大師傅粥品 (太和廣場西翼)

星期六送完小朋友去學畫畫，係附近就食左呢間粥品。油炸鬼同艇仔粥一起叫都只係$36，好抵。粥好大碗都好多料，不會食得曬。味道正常發揮。反而油炸鬼非常有驚喜喔，超香脆又非常軟糯好咬。鮮蝦腸粉$25都非常推薦，個粉皮係超薄，入口即融既感覺，所以食完已經想encore。至於豆漿都不錯，甘大一支都係$12，甜度剛好。為左蝦腸同油炸鬼會去多次。🥢大師傅粥品 (太和廣場西翼)🌏太和大埔太和路12號太和廣場西翼2樓228號舖…查看更多

呢排熱到真係無咩胃口，而太和區內呢間主打食粥店鋪#大師傅粥品 ，由佢開店到依家都依然生意興旺，相信係價錢平民化，質素又唔會太差。食啖粥清下腸胃，係一個最好選擇。✅黃沙豬膶粥剛熟既豬膶非常嫩口，啲豬膶大塊份量又多，冇咩腥味。配料正正常常。粥底唔太濃，可能米同水控制得好好!!✅窩蛋鮮牛粥成大半碗都係碎牛，仲有隻生雞蛋，牛肉新鮮嫰滑不在話下，仲要份量足夠架。😚✅牛利蘇脆口夾軟嘅牛利蘇，外皮香脆得黎仲甜地地，好容易令人就咁一啖接一啖！✅炒麵好食，味道適中，唔油，但乾身，就咁食/送粥就更飽肚。✅豆漿（一枝）✅綠豆沙正正常常，好啱口味。性價比高，整體滿意。…查看更多

為咗健康着想同家人食飯都避免食啲煎炸油膩反而鍾意食清清地嘅美食今次去到太和廣場的「 大師傅粥品 」去試吓佢嘅招牌粥品及我至愛嘅牛脷酥 ❣️⊰⊹════════════════⊹⊱💬 ✎ 食後感 ：✨🍲 【 #菜乾豬骨粥 】這一款廣式經典老火粥品配上鹹香的豬骨加上菜乾一起熬煮每一啖都香氣撲鼻非常美味🍲 【 #北菇仿鮑片滑雞粥 】粥底好軟綿甜滑裏面有北菇、仿鮑片及滑雞豐富的配料再另外加錢加入豬心及瑤柱啖啖口感及鮮香味滿滿💛 【 #鹹肉粽 】糯米香氣撲鼻裏面有鹹香的肉餡和其他配料每一啖都充滿豐富的口感🤍 【 #炒米粉 】米粉炒得乾身超彈牙來到一定要嘗試🤎 【 #牛脷酥 】好鍾意炸得香酥香甜的酥心難怪大人小朋友都鍾意食最後飲返罐凍可樂就滿足晒👍🏻 …查看更多

如果喜歡食粥嘅朋友當然要去間粥底綿份量足嘅粥店，今晚就係這裡發現了這間在太和廣場西翼2樓嘅大師傅粥品，餐廳座位闊落，整潔光猛餐廳粥品選擇多，但個人都係喜歡傳統口味，兩個人食分別點了皮蛋瘦肉粥及艇仔粥，兩款粥品材料十足，粥底綿滑，皮蛋和瘦肉的鮮味融入粥中，使粥的口感更加濃郁，味道豐富而艇仔粥內有爽口魷魚、足料碎牛肉、爽彈炸豬皮、脆口花生等食材，加埋個綿滑同樣十分出色小食就點了口感也較有嚼勁嘅豉油王炒麵家鄉口味炒米粉即做脆口炸兩腸粉、同口感細膩爽滑嘅牛肉腸粉飲品加了香濃罐裝咖啡同香滑豆漿各一支落單後廚房出單快，食物份量材料足，喜歡食粥嘅我又多個地方可以選擇…查看更多

早前病完想食清淡啲但係又好味嘅, 適逢去到太和廣場行街, 搵一間坐得舒適嘅粥店-大師傅粥品試吓!裏面嘅環境簡潔又乾淨, 更設有窗邊卡位, 而餐牌亦分門別類列明清晰, 我哋大家分別order咗幾款美食開心share!北菇仿鮑片滑雞粥 裏面嘅材料豐富, 包括有北菇仿, 鮑片, 滑雞, 粥底好軟綿綿, 而且有濃香嘅雞味, 滑雞多肉小骨, 鮑片很有嚼口!窩蛋鮮牛粥 是牛肉迷必食之選, 同樣地粥底好绵密柔滑, 裏面嘅牛肉份量多, 肉質细腻软嫩, 攪勻生鸡蛋融合在粥裏, 帶雞蛋香, 香滑又美味!豬潤腸一切開裏面的豬潤餡料滿滿, 質感爽嫩, 腸粉很薄很軟身陣陣米香, 整體口感口感特別嫩滑油潤!炒米粉雖然冇乜配料 ,但係落咗辣椒醬食即刻變得好滋味!牛脷酥 記得細個好鍾意食, 脆卜卜嘅外皮, 令人吃完一啖又一啖!…查看更多

送同事返深圳作最後衝刺，其實太和廣場仲方便過上水，一出港鐵站就有shopping又得，搵食又得，餐廳種類繁多，想清淡啲就去食粥同炒麵啦！位於太和廣場西翼的大師傅粥品，是一個方便的用餐選擇，特別適合忙碌中來此小聚一番。餐廳的裝修簡約而現代，牆壁上掛著一些與粥品相關的相片，讓人感覺親切又舒適。座位安排寬敞，不會感到擁擠。艇仔粥 艇仔粥的賣相非常誘人，粥底濃稠，配料豐富，包括新鮮的海鮮和肉類，色彩繽紛，食慾大開。口感方面，粥的滑順度恰到好處，碎牛肉與水魷魚的鮮味相得益彰，回味無窮。皮蛋瘦肉粥 同樣出色，皮蛋鹹香，瘦肉鮮嫩，層次分明。每一口都能感受到皮蛋的獨特口感，搭配上經典胡椒粉，簡直是一絕。油條 油條外脆內軟，搭配粥一起享用，口感更佳，無論是單吃還是沾粥，都能帶來滿足感。豉油王炒麵 炒麵色澤金黃，油潤卻不膩。每一根麵條都掛了濃郁的豉油香味，搭配蔬菜味道鮮美，絲毫不馬虎。牛肉腸粉 腸粉滑嫩，牛肉鮮美，醬汁適中，忍不住多吃幾捲。質素相當高，口感和味道都相當出色。鹹肉糭 風味濃郁，糯米軟糯，鹹肉鹹香，一口接一口停不下來。炸兩腸粉 小時候吃的味道，口感特別，炸兩外層酥脆，內裡腸粉滑嫩，搭配醬油，不同的風味層次。罐裝咖啡 餐後來罐咖啡，帶來一絲清新，讓整個用餐體驗更加完美。…查看更多

天氣開始熱, 想吃點粥, 到了太和大師傅粥品, 喜歡這裏座位舒適, 環境衛生潔淨, 而且服務態度好生菜粟米瘦肉粥 $33大大碗, 粥料好味, 生菜絲清爽, 瘦肉嫩滑, 粥底棉滑豬紅粥 $28豬紅爽口滑溜, 入口帶有胡椒味, 用心之作炒麵 $16炒麵夠乾身, 味道均勻炒米粉 $16米粉乾身入味, 口感順滑鹹肉粽 $22口感軟糯, 鹹蛋黃油潤, 腩肉肥瘦適中叉燒腸 $20腸粉皮薄餡靚, 叉燒夠入味, 肉質鮮嫩, 肥瘦適中豬潤腸 $20外皮完全是晶瑩通透, 豬潤爽脆嫩滑, 切得幼身個人認為除了各款粥品, 鹹肉粽及各色腸粉也是必點之選, 再唔夠就加炒麵或炒米粉, 必定大大滿足😋難怪除了堂食之外, 外賣人流亦不絕, 有了這間粥品店, 完全係太和附近居民的福氣…查看更多

太和站一出西翼有間平民價嘅粥店✨脆卜卜炸兩，新鮮熱辣辣生滾粥，大大碟炒麵😍簡直係大埔居民嘅恩物。餐廳乾淨企理，而且夠曬闊落，坐得舒適。窩蛋碎牛粥用剁碎牛肉，醃製後加入滾燙的粥底，保持肉質鮮嫩不柴，熱粥倒入碗中時，瞬間燙熟牛肉與蛋，口感一流。黃沙豬膶粥豬膶片片鮮嫩粥底軟綿綿又鮮甜，黃沙豬膶 夠肥美，口感爽脆粥品新鮮綿滑，而且價錢亦大眾化。炸兩腸粉油炸鬼仍然脆卜卜，俾熱辣辣嘅腸粉包住，做到內脆外滑。腸粉厚薄適中，自行將甜醬、辣醬、麻醬盡情唧上面，超級混醬大啖食，入口層次豐富，滋味無窮。鹹肉糭糯米、綠豆和鹹蛋黃為主，糯米緊實有嚼勁，鹹蛋黃增添油香，鹹肉糭風味濃郁另外再嗌咗豉油皇炒麵、牛脷酥同豆漿樣樣性價比都極高👍📍 大師傅粥品 (太和)太和大埔太和路12號太和廣場西翼2樓228號舖…查看更多

乍暖還寒嘅天氣，攪到我哋病咗個幾星期，食咩都無乜胃口，食粥品嘅食店岩我哋，揀咗去《大師傅粥品》見到鋪頭光線明亮，卡位座位空間大，坐得舒服艇仔粥艇仔粥煮得非常細膩，粥底順滑，入口即化，海鮮的鮮味與粥的清淡相得益彰，配料的多樣性使每一口都充滿驚喜，花生的香脆和蔥的清香提升整碗粥的風味皮蛋瘦肉粥皮蛋的咸香與瘦肉的鮮美相得益彰，粥中加入的調料簡單，但恰到好處，能夠提升整體的風味食粥一定要配炒麵 炒米 鹹肉粽 齋腸 炸両份量多，味道方面亦不錯👍🏻❤️炸両係必點嘅食物❤️…查看更多

今晚放工陪爸爸食晚餐，爸爸提議去呢間粥店，佢話食物質素幾好😬 因為都幾肚餓，所以都試咗好多嘢食😃鹹肉糭：糭入面包裹著香氣四溢的腩肉，口感軟糯，油脂豐富，咸香適中，加埋富有油香嘅鹹蛋黃，點啲甜豉油食仲正，特別適合搭配粥品👍🏻艇仔粥：這裡的艇仔粥更是讓人驚喜。粥底滑順，米粒綿密，搭配新鮮和豐富的配料，如豬皮、魷魚和花生，味道非常之正👍🏻黃沙豬膶生滾粥：黃沙豬膶鮮嫩，與生滾的粥底完美融合，粥的香氣和豬膶的鮮味配搭得好好，而且勁足料，成碗都係豬膶芝麻煎堆：芝麻煎堆外皮酥脆，芝麻的香氣撲鼻而來。每一口都能感受到香脆的口感和甜蜜的滋味，配搭粥一齊食一流👍🏻牛肉腸粉：牛肉腸粉的口感滑嫩，牛肉餡料鮮美，腸粉的皮薄而韌，包裹著豐富的牛肉，送粥食好夾👍🏻…查看更多

餐廳就在火車站旁的商場內，算是街坊商場了，所以晚上人流挺多的，也有不少人買外賣。狀元及第粥這個是生滾粥，粥底非常綿滑，淡淡的米香。配料有豬肝，豬肉，豬心，豬肚，能吃出都是新鮮的材料，口感軟嫩，特別是豬肝是剛剛好熟的。吃的時候被白粥緊緊地包裹的豬雜，口感更滑嫩香甜。蔥花炸兩腸加了蔥花後，吃起來沒那麼油膩，皮挺薄和嫩的，中間的油炸鬼香脆，口感豐富。叉燒腸性價比挺高的叉燒腸，叉燒量非常足，裡面全是叉燒肉，而且沒有我不喜歡的莞茜，吃起來特別過癮。煎堆煎堆一次過吃到兩種口感，上面的比較酥脆，下面的外脆內軟糯，不會太甜，有芝麻香。…查看更多

太和港鐵站附近無咩早餐啱食，見到呢間粥舖，諗起都有一排無食粥，就入去食嘞。艇仔粥（$28）粥底夠哂熱，口感好綿；碎牛多，滑身；水魷爽口；豬皮都爽口；花生脆，味道可以。豉油王炒麵（$16）微溫，麵條有咬口，少量芽菜，味道偏淡唔咸，自己加芝麻提味。鹹肉粽（$22）可選甜或咸，揀咗後者，附上甜豉油。粽夠熱，唔算大隻，一般size，綠豆餡算多，一細舊肥豬肉，味道可以。炸兩（$20）可選大或細，要咗大，有三條，份量都多。腸粉皮算滑，油炸鬼微脆。自己加麻醬、甜醬、辣醬、芝麻提味。…查看更多

好似未訓醒就同屋企人食早餐我的早餐💜💜🫧艇仔粥豬皮、碎牛、魷魚、花生食材豐富而且新鮮見到屋企人食到好滋味🫧生菜粟米粥難得的素食粥生菜粟米，通常我會另加鹹蛋要再加$8生菜粟米粥，好似有個芡汁喺粥上面都好澀🫧豬潤粥甜甜地份量充足的豬潤粥🫧豉油王炒麵熱辣辣炒到十分香口大份抵食嘅豉油王炒麵🫧炸兩腸粉香脆可口的炸兩腸粉沾上豉油之後，炸兩仍然10分脆口腸粉都算滑🫧鮮蝦腸粉鮮蝦腸粉走韭黃因為我不喜歡吃韭黃，可以把韭黃走咗佢鮮蝦都算，新鮮爽口我全部有食的都推薦🥰推薦🫧豉油王炒麵🫧炸兩腸粉🫧鮮蝦腸粉🫧生菜粟米粥…查看更多

和老公在太和踩完單車，經過這間粥店聞到香氣，就進去食碗粥。【皮蛋瘦肉粥】質地綿密，香滑可口。皮蛋的濃郁風味與瘦肉的鮮美相結合，加多些蔥花調味。【北菇滑雞粥】加配黃沙豬膶展現了細膩的烹調技法。，生滾粥有些薑絲令味道更香口，北菇的香氣與滑嫩的雞肉融入粥中，而豬膶的加入更增添了一層鮮美。【蔥花炸兩腸粉】外皮柔軟，內裡酥脆，搭配蔥花增添清新香氣，豉油香味撲鼻。【鹹肉粽】糯米的軟糯、綠豆蓉、蛋黃與肥鹹肉，沾豉油和砂糖都配。【豉油皇炒麵】麵條彈牙，味道濃郁而不油膩。…查看更多

上星期到太和辦事，辦完事情都晚間視頻，看到太和商場內這一間性價比高的粥店，剛好想起自己很久沒有吃過粥品店員熱情招呼入座，看過餐牌，每一道菜色的價格不高每次吃粥品必點的煎堆，充滿芝麻香，外皮煙靭，$10價錢質素非常滿意炒麵，份量之多，而且豉油王味道十足，麵條煙靭有油香，配搭粥品一流滑牛肉肉丸生滾粥，牛肉份量多，另外粥底滑口重米香，而且份量之多，如果配搭炒麵，即使一個大男人也非常飽肚，是一碗高質素的生滾粥…查看更多