大師傅粥品 (康威大廈)

清清腸胃食粥最好 !    行經北角找到  大師傅粥品, 下午茶時間, 人流仍多.  大家立即內進搵位.  粥店面稹大, 裝修光猛, 座位整齊舒適, 牆上有食物照片, 容易點餐. 熱柜內的油炸鬼, 牛利蘇, 煎堆, 大大件, 剛剛炸起, 好香脆.  餐牌印制非常清晰,  食物選擇多,  粥分:  即熟粥, 生滾粥.   傳統小食有油器, 炒麵, 粽, 腸粉.   重有飲品.    經濟實惠,  適合街坊. 檯上醬汁, 芝麻, 齊備.  抽櫃有筷子, 紙巾.  好衛生.我們叫齊自己喜好.    一息間熱辣辣便送到.  擺滿檯.牛利蘇    炸得香脆,  外酥內軟.  送粥,  一流好食. 凍豆漿,  豆味香濃,  好滿意.   配上 鹹肉粽, 吾錯.鹹肉粽  飽肚之選.   糯米煙韌, 蛋黃鹹香, 加上優質豬肉, 食得回味.蝦米炸兩腸:   好大碟, 腸粉皮薄薄粉質細滑, 柔軟,  加上蝦米及香蔥, 非常可口.   腸粉內包裹著脆脆油條,  淋上豉油, 甜醬, 辣醬和麻醬, 再灑上芝麻.  吃得有層次. 生滾粥:   手打肉丸粥 + 黃沙豬膶  只加 $5.   粥底軟綿綿又鮮甜,  黃沙豬膶 夠肥美, 口感爽脆.  手打肉丸彈牙, 配上香蔥一起吃,  好味.朋友也叫了生滾粥:   窩蛋鮮牛粥 + 鮮鯪魚球,  只加 $5,  內藏有一隻生蛋.先找出雞蛋,  好金黃色.把蛋刺穿拌勻,  粥立即變得更醒神,  粥底又綿又滑, 滿滿蛋味牛味, 加上鮮鯪魚球的魚香, 配搭得非常好. 粥靚料多, 配上香港傳統小食, 食得開心.  服務理想, 坐位 舒適, 吾錯啊!…查看更多

隔咗一排, 終於有時間同屋企人食LUNCH, 又再去咗我地嘅抵食飯堂「大師傅」, 呢度價錢親民, 而且份量足, 可說是性價比過。餐廳環境光鮮企理, 全日堂食不設加一, 吸引不少附近街坊幫襯。供應多款粥品、腸粉, 油物等….價錢抵過買料自己煮。【艇仔粥】HK$26 (+$4 追加豬紅)粥底綿密滾熱辣, 食材豐富又足料, 包括有瘦肉絲、爽口魷魚、豬皮、牛肉碎, 粥底綿密熱辣辣, 啖啖粥都食到配料, 好有層次, 而追加嘅豬紅, 口感彈滑。【豬紅粥】HK$23 (+$4 追加碎牛)錦密粥底配上彈滑豬紅, 再追加了碎牛, 增加點點肉香。【蝦米腸】HK$17蝦米腸滑嫩柔軟, 稍吸了些少豉油, 配搭蝦米、蔥粒食, 增添一點香口。【蝦米炸兩】HK$20蝦米腸包住了香脆油炸鬼, 自行加咗芝麻醬、甜醬同埋芝麻, 內脆外軟又美味。【炒麵】HK$15炒麵炒得好香, 不會過於油, 大大碟, 好抵食。【白糖糕】HK$5白糖糕口感帶點濕潤, 甜甜地, 不錯的甜品。…查看更多

平時經常外出食飯，間唔中都會想食D粥清下腸胃🥣 第一次嚟大師傅粥品 ，原來唔少人都鍾意食粥，食客唔少👯‍♀️✂︎❥$𝟮𝟬 蝦米炸兩腸：薄薄一層嘅腸粉有蝦米粒同蔥花，之後包住油炸鬼，切成一小段一小段，再淋入豉油，用料扎實😋 鍾意香口嘅朋友可以依自已嘅口味加啲芝麻或者甜醬、芝麻醬🥢✂︎❥$𝟯𝟵 狀元及第粥／另+$𝟱 黃沙豬潤：熱辣辣一碗，裝到好滿就嚟瀉😌 粥底煮得好綿滑，飯粒完全化開，唔洗咬都可以食到🥣 狀元及第粥用料豐富，有豬粉腸、豬肉丸、瘦肉等食材😋 另外仲加咗一份黃沙豬潤，口感好嫩又帶有細沙感，切到厚厚一塊，食落好爽脆👅✂︎❥$𝟭𝟱 炒麵：炒麵主要配料有韭黃、芽菜、椰菜，炒得好乾爽，加啲鍾意嘅醬汁，好滋味🍝…查看更多

趁住呢個假期去北角睇裝修，順便去食大師傅粥品！餐廳光猛，室內環境乾淨，而且醬料樽唔會好似其他粥舖咁黐笠笠，值得一讚👍🏻🌟生滾肉片粥+皮蛋+鹹蛋+瑤柱+鮮牛片 $53這碗生滾肉片粥讓人驚艷，粥底綿滑，豬肉片鮮嫩，搭配的皮蛋和鹹蛋讓整體口感更加豐富。瑤柱的海鮮香氣與肉片相互融合，讓每一口都充滿驚喜。而鮮牛片的柔軟質地則為這道粥品增添了更多層次感，值得一再回味😬！🌟⁠先皖魚腩粥+鹹蛋+肉片 $48這碗先皖魚腩粥鮮香四溢🤤，魚腩肉質滑嫩，搭配綿滑的粥底。鹹蛋的鹹香與肉片的鮮美相得益彰，增添了層次感。🌟⁠鹹肉糭 $20鹹肉糭外包裹著香濃的鹹肉，味道咸度適中👍🏻。🌟⁠蝦米炸兩腸粉 $20蝦米炸兩腸粉外皮薄滑，餡料鮮美，蝦米的香氣與腸粉的柔軟完美融合。炸至金黃的炸兩十分香脆，搭配醬油和花生醬，係我鍾意嘅食法🥰…查看更多

間唔中食粥做其中一餐的確唔錯，而大師傅粥品梗係我bookmark 嘅其中一間餐廳。鮮鯇魚腩粥呢度嘅生滾粥真係好出色，粥的質地滑順，魚腩柔嫩，入口即化。 手打肉丸粥肉丸彈牙，真材實料，粥底滑順，另加的生菜絲脆嫩，增添了層次感和清爽感。蝦米炸兩腸整碟嘅炸兩最出色就係佢個蝦米，味道濃郁，而且增添了嚼勁。香腸滑溜，內裏的油炸鬼夠酥脆，十分好吃。炒麵麵條彈牙，喜歡的可以自己加入醬料，形成獨特的風味。 牛利蘇外皮酥脆，內餡富有彈性，甜甜地係我至愛。白糖糕柔軟而細膩，帶有米香，咬下去有些彈性。黃糖糕口感比白糖糕更為濃密，質地滑嫩，唔錯！…查看更多

尋日耷咗一日雨，想食翻碗粥暖下身。 北角冇正斗冇麥奀冇何鴻記，唯有是旦揀一間。乜乜好棧伏過，咁就大師傅啦。呢度所有顧客都連過半百，揾個後生仔女拚冇。 包括我，及員工在內。講翻碗粥，粥係棉質嘅，不過啲牛肉冇牛肉味，醃得唔夠腍亦都冇乜醃味，而碗粥亦都冇乜肉味，要狂加鹽同胡椒粉。 食到尾仲水哂。反而腸粉機好，皮滑蝦都唔細粒。 仲有韭黃，廿三蚊交足貨。老實講，如果打正牌頭做粥，但連基本粥底都未得好，如何吸客，難怪粥店是夕陽行業大師傅粥品…查看更多

今日去咗間粥品小店，真係食到滿足晒！😋🤩窩蛋鮮牛粥牛肉嫩滑得嚟入味，仲有個半熟嘅窩蛋喺上面，攪勻之後呢個蛋香真係無得頂！每啖都暖笠笠，食完即刻覺得好幸福～✨🥣🤩黃沙豬膶豬膶超級新鮮，完全冇腥味，仲煮到啱啱熟！每啖都滲出鮮甜味，真係好正！👍🤩粉腸爽口有彈性，夠晒香口！啱晒鍾意食內臟嘅朋友～🤤🤩黃砂豬膶粥口感又嫩又滑，好似入口即化咁。粥底濃郁幼滑，豬膶鮮甜，食到停唔到手！💛🤩滑雞好嫩滑，完全食到啲雞本身嘅鮮味💕🤩蠔豉好大粒，鮮味濃郁，仲帶少少煙燻味，咬落去好Juicy，好滿足呀！🦪✨🤩蔥花炸兩腸粉外層脆卜卜，配埋滑溜溜嘅腸粉，仲有啲蔥香提味，真係一啖一啖停唔到！🤩🤩牛脷酥外皮酥脆，內餡係淡淡嘅牛脷香，口感非常特別！一啖咬落去層次分明，唔會太膩，好鍾意！🥰🤩煎堆炸得金黃香脆，內裏嘅甜餡又唔會太甜，啱啱好！咬落去啲芝麻香味撲鼻而來，好滿足呀～🌟🤩豆漿最後配埋一支豆漿，啖啖豆香濃郁，唔會過甜，飲完仲有回甘嘅感覺，perfect！🥛💕…查看更多

有間連鎖粥店在香港都有十幾間分店，都有唔少熟客街坊幫襯，早上十一點幾已經差唔多坐到滿晒！雖然夏天熱辣辣，但係呢度冷氣好夠涼👍🏻除咗生滾粥之外，當然不少的油器、炒粉麵、腸粉都有…艇仔粥：食呢個會開心啲，樣樣都有少少咁，魷魚、豬皮、花生等…粥底煮到好綿滑，皮蛋瘦肉粥：我平時通常都係叫呢個，下火清熱氣，真係百食不厭，加啲芝麻仲更加香！炸兩腸：腸粉好滑，包住油炸鬼，又脆卜卜！點豉油好好食，喜歡的可以加啲甜醬！…查看更多

北角地鐵站附近就有一間地道粥店「大師傅粥品」，他以港式傳統粥品為主打，環境簡潔樸實，瀰漫著米香的溫度。狀元及第粥 一碗粥品就有齊多款餡料：豬肉丸彈牙鮮香，豬肝滑嫩無腥，豬心爽脆，粉腸粉糯，豬肉入口即化，最後粥底綿密如絲，米香濃郁，啖啖滋味。北菇仿鮑片滑雞粥來到時已聞到米香，滑雞嫩滑入味，再有北菇/仿鮑片香氣咬口，讓人一食再食，食唔停口。炒米粉/豆漿炒得乾身不油膩，加上辣醬，更是一道簡單而美味的菜式；豆漿豆香濃郁，口感滑順。叉燒腸/牛脷酥腸粉皮薄，叉燒甜香不膩，加上醬汁調味恰到好處，令人回味；牛脷酥外皮酥脆，口感鬆化，香甜不膩。…查看更多

在北角附近工作,看到這粥舖就入去了。狀元及第粥,粥底很綿滑,生滾粥的米香特別濃厚而且熱辣辣,加薑絲味道帶少許辣味,餡料很新鮮,豬潤嫩滑,粉腸清潔得乾淨,豬心Q彈,豬肚厚厚的,豬肉丸很鮮美。北菇仿鮑片滑雞粥,這個超多料,雞肉有很多,肉質滑溜,店家有醃製過的,味道鹹鹹的有薑的辣味,仿鮑片質地靭靭的,味道濃郁,北菇很香。鹹肉粽,糯米綿軟,配上調過味的豉油甜味中帶鹹味,肥豬肉的油香滿滿,鹹蛋的鹹香味也很出色。油條,剛剛新鮮炸起,香噴噴又香脆脆,還可選擇碎上,吃的時候很方便。香草綠豆沙,飯後來個甜品,既清熱又下火,味道不會太甜。味道: 足料好味道環境: 尚可衛生: 尚可服務: 尚可價錢: 大眾化…查看更多

生滾手打肉丸粥追加鮮鯪魚球粥端上來時熱氣騰騰，粥底的綿滑，米飯煮到開花，十分濃稠。肉丸粥味道是鮮美、鹹香，並帶有肉丸的風味。 肉丸粥內加入薑絲，胡椒粉…等調味料，使其味道更豐富。手打肉丸鮮嫩多汁，有口感。鮮鯪魚球味道鮮甜、彈牙且富有魚香的。炒麵以豉油為主要調味，帶有鹹香和濃郁的醬油風味，麵條乾爽且彈牙的，配料有韭菜、豆芽、洋蔥等，增加了炒麵的風味和層次。形成豐富的口感和香氣。 香草綠豆沙清淡的豆香味，略帶甜味和沙沙的口感。 加入了香草和海帶，顯現獨特的香氣。…查看更多

✨️香港的粥品店好似越來越少，食到好食的粥舖都會珍惜，多啲支持幫襯。💕北角開咗間大師傅粥品，價錢平，又大碗好食，街坊恩物。🥰環境明亮企理，坐卡位好舒服。🥢魚腩粥🥣粥底綿滑，加咗半隻鹹蛋🥚，魚腩厚身好肥美。🥢鹹肉粽女女喜歡鹹肉粽，大隻足料。🥢炸兩非常香脆，送粥一流。🥢叉燒腸幾多叉燒，足料，腸粉滑溜。🥢蘿蔔糕好大舊，口感嫩滑。🥤飲品：豆漿，汽水😄埋單100頭，兩個食到飽飽，好抵。…查看更多

大師傅粥品的皮蛋瘦肉粥 皮蛋瘦肉粥是我很喜歡吃的早餐, 其實除了早餐, 午餐或晚餐時間我都不時買這款粥。最喜歡它的味道輕盈又滋味, 不是淡茂茂的, 所以即使不是生病, 我也不時買粥吃。這裡的粥的質感很好, 呈粘稠狀, 不會過水或過稠, 質感是剛剛好的, 放久了也不會化水。然後再配上皮蛋粒和瘦肉, 很搭配, 只用了少許鹽同蔥提味, 便已經很好吃了, 好吃就是很簡單, 不用很複雜的東西。皮蛋獨特風味跟豬肉的鮮味相輔相成。皮蛋化入粥中, 吃起來很順口, 而且粥保溫功夫做得很好, 吃起來整個人暖笠笠, 質感又滑順, 冬天時吃特別滋味和暖心。可以考慮加點胡椒粉或者炸乾蔥提香, 但也是後話, 現在這個版本都已經很優秀。…查看更多

今早早餐想食粥食腸粉，就嚟到呢間新開有幾個月既大師傅粥品。一開舖冇幾耐就到店，已有幾枱街坊食緊早餐，揾個卡位坐低，店員好友善問我食乜野，幫我落單咁話，我話我手機點餐。點了碗艇仔粥一碟牛肉腸，不一會就上餐，艇仔粥味道偏淡，應該冇加味精的，碗粥好足料，成大半碗都係碎牛，加上豬皮同魷魚花生，牛肉腸就正正常常，好啱口味。性價比高，整體滿意。[米饭]口味：🥚🥚🥚[薄荷]环境：🥚🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

餐廳位於北角，距離地鐵站路程大約五至10分鐘左右，其實還算方便快捷，這間餐廳主打的傳統的中式食物，當然最重要的就是粥粉麵飯，我把他們叫成中國的四大發明。這天我點選了粥、糭和腸粉。手打肉丸粥，絕對是性價比極高之作，全因為手工製作，已經是別具意義，能感受到廚師的手藝。肉丸爽口彈牙肉味甚濃。加上粥底，軟軟綿綿的口感，成了強烈的對比。鹹肉糭方面，肥瘦適中的鹹豬肉，配搭綠豆糯米，就是中國人發現美食的強大之處，感受美食真的不需要看節日和季節。…查看更多