大小姐冰室

​這間人氣冰室位於北角的公主大廈，鄰近炮台山站，主打正宗地道的港式茶餐廳料理。聽聞早期食物質素普通，想不到現在進步大了，遠比想像中好。食物及飲品均即叫即製，份量充足且價錢定位大眾化。店內環境寬敞舒適，設有港式獨特的卡位。侍應們很勤力清潔、下單及上菜，還會與街坊噓寒問暖，互動充滿人情味。晚市時段設有多款快餐及小菜，亦有其他不同種類的套餐選擇。酸菜魚晚市套餐 - $168一片片雪白的魚肉厚薄均勻，鮮嫩滑順且沒有魚刺；湯頭濃香且鹹鮮，爽脆的酸菜增添風味，有少少花椒麻辣而不油膩，還有木耳、豆皮、菇菌、萵筍及寬粉等。蒜片牛柳粒 - $98一粒粒牛柳的油花雖少，但勝在軟腍多汁，濃稠的黑椒汁提起牛肉鮮味，還有香脆的蒜片增添層次感。鮮茄野菌浸時蔬 - $68是日為菜芯，爽脆中帶點軟嫩，鮮茄酸甜多汁，又有菇菌香氣，味道清甜解膩。是日燉湯 +$10是日為五指毛桃燉雞湯，散發陣陣椰子清香的甘甜味，滋補而不油膩，軟嫩的雞肉有五指毛桃的香氣。大小姐紅豆奶茶 +$9港式奶茶有著茶香與奶香完美融合，既有茶的醇厚，又有奶的順滑，濃郁厚重並重，還有軟糯細膩的紅豆蓉好香甜。華田暴龍脆脆 +$9香醇滑順的華田，有麥芽的甘甜和朱古力的醇厚，更有華田脆脆增添口感。…查看更多

今日朋友約我去炮台山吃晚餐，朋友提議去大小姐冰室品嚐美味海鮮菜式，這間餐廳位於北角英皇道165至175號公主大廈10-13號地舖，港鐵炮台山站B出口，行幾分鐘就到，非常方便。入到餐廳見到有很多顧客，亦見到不少外賣顧客，餐廳地方寬敞整潔，裝修得溫馨 ，枱凳擺放得整齊，令人坐得舒服。餐廳餐牌食物款式都不少，有大小姐皇牌推介、特色小菜、大小姐新口味、咖喱及焗飯、即炒推介懷舊系列、健康精選系列、三文治及多士類、特色飲品、飲品，真係有好多懷舊嘅食品。晚飯小菜套餐亦非常多菜式抵食，選一款小菜就奉送白飯、是日例湯及熱飲品，我朋友介紹選海鮮小菜來食，我哋就叫咗椒鹽鮮魷、豉油王虎蝦、百花炸釀蟹鉗及清炒蒜蓉生菜，是日例湯就升級燉湯，飲品選咗爆珠雜果賓治同凍柑桔蜜。這間冰室食物質素高，份量不少，菜式好味道，價錢又唔貴，仲冇加一，店員服務態度又好，好值得向大家推介來食。🐔沙參玉竹紅棗杞子燉雞湯湯底清澈滑順，雞肉鮮嫩，配料軟綿，味道甘甜的紅棗和杞子的香氣，沙參的微苦與雞肉的鮮香交融，口感溫潤，滋補效果明顯。🦑椒鹽鮮魷外酥內嫩，魷魚的彈性十足，椒鹽的顆粒感增添了口感的層次，香辣的椒鹽味與鮮魷的海鮮鮮味相得益彰，咸香可口，令人開胃。🦐豉油王虎蝦蝦肉緊實且彈牙，豉油的醇厚感讓蝦肉更加滑口，醬油的鮮香味與蝦肉的自然甜味融合，豉油的鹹香提升整體味道，回味無窮。🦀️百花炸釀蟹鉗外層酥脆，內餡柔滑，蟹肉的鮮美與百花的香氣交融，蟹肉的鮮甜與花香的清新相輔相成，炸制後的香氣四溢，讓人垂涎。🥬清炒蒜蓉生菜生菜脆嫩，蒜蓉香味濃郁，清爽的口感令人提神，蒜香與生菜的自然清甜搭配，簡單卻充滿活力，是一道健康的配菜。🍒爆珠雜果賓治果粒鮮嫩多汁，清爽的果肉與脆皮相成對比，多種水果的甜味交織，酸甜適中，令人感到清新愉快。🍋凍柑桔蜜冰涼爽口，柑橘的果肉和蜜糖的滑順感相結合，柑橘的酸甜與蜜糖的甜香形成對比，清新又具解渴作用，適合夏季享用。…查看更多

東區而家增設咗東區版道海岸公園⋯⋯我哋可一覽海岸嘅美景！晚上又可以欣賞城市嘅夜色！超正！今日相約朋友行海岸公園！天后行出嚟⋯⋯食肆林立！朋友帶我去一間餐廳，佢話佢上次再嚟嘅時候覺得食物質素高咗好多，所以帶我嚟試吓！🙆‍♀️果然非常高質！竟然冰室都有咁樣嘅質素！碧綠龍躉球龍躉肉質鮮嫩爽滑⋯⋯非常新鮮⋯⋯擺碟仲好靚仔㖭⋯⋯西蘭花都好入味⋯⋯份量仲好多添⋯⋯鮮果咕嚕肉咕嚕肉外脆內嫩⋯⋯非常酥脆⋯⋯咕嚕肉鮮嫩多汁⋯⋯椒鹽虎蝦虎蝦肉質相當結實⋯⋯虎蝦外層炸得非常酥脆⋯⋯蒜香味非常突出⋯⋯洋蔥青椒朔晒啲蝦嘅甜味超惹味⋯⋯蒜粒非常香脆⋯⋯西多士冰室點少得西多士⋯⋯西多士勁厚⋯⋯中間仲夾住脆卜卜嘅花生醬⋯⋯雖然邪惡🙆‍♀️一啲都唔覺得油膩⋯⋯👍😋每一個小菜仲送埋湯同埋飲品例湯超甜加$10仲有燉湯添燉湯五指毛桃好香椰子味凍咖啡同凍朱古力非常香濃⋯⋯冰室以呢個價錢，我覺得係超水準嘅出品⋯⋯俾個like你😍加油👍💪香港嘅餐飲業⋯⋯…查看更多

我諗今時今日喺港島區都好難搵到咁平，又叫做有質素嘅早餐雙拼三文治餐加杯嘢飲，只需要$16開頭我以為係啲頹嘢，但係原來都幾有料我叫開雞蛋鹹牛肉三文治加鴛鴦，份量絕對唔細，蛋同埋鹹牛肉牛肉比例完美，佢係會放入個盒嗰度嘅，所以我多數都唔會叫烘底，因為驚拎到返Office會焗到淋晒。 鴛鴦呢，正常茶餐廳水準，鍾意加煉奶嘅朋友可以叫鴦走，咁就真係Good morning啦如果都係OL嘅朋友，呢個早餐絕對夠你飽到lunch time唔知佢嗰個三文治餐優惠會維持幾耐，但性價比真係好高我係OpenRice落單嘅，一上巴士就order，落車行到去就攞得，快靚正…查看更多

位於炮台山嘅「大小姐冰室」，荼餐廳格局，不過都好有空間感，坐得幾舒服。今次食咗佢哋嘅鮑魚雞煲、蒜粒牛柳粒同紅豆奶茶，整體水準比預期高，令人食得開心又滿足。先講鮑魚雞煲。雞件啖啖肉，好滑又爽，啲雞味濃得嚟又唔會油膩。鮑魚鮮味十足。湯底金黃帶微稠，滾起嚟香氣四溢，雞油混合鮑魚味道，聞落已經好吸引。啲配料都吸晒精華，越滾越入味。之後到蒜香牛柳粒。一上枱已經聞到陣陣蒜香。牛柳粒炒得啱啱好，外層少少焦香，入面仍然嫩滑多汁。蒜香濃郁但唔嗆口，同牛味交織出啖啖香。仲加埋洋蔥，夠解膩。整體火候掌握得好。最後係紅豆奶茶，絕對係甜品級享受。紅豆炆到軟腍入味，粒粒綿滑；奶茶茶味厚實，奶香順喉，比例啱啱好。甜度控制得準，飲落唔膩，反而有種溫暖嘅感覺，正好用嚟作一個完美收尾。大小姐冰室無論係味道定服務，都有住現代茶記少有嘅用心位。價錢合理，性價比唔錯，絕對值得再嚟開餐。…查看更多

行過比呢間茶餐廳既戶外位置吸引到，因為好少茶餐廳會有呢個設計不過最後都係坐返入面既卡位衛生程度就一般茶餐廳程度，但值得一講就係Ｄ餐具偏舊有Ｄ筷子用到好殘，由黑色變到白色，湯匙甩晒膠，應該要換新侍應服務都算唔錯，落單都快靚正食物評價叫左小炒王套餐，雖然差不多一百蚊一個餐，但係有餸，湯，飯同餐飲菠蘿咕嚕肉 $98望落唔錯，但係味道就係一般，炸到Ｄ皮好硬，唔太推介呢道菜但係值得一提係一定要加$10升級飲個燉湯，好飲，有家的味道！！西芹蝦球 $108 呢個小炒既蝦都唔錯，但西芹唔太靚有渣，腰果並無同碟菜一齊炒似係炒完野之後再擺係上面，但整體都係幾好唔錯…查看更多

有鑊氣又有良心的小菜茶餐廳，香港真的越見越少了！ 他們的美食可以媲美大酒家，不遑多讓！其實我來過很多次，每次都好想幫他們寫食評，但又懶得執筆！今天因為帶朋友們來試菜，個個都讚不絕口，所以我真係扚起心肝寫食評，鼓勵一下他！真心推介：👍🏻👍🏻👍🏻百花炸釀蟹鉗：啖啖蟹肉鮮味，彈牙爽口，大大隻，正！😋👍🏻👍🏻👍🏻籠仔蒸龍躉炒飯：呢個真係一定要試，炒飯好香荷葉味，魚肉新鮮，有口感！👍🏻👍🏻👍🏻鮮果咕嚕肉：朋友們話呢個餸好有驚喜，香脆可口，跟出邊嘅做法不同！也是值得一試的！👍🏻👍🏻蜜椒單骨雞翼：惹味，配酒一絕！👍🏻鮑魚炆雞煲：鮑魚炆得啱啱好，唔錯！椰香荔芋南瓜煲：因為其他餸太出色，所以顯得這個略為遜色一點！我個人厭它不夠鹹！ 我反而喜歡飲他們送的例湯（蟲草花煲），材料充足，我們幾個人的每碗湯都充滿蟲草花及雞肉，果然真材實料！ 抵食！…查看更多

📌大小姐冰室晚餐大約 $80 包埋白飯同例湯，真係幾抵食。📌呢到主打港式茶餐廳風格，晚餐小菜好多選擇，有海鮮類，煲仔類，蒸類，雞類，連素食類都有，一定有岩口味。🔺椒鹽虎蝦 （$118）大大隻又啖啖肉既虎蝦，肉質爽滑彈牙，蝦殼都滲曬蒜香椒鹽味，香口惹味又唔會太鹹! 🦐🔺薑蔥霸王雞 （$88）晚餐份量足足半隻雞，兩個人一定夠晒食，雞肉好鮮嫩唔韌，蔥絲同蔥油完美融合，咬落有好香既蔥油味!🐔🔺蒜蓉炒油麥菜 （$58）除左蒜蓉既香味，仲食到油麥菜的鮮甜味，整體味道清淡而不油膩! 🥬🔺是日燉湯加$10就可以升級足料燉湯，淮山紅棗雪梨瘦肉燉湯，足料又暖胃，有住家湯既感覺! 🍲🔺華田暴龍脆脆 呢到仲有特色飲品，套餐+$9就試到，食飽晚餐再飲杯甜既飲品岩曬，華田味超濃，配埋脆榖片同朱古力碎，好好味! 🍫🔺西班牙特濃朱古力咖啡香濃滑順，朱古力味好突出，甜而不膩，層次豐富! ☕️
➡ 整體Lamlam脷指數 😋😋😋😋(4/5)➡ 整體評價: 大小姐冰室晚餐性價比高，菜式選擇多，味道有驚喜。➡ Encore指數 ⭐⭐⭐⭐ （4/5)…查看更多

係炮台山地鐵站對面位置超方便 街坊生意為主而且寵物友善 坐門口可以帶寵物終於可以帶埋愛寵一齊出街食飯而且帶埋小朋友 必送提子味啫喱 福建炒飯    -係我人生中食過最有份量，最多料既 3個人都夠食滿滿嘅蝦仁、爽口鮮魷、鮮甜蜆肉仲有蟹柳同嫩滑雞肉，連日式魚旦都彈牙得嚟唔馬虎！菜粒加咗啲清新口感，撈埋啲燶邊炒飯底，醬香爆燈！每啖都係料多過飯，食到尾都仲撈到餸，真心抵食！黑椒牛仔骨鑊氣十足！肉質軟淋淋又juicy黑椒醬香辣濃郁撈飯一流，仲要啲骨啱啱好離肉咬落去啖啖肉超滿足霸王雞    -一上枱就知無欺場！ $88半隻雞肉滑到溜口，皮爽肉嫩，薑蔥油香爆棚撈埋飯食簡直無得頂 份量十足，三個人食都夠晒椒鹽肉排    -炸到金黃香脆，咬落啖啖肉仲有肉汁！椒鹽鹹香惹味，唔會太鹹送酒一流即叫即炸熱辣辣，食到lamlam脷晚餐小菜包例湯仲可以加$10 轉燉湯亦都包埋熱飲 超抵…查看更多

最近我同朋友去咗「大小姐冰室」茶餐廳食晚餐，起初見喺炮台山港鐵站幾方便去醫肚，但估唔到食物質素比預期簡直係超水準呢！小食叫咗一口豆腐，佢用避風塘整法，豆腐外脆內軟好滑嫩，配合炸蒜、辣椒粉同黑芝麻，口感層次豐富！😋 我哋仲叫咗兩隻百花炸釀蟹鉗，蟹肉鮮美啖啖肉，搭配甜酸醬好好味！🦀我哋叫咗兩個晚市套餐，第一個係紅酒燴牛尾煲配白飯，牛尾同紅蘿蔔份量超多，牛尾煲得非常入味，紅酒、西芹同香葉令到牛尾更加香氣四溢！🍾🥩🥕🍚 加$10仲可以享用是日燉湯，沙參玉竹紅棗煲瘦肉，湯底清甜，滋味十足，飲完真係暖心又健康！🥣第二個餐我試咗碧綠龍躉球，搭配白飯同即日燉湯，龍躉球口感滑溜，西蘭花圍住龍躉球擺盤又靚！🐟🥦飲品我哋加$9就可以叫特飲，我叫咗華田暴龍脆脆，朋友就叫咗大小姐紅豆奶茶，大大杯夏天飲完透心涼！🫘🧋…查看更多

最近同朋友去咗北角嘅大小姐冰室，地鐵炮台山站行3分鐘就到，超方便！😎 環境有港式茶餐廳嘅懷舊feel，坐位闊落，店員親切，落單快手👍🏻酸菜魚晚市套餐
呢個套餐真係值晒！酸菜魚用新鮮魚片，肉質嫩滑，湯底酸辣開胃，酸菜爽脆入味，仲有金菇同粉絲吸晒湯汁，啖啖都好滋味！😄份量好夠，兩三個人share都無問題。套餐包埋例湯同白飯，超滿足！🩷🙌🏻麻婆豆腐煲
麻婆豆腐煲辣得啱啱好，豆腐嫩滑，肉碎香辣，仲有花椒嘅麻香，入口又麻又辣超過癮！🤪煲仔熱辣辣送上，湯汁濃郁，撈飯食一流！
大小姐冰室嘅菜式質素高，酸菜魚同麻婆豆腐煲味道夠正，辣得過癮又唔會太刺激，凍飲清爽解膩，例湯同白飯都好有誠意☺️❤️之前見到評價話呢間一般般😵‍💫不過食過覺得都幾唔錯，價錢都抵食👍🏻…查看更多

平民抵食大份量！小菜茶餐廳驚喜之選炮台山街坊茶餐廳絕對係區內抵食之選，人均百元已能捧腹而歸，鑊氣足、份量慷慨，難怪晚市都座無虛席！ 碧綠龍躉球魚塊厚切，嫩滑無骨，掛滿薄芡，西蘭花爽脆，味道夠卻不死鹹；薑蔥霸王雞 皮爽肉嫩，蔥油淋得夠香，雞胸部位也不柴口，蘸滿醬油超下飯！沙爹金菇牛肉煲香氣撲鼻，牛肉片量多軟嫩，沙爹醬濃稠帶花生香，金菇吸盡精華。 金銀蛋浸時菜皮蛋鹹蛋黃與白菜搭配得宜，湯頭奶白鮮甜。是日燉湯--紅棗杞子燉雞湯零味精，雞肉燉到離骨，杞子甜味滲透，飲完喉嚨舒暢。 環境少少擠逼但價錢質素都超高，絕對係打工仔的飯堂首選！…查看更多

尋日趁中午食飯時間去炮台山做物理治療，做完才1點半，諗住食個快午餐，眼前見有大小姐冰室，之前試過早餐，不過不失，冇咩印象，照入內。估唔到1個人都俾4人卡位，即刻加分。由於唔想食飯，點了雞扒啦沙，加煎蛋多士。估唔到啦沙幾好食，又唔太辣。雞扒第一啖仲係脆口，可惜後來浸淋了，下次要求雞扒另上。凍奶茶就不過不失，浠了些少，下次會要求少冰。六十一蚊，整體滿意。…查看更多

炮台山這間冰室專門店，整體而言食物水準參差，但有一項絕對值得專程一試：每日燉湯。最推介：足料燉湯當日試了「淮杞圓肉燉雞湯」，一上桌已聞到撲鼻清香。湯色清澈見底，入口溫潤甘甜，絕無味精感。雞肉燉得軟腍，淮山、杞子、圓肉等材料十足，真材實料，火候十足。在區內想飲碗住家靚湯，這裡的燉湯絕對是首選，誠意滿分，大推！不推介：炸蟹鉗相反，「酥炸蟹鉗」則令人失望。外層炸漿略厚，入口油膩感重。最致命是內裡的蟹肉餡，口感異常「粉糯」，缺乏蟹肉的鮮甜與絲絲質感，疑似用大量魚漿或粉類充數，蟹味淡薄，與期望中的酥脆鮮甜相差甚遠，不建議點選。單骨雞翼 - 黑椒過猶不及另一款小食「單骨雞翼」本應方便食用，可惜敗在調味失衡。黑椒下得極重手，幾乎鋪滿每隻雞翼表面。入口瞬間只有霸道的辛辣黑椒味，完全掩蓋了雞肉本身的香氣，甚至嚐不到醃料應有的鹹香或蜜味。過量的黑椒粉令味道單一且刺激，食後舌頭發麻，愛好原味或怕辣者慎點。總結：此店燉湯確是亮點，真材實料，值得為此而來。然而，蟹鉗口感粉糯欠鮮味，單骨雞翼則被過量黑椒「喧賓奪主」，兩者皆不推介。其他常餐、碟頭飯類屬正常冰室水準。若專程到訪，鎖定燉湯即可，其他小食宜三思。整體而言，燉湯出色，但部分炸物小食調味與質素需改善，希望店家能留意出品穩定性。…查看更多

都嚟過好幾次食早餐！之前天氣未算好熱，入到去冷氣唔夠都可以接受。但依家日日三十幾度，入到去好似個焗爐咁！食個早餐要一路抹汗😅見餐廳開住部巨型風機😓+幾部風扇，吾知想點！眼見有枱食客都嘈住叫開大啲冷氣，收銀姐姐話已經最大，只能開風扇😌有位哥哥仔入到嚟都調頭走🤭食物方面佢哋又做到「凍冰冰」喎！個沙嗲牛麵上面嗰堆沙嗲牛係凍嘅！唔係室溫嘅凍！係雪櫃攞出嚟嘅凍😓另外叉燒意粉上面嘅叉燒😓唔使食, 望到都知道係凍嘅！一間冰室做到環境熱辣辣、食物凍冰冰😅都幾難㗎！…查看更多