大埔煮廚

同啲鄰居出嚟買海鮮，預備夜晚食飯。平時自己出嚟嘅話就多數食呢間㗎下午茶，諗住介紹俾啲鄰居試吓。點知個沙嗲牛肉唔夠味同埋個脆豬唔夠脆，亦都亦都比較少醬。同埋個松露蛋冇乜蛋味。另外個鄰居朋友點咗五香肉丁炒飯，飯底尚算乾身，但係就唔係好入味。諗住今日中午出到嚟就試吓佢啲午餐，咁就嗌咗個蒜香蜆肉意粉炒蝦球，蝦球就真係冇醃過，但係啲蒜蓉同埋辣椒配埋啲蜆肉真係好出色啲意粉硬到適中又咬口，跟住啲鄰居事緣我嗰個意粉之後即刻呆咗。仲笑我伏在佢地，不過個意粉真心得，如果個蝦球可以能下就更加出色。今次個食物評分係俾個意粉，因為鄰居嗰啲成都係試左d。…查看更多

本身一早出嚟就係諗住去一間茶餐廳食佢嘅薯餅，點知踩滑板車出到去啱啱入到門口，坐低先10:55分，收完架車11:01，佢話過咗11:00唔俾我嗌早餐咁我就即走啦。跟住喺好徬徨嘅時候周圍唔知去邊度仲有早餐食就醒起咗呢一間嗲牛，不過上到街市都差唔多11:35。不過老闆娘好好，過咗11:30都照做埋我呢一個早餐。心思思又想食奶油豬，又俾我加錢再轉埋個包，實在太感動。講返呢度啲嗲牛真係有層次有鑊氣，另外個奶油豬真係無得輸，唔會太乾，亦唔會太晏，咬落啱啱好。早知就唔走來走去直接上嚟食就係最好，因為食完之後就係要去街市買啲嘢。…查看更多

2023/03/25星期六嘅12:15到，仲諗住算早應該有位，未開定休息啊🥲🥲🥲 嚟10次可能得5次撞中😫😫🔫不過啲炒嘢同意粉係幾好食嘅，希望下次遇啱時間😂😂😂…查看更多

一向都有幫襯開佢地，除左唔太喜歡佢西多既牛油之外，其他都唔錯。上次黎到佢地已經關左門，今日去到問老闆娘點解上次咁早收，佢話冇乜生意，所以就早D收舖，我覺得佢地人又nice, D野又唔錯，價錢也算是合理，我當然要幫下佢地寫返個食評，我尤其喜鍾意食佢既冬陰公同喇沙湯麵，濃味既湯底加埋煮得彈牙既麵，好惹味！配埋炸雞翼，好滿足，佢哋既炸雞翼，外脆內嫩，而且仲好入味，正😋見倒佢仲有其他焗飯同意粉，下次再食😄…查看更多

休閒日子去左大埔食下野，突然之間好肚餓，求其搵咗間舖頭去食！今次小編叫咗個大蝦炒飯！因為呢個係一個午餐、所以就叫佢啦！之後仲叫咗杯凍檸茶嚟飲！首先講吓杯凍檸茶！大排檔嘅質素啊！都唔算話太差嘅！茶底都係普通，但優勝嘅位置唔會話太淡！檸檬足夠！炒飯方面唔係太多油，而且都唔係太鹹！重點蝦方面就都算新鮮嘅！唔多似雪藏蝦！而且都算大碟！因為唔係好夠飽，小編仲叫咗個西多士食，配上糖漿更加！都夠脆既，鬆化既！但係有啲位置都有進步嘅空間！最後好方面，服務態度良好嘅！…查看更多

呢一間位於大埔街市嘅餐廳，睇佢個樣其貌不揚，原來啲嘢食係咁好味嘅！因為係小店，所以大廚都好用心去對待客人，因為食開淡口味嘅嘢，所以今次嘅冬陰公炒飯叫咗少油同埋少鹽！炒飯粒粒分明，食材豐富！…查看更多

大埔街市熟食市場重開之後，據聞裝修過，這次去，看到後邊真的有這間大埔主持，看看餐牌，無論焗飯、午餐定還是下午茶都有吸引的選項。下午茶就點了一個炸豬扒薯條以及一個吉列魚柳薯條，賣相相當之精緻，好像前幾年瘋魔一時的那些「港女甜品」，即是一個長條型托盤，上邊畫了像星河一樣的畫作，只不過這裏就是中間放了一杯薯條，旁邊有蔬菜沙律，沒有番茄醬以及沙律醬，旁邊的吉列豬扒亦都剪開然之後用長竹籤插起，賣相可見一斑吉列豬扒將一塊剪成三份，不算太多，分量剛剛好，夠熱燙，豬扒醃過尚有肉香；蔬菜沙律仲有幾片尚算新鮮，中間的薯條份量不會太少，夠飽得來，亦都不會覺得薯仔太多薯肉，又飽又膩，兩種醬汁剛剛好，:)任君選擇。上街市樓上的熟食市場吃個30多元的下午茶，這兒的賣相以及抵食程度，可說是超班。…查看更多

大埔煮廚用心待客，我每次都要求廚師為我小油，今日午餐板上沒有卡邦尼意粉，我之前食過所以廚師又特別做比我😁重視客人需要，唔會嫌我麻煩要求多多次次食兩份午餐連飲品都唔過$100重點係比外面茶餐廳品質之上所以我經常會嚟麻煩下廚師😋…查看更多

黎到大埔熟食中心搵食，我諗大部分人都會食麵啦！因為我唔係住大埔，唔熟呢度有咩食，所以我成層行左一轉，睇晒有咩食先揀。見到一間餐牌寫得好清楚食物同價錢，而且價錢非常公道，我就決定試一試佢。:)前言講完，入正題。我地叫左一個常餐：五香肉可午餐肉米粉，配奶油脆豬，黑松露炒蛋，熱杏仁霜。全部食物飲品味道都好正常茶記咁，我諗黑松露炒蛋出現喺茶記應該比較少見。個炒蛋ok 上面放左成一茶匙嘅黑松露，$39 呢個價錢都唔錯。杏仁霜都係正常，本人對杏仁霜有份執著，宜家好少茶餐廳沖得好飲，有d 直程沖到好淡，有d 就會沖到好杰，我嘅標準係當杯杏仁霜有少少凍時，面頭會結左一層薄薄嘅奶膜，為之濃杰適中。另一個叫左一份下午茶餐：炸魚柳薯條，熱奶茶，估唔到茶記都會擺盤咁用心佢將兩塊魚柳疊上薯條上面，放喺一隻白色大圓碟，旁邊用茄汁同沙律醬簡單地點綴一下。魚柳炸得香脆粉唔厚，但肉質偏淋，薯條係粗條，都唔錯。 …查看更多

大埔街市重開左一排，梗係要帶屋企人黎支持下良心店舖😙。其實重開之前都有幫襯過幾次，質素都尚可，今次就介紹吓比大家。佢早餐嘅選擇都算多，有麵餐🍲、包餐🥪、扒餐🥩等等。我就點左炸雞翼配沙嗲牛肉米粉兩餸，附多士同熱飲。多士🍞尚算迷你，中間搽咗好少牛油，烘過底都叫正正常常。雞翼炸得非常香脆，但偏油，而且冇乜醃料食落較淡。沙嗲牛肉🐮鹹香，沙嗲同花生味🥜都唔明顯，牛肉就好淋又入味，不過牛肉味唔多。最鍾意佢米粉夠幼身，食落介乎粉絲同米粉之間🥢。整體來講我覺得正正常常，以街市位置來講非常方便，雖然唔係好高質素但經過都可以試下⭕️。…查看更多

很少去大埔，一則路途遙遠，二則身沒親朋戚友居於附近，極其量兩三年去一次大尾督燒烤，也不知該不該計算在內。得知一間心儀已久的糯米糍終於裝修完成重開，是日決定由荃灣走到大埔，十時出發，下午二時多抵大埔街市熟食中心，比想像中輕鬆，選來一家同路人茶記補充體力。黑松露炒蛋配奶油豬炒蛋有蛋香，佐以黑松露醬點綴，有一剎那忘掉自己身在熟食中心XD 而豬仔包烘得卜卜脆，加上牛油煉奶香甜可口，良久沒吃，滿足。沙嗲牛腸仔米 $39腸仔切成八爪魚狀有長有短的甚有心思，不過炸得過火，味道一般；沙嗲牛倒令人驚喜，牛肉大塊沒鬆肉粉味，沙嗲底做得香濃，吃下有如吃串燒般的香氣。吃畢挽著糯米糍開心的回家去。…查看更多