大快活 (石圍角邨)

大前日（3-8-2025 Sun）傍晚，同老公做完家務後煮飯，佢係咁話天氣熱，做完家務重要煮，好辛苦，不如落去涼住冷氣食 唔使煮又唔使洗。唉！俾佢贏啦，咁食邊間？一樂？佢話大快活鐵板餐，咁走嚟睇吓吸唔吸引先。睇吓menu，鐵板餐係$64.00起，亦有$136.00嘅二人餐，研究咗，原來二人餐同咗兩杯啫喱，咁決定要二人餐。買完飛，等咗幾分鐘，聽到嗌我哋no.，老公就去攞，分咗3個盤，我哋要雜扒（牛扒，雞扒，豬扒同珍寶腸），帶骨大豬扒＆珍寶腸，燒汁，黑椒汁，迷你肉醬意粉，迷你粟米肉粒飯，羅宋湯同可樂。我哋自己落汁，鐵板唔係太熱，一啲煙都冇，不過都啱嘅，安全啲嘛。首先飲啖羅宋湯，有好多菜，味道唔濃亦唔會好辣，ok嘅。珍寶腸嘅？口感係腍到近乎霉，唔掂。牛扒係平嘢冇牛味就一定;雞扒juicy;雜扒中嘅豬扒又薄又柴皮;帶骨大豬扒就厚啲同唔柴;黑椒汁唔辣;燒汁味道普通。迷你粟米肉粒飯呢？睇見肉粒已經乾，食落，白汁唔夠，粟米粒唔甜，肉粒更加係乾柴，有啲難哽，老公就加自己攞嘅火鍋湯同豉油食，就好好多。迷你肉醬意粉，明顯呢個味道同口感對版。最後嘅啫喱，打開睇見到有淡奶，舀起睇係黃色嘅，一食，原來係檸檬味，味道有啲假。其實食完啲肉都夠飽，唔須要再有澱粉質，建議可降低價錢而選擇加配，重可以加配一碟菜。每人幾十蚊食到叫做鐵板餐，都唔可以要求太高。題外話：我哋食食下嘅時候，見到有個坐輪椅嘅叔叔自己搵位，佢喺我哋右邊張二人枱推開張凳，但唔會推得遠，我老公就起身幫佢將張凳拉去第二喥，其實喺呢個時候，我哋左邊張枱有個戴眼鏡嘅中年女職員企喺喥，同兩個熟客傾𡁵計 ，亦面向我哋右邊，佢就算見唔到個輪椅叔叔要移開張凳，都應該睇到我老公走去將張凳移去第二喥，佢都可以唔幫手接力。之後我只見佢幫客人捧過兩次餐，其中一次就係幫佢嘅熟客，之後全程唔見佢，但有個戴眼鏡嘅後生仔就好勤力同有禮，又捧餐又執嘢幾次，重喺個輪椅叔叔食完走之後，將張凳移返過嚟。上次食評係2025年7月18日提交嘅呢篇：https://www.openrice.com/zh/hongkong/review/b-%E4%B8%80%E9%96%8B%E4%BA%8C-e6128420…查看更多

29-6-2025（Sun）晏晝同老公由澳門返到屋企，都已經係傍晚，一早預咗呢晚唔煮飯，咁我負責執嘢，老公就去買嘢食啦，佢去咗一樂同呢喥比較，一樂有價錢$146.00同$152.00兩餸飯，連兩碗白飯同是日例湯或飲品;而大快活就有$88.00嘅原隻免斬貴妃雞同滷水豬手或自選一款小菜，不過冇飯同飲品。老公就問吓白飯幾錢？答案係$7.00一碗，咁計落，呢喥平啲，於是就揀呢間，要咗京都豬柳同3碗白飯，共$109.00。買到返嚟未影相，老公就已斬開隻雞，預咗唔會大隻;而白飯用3個膠碗裝，而且都唔滿;京都豬柳。老公話隻雞煮到好腍，腍到連我哋把鈍刀都輕易斬開。開餐喇，首先，白飯係普通唔會太乾太濕。3分貴妃雞連骨都腍，咁肉都腍啦，而佢本身都夠味，唔多使蘸蔥油，不過我食到啲雞嘅膻味。1.5分而京都豬柳好似有5件，汁嘅味道同咕嚕肉嘅分別唔大，豬柳口感都正常，而佢都有唔少蔬菜伴住。3分而我哋都喺翌日帶飯，份量唔多，但都竟然夠飽，應該係京都豬柳膩啩。上次食評係2025年2月22日提交嘅呢篇：https://www.openrice.com/zh/hongkong/review/b-%E5%BF%AB%E9%A3%9F%E6%97%A9%E9%A4%90-e5922793…查看更多

今（22-2-2025 Sat)朝同老公食早餐，見到一樂冇晒卡位，老公問有冇膽去食得喜？我答冇。於是去大快活，睇完menu，老公要咗$31.00嘅H15餐，我要$37.00嘅W07餐，兩個都飲熱檸水。等一陣，兩份餐齊晒，先食自己嗰份。脆皮腸唔脆，普通；雞胸柳係柴皮屬正常，蘸啲咁多，味道又淡嘅燒汁食，只可以話好過冇，不過，我第一啖咬落去，竟然有舊約7mm長嘅硬物，似魚骨嗰類。2.5分火腿通粉呢，原本應該係正常不過嘅嘢，但竟然啲通粉黐埋一舊，口感係爽嘅。3分青梅醬紅莓軟包，切開睇，個包係青色，食落，味道同提子乾無異，感受唔到青梅，紅莓嘅存在。1分老公嘅香菇雞絲滑腸粉呢？料係對版，腸粉較腍，味道正常。3分熱檸就澀。1.5分上次食評係2024年12月8日刊登嘅呢篇：https://www.openrice.com/zh/hongkong/review/b-%E7%B6%93%E5%B8%B8%E5%86%87%E4%BA%BA%E5%9F%B7%E5%98%A2-e5808954…查看更多

連鎖快餐店， 食物質素應以穩定見稱。但石圍角這間大快活， 食物是凍的，連早餐通粉的湯也是不熱的， 食物安全相當成疑。食物是否好味， 實屬主觀意見。 但是食物溫度，是最基本及客觀的。 光顧其他地方的大快活， 食物也是熱的(絕對不會是凍冰冰的)。作為連鎖快餐店的管理，食物質素不是有一定標準嗎？…查看更多

噚日（7-12-2024 Sat）朝同老公又整嘢前食早餐，去邊喥食，都係大快活，嚟到時有吉枱，但冇人執枱，自己執完買嘢食，老公發板，佢買咗：1. $39.50嘅吉列豬扒，雙蛋英式外士同熱華田英式多士烘到一面脆；雙蛋正常冇問題但凍咗；吉列豬扒都外脆，未至於乾嚡。熱華田沖得好濃，唔加糖都已經夠甜，飲到一半可自己再加水沖淡嚟飲。2. $29.00嘅糯米包，肉燥撈麵蘿蔔糕，都係熱華田竟然有好耐冇見嘅糯米包，佢係正常粘粘軟糯；肉燥撈麵就鹹咗啲，口感正常；蘿蔔糕都正常，但都係凍咗。上次食評係2024年11月30日刊登嘅呢篇：https://www.openrice.com/zh/hongkong/review/b-%E9%BD%92%E9%A0%B0%E7%95%99%E7%BE%B6-e5797523…查看更多

噚日（29-11-2024 Fri）繼續同老公放假整嘢，整到傍晚都攰，要食飯喇，去邊喥食？天氣凍，話食粥，但老公話呢喥唯一一間粥舖嘅粥唔掂，唔想嘥quota，所以唔食。一中而大快活應該出咗煲仔飯，羊脾煲，於是睇睇，老公好眼利，一睇就睇到羊腩煲，羊腩煲有一同二人餐，$99.00嘅一人餐就只有白飯同特飲跟，而$149.00嘅二人餐，就有自選小菜，金銀蒜粉絲娃娃菜／灼菜，白飯同是日燉湯，後者抵啲，於是揀定嘢俾錢。等咗2分鐘就有，老公睇吓是日燉湯，見到有陳皮，我睇返menu，原來係陳皮鴨腿湯，呢個溫度唔係好地，係啱飲嘅溫度，老公失望，而我覺得個湯味道幾舒服。3分份量唔多嘅金銀蒜粉絲娃娃菜呢？大多蒜喇太嗆，唔好食，娃娃菜切成四份，口感係正常。2分羊腩煲呢？我一食，啱啱食到脂肪位，食到羶味，但唔太嚴重可接受，而配料都正常冇問題，不過嗰少少羶味，仍會留喺口腔直至刷牙，而佢係煲得夠腍嘅。4分小菜就揀咗京都豬柳，睇見顏色好靚，味道同口感都好正常，配料重有芒果肉。5分最後我想飲杯水，老公去斟，佢斟2杯返嚟，但點解一杯會係混濁？老公話係湯，斟水位置就咁寫“湯”，佢飲吓先，話熱騰騰又好好味，我飲吓，似係通粉嗰啲湯。抵食係2.8分上次食評係2024年10月11日刊登嘅呢篇：https://www.openrice.com/zh/hongkong/review/b-%E9%A3%9F%E5%BE%97%E5%90%93-e5721397…查看更多

前日（9-10-2024 Wed）放工後，嚟呢喥以吸引價$42.00買一隻蜜味燒春雞加餸，都有2心理準備唔會大隻。嚟到時睇見個放喺收銀嘅牌寫住免斬，只限外賣同微辣。買完等咗一陣就有，扁撻撻嘅，打開睇，原來佢哋唔係用外賣盒裝住，而係用一個紙袋。到老公返嚟就開得飯，睇吓隻雞，醃料醃到隻雞好深色，我哋分好就豪邁食得。一食，有啲甜味，但辣味重啲，肉質係嫩嘅，但唔算好吸引。上次食評係2024年9月28日刊登嘅呢篇：https://www.openrice.com/zh/hongkong/review/b-%E7%86%B1%E9%A8%B0%E9%A8%B0-e5703902…查看更多

噚（27-9-2024 Fri）晚又要自己一人食晚飯，又食咩好呢？嚟到商場，我諗算經濟嘅就係大快活，就嚟睇吓啦，見到有好耐冇食，$52.00嘅咕嚕肉，就要呢個啦，不過貴啲，賣$59.00呢，就有埋中式燉湯同中國茶，咁我揀呢個。買飛時，收銀會問要唔要餐具，我就揀唔要。買完得咗一陣，嘢食就有齊拎得。我一路拎住行，都感受到成功餐都好熱，返到屋企就開餐喇，先食咕嚕肉，已經唔脆，味道偏甜多啲啲；湯係藥材味，睇返張單，係杜仲燉瘦肉，真係全瘦肉，一啲都唔肥，不過同咕嚕肉唔夾味。而茶係鐵觀音茶包，味道濃但唔會太苦。而佢嘅份量都唔係少，我係食唔晒嘅。上次食評係2024年7月27日刊登嘅呢篇：https://www.openrice.com/zh/hongkong/review/blue-%E5%95%B1%E5%95%B1%E8%B8%AB%E4%B8%8A%E4%B8%8B%E5%8D%88%E8%8C%B6-e5590918…查看更多

想食個快嘅早餐，就揀大快活Order 左兩個套餐，再加一份通粉個蛋煎得好靚，好好味，雞排都推薦炒麵同腸粉嘅配搭就肥膩咗啲，油咗啲食客唔算好多，所以出餐都好快店員都好有禮貌…查看更多

今（27-7-2024 Sat）朝，食完藥又眼瞓，瞓醒都1：50pm，雖然唔肚餓，但因為要食藥，所以老公去買嘢食，佢話買麥當勞。大家都未病好，重食呢啲？咁佢話食大快活。於是佢去買，去到時咁啱係下午茶開始，佢好快就買咗返嚟，有$33.00嘅紫菜四寶米同熱檸水，同$31.00嘅雪菜肉絲米配熱狗，同熱奶茶。我就揀咗後面嗰份食，睇見件簡陋熱狗幾迷你，食落，個飽有啲啲烘脆，腸同生菜正常冇問題，沙律醬於多咗少少。3分細細兜嘅雪菜肉絲米呢？唔算好多湯，雪菜肉絲唔會太鹹，米粉口感正常。3分最後杯熱奶茶，茶味淡到近乎冇，似飲水。0.2分至於老公嘅紫菜四寶米呢？佢哋都係將麵同湯分開，四寶就只有共四粒唔同嘅肉丸，呢個佢冇任何comment。抵食係2.3分…查看更多

今日（21-7-2024 Sun）老公唔舒服唔返教會，我差唔到可以出門口買餃時，佢就起到身，一齊去食早餐。唔知去邊喥食，佢話大快活，好似抵啲。我去撳機，佢就搵個位坐低先，我去到即睇menu，見到有楓糖牛角包同脆香黃金雞扒早餐，我見好耐冇食牛角包，但又想食雞扒餐，咁點算？細心睇menu，見到有個牛角包餐係有雞扒，就係$42.00嘅W19餐，就決定要呢個，飲熱檸水。老公就要$38.00嘅W17餐，亦係飲熱檸水。買咁飛等咗一段時間至有齊，我嘅餐有：楓糖牛角包，阿活香嫩炒滑蛋，脆香黃金雞扒同茄汁豆，老公嗰份有楓糖牛角包，火腿湯通粉，鮮茄蘑菇炒滑蛋同茄汁豆。我哋開餐喇，先食脆香黃金雞扒，我食唔到脆香，食到楓糖，雞扒口感正常冇問題。1.5分阿活香嫩炒滑蛋係全熟，冇乜問題；茄汁豆來貨冇問題,佢哋有整返暖；老公俾啲火腿湯通粉我食，味道貫徹一樣淡淡地，一般，而佢亦都只係微暖。2+3+2分最後食楓糖牛角包，呢間有牛油味，正常酥脆，OK嘅。5分而杯熱檸水呢？又係澀。1.5分環境：已經冇乜枱可揀，個位被冷氣機吹正，都幾凍。衛生：都係見到幾耐至收嘢’。2.5分抵食係2.5分…查看更多

噚日（6-7-2024 Sun）晏晝，老公去完教會返嚟，一齊食個晏至開工打掃啦，佢去大快活買外賣返嚟，用$48.00買個餐，加$5.00要紅豆冰。都幾耐吓至買到返嚟，佢即刻打開，我就嗅到蜜汁雞脾嘅香味，另一個澱粉質食物，就要咗肉醬意粉，睇見肉醬都唔少，老公將佢撈勻食。我先飲啖紅豆冰，夠腍嘅紅豆好甜，太甜喇，我哋飲到尾，都重有好多紅豆。2分蜜汁雞脾呢？個皮都仍脆嘅，亦當然係甜地，而啲肉仍然係嫩滑，鹹淡就適中。5分肉醬意粉濃呢？一食，味道好濃但唔會太鹹。2.3分抵食係2.7分上次食評係2024年6月18日刊登嘅呢篇：https://www.openrice.com/zh/hongkong/review/blue-%E9%96%93%E9%96%93%E9%83%BD%E8%B2%B4-e5521957…查看更多

前日(16-6-2024 Sun）晏晝，同老公食晏，諗唔到食邊間，是但大快活啦，嚟到時好少人，睇吓menu，我決定要$43.00嘅粟米肉粒飯，飲熱檸水，原來飲品要加$7.00，Total$50.00。老公就要$52.00嘅咖哩雞飯，加$7.00要可樂。啲餐好快攪掂有齊，睇見粟米肉粒飯都算多汁，食落，味道平平無奇，肉粒唔止有少量豬肉粒，重有雞皮，肥煙肉，感覺似將啲下欄嘢加埋落去，不過啲汁係夠撈飯食。2.5分熱檸水啲水好熱，不過檸檬就唔澀。3分老公嘅可樂2/3至3/4都係冰，$7.00買杯冰。咖哩雞飯就香而不辣，雞件大大件，因為帶骨，但口感正常，而薯仔都有兩件大大件，可惜中間未夠腍同唔入味。2.5分衛生：搵位時係有好多位，但見到有奶茶倒瀉喺地下冇人拖。2.5分價錢：我真係唔知道價錢唔包飲品，因只見到話加配或轉配飲品價錢，而且快餐店不嬲都包一杯普通嘢飲，呢個似有誤導之嫌。…查看更多

大前日(14-5-2024 Tue)我要覆診，就同老公食個早餐至出發，去邊喥食?前幾日得知大快活有竹炭多士，於是走嚟，嚟到搵位坐低先，老公買自己嗰份先，佢就用$32.00買H12嘅肉臊銀牙撈麵配腸粉，飲熱奶茶。之後到我去買，睇吓menu，唔見有竹炭多士，由於老公已買咗嘢食同自己清潔咗張枱，我唔可以轉第二間啦，唯有硬著頭皮照揀。就要$36.00嘅B15，煙肉洋蔥炒滑蛋，脆皮腸，餐肉，英式多士，都要熱奶茶。買完等多一陣，老公嘅早餐至有齊，然後我嘅都有齊，但睇睇煙肉洋蔥炒滑蛋，煙肉洋蔥放喺炒蛋面而唔係撈埋一齊炒都算，但唔見有洋蔥，再撩開啲蛋睇，係完全冇餡，唔通啲洋蔥煮溶晒?於是我成個餐捧返去出餐處問，唔知係咪高級啲女職員，就遞入廚，叫廚房睇吓兜嘢係點嘅?廚房就遞包急凍嘅嘢出嚟俾佢哋睇，佢哋睇咗話有洋蔥，然後答我來貨係咁，叫我食吓。我成餐攞返埋位食，將所有嘢分半後食。我先食多士，喺切開時已經韌到好難切，食落就自然係韌;炒蛋係嫩滑;煙肉就似係食到啲洋蔥味;其他都係來貨，正常冇問題。熱奶茶呢？唔落糖都覺得甜，茶味唔濃。最後食老公嘅肉臊銀牙撈麵同腸粉，佢只落麻醬同甜豉油喺腸粉喥都好夠味，腸粉厚身同滑;肉臊撈麵味道就唔濃唔太淡。味道係2.75分服務:買飛時以免誤會，我話要boy15，收銀都可以話X15;答堂食俾完錢後，又問係咪堂食。遊魂?衛生:2.5分，因為都收唔切嘢。上次食評係2024年5月3日刊登嘅呢篇: https://www.openrice.com/zh/hongkong/review/blie-%E9%86%92%E7%9B%AE-e5442633…查看更多

28-4-2024（Sun）晏晝喺屋企做家務前食個晏，由老公去發辦去買，最後佢由呢度買咗兩兜嘢返嚟，原來係$44.00嘅雙餸百撘碗下午茶，佢揀咗卡邦尼雞肉意粉同魚香茄子，加$3.00飲凍奶茶。我先食後者， 茄子口感味道正常，飯粒就有啲係乾乾地，而佢係唔辣。卡邦尼雞肉意粉，雞肉大大舊，佢同意粉嘅口感正常，味道就唔算濃但可接受。最後杯凍奶茶茶味唔濃，但還可以嘅。味道係2.7分，抵食係2.5分上次食評係2024年4月14日刊登嘅呢篇:https://www.openrice.com/zh/hongkong/review/blue-%E4%B8%AD%E8%A5%BF%E5%90%88%E5%A3%81-e5408720…查看更多