大彥

這間主要做外賣的大彥，門面唔起眼，但內邊是有點驚喜的。主打冒粉，是四川的特色小吃，就好似車仔麵咁，揀選自己鍾意的配料，配上獨特的麻、辣、香、鮮風味的湯底。點了一個有十款餸的十全十美食肉獸，大大碗都只是$68, 有牛丸，貢丸，炸魚蛋，肥牛片，豬頸肉，午餐肉，雞中翼，娃娃菜，芝士腸，白蘿蔔，十分豐富，配上藤椒湯底，味道麻香微辣，好惹味。薯粉吸收晒湯汁，更好味。份量足夠兩個女仔享用。餐廳仲有小食，糖水等供應。值得推介是他們的肉鬆粢飯，即包，連內邊的油炸鬼都是新鮮即炸，配上炸菜，肉鬆，好味，飽肚。一支支的楊枝甘露十分方便，有滿滿的芒果粒，金柚肉，濃而不甜👍他們有個 QR code 可以預先落單免排隊，很方便。…查看更多

週末本來只想出門走走，沒計劃、沒目的，就在觀塘閒逛。走到巧明街一帶，剛好肚子餓了，靈機一動：上次朋友推過的「大彥冒菜」不就在附近？走進這間外表低調的小店，沒想到竟然成了我們今天最意外的美食驚喜。點了必吃的鎮店美食 - 冒菜自選湯底＋自選配料，快靚正！當天選了好多自己中意的配菜，每樣都新鮮美味，完全屬於自己獨一無二的冒菜，吃得超級滿足!大推無論你是冒菜新手還是喜歡辣味的老饕，都可以根據自己口味調整湯底與餸菜。另外還有2個在眾多川味主打菜之中， 是個被低估的寶藏單品。台式滷肉飯~~看似簡單的一碗飯，卻有讓人一吃就記住的魅力：飯粒軟硬適中，不會糊爛；滷肉則是肥瘦相間、滷得透、香氣十足。醬汁鹹香中帶點微甜，不死鹹，也不膩口。最加分的是：，不會有「只食到白飯」的落差。再加點酸菜或青菜在旁邊，口感層次就更豐富。不講真係唔知，這碗滷肉飯竟然比坊間好多專門做台式飯的還要出色。無論你是配搭冒菜當套餐、還是單點作主食，這碗飯都值得一試。粢飯~~原本只是想吃個正餐，看到櫃檯有粢飯，心想不如試試當作小食沒想到這一口，竟然吃出了久違的家鄉味道。米軟糯有米香，包住炸鬼＋肉鬆＋菜脯鹹蛋黃畫龍點睛！鹹香酥脆好滿足～每一口都層次豐富。炸鬼保持酥脆，不會被飯悶腍，鹹香味道在口中散開，非常滿足。這次還看到店裡有許多小食、飲料、甜品，無奈這次吃得太飽太滿足了，只好等下次再嘗試，我想我應該很快就會再訪~~…查看更多

這次的精選套餐真係好正！九果冒菜的選讓我眼花撩亂，牛丸、鵪鶉蛋、龍蝦丸，還有魚肉春卷，真係每一樣都讓人想試！特別是蟹柳和土豆片，口感剛剛好，超級入味。鮮冬菇的鮮味更是為整道菜增添了不少層次，而風琴豆腐則軟嫩可口，搭配上唐生菜的清脆，恰到好處。午市的小食冷盤藤椒魚皮更是令人驚喜，香辣的味道讓我一口接一口，根本停不下來！最後的甜品四川冰粉，加上黑糖汁和桂花，味道簡直絕配！山楂餅粒和提子乾的搭配，讓整個甜品更加豐富，口感層次分明，吃完真係意猶未盡。至於飲品，我選擇的滋潤桃膠燉雪燕，清新又健康，喝上一口，感覺整個人都被滋潤了！總的來說，這次的用餐體驗真係非常滿意，無論是食材新鮮度還是味道，都讓我大呼過癮！如果你想來一頓美味的冒菜，真心推薦你試試這個套餐！…查看更多

今日收工想輕鬆下唔煮飯食，就去咗附近間小店，試咗幾款嘢食，同大家分享下😋九果冒菜首先叫咗佢哋嘅招牌冒🌶️ 咁多餸都係$58，真係抵食！入面有牛丸、鵪鶉蛋、龍蝦丸、魚肉春卷、蟹柳、土豆片、鮮冬菇、風琴豆腐同唐生菜，乜都有齊🤤 個湯底麻辣鮮香，味道濃郁，食落去好過癮🔥 老闆娘推薦我配飯食果然好味又飽肚！藤椒魚皮最近好熱門嘅小食🌶️啲魚皮爽脆彈牙，藤椒味又夠曬香，食落去麻麻辣辣，好惹味！😋爽滑涼粉配芒果、芋泥、芋圓及椰奶依度嘅甜品都好正🍧 可以自由選擇配料😍今次揀咗涼粉，口感滑嘟嘟，配埋香甜芒果、芋泥嘅綿密、芋圓嘅煙韌同椰奶嘅香濃，食落去口感豐富，甜而不膩🥭🥥檸檬桂花酒釀冰粉有驚喜飲料🥰 好足料，啖啖都食到配料～冰粉配埋檸檬嘅酸、桂花嘅香同酒釀嘅甜，飲落去清新又解渴🍋🌸…查看更多

🥰官塘做完野，唔想煮飯，買埋外賣返屋企。呢間餐廳大彥位於apm後面，位置都算方便。👍餐廳有少量座位，但主要做外賣，提供的食物款式多，價錢合理，方便附近上班一族。揀咗五款食物，即叫即做熱辣辣。🥢蒸燒賣幾彈牙。🥢糯米雞大隻足料。🥢炸韭菜餅香口，韭菜多。🥢瓷飯飽肚，包住油炸鬼，肉鬆同炸菜。🥢話梅甘薯條酸咪咪幾開胃，番薯條香甜。見到仲有早餐套餐同冒菜食，下次再來買。觀塘巧明街107號國基集團中心地下01號舖…查看更多

喺 studio，連續做咗三個客，攰到爆。落到樓下，見到有間新嘅外賣店，門面好乾淨，仲好受歡迎，選擇好多，價錢唔貴。見到選擇太多，決定每樣叫啲同個客一齊 share 食。我哋叫咗一個主食湯麵、一個粢飯、一個韭菜餅、泡椒魚皮同一碗糖水，好豐富，兩個人食好足夠。睇得出係家庭小店，每樣嘢食都好用心製作，新鮮加真材實料。勁肚餓嘅我見到每一樣嘢都想食，見到佢有粢飯好感動，好耐冇食過，粢飯出到嚟係暖笠笠，肯定係即叫即做。泡椒魚皮辣得好過癮，魚皮好入味，呢種辣味出面好難搵到，我同朋友忍唔住係咁食。😍😍湯麵每個餸都好新鮮好好味，勁肚餓嘅我，一啖湯、一啖麵，係幸福的感覺。🥹🥹我投湯麵一票！韭菜餅，排隊時候前幾個客都叫，我就知係每人必叫，果然冇失望，超香口！即使凍咗都好好食。😋😋椰奶香芒燒仙草，最驚喜係佢冇額外加糖，可以消暑解渴，又唔會覺得好 heavy。一流呀！😌😌呢度有很多古早小吃，感覺好懷念 童年的小回憶。🥰🥰…查看更多

同事話公司附近開咗間好食又抵食嘅冒菜，今日lunch又想食少少辣嘢，再跟住佢一齊去試吓💗入到去見到唔少人排隊，不過等咗5分鐘就可以落單了，唔使幾耐就拎到返Office食📈冒菜C餐（任選5款配菜）$55一直猶豫緊叫藤椒湯定麻辣湯，最尾叫左冒菜麻辣湯小辣✨男同事太肚餓叫咗8餸啲餸多到裝吾曬，我吾係太肚餓就叫咗五個餸（風琴豆腐、蓮藕片、雞中翼、鮮蝦雲吞同豬大腸）同埋蕃薯粉👩‍🍳一打開見佢放左好多蒜，啲餸好足料，每樣材料有3件以上，食落其實都唔係好辣，但好香好香，下次可以挑戰中辣💁🏻‍♀️自己最中意係豬大腸，真係滷得好入味，風琴豆腐吸晒啲湯汁食冒菜必點👀泡椒魚皮 $28呢個真係超平超平！平時出面嘅川菜餐廳到$40以上。呢個比起我個冒菜小辣更辣🌶️魚皮入晒味比起藤椒魚皮更加惹味，份量足夠同同事share一齊食桃膠燉雪燕 $22食完冒菜覺我要潤下喉，再喺公司落去買啲野杯同甜品翻去，呢個又係好足料！要搖一搖先至可以飲得晒所有料，桃膠好滑又大塊～雪燕唔會得幾片，加埋紅棗飲落去成件事好養生🙂自選甜品 $28本身諗住揀豆腐凍但係賣晒😶‍🌫️最後揀左店長推薦既燒仙草配黑糖汁再加芋圓！咁樣都係$28🥹仙草冇講錯真係好滑，黑糖唔算特別太甜，啱晒唔係食得好甜既我，重點係芋圓真係好好食！真係軟軟糯糯吾會硬又難消化，係我食過咁多間最好食嘅其中一間💙…查看更多

【📍觀塘｜簡單香港原味道】🐨即包肉鬆粢飯 $26推薦度：⭐️⭐️⭐️⭐️⭐️粢飯熱辣辣食落好煙靭，肉鬆超級多，鹹香味十足！！！仲要有埋油炸鬼同榨菜，因為即包嘅關係所以保持到香脆，口感十足😛加上非常飽肚，做早餐真係一流～.🐨邪惡花生醬芝士餐肉炒蛋三文治 $32推薦度：⭐️⭐️⭐️⭐️幫同事叫多左個三文治，點知原來都係即叫即做。麵包烘到好脆，配埋花生醬唔會好乾，而且三文治好厚身，有蕃茄生菜好清新又可以去油膩🍅🥬.🐨魚肉燒賣 $12/8粒推薦度：⭐️⭐️⭐️⭐️魚肉燒賣唔算好特別，但係有咬口唔會覺得好粉嘅嗰種。反而佢嘅辣椒油好出色，又夠香、又夠辣🌶️仲要哩個平民價錢就食到，性價比勁高！！.🐨錫蘭奶茶 $10推薦度：⭐️⭐️⭐️⭐️⭐️奶茶係有驚喜，本身見到全部係雪櫃雪住，無咩特別期望。但係一入口，覺得非常順滑😍茶味好濃又唔會有苦澀味，早餐一杯醒神一流！！——☼——☼——☼——☼——☼——大彥📍地址：觀塘巧明街107號國基集團中心地下01號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB觀塘 #HTB港式.#觀塘 #觀塘美食 #港式 #港式美食 #燒賣 #奶茶 #飲品 #美食推介…查看更多

叫左雲吞，豬頸肉同蓮藕樣樣餸都好味、足料！個藤椒湯係比想像中辣，但好爽😍最鐘意個泡椒魚皮，連小朋友都鐘意食！好爽口，咸香惹味，比小朋友食左一半飲埋酸甜既楊枝金露就舒服哂！滿足！聽聞蕃茄湯都好好味朋友仲叫左話梅苦瓜，好清爽開胃！😋老闆娘好好，下次會再嚟食！…查看更多

大彥大彥(香港)地址: 香港觀塘巧明街107號國基集團中心地下01號舖行開觀塘，買小小野食先返上舖頭，就可以邊食邊做野等客啦！車仔麵架四川版本🥵$42 up , 由　2-8個餸，湯底酸辣湯，配菜要黑豚肉、雞翼、同一個娃娃菜，再要了皮蛋。好多料仲有麵底米線，大大醃超飽足魚肉燒賣$8 又幾抵，有豉油就好好食有糖水呀，要了燒仙草，$28 有一個自選配料， 黑糖汁底，紅豆同加$5芒果，黃紅黑顏色好sharp 清新淨乾衛生…查看更多

冒菜第二次幫襯欣賞老闆親熬湯底，唔放味精最愛藤椒湯底 少少辣 好惹味必叫雲吞 爽口彈牙今次仲叫左肥牛 大腸大腸乾淨唔肥，正老公叫左蓮藕肥牛雲吞鴨血番茄湯岩曬佢蓮藕好鮮甜佢都大讚雲吞好味聽聞即做粢飯好味道叫左個黎試下老公表示好好味 油炸鬼又香又脆我最愛冰粉香港好少見老闆娘話用黎解辣一流一啖麵 一啖冰粉感覺好清新真心可以解解辣臨走仲買多兩碗請屋企人試試呢間舖主要做外賣坐落環境還好等老闆遲D解決下冷氣問題應該會坐得更加舒服…查看更多

這間位於觀塘工廈區的小店「大彥」，主打冒菜和粢飯，店面不大，只有幾張枱，但食物質素不錯，價錢合理，適合附近上班族或一個人想簡單吃頓飯👍🏻✅冒菜A餐（$68，任選4款配菜)我選了雞中翼、魚腐、鮮蝦雲吞和米線，湯底揀了🍅特濃番茄湯。番茄湯底酸甜開胃，雞翼滷得入味，魚腐吸湯後好惹味，雲吞餡料足，米線份量剛好。另外加配了泡椒魚皮（$25），爽脆微辣，配冒菜幾夾。  ✅冒菜B餐（$78，任選5款配菜）朋友點了蓮藕片、雞中翼、牛丸、肥牛和蕃薯粉，湯底選🌶️惹味藤椒湯。藤椒湯麻香夠味但唔會太嗆喉，牛丸彈牙，肥牛正常，蕃薯粉吸湯後好正。加配的涼拌麻辣皮蛋（$22），皮蛋流心，推薦！！跟餐加$8有樽仔錫蘭港式奶茶，茶味夠濃，唔會太甜，抵飲。店內仲有粢飯，不過我今次冇食。下次早餐經過可以試吓🙂‍↕️【大彥】📌觀塘巧明街107號國基集團中心地下01號…查看更多

觀塘市中心小店，主打冒菜、自家製甜品、飲品。平時冒菜都係辣嘅多，如果唔食得辣嘅話仲有特濃鮮茄湯同清湯揀。三餸一主食先$42咋，超級夠飽。佢哋嘅特濃番茄湯底好家常，酸味好濃好開胃！Mix&match嘅糖水都好正。天氣咁熱最啱就係食個台式燒仙草（$28）。加黑糖汁、芋圓、桃膠，勁大兜勁足料。見到甜品櫃有芒果糯米飯即刻嗌返個。芒果好熟好甜，多啲椰漿就好🥹。記得試錫蘭港式奶茶，茶底幾濃又唔澀。星期日下晝4點幾去，估唔到已經就快收鋪。老闆娘勁好請我哋食多個細細個嘅冰粉，仲有埋提子乾、山楂片、花生碎、芝麻。…查看更多

星期六下午，阿仔响附近上完興趣班，經過新開食店，正好嘆返個下午茶。仔仔鐘意食芋圓仙草，天氣熱辣辣，叫一個黎消消暑，爽呀！加點冰的就更好！另外，叫左蒸燒賣同韮菜餅，韮菜餅餡料好足，好香～我同個仔都覺得好好味！本來諗住就阿仔唔食辣，問聲老闆佢分開左辣椒油俾我，簡直係燒賣嘅靈魂，hehe…叫左支仙草奶茶，茶味夠濃，係我最愛凍櫃入面仲有一啲涼菜、豆漿、醉蝦、榴槤…老闆推介佢地嘅主打嘅「冒菜」，有唔同湯底配上唔同食材，有辣有唔辣，我見佢有個冰粉，出面好少見，等我下次試下先～…查看更多

早前跟三位朋友來到觀塘，原本想食車仔麵，但發現新開咗一間專食「冒菜」嘅小店喺巧明街，由於未試過，所以決定親身了解吓什麼是「冒菜」。我哋4個各自選擇咗「清湯」「麻辣」「蕃茄濃湯」同「藤椒」4款湯底嘅米線，一次過試曬四個口味。清湯夠清夠鮮味；麻辣真夠麻，越食越辣；蕃茄夠香濃；藤椒夠香！4個湯底都夠惹味，越食越好味！另外點咗「韭菜餅」，滿滿嘅餡料加薄薄嘅餅皮，炸得剛好，配埋香醋，一流！仲有「話梅苦瓜」，香甜清爽，越食越開胃！老闆娘仲送咗一盒秋葵，跟麻醬，絕配，好好食！怕辣嘅朋友點咗冰粉助陣，讓刺激過後嘅嘴巴即時降溫！原本想點埋醉蝦同醉蟹，但係已經食到肚脹脹，唯有下次再幫襯！一間小店，食到嘅唔止係風味，仲有濃濃嘅人情味，值得支持👍🏻…查看更多