今日又嚟到大埔揾好嘢食，结果经朋友介绍嚟试一试呢间烧味饭😋豉油鸡饭卖相好好，睇落已经好有食欲😋鸡肉入口好嫩滑，唔会鞋，鸡味重，透过豉油酱汁嘅咸香完美渗入，好适合配白饭，还有呢度嘅姜蓉做得十分之好，葱同姜都好香，用嚟配饭一流😋呢度豉油鸡饭唔单止味道好，份量十足，一定能够食饱，饱腹感十足。冇谂过价钱都好抵，价钱亲民，而且质素又高，钟意吃烧味的你一定要嚟呢间试吓，性价比真是十分之高😋美食能容天下事😋…查看更多

本黎听人讲呢间唔错，今日就满心欢喜黎试下啦，见到个烧鹅乳猪烧骨腩饭$103，刚好三样野都想食，觉得唔错未叫黎食，点知个职员落左个平嘅三拼饭，$90。碟饭送到黎，咁我未好心问佢系唔系比错，你师傅应该系跟住三拼饭黎斩出嚟，我系叫贵D个个，佢就攞走张单，就咁用手写话一样，重要写$104，大佬咁都得？之后走左个老D嘅出黎就把问题推晒落部机到，重要话呢个价先对，横蛮无理，失望到极。我唔介意比贵，因为我一开始都系想食贵个样，问题系出错餐重要想收我贵个个价先系问题。…查看更多

有时喺茶餐厅，最唔需要嘅系惊喜，最重要嘅系稳阵——大少嘅油鸡饭，就系咁样一碟令人安心嘅饭。鸡皮香滑，反光到可以照出自己几肚饿。鸡肉冇雪味，嫩滑而唔冧，咬落去有口感，唔系冇灵魂嘅白肉。鸡汁渗入白饭，夹埋香葱油，一啖落去，系熟口熟面嘅幸福感 🧄🍗白饭唔系得个「够白」，系粒粒分明，吸哂鸡油而唔会烂晒，系可以单靠自己都食到清盘嘅主角级配角。旁边几条菜清清地，唔抢戏，反而帮你 reset 嘴巴。热奶茶收尾，茶底够厚，奶香唔抢，唔甜唔涩，系一杯「唔使讲，你明我意思」嘅老朋友 ☕️…查看更多

经朋友介绍，试一试呢间乳猪饭🙂朋友果然冇介绍错😊呢间乳猪绝对推介！香脆的乳猪皮，口感超级丰富。皮下的脂肪层脂香四溢，入口即化，带来满满的幸福感。乳猪肉质嫩滑多汁，保留了烧味特有的咸香和微微焦糖甜味，搭配外皮的酥脆，形成完美的口感对比。这种香脆与多汁相缠绕的口感，让人忍不住一口接一口，停不下来。酱汁则刚好调和整体味道，不会过咸！总括来说，乳猪烧味饭是一道充满口感层次的美味佳肴，酥脆的乳猪皮、鲜嫩多汁的猪肉和香气十足的白饭组合，喜欢烧味的朋友一定要黎呢间大少烧味店餐厅试试，诚意推介😊…查看更多

9月6日约10:50am, 因为要拜山，去大少外卖单点一杯咖啡&一杯奶茶。今日超热，见舖头入面只有两枱，每枱只有1人坐紧，我就入舖头收银后面一张打对坐既单人位，坐底等果两杯茶。(如果系rush hour，我都会识do，唔入去坐低等，但当时大少全店只得2个人食紧野)因为劲少客，水吧2分钟就整好杯茶比我，我冇谂过咁快，想打埋个Whatsapp先起身走，已经即刻比水吧个呀叔用好吋既语气赶走我就话：「我见舖头暂时少客，想用30秒打埋句message，之后就会走。」个呀叔就反驳，赖系个老细唔比客咁样坐低等，一系叫我叫野食㖞…连坐多30秒打埋个Message都唔包容下况且我真系有帮衬！今时今日咁既服务态度………真系超级嬲！我同屋企人都唔会再去！…查看更多