大家樂 (將軍澳廣場)

我家主子來訊話要食大家樂嘅焗豬扒飯，咁放工邊搭車邊碌大家樂個app睇下有咩食啦，都冇咩特別想食，但就俾我發現到而家佢嘅QQ紅番石榴芒果四季春烏龍茶做緊試飲價，只需$9.9就買到一杯。咁抵，咁就買兩個單點焗豬扒飯加呢杯烏龍茶試一試。焗豬扒飯一貫水準，豬扒juicy，有骨嘅豬扒係好食啲嘅，另外好鍾意佢果幾舊菠蘿😋，好開胃，成盒食哂，冇得留低。杯QQ紅番石榴芒果四季春烏龍茶就麻麻哋，我覺得唔夠甜，比較淡口，冇乜野咬，得好少「QQ」。但就好大杯，$9.9係抵嘅，雖然覺得唔太好飲，但應該都會再買，當飲少甜囉。…查看更多

平時早餐食開KFC, Mc donald多，今日想轉下，就行遠d 去大家樂。嗌左個銀針粉＋蘿蔔糕＋鼓油皇炒麵。n年前食過個銀針粉，今次再食，覺得難食過上次😂個湯幾油，配菜都算多既，不過不失咁。鼓油皇炒麵就正正常常，有幾啖個麵底有d硬，蘿蔔糕都ok ge。全個餐最滿意係加多左3蚊既泡沫咖啡，好飲，甜度適中，泡沫再厚身d就好！…查看更多

自從政府因應「武漢肺炎」疫情實際嚴峻情況，而禁止所有在晚上六點後的全港餐廳堂食，食客被迫選擇外賣自取飯盒，在餐廳以外的地方範圍，包括家裡面、戶外公眾地方設施用餐。除了購買飯盒之外，另外外賣自取享用晚餐的最佳方法，就是在食店裡面購買廚房製作完成的「外賣自取」小菜。例如「大家樂」推出了「晚市快餸」外賣自取餸菜，港幣三十八元一道餸菜，花一百元就有三道餸菜。食客如果另外加錢的話，可以另外選擇購買白飯、油菜和糖水甜品套餐，又或者獨立購買滷水小食「雞全翼」和「紅腸」，甚至可以購買「砂鍋紅燒素翅」作為餐湯。我一見到「大家樂」有獨立外賣滷水雞全翼，於是我花三十八元購買一道「中式牛扒」，再花十六元購買滷水雞全翼紅腸小食，最後花十三元購買一碗「砂鍋紅燒素翅」作為餐湯。結果我在「大家樂」「晚市送餸」價目表裡面小心選擇，就成功購買到「兩餸一湯」，最後都只需要僅僅港幣六十七元而已。之後順利成功購票，攜帶着「大家樂」「兩餸一湯」回家煮飯給自己享用了。「大家樂」「中式牛扒」裡面有一份，由原塊薄牛扒切成大約四份的製成品，還有一些「馬鈴薯」作為伴碟，至於「中式牛扒」裡面的醬汁味道偏向比較甜。至於「大家樂」「中式牛扒」實際口感，或許因為「中式牛扒」使用「薄切牛扒」作為材料的關係吧，所以即使「薄切牛扒」已經燒到接近全熟，也沒有令「中式牛扒」實際的口感變得太韌。至於作為小食的「紅腸」和滷水「雞全翼」方面，由於「紅腸」裡面的材料屬於豬肉的關係，所以我最後選擇把「紅腸」分了給老豆享用。至於滷水「雞全翼」，由於「大家樂」已經製作完成備用「雞全翼」太久，所以「雞全翼」在未加熱的情況下，口感稍嫌變得有點冰冷和僵硬，而且滷水的甜味感覺也有點淡薄，跟我的期望有點落差。至於「紅燒砂鍋素翅」的實際味道和口感，也跟「中式牛扒」十分相似，雖然「紅燒砂鍋素翅」的只是「素翅」，我覺得「素翅」實際口感太過單薄，反而像食米粉多一點。然而「紅燒砂鍋素翅」湯裡面的肉口感有點像雞肉，又有點像豬肉，偏偏「素翅」沒有類似「魚翅」的口感，令實際味道跟沒有辣味的「中式酸辣湯」沒有分別。結果「大家樂」「晚市快餸」，實際上只滿足我晚餐必食牛雞的需求而已，其他的「紅燒砂鍋素翅」感覺有點落差，食一次就足夠，下次不用再食了。…查看更多

遲咗落街食下午茶，唯有揀啲快又易有位嘅大家樂。見佢出咗流沙奶黃西多士就揀咗佢。三十幾除咗西多同嘢飲，仲有個米粉，都合理嘅。主力講下個西多。係咪流沙呢？其實我唔係好識分,係咪啲料食落有幼粒感就係流沙？係幾特別嘅，隻味都係，不過未夠平時食開果隻咁正，所以試一次就byeby e...…查看更多

食咗排骨菜飯😁。飲熱咖啡 😊菜飯好食，仲好大碗添呀!排骨熱熱地，好香口，唔算鹹!食完都幾飽😂😂😂以我食量黎講，如果我都飽應該冇人唔夠飽😂😂😂49蚊好抵食!…查看更多

今日突然間想食下午茶，經過大家樂，就決定買兩份外賣下午茶返屋企兩三點係食下午茶嘅鐘數，大家樂收銀機前面已經排咗一條長長嘅人龍，起碼有10幾個人等緊睇完餐牌決定點1）五香肉丁即食麵、春卷加熱奶茶$282）公司三文治（全份）加熱鴛鴦$34排隊比錢之後，拎嘢食又再排一次隊，條龍仲長過俾錢嗰條隊😂不過好彩都唔算等得好耐，啲店員都好快手嘅返屋企嘅路程5分鐘內，不過五香肉丁麵已經吸咗好多湯，變得好林，五香肉丁既份量正常，一碗有5、6舊，跟餐既春卷食完先發覺唔記得影相，個春卷炸得幾脆，食落仲係暖暖地，唔錯，$28貨仔都算係ok大家樂嘅公司三文治一向唔錯，份量足夠之餘，三文治既餡料我都幾中意～餡料有炒蛋、蕃茄、生菜、煙肉和沙律醬三文治應該係即叫即整嘅，麵包有烘底，返到屋企仲係熱熱地，又脆口，唔錯唔錯食飽飽之後再飲番杯餐飲，我點嘅係熱鴛鴦，味道正常，$34食到個即叫即整嘅三文治套餐連熱飲，都算唔錯啊…查看更多

如果大家唔反對嘅話😌小秘書真係可以晚晚打邊爐當晚餐💥 單單喺十月裡面，我起碼打咗十次邊爐💥💥 而家搞到嚟快餐店都戒唔甩🤦🏻‍♀️講真而家求其叫個飯/意粉，再加杯凍飲都起碼$50。而家有肉、有菜，仲加埋一大碗米線都係$65，算係咁啦！而最重要嘅係火鍋一定唔會難食，除非食物唔新鮮，「大家樂」用料一般都OK嘅，我今次揀嘅套餐入邊有牛肉、豚肉，質素尚算中等。食到尾聲，將啲米線倒入食淨嘅湯底裡而，米線索晒啲肉味，我覺得成晚最正嘅就係呢個食物喇👍🏻…查看更多

前一陣子小的為家居繁鎖雜務忙得不可開交，奔波勞碌連預備晚餐之時間也沒有。身心疲累更是消磨食意，於是待得老伴下班回家，咱們亦只在鄰近隨隨便便地找家快餐店、茶餐廳或米線麵類，醫飽肚子便算。雖然骨子裡小的認為在九時多的晚上吃上這些高脂高鹽的垃圾食物，而且絕大部份情況均是蔬果欠奉。然後再於一句多小時馬上就寢屬非常不健康的行為。然而，在這昏天閉日的亂局裡，小的根本無計可施，自己一個人挑著重檐，無奈每每被可惡的苦力工人狂搞竹篙子，無隙不侵地壓榨欺凌，殘格卑鄙地老找麻煩。馬死落地行，悶著一肚子氣，再把垃圾食物嚥進肚腸又算得了甚麼？ 相反，老伴對吃沒有很多的要求。而且他尤喜歡不健康的垃圾食物，多吃一點是沒所謂，往後身子找數則屬將來的事。一天夜裡與他在將軍澳新都城之大家樂看見餐廳推介之二人晚市套餐，更有老伴最喜歡的烤雞，他立即蠢蠢欲動地要嚐一嚐。可惜當夜已時候不早，這一道主打二人套餐在人流暢旺的新都城商場早已售罄，結果咱們唯有跑到譚仔米線以祭五臟廟。 誰不知老伴對大家樂之烤雞二人晚市套餐念念不忘，及至這週晚上，咱們需到將軍澳廣場之商店選購家品，老伴竟在電話裡向小的提意一嚐於將軍澳廣場大家樂之二人餐。小的沒有異議，八時多到達餐廳。將軍澳廣場之大家樂比新都城之人流相對較少，而且這一天咱們早上了一句小時，慶幸那份烤雞二人套餐依然有售。然而在價錢方面，於短短的幾個星期，套餐居然漲價了！老伴明明記得當天在餐廳門前大大個招牌標誌著這一道特選二人餐只售＄88元。這趟光顧卻竟變成了＄92大元。雖然只是俱俱的＄4個銀錢，但兩個星期之間升幅達5個巴仙，其幅度卻著實驚人！＄92大元之二人套餐吃不吃？當然咱們這些星斗小民就只有硬著頭皮照啃的份兒。 幸好，當老伴拿著這份二人套餐來到席前，其賣相與份量都讓人滿意。這一份烤雞超值二人餐有完整的烤雞一隻、粟米兩支、薯餅兩塊、磨菇肉醬意粉一客，與及雜果賓治兩杯。小的其實除了酒類不飲凍飲，見著老伴端來兩杯雜果賓治，發現是隨餐專享，感覺也挺實惠。 老伴看著烤雞第一時間帶上透明膠手套像個野人般興奮地徒手撕拆起來。小的則到自助餐具醬油的位置取碗碟分配意粉。吃肉醬意粉，又怎能小了至愛的辣椒仔辣汁？可惜在醬油櫃裡，小的只能見到美極醬油，中式辣醬與辣椒油，卻無西式辣椒仔。小的失望而回，心有不甘地把中式辣椒油也添上一點點。 幸而這一道磨姑肉醬意粉弄得比較濕潤，非自家討厭的乾硬品種。醬汁驟眼看來似乎不夠，但當配合非常濕潤的麵身，最後吃來也算是剛剛好。儘管此一肉醬意粉及不上椰林閣出品，但後者一份也索價六、七十元，咱們能以＄92元套餐價享用是非常抵食的了，那就別要求太高。 兩條粟米的份量也不少，每條都有一隻水杯般長。可惜其味道卻絕對地強差人意，濕濕軟軟綿綿的粟米，咬下是寡寡的丁點味道也沒有，傻傻死死的千年雪藏粟米，小的只能為著它的纖維而勉強嚥下。 薯餅乃小塊的三角片，炸得也挻香脆，比之今非昔比的麥叔叔薯餅是猶有過之。至於烤雞則屬不過不失，火喉弄得不錯，然味道卻略嫌稍有不足。後來小的於網上查一查，發現烤雞該配有檸檬他他醬，然而職員竟忘了為咱們添加，無奈試不了和以醬汁的滋味享受。 雜果賓治亦算真材實料，清清甜甜正好為炎炎的夏日消一消暑。…查看更多

大家樂油雞其實超級好味，有時夜晚諗唔到食乜，又想平平地 絕對是不二之選。$6x 仲有老火湯同飲品，個湯不是太差 仲幾好飲，至少不會有"重味精"的感覺🤣油雞好入味👍🏻有用心整 …查看更多

平時真係好少到這家快餐店，就是因為不喜歡等位，即係： 企係度望住人地食， 好似罰企咁！  看著面前的人慢慢食， 等左好耐,終於等到果位肯施施然離開後， 自己方可入座 所以好少去這家快餐店！！　今晚好彩，即刻找到座位。選了一個套餐，付款後，慢慢等叫NO.。　黑椒汁煎香菇肉餅　　　只有三件細細件的圓形煎香菇肉餅，中間當然有香菇，肉就真係好正常的雪藏肉。２面煎至金黃色，肉餅好彈牙但没有肉味，幸好有濃味的黑椒汁。由於只有３件，加上極度肚餓，很快就食光肉餅了。 香飯＝白飯　當時真係好肚餓，竟然覺得這碗白飯很有飯味，把這碗飯吃光了。　　　最後是素翅，配小包紅醋。素翅又真係扮得几似魚翅。　 在極餓之時，真係什麼都會覺得好味！　廣東話：你明嫁啦！　普通話：你懂的！ 全因在餐廳看到部份客人無XX的行為，環境及服務比低分。…查看更多

今朝早左起身 見肚仔餓 就落左去大家樂買早餐食 大家樂最好食呢就係 吉豬 但係今日小弟有d熱氣就叫左雞扒食 雞扒炒蛋多士加左個麥皮凍檸茶 盛惠37蚊 小弟覺得有小小貴 個人幾推薦佢個麥皮 加左練奶一齊煮 唔驚食食下突然間唔甜 👍🏻 雞扒係加左蜜糖煎既 有種甜味 都幾juicy 炒蛋滑但係偏淡 整體…查看更多

星期日訓到10半點鐘起身食早餐，附近咩食市都爆曬唯有揀無人排隊嘅大家樂。 但坐落又ok兩個人60蚊搞掂 雞扒餐肉厚多士 雖然普通d，件雞扒加埋個汁食起嚟又幾夾塊餐肉都有煎過魚柳餐肉厚多士，食過20年……d蛋真係值得一讚炒得好滑! 又唔會熟到死實實魚柳就一般 不過不失，但勝在魚肉夠厚，唔係得層炸漿仲配埋個即磨咖啡60蚊2份早餐仲想點喎…查看更多

今天一個人來到將軍澳廣場午餐，(當時是13:30-13:45左右)既然自己食，求其去快餐店快快趣搞掂。所以來到大家樂。本來買了日日超值果個和風肉片套餐32元包飲品，真係好抵。誰知肉片是乾到咬唔開，起曬渣。可能餐廳預先煮好大量肉片, 待午市繁忙時間備用, 而我在午市的尾段買套餐, 預先煮好的肉片經過長時間保溫. 引致肉質變得又乾又鞋.馬上向職員反映，幸好職員願意以其他款式替換。於是今日午餐變為魚香茄子飯。魚香茄子和白飯分開盛載。泡過油的茄子很多.鹹魚味不太重，但其整體鹹度亦足以下飯。肉碎還是當作是雪藏肉吧！淡淡的，沒有肉香。都是依賴芡汁提味。食食下發現，有條長長的魚骨，約2寸長，淨骨，不連肉。這個無咩鹹魚味的魚香茄子，就算有鹹魚，都在制作過程中磨碎了。哪來長長的魚骨?這才是讓人反感。大路平實的款式，味道較讓人放心。唯獨是果條加料魚骨。加上d人食完唔願走，要等好耐位。所以衛生和環境比低分。…查看更多

There was not much on offer for lunch so I went for thevegetarian curry which was called Carribeanian Style veggie curry with rice.I wonder if the spelling was deliberate because it was inChinese it is mixed bean curry.In the box I found some green beans and pineapples, thepineapples were obviously going to be there because pineapples are associatedwith anything tropical like Hawaii and the Caribbean.Anyway, there was a good mix of chickpeas and kidney beansbut the curry was too salty and not authentic Caribbean. …查看更多

夜收工加洛雨，決定車泊將軍澳廣塲，因可免費泊車，見大家樂有晚8：30開始宵夜餐$29，試下先。义鴨米，份量適中，义燒一般，瘦左D，鴨就不錯，肉夠實又多肉，米粉普通。油菜--生菜份量夠，煮的時間剛好，不太熟，加甜鼓油，不錯。熱咖啡一杯，無特別呢次要等餐等左15分鐘，排哂隊，好少會咁…查看更多