大山日本料理

营业中

休息中

同朋友係旺角東行一陣，一路傾計，慢慢行到去油麻地附近。就搵下有咩好野食，見到呢間鋪既選擇都幾多，而且價錢合理，所以決定試下🤗🟠現燒火炙薄燒A5和牛壽司（$78/1件）呢件和牛壽司上枱好有氣勢，一件長長既和牛鋪係面。和牛一食入口肉味好濃，油脂分佈平均，好有油脂既香味，但又唔會好膩個種，肉質仲好嫩🤤個細汁少少甜甜地，就咁食都已經非常美味😽職員仲好細心叫我地唔要快d進食，因為岩岩整好既時候係最好味🟡鰻魚卷（$68）一碟6件既鰻魚卷，每件既鰻魚都幾大塊，而且鰻魚入口既質感好好👍🏻🟢特盛海鮮丼（$88）海鮮丼有多種刺身係入面，件件都好新鮮，而且夠哂大份，2個人齊齊share都得😝🔵豚肉泡菜鍋（$58）泡菜鍋嘅材料豐富，有唔同嘅蔬菜、豆腐、泡菜同豚肉，份量亦唔少。而且個人好中意佢既辣度，少少辣夠惹味，但又唔會辣到食得太辛苦🙈環境方面：餐廳裝修幾有日本嘅氛圍，燈光同環境都好舒適，適合同朋友慢慢傾偈🤠服務方面：餐廳職員反應好快又有禮貌而且夠貼心。另外，亦好欣賞餐廳既壽司上枱時，個碟仲係和暖既🥰地址：旺角西洋菜南街2W-2X號2樓

旺角食肆仲多，今日來吃一間樓上日式料理，午餐。我分別叫了以下食物和飲品。1. 辛辣黑豚肉拉麵：這碗辛辣黑豚肉拉麵是大山日本料理的招牌之一。拉麵的麵條煮得剛剛好，有嚼勁，湯頭濃郁而帶有微辣的味道，讓人回味無窮。豚肉則是用特製的調味料燉煮而成，肉質鮮嫩多汁，入口即化。配菜方面，青蔥和木耳增添了口感的層次，整體來說是一碗非常滿足的拉麵。2. 豬軟骨拉麵：這碗豬軟骨拉麵的湯頭清爽而不油膩，帶有淡淡的豬骨風味。豬軟骨經過燉煮後變得軟嫩，入口即化，配上細緻的拉麵，每一口都充滿著滿滿的滿足感。湯頭中的蔬菜也增添了口感和營養價值。3. 三文魚壽司：這道三文魚壽司是用新鮮的三文魚片裝飾在精心調製的壽司飯上。三文魚片鮮美且肉質鮮嫩，配上壽司飯的酸甜口感，每一口都是一種極致的享受。搭配少許醬油和芥末，更能突顯出三文魚的鮮味。4. 北寄貝壽司：這款北寄貝壽司是一道口感豐富的壽司。貝肉鮮甜彈牙，擺放在壽司飯上，整體口感層次豐富。每一口都讓人感受到海鮮的鮮美和壽司飯的香鬆。5. 熱宇治抹茶鮮奶：這杯熱宇治抹茶鮮奶濃郁香濃，深深吸引著抹茶愛好者。宇治抹茶的香濃和鮮奶的滑順完美結合，帶來一種獨特的風味。溫熱的口感更能

放工響旺角家樂坊同友人聚, 塔𨋢上二樓就搵到依間好好食啲日式料理首先點左個現燒火炙薄燒A5和牛壽司依個簡直系店啲signature! 燒得熱烘烘的和牛, 大件又好味, 入口有種簡直系去左日本啲感覺最重點系要熱烘烘果時好食, 因為一凍左就無咁正跟手再食依個牛油果軟殻蟹卷, 有成六件咁多, 但得我哋兩個女生又食得落, 重點系影相又靚 食落好味場內也有卡位, 仿居酒屋的座位, 等人坐入去有私隱, 不過我哋就選左坐酒櫃旁, 有不同啲日式牌子寫著各項美食更有日本空運來的各項美食, 簡直睇到都流曬口水我哋各自點左三色魚生飯同埋角切魚生飯我覺得最有特色的是那件玉子上還寫有"大山"兩個字, 可見很有心思飲埋個味噌湯暖暖胃, 朋友聚腳一流的好地方！

大山居食屋玉子壽司 🍣玉子壽司好抵食！🫡價錢唔貴，仲有兩件和😆
蟹籽海膽炒飯 海膽份量唔少，炒飯用咗珍珠米，個飯仲炒到粒粒分明🤤👍👍👍仲食得出有鑊氣😹
火炙黑松露帶子壽司🍣帶子都唔錯，火炙有拎到有陣燒嘅香味，同時又唔會過熟😸
現燒火炙薄燒A5和牛壽司🍣呢件壽司係最令我意想唔到嘅好食！佢嘅A5和牛牛脂分佈平均，仲要食落無根，好容易就咬得開，肉質好淋，每一啖都充滿牛嘅油香味🤤好高質！超級推介❤️❤️❤️

今日星期三夜晚黎到家樂坊aeon附近，想搵間日本料理食吓，禁arm見到呢個招牌🤩一於上去二樓睇吓，一入去侍應就會招呼你👍🏻枱上面隻杯有綠茶茶包，自己用熱水沖。QR code落單好方便👍🏻 我地兩個人諗左陣，決定要兩個魚生飯（三文魚飯 & 三色魚生飯），都附埋味噌湯；兩件醬油七味燒左口魚邊壽司、4片三文魚腩刺身。三文魚飯幾新鮮好食，塊蛋好濃味👍🏻 ；味噌湯麵有好多料🤩 （e.g. 海帶、豆腐）。三色魚生飯有三文魚、吞拿魚、鯛魚，份量多大滿足！侍應話左口魚好多人叫，一定要試吓！三文魚腩刺身好厚好肥美，完全冇筋，好食😋餐廳附有廁所，唔洗落番去四周圍搵啦～今餐連埋加一大約$300，食得好飽啊～呢間餐廳交通方便，就喺兆萬對面👍🏻

位於旺角中心既餐廳，平日八點黎到都係滿座，所以建議大家book定位。火炙帶子壽司 - 有火炙壽司嘅地方就有我🤣 帶子幾新鮮，微微燒過後加上黑松露，正👍火炙芝士吞拿魚壽司 - 火炙芝士冇得輸，吞拿魚口感唔錯，好食🤤海膽壽司 - 正常😌刺身吾算貴，但出乎所料地大件，食落都新鮮唔會有腥味，推薦軟殼蟹牛油果卷必食‼️好多沙律醬搭配牛油果同軟殼蟹好match，飯嘅份量唔多，淡淡都係肉同醬，全場最佳👍👍明太子雞翼好好食，去咗骨入面滿滿嘅明太子🤤

呢間居酒屋有好多精緻嘅日本料理，我食咗好多款推介菜式，大佬我真係好鐘意帶子，叫左個帶子刺身同三文魚刺身，帶子刺身新鮮彈牙，鮮味十足，好正。仲嗌左個火炙黑松露帶子壽司，結合咗黑松露同帶子，黑松露嘅香氣與帶子嘅鮮甜完美結合，令人難以抗拒。鵝肝壽司都好正，鵝肝配上壽司飯，入口即化，帶來絕佳嘅享受，而且係飽肚之選。牛油果軟殼蟹卷結合咗牛油果同脆口嘅軟殼蟹，味道鮮美，口感豐富。如果你鍾意火炙壽司，定要試下三色火炙卷。三色火炙卷內有帶子、三文魚同吞拿魚，三款魚生合而為一，火炙後散發出誘人嘅香氣，再加上啲沙律醬，好食並邪惡到爆。明太子雞翼得酥脆，外脆內嫩，最鍾意呢啲無骨嘅雞翼㗎喇！

落開旺角買嘢，於是又去試新嘢，阿sir網上見到有折，而且Openrice又幾多笑臉，點知中晒伏，我哋食完第一round即刻走，寜願轉場填返飽個肚。🥢四點刺身 $108⭐️⭐️吞拿魚好假又無味，三文魚腩就肥美新鮮，油甘魚厚切但有啲腥，甜蝦唔夠鮮甜，全部都似係放題貨式。🥢津室生蠔 $78⭐️一啲都唔新鮮，所以店方自行安排加茄汁！蠔唔夠凍又無乜蠔味亦帶點腥，因為本人唔鍾意食茄汁，所以先食得出其品質。🥢和風炸雞 $58⭐️⭐️雞嘅質感好奇怪，食落唔似雞肉，係過份腍到唔識形容，份量雖然多但唔好食。🥢牛肉壽喜燒 $58⭐️⭐️⭐️壽喜燒係最好味，起碼湯底對辨，價錢亦非常合理，材料都豐富，可惜無飯或烏冬呢啲配搭，真係嘥咗個湯。二人共消費：$335

我最近Lunch 午餐 試佐間"大山日本料理"係喺旺角嘅一間日本餐廳，整體上感覺好唔錯。我同朋友一人叫佐個包括鰻魚飯、日式窩燒烏冬，另外再叫佐份小食: 牛舌。鰻魚飯方面，鰻魚新鮮，烤得剛剛好，外脆內軟，醬汁濃郁而唔膩口，配埋白飯食更加美味。整體嚟講，係一道不錯嘅鰻魚飯。日式窩燒烏冬就簡單而美味。烏冬麵條煮得夠彈牙，窩燒醬汁味道不錯，微甜微鹹，同烏冬好搭。加埋蔬菜、海鮮同肉類，增加咗層次感。總括黎講，係一道好飽足嘅日式料理。牛舌方面，牛舌肉質鮮嫩多汁，煮得好滑順。炭燒嘅香味好迷人，醬汁酸甜好開胃。呢道菜簡單而美味，係一個值得一試嘅選擇。總括而言，大山日本料理嘅食物質素唔錯，味道好好。鰻魚飯、日式窩燒烏冬同牛舌都係不錯嘅選擇。服務方面都好友善，整個用餐體驗都令人感到舒適。下次我肯定會再去試其他嘅菜式。

刺身丼：食材 幾新鮮，三文魚有油香，冇雪味。飯粒分明唔會太硬或太乾身。照燒魷魚筒：原隻上，好大份，價比極高。章魚亦有好彈性，配上燒汁令章魚嘅味道提升，有咬感得黎又好滿足明太子雞翼：燒物黎講，整體都唔錯。食得出師傅有心機燒，唔會太燶又趕住起貨既放題質素咁，雞翼個皮有焦香，食完仲想encore豚肉泡菜鍋：天氣凍凍地 緊係要食番個泡菜鍋暖吓身。豚肉味道唔錯,份量亦都足,唔會切到好薄咁。總結：頗有驚喜，價錢優惠而性價比高，食物質素唔錯，一個餐只係60零$70到食到飽飽。

一個人去旺角食lunch，周圍行時見到呢間餐廳的menu好似好抵食，咁就試一試。炸雞定食 $60睇menu以為炸雞得幾塊細細塊，結果嚟咗8件大大塊😆炸雞炸得外脆內軟，雞肉好juicy，肥位皮位都唔算多，全部啖啖肉，$60嚟講絕對物超所值，仲要無加一。味噌湯有三文魚，個湯飲落真係有少少魚味，都幾特別。前菜中華沙律&雜菜沙律都係正常發揮。因為一個定食太平太抵，所以就忍唔住再散叫咗兩件壽司😆火炙芝士帶子壽司 $9芝士味好濃郁，帶子彈牙，唔錯👍🏻火炙黑松露赤蝦壽司 $9黑松露味好香，亦帶起赤蝦的鮮甜味，蝦肉好爽口，都幾新鮮。大山日本料理 (旺角)旺角西洋菜南街2W-2X號2樓*上述文章只供參考及以當時價格為準

同朋友慶祝生日黎左依間日式料理食飯，環境好有日本風，食物質素高，而且好抵食👍👍👍鰻魚卷——外面有一片好香滑配搭非常濃郁既鰻魚片，內裡有蟹柳、青瓜同玉子既配搭，真係超好味😍😍😍😍鹽燒多春魚———多春魚經過鹽燒處理，搭配微鹹既口感同香氣四溢的魚肉風味，加上多春魚有好多魚卵，超好味，令我愛上左食多春魚❤️❤️❤️鹽燒厚切牛舌串———牛舌大塊，而且好厚，但食落去一D都唔會韌，經過鹽燒處理，令牛舌肉質鮮嫩多汁，真係好正，超值得食😍👍👍👍豚肉泡菜鍋———以豬肉同泡菜為主要材料，豬肉片同泡菜一齊煮令湯底非常濃郁鮮甜，帶有輕微辣味，口感豐富，湯底都真係好好飲😘😘😘。手打冷烏冬配日式醬油———冷烏冬面清爽彈牙，搭配清淡既日式醬油，帶黎一種涼爽既口感同簡單既風味。咁次依餐生日飯令我朋友食得非常開心同享受，真係好好味，下次再約過黎食😘😘😘

好耐冇去過旺角行街又想食日本嘢，咁啱經過兆萬對面見到佢2樓有一間叫做大山日本料理嘅餐廳，網絡嘅價錢都相對親民，而且選擇好多，所以我同朋友就入去一齊食咗個lunch啦我哋當日佢係平日2點，餐廳都有唔少嘅客人，佢除咗有lunch set之外亦都可以散叫咁但係因為今次我哋想食多啲唔同嘅嘢share啦，所以我哋散叫。基本上你想搵到嘅嘢食種類都有，例如串燒，刺身壽司蕎麥麵等等咁我今日呢就嗌咗鰻魚卷每一嚿嘅份量都好足夠嘅，一條佢就分開咗六嚿每一嚿上面都有一大片嘅鰻魚淋上咗個鰻魚汁再加埋飯裏面嘅青瓜，蛋，蟹柳，口感非常豐富。之後我哋都有叫到牛肉壽喜燒呢一個壽喜燒嘅配料都好豐富當中包括豆腐娃娃菜金菇等，牛肉嘅份量都唔少㗎，配埋白飯食，簡直係一流！最後我哋仲叫咗雞泡魚乾同埋豚肉生薑燒雞泡魚乾用嚟做一個前菜係非常之正，因為佢甜甜地燒得好香脆，簡直係最佳嘅送酒良品熱豚肉三根燒肉都做得不過不失嘅豚肉嘅份量又係超級多配上洋蔥蘑菇食落去好多層嘅口感，重點又唔會話太過重口味，所以亦都係唔錯嘅

前幾日放工後，同朋友一齊去旺角行街，行左一段時間開始肚餓😆見到有其他人等緊𨋢，原來有一間樓上日式居酒屋，本身我同朋友都喜歡日本菜，所以就決定去呢間大山日本料理🇯🇵一出𨋢就眼見餐廳環境空間闊落，室內佈置都充滿日式感覺，就知道冇揀錯👍眼闊肚窄嘅我們點了～牛肉壽喜鍋$58食日本菜本身我最鍾意就係食鍋物😋而這份牛肉配上壽喜燒汁味道很配合、牛味也很香濃，份量也蠻多的💯配上其他雜菜一起更健康👍食日本菜又點會少得點會唔食壽司🤣再點了醬黃燒皇帝蟹棒壽司$16一件🍣玉子壽司$18兩件，擺盤擺得好靚及火炙黑松露帶子壽司$23一件🍱全部也是我的最愛，整體很新鮮及味道鮮甜😋黑松露帶子有驚喜🥳燒日本魚餅$68即叫即燒，熱辣辣的魚餅內有八爪魚粒令口感更豐富日式炒野菜$58出街食飯也要保持健康，當然少不了食菜🥬主要有椰菜及蘿蔔，表面還有滿滿的柴魚片🥰加上醬汁一齊炒很香口飲品點了～巨峰乳酸梳打$28，當然少不了甜品～北海道芝士🧀蛋糕$20為晚餐添上完美句號👍埋單加一後都係$317抵食！下次再食過😎

餐廳滿有日式居酒屋風味，掛左很多日式燈籠和旗幟，仲擺設左很多清酒瓶和日式畫作，用餐環境簡潔舒適。餐牌有好多選擇，包括壽喜燒、刺身、壽司、燒物、揚物、天婦羅、沙律、佐酒小食、飯、飲品、甜品。芥辣八爪魚：濃郁既芥末，令八爪魚既鮮味更加突出，口感爽口彈牙。角切魚生飯：魚生種類好多，包括吞拿魚、八爪魚、三文魚籽、油甘魚，全部都新鮮肥美；仲送左碗熱辣辣既麵豉湯，配料有海帶、豆腐、洋蔥，好滿足。鰻魚炒飯：鰻魚肉質厚身，加左紅蘿蔔絲、蛋絲、蔥花及鰻魚燒汁，將每粒米飯都炒至金黃色，香氣撲鼻。大阪燒：將高麗菜、麵糊、雞蛋等材料一齊煎，再放上木魚絲、沙律醬、燒汁，滋味無窮。總結，時令食材，新鮮高質，定價相宜，值得再回訪。