘢，一人有一個意見嘅情況之下就梗係去食放題最好，自己顧自己，唔使理人哋。今次我哋就嚟咗呢間喺兆萬中心 10 樓嘅日式放題餐廳，之前我都冇食過，見佢哋環境唔算好企理，不過咁大班人又冇理由即刻走，所以唯有都係坐低食啦。佢哋將嘢食分成好多類，包括刺身、手握壽司、火炙壽司、特色卷物手卷、軍艦、凍盤小食、和風料理、一品料理、爐端燒、鐵板燒、炸物、天婦羅、南亞風味、火鍋，仲有甜品，當然仲有自助任飲嘅飲品同甜品，不過總括而言食物質素都係好一般，麻麻哋。就算講到放題最重視嘅刺身，佢哋都唔算好特別，冇乜話好新鮮呀之類嘅亮點。當然如果話難食佢哋又算唔上，只係真係好普通。睇其他人嘅食評話啲侍應會掟嘢，又真係會，不過係掟啲唔會彈汁嘅嘢例如甜品。埋單每人 $244，我哋午市食，中規中矩啦。。。（地址：旺角西洋菜南街1N號兆萬中心10樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #油麻地 #大本瀛日式放題 #大本瀛 #日式放題 #刺身 #手握壽司 #火炙壽司 #特色卷物 #手卷 #軍艦 #凍盤小食 #和風料理 #一品料理 #爐端燒 #鐵板燒 #炸物 #天婦羅 #南亞風味 #火鍋 #1am1671 #1ambackup…查看更多

想食下放題，一諗就諗到兆萬，青春回憶見到手寫放題紙就好好feel，好有質感😊個位設計好好，我哋三個人坐嗰個卡位，係一人一邊U字型咁坐，好舒服👍🏻呢度啲侍應個個都好有禮貌，又有誠意，真係好耐未試過咁好服務。食物都好好，真心製作，刺生新鮮，雞泡魚干好好味，一定要試。呢度可能係最有誠意既放題. 嚟到兆萬樓下，幾十年都無變，實有幾個人圍住chur你上去（以前係學生哥依家係阿哥😆），如果有人話上面無位，又或者間間同一樣，你千祈唔好信，呢啲係佢地拉客既技倆咋（上次嚟都係咁，唔知幾多年前），所以想去邊間就要上去問下有無位。🤫事隔咁多年我都仲好怕企喺度睇水牌同poster，唔明就去feel吓🤫…查看更多

場地裝修比較陳舊食物水準一般，不過不失，價錢合理預先訂位會另有一杯M字雪糕選擇~good整體服務非常之好，沒有漏單，特別想讚一位啡紅頭髮彎腰小哥哥，收點菜紙，收碗碟，換裝骨殼碟等等都非常快手。最深印象係佢路過見你剝緊蝦殼，轉頭即攞張新的濕紙巾，還撕定開口，静静放定在枱面等你剝完蝦可以即時抹手，超級細心！從未在其他地方遇過！最尾亦都會主動奉上一杯熱茶，非常體貼！今時今日好少有這麼不忘初心，認真專注服務又有效率的服務生，印象特別深刻，值得讚許！！…查看更多

差唔多10年前嚟過，覺得好好食。今日返嚟好開心見到食物質素，味道，環境都冇變。好開心唔使用QR code，用紙同筆冇咁煩。 所有嘅夥計同老闆都好有熱情，好有誠意招呼我哋。一定會返嚟！ …查看更多

今日有兩個從英國嚟嘅朋友，唔知食咩嘢好，唸過哂最啱就係放題，因為咩都有得試嘛，最後上網睇過呢間放題嘅口碑幾好，決定試吓外國人對刺身，不太感興趣，但我哋有order驚喜，擺盤好靚刺身夠凍，三文魚厚度適中推薦跟住點咗牛舌，羊架，連外國人都贊，佢哋燒烤既所有野都好好食最後要贊既係佢哋泰國菜，食得出係自己整，唔係預製菜 最後一提，呢間餐廳係我朋友嚟香港，感受最深刻既餐廳，因為佢啲員工服務好好，好貼心下次會再嚟…查看更多

第二次嚟大本瀛，今次嚟慶祝生日，雖然今次多咗啲同上次唔同嘅職員，佢哋嘅服務依然係勁好，同埋好細心～佢哋會久唔久幫我哋換碟，（不過有少少建議，放個骨桶喺度俾客人，就唔使成日幫人換碟咁辛苦😆）然後有個職員見到我哋冇紙巾，佢即刻遞啲紙巾俾我哋，然後話冇紙巾點得㗎～😆食到差唔多嘅時候，佢哋會成盤雪糕捧出嚟俾客人揀～成件事好warm～☺️到切蛋糕嘅時候，（見到有其他人生日）會播生日歌，（但我要求低調🥹唔需要）又會問我哋要唔要幫手影相。Btw,刺身擺盤整得好靚，咁啱係我鍾意嘅藍色～成餐飯食得勁開心🥰…查看更多