大有麵館

麻婆豆腐: 有水準之作煎倉魚: 魚夠新鮮, 煎得夠香口, 最欣賞那碟秘製蒸魚豉油, 十分野味合桃糊: 自家製即磨合桃糊, 即叫即製, 用心之作餃子: 超好味白菜煎餃子, 配以蒜頭醋, 簡直一絕…查看更多

幫襯呢間食館已有三個月, 平均每星期都會食一次晚飯, 就好似返屋企食飯咁! 大有哥平時會去九龍城或深水埗買餸, 有咩靚, 就買咩! 跟住同大有嫂研究點樣煮當晚菜式! 以上資料由一衆街坊提供 ! 其實大有嫂好擅長煮魚, 只可惜我唔喜歡食魚, 所以我會選擇 .... 海南雞 - 可跟白飯或油飯 (肉質鮮嫩) 蝦醬炆豬肉 (蝦醬好香, 唔過鹹)獅子球 (好味道, 炸香咗再煮, 不過我嫌份量多得滯)香煎蓮藕餅 (好香, 好爽口)番茄豬柳 (豬柳唔知用咩醃, 有點胡椒味)如果碟餸冇蔬菜類一齊煮, 就會附送鼔油生菜另加是日例湯 .... 佢哋煮嘅湯同餸都冇落味精, 全部發自內心, 好家庭式 .... 當然佢哋唔係sell services, 係sell溫情...我試過有次見到煮魚湯, 我眨哂咀, 問佢哋有冇其他選擇, 跟住大有嫂滾咗碗菜湯我飲 ... 你話係咪好touching 呢 .... 所以對於啲"無飯"屋企同單身一族, 簡直係必選 ...!!!!! …查看更多

呢間嘢好好食~~~冇味精，好似番屋企食飯咁!!!同男友食咗海蝦炒蛋同蒸雞魚，唔知咩係雞魚，但一坐低就聽到隔離枱個阿姐話好好食!!即叫~~~真係好好味，又新鮮，啲海蝦都係新鮮ga!!本來多個生菜，但原來跟海蝦炒蛋會送埋菜，老闆娘特登提我哋，感覺好warm~~~又有個後生仔一個人食飯，食完青瓜皮蛋(我下次都想試)，仲想叫腰果糊，點知老闆娘話大有太懶，叫阿哥仔自己同門口個大有講，好好笑ga~~~…查看更多

我最欣賞尼間小小的舖头真係可以日日有新鮮海魚吃,又沒有味精,所以我常常來幫襯,好間單一個麻婆豆腐$30都可以做到好滑,尤其海南雞$40配湯配菜好好吃,呢幾樣系我常點菜,所以推薦比大家,只可惜呢度真系偏左D,地方又小左D,又沒乜服務,價錢方面ok拉…查看更多

呢間野地方極其不顯眼,而且地方很少, 坐位十幾個, 住在附近十幾年都睇佢唔到, 但是呢間野令我一試難忘, 變成我的飯堂. 佢最好的地方係夠清無味精.糖心皮蛋 ($5): 真係抵, 真係糖心的皮蛋, $5 自己買就差唔多!!腩汁生菜 ($5): 冇油好食.煎紅衫魚 ($35): 可以煎魚但係好似無用過油咁, 好脆口, 個皮好正, d 肉好滑.脆玉瓜炒海蝦 ($40) : 個蝦係新鮮唔係雪既, 好得, 個汁好正.時菜炒芝麻脆肉餅 ($35) : 好香口, 炒到連芝麻都好香.三個人食剛剛好, 仲有湯送, 仲要係似媽媽煲果d 咁, 冇味精, 好有屋企食飯feel.…查看更多

顯徑附近食野都好多選擇,舊村屋果便有間鋪仔,聽人講話D餃子超正,便去試試!一入店面,間鋪好細,人不是太多,好似都系熟客.間鋪應該系兩公婆經營,叫做麵館反而好少面類可以揀…老實講,菜式感覺不吸引!兩個人叫咗個湯餃,一個咖喱牛腩飯,一碟青瓜皮蛋,都等咗一陣先到.呢幾樣都好好食,真系估吾到!個咖喱好香,D餃好過曬D咩X方雲集啦!老婆話有少少淡,可能系無味精啦…乾乾淨淨,D野又少油,吾錯!地點有少少隔涉,不過都會再幫襯~!…查看更多

有晚揸車到大圍搵野食, 見到佢都幾干靜企野, 2個人就走入去食. 地方唔大, 得十幾個位. 叫左梅菜扣肉同炒年糕, 2樣都好好食, D湯都OK. 隔左幾日再去, 叫左茄汁紅衫魚同蝦醬蒸豬肉, 加個冬菇生菜, 3樣都好好味. 送唔洗大大碟, 好食就夠了. 我地2個就剛剛好, 有點意悠未盡, 叫左個腰果糊, 睇住佢整, 以甜品黎講佢都大碗. 仲可以叫少甜添. 個糊好滑好香. 埋單剛好$100, 超低! 家庭小菜, 不油不膩, 絕對超值. 最後俾我見到腩汁生菜$5炸.…查看更多

食店有啲打私房菜的模式,據我觀察是倆公婆經營,入內時晚上七時,有四個食客...見到佢哋枱面的嘢食,賣相都唔多吸引....老闆娘走出來話貼在牆上的菜單係特別推介,心水想叫個黃魚,佢仲好似好pro 咁話有呢種嗰種煮法....最後叫咗個海南雞($40);蕃薯燴牛腩($35);芽菜炒魚鬆($35)同黑醋黃魚($40)唔好以為款款都三幾十蚊好似好抵咁,嘩, 見到嚇死人....好似唔捨得俾人食咁,雞得幾件,仲要係啲冇乜肉,又好多毛的部位......個燴牛腩仲衰,好似個蘿宋湯湯渣咁呀, "水liu liu", 牛腩少都算,連配菜都少...過份得很....個黃魚呀,黑媽媽,仲苦苦地架,難食!!! 個芽菜炒魚鬆,又個份量少得可憐, 大佬,芽菜好平架咋,你都咁姑寒?!?!食完真係upset 到爆囉! 唸住上嚟睇吓平日其他食客對呢間嘢有乜comment, 睇吓係咪平日冇咁差, 只係老闆娘一時失手, 而我係一時倒楣.....上到嚟, 零comment 喎, 但係就見到佢話呢間嘢sell 有味精, 住家靚湯.....睇見就火起, 本來送的例湯我就冇乜要求, 都唔唸住提喇, 但係大佬呀, 水加鹽加幾舊湯渣就叫住家靚湯,你冇嘢呀???…查看更多