大少燒味茶餐廳

今日又嚟到大埔搵好嘢食，結果經朋友介紹嚟試一試呢間燒味飯😋豉油雞飯賣相好好，睇落已經好有食慾😋雞肉入口好嫩滑，唔會鞋，雞味重，透過豉油醬汁嘅鹹香完美滲入，好適合配白飯，還有呢度嘅薑蓉做得十分之好，蔥同姜都好香，用嚟配飯一流😋呢度豉油雞飯唔單止味道好，份量十足，一定能夠食飽，飽腹感十足。冇諗過價錢都好抵，價錢親民，而且質素又高，鍾意吃燒味的你一定要嚟呢間試吓，性價比真是十分之高😋美食能容天下事😋…查看更多

本黎聽人講呢間唔錯，今日就滿心歡喜黎試下啦，見到個燒鵝乳豬燒骨腩飯$103，剛好三樣野都想食，覺得唔錯未叫黎食，點知個職員落左個平嘅三拼飯，$90。碟飯送到黎，咁我未好心問佢係唔係比錯，你師傅應該係跟住三拼飯黎斬出嚟，我係叫貴D個個，佢就攞走張單，就咁用手寫話一樣，重要寫$104，大佬咁都得？之後走左個老D嘅出黎就把問題推曬落部機到，重要話呢個價先對，橫蠻無理，失望到極。我唔介意比貴，因為我一開始都係想食貴個樣，問題係出錯餐重要想收我貴個個價先係問題。…查看更多

有時喺茶餐廳，最唔需要嘅係驚喜，最重要嘅係穩陣——大少嘅油雞飯，就係咁樣一碟令人安心嘅飯。雞皮香滑，反光到可以照出自己幾肚餓。雞肉冇雪味，嫩滑而唔冧，咬落去有口感，唔係冇靈魂嘅白肉。雞汁滲入白飯，夾埋香蔥油，一啖落去，係熟口熟面嘅幸福感 🧄🍗白飯唔係得個「夠白」，係粒粒分明，吸哂雞油而唔會爛晒，係可以單靠自己都食到清盤嘅主角級配角。旁邊幾條菜清清地，唔搶戲，反而幫你 reset 嘴巴。熱奶茶收尾，茶底夠厚，奶香唔搶，唔甜唔澀，係一杯「唔使講，你明我意思」嘅老朋友 ☕️…查看更多

經朋友介紹，試一試呢間乳豬飯🙂朋友果然冇介紹錯😊呢間乳豬絕對推介！香脆的乳豬皮，口感超級豐富。皮下的脂肪層脂香四溢，入口即化，帶來滿滿的幸福感。乳豬肉質嫩滑多汁，保留了燒味特有的鹹香和微微焦糖甜味，搭配外皮的酥脆，形成完美的口感對比。這種香脆與多汁相纏繞的口感，讓人忍不住一口接一口，停不下來。醬汁則剛好調和整體味道，不會過咸！總括來說，乳豬燒味飯是一道充滿口感層次的美味佳餚，酥脆的乳豬皮、鮮嫩多汁的豬肉和香氣十足的白飯組合，喜歡燒味的朋友一定要黎呢間大少燒味店餐廳試試，誠意推介😊…查看更多

9月6日約10:50am, 因為要拜山，去大少外賣單點一杯咖啡&一杯奶茶。今日超熱，見舖頭入面只有兩枱，每枱只有1人坐緊，我就入舖頭收銀後面一張打對坐既單人位，坐底等果兩杯茶。(如果係rush hour，我都會識do，唔入去坐低等，但當時大少全店只得2個人食緊野)因為勁少客，水吧2分鐘就整好杯茶比我，我冇諗過咁快，想打埋個Whatsapp先起身走，已經即刻比水吧個呀叔用好吋既語氣趕走我就話：「我見舖頭暫時少客，想用30秒打埋句message，之後就會走。」個呀叔就反駁，賴係個老細唔比客咁樣坐低等，一係叫我叫野食喎…連坐多30秒打埋個Message都唔包容下況且我真係有幫襯！今時今日咁既服務態度………真係超級嬲！我同屋企人都唔會再去！…查看更多

燒味係香港嘅名物大埔呢間多年來味道都保持水準深受大埔街坊歡迎每次經過都見到好爆場外賣拎走都係唔錯嘅選擇除咗燒味馳名．餐廳仲推出真正嘅叉燒蛋包✨大少潛艇巨大個麵包．夾著鮮甜嘅叉燒加上原隻煎蛋．足料有份量✨大少叉燒半肥瘦嘅叉燒．肉質軟腍淋上香甜嘅蜜汁．肥瘦度恰好✨貴妃雞半隻份量已裝滿一整盒肥美嫩滑．沾上薑蓉又香口✨大少燒鴨燒鴨外皮好入味肉質Juicy．無論配飯 / 瀨粉都一樣好正最緊要配埋蠔油菜心 中和一下…查看更多

📌 性價比爆燈「大少潛艇」放工經過見到$40幾蚊有個巨型潛艇，即刻比佢嘅芝士流心蛋同蜜汁叉燒吸引！半肥瘦叉燒咬落juicy到漏油，加埋邪惡嘅半溶芝士同香煎太陽蛋🐔 貴妃雞雞皮爽滑冇雪藏味，師傅豉油吊得剛剛好，最驚喜係連雞胸都保持嫩滑，必點！🔥 燒腩骨 脆皮程度：💯！肥瘦層次分明，咬落「咔嚓」聲隔離枱都聽到，芥末醬係神來之筆🦆鴨髀 滷水香到隔住個mon都聞到！ 再加咗隻🥚鹹蛋王返去送飯⏳燒味每日新鮮出爐兩轉 佢哋仲有d外賣特價，超平…查看更多

之前都買過一次呢間燒味返屋企加餸 屋企人都好鍾意，見呢日係附近食開嘢就去再斬多一次料返屋企一齊食。燒鵝半隻鵝的脂肪比雞鴨更豐厚，脂肪與肉汁交融，口感豐潤。微焦的香甜和油脂香氣，肉質緊實但唔會太乾身，帶有微微的咸鮮和香料氣息，搭配酸梅醬能解膩提，皮脆肉多，回味無窮。豉油王乳鴿
乳鴿肉質細嫩多汁，經過醃制和浸煮後，充分吸收醬汁，入口鮮嫩。另外叫左有個大少潛艇下午茶食，入面有大大舊叉燒 ，煎蛋 ，芝士，大件夾抵食！…查看更多

最近日日都帶住小朋友周圍玩，有時玩完太夜或者太攰，都會想偷懶唔煮飯，想經濟方便又好味，首選一定係親民街坊燒味小店🔸燒排骨 例牌半肥瘦排骨肉質軟腍入味帶微焦燶邊，掛滿蜜汁非常香口惹味🔸燒肉 例牌第一次響大少食燒肉，感覺賣相同味道都相對比較遜色，肉質偏瘦不過唔算柴，燒肉皮脆而唔硬🔸油雞脾晴寶寶要求免切要自己拎住雞脾食，色澤油亮，肉質嫩滑，大大隻雞脾晴寶寶自己都可以食晒🔸貴妃雞脾 雞味濃郁，皮薄肉嫩，啖啖肉就係爸爸至愛🔸大少潛艇每次必點的招牌大少潛艇入面有半肥瘦叉燒、煎蛋同芝士，蜜汁叉燒加上蛋香同芝士鹹香，層次豐富，配埋杯熱奶茶真係開心大滿足…查看更多

收工途經大埔（大少燒味茶餐廳）店舖掛門香噴噴燒味，店舖門外著明現場製作，明爐燒味所以急不及待斬料回家開餐🤣🤣。店舖外賣特價單雙拼飯都相當吸引👀，每日兩點後都有下午茶時段👍益家坊❣️燒鵝外皮酥脆，每一口都散發出鵝肉鮮香味，非常juicy❣️燒排骨外焦內嫰，醬汁濃郁，甜中帶酒香，散發著微微煙燻香氣，肉質鮮嫩多汁yummy❣️紅燒乳鴿色澤紅亮，肉質鮮嫩，入口即化，醬汁濃郁，甜鹹適中。配上🍻更加樂趣無窮…查看更多

午餐叫咗個🥢豉油雞米粉 熱奶茶個湯底係例湯，雖然係味精但幾好味。雞肉嫩滑，調味就正常發揮。反而要讚吓個米粉，煮得幾好幾彈牙，都唔會碎。奶茶就普普通通，整體而言午餐呢一個質素算好抵食。…查看更多

今日放工懶得煮飯，決定外賣大埔大少燒味，一解燒味癮！叫咗例牌叉燒、半隻燒鴨同兩隻乳鴿，外賣送到屋企依然熱辣辣，香氣撲鼻！叉燒肥瘦適中，蜜汁香甜，肉質軟嫩，入口即化，絕對係水準之作！燒鴨皮脆肉嫩，鴨油香濃，蘸上酸梅醬，更加開胃。乳鴿雖然外賣，但皮依然脆口，肉質鮮嫩多汁，醃得入味，食到舔舔脷！整體而言，大埔大少燒味質素穩定，外賣都保持到水準，價錢合理，絕對係大埔區燒味之選！下次一定會再encore，試埋其他款式！溫馨提示：外賣建議盡快食用，以免影響口感。…查看更多

餐廳午市的時候都很繁忙，基本上都要搭檯才可以，要等位了！這間燒味真的挺有驚喜的！燒鵝例牌（１２８元）這裡的燒鵝真的挺不錯，鵝味香濃，肉質結實，皮脆肉嫩，肥而不膩的，入口滿滿是鵝油的香味，非常下飯！燒味飯雙拼（５３元）叫了切雞配燒肉，切雞有雞味，吃起來肉質有彈性。燒肉的皮很酥脆的，雖然是燒肉不是燒腩但肉質還是挺嫩和彈牙的，也不會乾硬。燒味飯雙拼（５３元）（＋１０元燻蹄）另一份叫了油雞配燻蹄，油雞的味道比切雞更香濃，適合重口味的人士！燻蹄口感很爽滑，配上酸辣汁更解膩！燒鴨髀（４５元）比想像中要大的一隻，肉挺多的，雖然沒有燒鵝的皮脆，但本身用的鴨的質素也挺高的，有肉香，味道鹹香，鴨腿肉更有彈性！西多士（２２元）這個挺有驚喜的，想不到是三層的西多士，每層都放有花生醬，新鮮炸起特別香脆，外脆內軟的，配上牛油和糖漿真的很邪惡！…查看更多

大少燒味茶餐廳係一間地道港式燒味茶記～裝修簡單樸實，座位有啲逼，但系好有香港茶記嘅feel！服務快手，夥計態度都幾好，幾友善！😊豉油雞（半隻）🐔  雞肉好滑，啲豉油味啱啱好，唔會太咸，仲有少少甜味，送飯一流！雞皮夠曬油亮，食落去好香 😋，半隻大約可以2-3個人食👫👫。燒腩仔（例牌）🥓  燒腩仔真係正！皮脆肉嫩，咬落去“咔嚓”聲，啲肉又唔會太乾，肥瘦適中。點啲黃芥末醬，味道更加豐富，食完仲想再encore！🤤海蜇燻蹄（例牌） 🥗  海蜇好爽脆，燻蹄肉質結實，加埋蒜蓉同醋汁，酸酸甜甜好開胃 😍。食完啲燒味再食呢個，感覺好清爽，唔會膩。【大少燒味茶餐廳】📌大埔大明里23-39號金福樓地下B號舖…查看更多

今日喺大埔做嘢,收工順便買啲燒味🔥~呢間大少燒味茶餐廳勁多人排隊斬料👯‍♀️👯‍♀️,見佢啲燒味睇落都幾靚~我最鍾意食燒鵝🦆~佢呢度除咗一隻半隻,買例牌仲有得揀上庄下庄~下庄當然貴少少🤏,但有得食大大隻燒鵝髀~佢嘅皮脆脆地,鵝肉味香😋~另外再叫咗個燒腩🐷~脆卜卜外皮,真係忍唔住想即刻食,唔想等到外賣返屋企🙈🙈~另外仲有叉燒飯🥢~叉燒份量都幾多,肉質軟腍腍,而且肥瘦程度適中~配嘅飯量都大🍚,女仔胃口細啲隨時分到兩餐,實在好抵食👍~佢哋除咗燒味,仲有啲小食🍟,潛艇堡之類🌭,外賣堂食都一流~Klook 3%優惠碼: HELENCKLOOK…查看更多