大家樂 (泓景滙商場)

大家樂新出咗「烤大啡菇葡汁雜菜焗飯」，以往大家樂嘅素飯都係有素肉嘅，今次呢款就全用原形食物，抗拒素肉嘅朋友今次可以食喇。不過同之前嘅款式一樣，今次都係蛋奶素，而且有洋蔥。🧅個飯貫徹以往用炒底嘅紅米，即係有蛋啦。有素友可能唔鍾意紅米因為嫌佢硬，我自己就幾 buy ，因為有啲口感，撈埋個汁幾好食。葡汁未必人人鍾意，我就幾喜歡嘅，而且佢冇話太重椰奶味。🥥單點 $52，套餐配飲品 $59，以足料程度同份量都算對得住個價錢。蔬菜種類豐富，有洋蔥，椰菜花，茄子，蕃茄，脆肉瓜。大啡菇就加上啲芝士焗。難得地所有食材都冇話焗到好乾，全部食落口都好 juicy ，可能我食果陣係剛剛焗好，真係非常出色。😋以往嘅焗素豬或者焗素肉醬意粉，食到個底都好油，但呢次竟然冇乜油。好少食到一個焗飯係用咁多蔬菜而冇素肉，而且芝士唔係好多，所以少有地食焗飯係幾乎零罪惡感。☺️作為集團式快餐店，大家樂可以 keep 住出素飯而唔係 hea 做，都算幾有心，尤其响香港找素唔算十分易，如果餐廳可以將素食做到「好靚，好食，好飽」當然好啦，但有時我哋素友要求低到响街搵到餐食就好開心喇，你哋話係咪？😂…查看更多

我想問下大家樂，我買飯落完單俾完錢拎到個張「飛仔」有咩用？ 你泓景臺分店個外賣包裝員都唔係跟「飛仔」派餐嘅。事源我今日用手機App落單到你地泓景臺分店自取，到左分店既時候見到水吧員工已經整好左我個餐，放係出餐枱度，個餐既號碼係對到我張「飛仔」，等外賣包裝員打包好我的餐便可以順利出貨的。當我出示我張「飛仔」表明個餐是我的時候，你們的外賣包裝員*一聲不吭地將我的餐點交給另一個等外賣的人*，即使我向你們的外賣包裝員重申出餐紙號碼與我張飛仔一模一樣所以餐點是我的，他繼續一聲不吭，亦沒有停下將我的餐點交給其他人。我亦聽到水吧的員工提醒外賣包裝員依號碼派餐，但外賣包裝員依舊不離不睬，直至水吧員工問仍欠甚麼，我的餐點才再次出餐。你的員工不根據「飛仔」派餐給客人，令到我我餐點被其他人取走，浪費我寶貴的時間；對你的員工說話說像對牛彈琴一樣，得不到應有回應。…查看更多