大圍168串宵

本身諗住同朋友食羊腩煲，經過見到呢間串燒舖佢做緊優惠價$198一煲。平時食開附近餐廳賣緊300左右一煲，見佢$200有找，即刻試吓佢。估唔到有驚喜，汁底夠濃，羊肉炆得夠腍，又夠入味。最後我哋4個人食咗兩個羊腩煲，加左碟牛同豬。加幾串串燒。4個人$6xx埋單，好抵食，可回頭😝聽老闆講原來開左十幾年，誤打誤撞整咗個羊腩煲出嚟，一個羊腩煲嘅故事係幾得意嘅😂推介古法羊腩煲，燒明太子雞翼，燒豬頸肉，三重芝士燒生蠔🦪…查看更多

平時成日路過呢間串燒都覺得好香今日即興同老公去左試！唔好睇佢鋪面細細 唔洗擔心 樓上有雅座～都坐得幾舒服 冷氣又夠凍 超級私隱既空間岩晒同朋友同事黎gossip😂講返食物先！特別深刻嘅係佢嘅燒生蠔伴薯蓉 勁好食！價錢仲要超親民$60兩隻𝑶𝒓𝒅𝒆𝒓𝒆𝒅🗯燒原條蒜香茄子 $39燒得好靚，唔會太燶 可以成條拉絲好正🤣🗯三重芝士燒司華力腸 $22加咗片芝士即刻覺得好正！🗯三重芝士燒翠玉瓜 $19正常發揮🗯燒牛油雜錦錫紙包 (娃娃菜金菇雞髀菇)$42牛油勁香！蒜蓉落得剛剛好～🗯燒明太子雞翼 一份兩隻 $36正常發揮🗯海鹽燒極品牛脷芯 $36牛脷心幾厚 不過佢唔係行爽口路線如果鍾意重口味嘅話，可以試吓～🗯燒雞中翼 一串3隻 $28正常發揮🗯燒豬頸肉 $32勁厚肉！超好食！必點！🗯燒豬花腩 $19正常發揮🗯蒜蓉燒生蠔伴薯蓉 $60 2隻 隻蠔好肥美 薯蓉調味調得好好 超超超好食🤣👍🏻🗯嚴選肥牛稻庭烏冬+芝士 $39湯底好食 加咗芝士嘅感覺又唔同咗 烏冬好彈牙 不錯！🗯燒雞泡魚乾 $49燒得剛剛好 送酒一流☺…查看更多

**大圍串燒宵夜實記｜食飽飽 燒鰻魚皮脆肉嫩** 收工夜衝大圍巷仔小店，夜貓醫肚首選。樓上還有座位，清靜休閒。價錢十零蚊一串，抵食，好味新鮮。兩人點足五款串燒加烏冬： **🔥 必食三寶** → **燒元貝** 新鮮大隻 燒到微焦 → **燒鰻魚** 皮脆肉嫩 油香突出 → **原條燒粟米** 燒到爆花 甜香撲鼻 **🍢 送酒之選** → **燒雞皮** 脆口唔韌 配啤酒剛好 → **豬頸肉** 厚切炭香 啖啖肉 **🍜 飽肚配搭** → 烏冬 簡單暖胃 湯清唔鹹 …查看更多

大圍出名多宵夜，呢間可以去試下，地舖加樓上舖，員工態度好好，首先講下烤茄子呢間師傅烤得好好，夠熟嘅茄子係皮肉分離，呢個燒得好好味。燒雞軟骨用咗蜜糖汁好香軟骨夠脆。燒豬頸肉香脆味美。鹽燒牛舌，牛食燒得好淋。燒金菇肥牛串，加多D辣椒粉夠哂香辣。仲有個蝦餅，呢個蝦餅味道幾特別我幾鍾意。燒翠玉瓜，食咁多肥膩嘢真係要食少少菜類。燒青魚夠曬香滑加D檸檬汁味道不得了。燒菠蘿真係好甜。蒜蓉焗芝士生蠔，芝士味好濃郁生蠔味夠鮮甜。冇諗過燒雞肉加芝士係咁好味。…查看更多

📍168串宵（大圍）今日宵夜同朋友來呢度食串燒，去到真係好多人來食，就算係咁樣都招呼好周到，職員非常熱情。🔶燒雞中翼（3只）火候十足，好香口惹味，非常鹹香。🔶汁燒牛仔骨燒汁味道很香濃，牛仔骨都係大大塊有肉，唔會好柴，好味。🔶日本霜降一口牛一粒細番茄，一粒和牛，兩樣一齊食唔會好漏，和牛有油脂好香，搭配小番茄一齊食酸甜中和，真係好正！🔶燒雞肉串燒汁好多，甜而不膩，雞肉燒得火候啱啱好。🔶海鹽燒原條秋刀魚秋刀魚有檸檬增添風味，食落一點腥味都冇，而且肉質鮮嫩魚味好香，我好鍾意。🔶蒜蓉燒生蠔伴薯蓉呢個都好推介，蠔大大粒，食落好滿足。薯蓉是放在生蠔殼入邊，呢一個搭配第一次食，薯蓉好順滑，個底面仲有燒到脆脆嘅薯仔，搭配來食新鮮又好味。🔶燒蟶子蟶子好新鮮，大大隻同手掌一樣大，蟶子肉很飽滿，肉質Q彈緊實，食落有鮮味。🔶燒牛油什錦錫紙包 包括：娃燒菜、金菇、雞脾菇。第一次嘗試用牛油做嘅錫紙包，蔬菜食落有陣陣油香味，唔算煮得太淋，來解膩是一個不錯的選擇。🔶燒原條蒜香茄子串燒點可以少咗茄子，呢個好大份，燒烤料落得啱啱好誤會太鹹好惹味，一定要試吓。♡♡♡♡♡♡♡♡♡♡♡♡♡♡♡♡♡🍴餐廳：大圍168串宵 (大圍)📍地址：大圍積存街32號地下B號舖💵消費：150@♡♡♡♡♡♡♡♡♡♡♡♡♡♡♡♡♡…查看更多

{🍽️ 香港搵食 🍽️｝ 168串燒大圍嘅隱世串燒店，樓下通常做外賣為主，如果堂食就要行上隔籬嘅一樓。夜晚食宵夜除咗去大排檔或者便利店店之外，仲可以去呢間串燒店度食串燒！！得閒約埋三五知己食住串燒，飲杯啤酒傾吓偈簡直係人生樂事 🤓🤓 由於價錢都好抵，所以叫咗好多串燒😂😂😂 金菇肥牛卷、燒雞皮、燒雞肉串、燒穀飼雞腎、燒韭菜等等，重點選推介以下食品😉😉冰火煙肉荔枝串第一次食呢個款既串燒，係說到凍冰冰嘅荔枝加埋煙肉一齊燒👏🏻👏🏻 感覺好得意，原來又幾好食🤩🤩蒜蓉燒原隻帆立貝好新鮮，大大隻！！ 食完會想再食多隻😂😂😂 啱晒鍾意食海鮮嘅你酒燒花甲店員一燒好即刻拎上嚟，熱辣辣，酒味好香醇，花甲細細隻但係啖啖肉👏🏻👏🏻燒完條蒜香茄子茄子燒得好淋身，茄子肉上面有好多蒜，一上枱時已經香氣十足😙😙 一絲絲茄子肉咁夾起你食，真係好滿足，串燒未必叫👍🏻👍🏻👍🏻燒雞中翼夠晒味，外皮燒至脆卜卜，雞肉都好滑溜👏🏻👏🏻 📍大圍積存街32號地下B號鋪…查看更多

通常買外賣宵夜都會食呢間168，款式都算多，味道都唔錯，通常打電話去叫15分鐘左右就攞得，我比較鍾意食佢嘅酒蜆，蒜蓉焗蠔，多春魚同燒茄子，價錢呢間係平DD，平均一人$100-150左右…查看更多

📍大圍隱世樓上串燒 — 168串宵👅🍻🔥今次好想同大家介紹一間我同我啲朋友都一致認為好食嘅串燒鋪！！😍😍🧡夜晚食宵夜除咗去大排檔、夜茶、糖水，其實仲可以去食串燒～呢一間樓上串燒真係有好多特色小食🤤🔥🔸冰火煙肉荔枝串🥓🍢 $28串你冇睇錯呀！真係荔枝加煙肉😱冇諗過呢個組合可以整成串燒！外層係熱辣辣嘅煙肉，裡面就有冰凍嘅荔枝🥹咬落去爆晒汁，真係有驚喜👍🏼👍🏼🔸三重芝士稻庭烏冬🧀🍜 $28碗呢碗芝士撈烏冬真係超級出色！😭啲烏冬好彈牙好好食，表面再加埋灸燒過半融嘅芝士，撈埋真係好夾好好食🤩不過份量就唔算好多～🔸海鹽燒極品牛脷心🥩 $32/3塊鍾意食牛脷嘅人一定要嗌呢個！！每塊都好厚好煙靭😍好juicy~加埋啲孜然粉係勁好食！！🔸燒原條蒜香茄子🍆 $38條茄子燒得好夠，好淋身🤤而且蒜蓉味好濃，重口味人士最愛👅大大舊茄子夾起一絲絲茄子肉食，真係超滿足！🥹🥹每次去串燒店都必嗌燒茄子😆😆✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽另外其實仲嗌咗好多唔同嘅串燒，不過太多不能盡錄🤣整體黎講真係一間高質嘅串燒，不過店鋪較細，位置唔算多，都只係一間樓上小店～夜晚同朋友過黎食下串燒，飲杯嘢傾下計都係唔錯嘅選擇😋❤️至於價錢方面，喺香港食串燒真係比較貴😭😭呢到大概人均$200左右～不過間唔中食一次我覺得都ok!!🤩賣相：🌟🌟🌟味道：🌟🌟🌟🌟性價比：🌟🌟💫推薦度：🌟🌟🌟🌟📍 168串宵 @bbq168 🔖地址：大圍積存街32號地下B號舖…查看更多

好特別既冰荔枝煙肉串 你無睇錯 我無打錯 真係冰的！！食落好特別燒茄子感覺爭咁d鮮辣椒 不過燒得好夠 夠淋身牛舌偏蘇 我自己食唔到 雞皮雞軟骨豬腩都好食 坐樓上冷氣好夠 雖然坐樓上 但有鐘仔禁 服務員基本上都出出入入唔使禁 就咁叫佢幫手就ok了 …查看更多

一大班人去食串燒，最後埋單$2000，啲野食都大份食到好飽，但無以前咁好食，應該唔會有下次但都有驚喜，就係熱煙肉包凍荔枝﹐中間冰凍既荔枝，一口夾埋啲肉食，真係好爽，荔枝又多汁去肥腻，我吾好荔枝都話ok,合共食了差吾多2串半! 牛舌又厚又嫩, 粟米再燒窿d像粟一燒更靚！但蜆疑似用了黃酒類,味帶苦，唔食得，其他一般，有部份疑似油炸過再燒👎🏼…查看更多

之前來過呢度已經唔知幾多次，但係好耐冇再來。一直都想再食，知道提早左開店時間，所以決定再去食多次。距離大圍站5至7分鐘步程，但店舖細小，如果想試就要早D排隊。同上次食既食物差唔多，都係串燒必備食物；但個人認為今次好似已經冇以前咁好食。尤其以前牛油金菇好入味，今次稍嫌麻麻地。其他食物雖然質素都keep到，但加價後相對唔太抵食。期待佢會出一D特有串燒提升店舖特質。對店舖觀感冇太大改變，但食物質素沒有大提升。所以對餐廳整體感覺，相比以前有少少扣分。…查看更多

夜晚想食宵夜有咩選擇 除左夜茶 大排檔 糖水其實都可以去食串燒 雖然香港D串燒都真係好貴😭但係想食嘅話隔幾耐都要食一次 呢間串燒係樓上舖 燒完店員會係樓下拎上去比我地 好彩我地有得坐係包房入面 吹水同坐都自在D🫣 落單完都要等差唔多十幾分鐘先會有野食 聞到隔離台香味都忍唔住個肚係度叫😭🥩海鹽燒極品牛脷芯💰32鍾意食牛脷嘅人must要嗌 唔鍾意食嘅都要係呢間試下！牛脷通常分兩種 又薄又韌嘅日式串燒牛脷 同埋港式咖哩厚切軟嫩牛脷 呢隻就剛好介乎兩種中間 唔係軟淋淋嘅厚切牛脷 有韌勁得來又唔會特別薄身🫣表面望落油淋淋同灑滿孜然粉 但係食落口完全唔油膩 肉汁好多 有D位特別黑 係焦香味特別重😙🍗爆串·燒穀飼雞腎💰18呢個真係名副其實爆串 一串可以串滿成支竹籤 如果冇試過其實雞腎同雞軟骨口感好似 都係脆身嘅帶有小小肉嘅口感 呢間孜然味道分布均勻 每粒都可以食到香料味道 加埋熱辣辣燒完嘅雞腎 味道昇華左好多😍🍆燒原條蒜香茄子💰38成日見人串燒一定會食茄子 見到實物終於會明點解要嗌 原條茄子鋪開面積都幾大 抹滿調味同蒜粒後燒 攞筷子夾個陣小心茄肉同皮分離左 皮嘅部分燒到好薄好焦脆 但係齋食就冇咩味 儘量連埋茄肉一齊食！好多汁水係茄子入面 所以除左調料香味仲有茄子本身嘅香甜味😙🍳厚燒玉子💰16食玉子燒一定要去串燒舖食！我就冇見過咁大、厚、粗嘅玉子燒！唔知有冇人同我一樣鍾意食厚身D冇咁多水又唔會散嘅玉子 壽司郎個隻太多水分甜得濟🥺呢隻表面似腐皮壽司 燒得焦香 咬開可以見到有四層 但係完全唔會自己散開 整體係蛋香甜味 真係一定要試呢隻！！🍗燒明太子釀雞翼💰32（2隻）雞翼係無骨狀態 入面塞滿左明太子粒 表面搽左D蜜糖所以甜甜地 但係一咬開就即刻爆餡 內裏嘅粉紅色明太子粒粒會噴出來 比較偏鹹不過都值得一試！🍣燒雞泡魚乾💰48日式居酒屋來講呢個係必叫嘅下酒菜 但係呢間港式串燒都燒得剛好！魚乾條嘅厚度可觀 唔係m記薯條個隻🤣啱啱燒出來仲係熱辣辣 咬開一小塊都好厚身 點上蛋黃醬就升級滋味啦🫣🥬燒牛油雜錦錫紙包💰42雖然係素菜 但係素菜整到咁好食都少見 一上來我地就聞到牛油嘅香味 甜甜地嘅感覺滲滿成間包房！入面有金菇 雞腗菇 冬菇同娃娃菜 帶有油脂香嘅蔬菜冇咁單調 仲令我地食多左菜🤣🍖秘制羊肩肉串💰48（2串）羊肉好大同好厚 係四方體嘅形狀 冇咩羶味 但係就略嫌肉質太實冇乜汁水🥲🍜三重芝士稻庭烏冬💰28烏冬係最後上來 雖然望落好細 但係我地都即刻鬆左啖氣🤣因為食到最尾冇可能食一大碗 呢隻烏冬真係高質D個隻 唔係打邊爐用嘅圓形 扁身嘅同時口感更佳彈牙 配上炙燒過半融嘅芝士 撈勻真係冇得頂！🍖煙肉芝士腸卷💰22一串有4粒都真係幾高性價比！出面用燒得焦脆嘅煙肉包裹著入面微微爆汁嘅芝士腸 雙重加工肉嘅組合雖然好邪惡但係都超惹味🫢🥓燒豬頸肉💰32豬頸肉一開始食唔出係豬頸嘅質感 以為係其他肉 因為佢脂肪比例唔算太高 所以冇一咬落去就噴油嘅feel 雖然係咁 但係加埋調料同肉本身有嘅肉汁 呢隻超出左一半我地對豬頸肉嘅印象 好味！🦴燒雞軟骨💰16（2串）雞軟骨正常發揮 串燒必食！🍗燒雞肉串💰14（2串）呢隻比較似donki賣個隻日式串燒雞肉 偏甜所以唔係好啱我口味 但係唔差！嗌野食個陣因為肚餓所以完全冇顧及價錢同份量 嗌左好多串 雖然食得好爽🫢但係銀包就流曬眼淚啦🤣但係呢度味道真係唔錯 香料特別唔錯！📌 大圍168串宵 (大圍)大圍積存街32號地下B號舖…查看更多

店舖原來唔單止做外賣，原來隔離道門可以上二樓堂食嘆冷氣，相當隱世。落單形式係用紙筆✅。價錢都寫曬係上面。蜜蜜燒鴨胸 $22店主推介！鴨胸唔係一片片，而係一嚿嚿。淋上蜜糖入口甜而不膩，鴨胸又燒得夠juicy，唔會好dry。鹽燒三文魚鰭 $45個鰭燒得好卜卜脆，裏面咬開有好多汁漏出來。做到外脆內軟嘅效果。好推介！燒雞中翼 $24總共有三隻。燒得好似過火左點，有少少燶同埋裏面有d乾。海鹽燒極品牛脷心 $32有三塊。都幾厚。完全唔會覺得有好韌既口感，入口即化。絕對推介！燒明太子釀雞翼 $32有兩隻。都係燒得比較乾，裏面唔夠juicy。明太子夠多，辣辣地好惹味。燒原條蒜香茄子 $38好夠蒜同調味，茄子嘅頭同尾都笑得好軟熟，完全唔會浪費咗。三重芝士燒生蠔伴薯蓉 $52/2隻好多芝士同薯蓉。個人覺得個味唔係好夾，因爲生蠔都幾juicy，d汁溝左落芝士度有d怪。好似都係同蒜蓉夾d。呢度嘅串燒整體來講都好高質，係價錢有d貴。門口夜晚可以拍車，如果抄牌店主都會通知。行大概7-8 分鐘就到地鐵站。交通都算方便。營業時間就開得遲收得夜，絕對係宵夜之選。…查看更多

🍺🍢💻久違的港式串燒！今晚自己一個食，我決定要給自己一個舒適的 “me time”🥰買串燒外賣，回家開一罐冰凍的啤酒，打開Netflix 睇套電影！🕰星期六黃昏6:45，搭緊車時，提早20-30分鐘打電話，預先落單，💲付款方式有現金、支付寶、微訊支付，其他我就唔清楚，未問到😂🥢🥢🥢🥢🥢🥢🥢隨心叫了些想試的食物，一個人共4款菜式。<燒原條蒜香茄子 $38/條>Juicy!!!重口味最愛！蒜蓉味濃，孜然味都頗重！輕鬆夾起一絲一絲的茄子肉，Shh shh 聲咁食🤭外皮的火都控制得剛好，沒有燒燶，可以連皮食，增加纖維和花青素的吸收。😆<燒牛油什錦錫紙包 $42/份>（娃娃菜，金菇，雞髀菇）Juicy!!!幾香牛油和蒜茸味，份量都幾多，可算對得住個價錢。<爆串。燒穀飼雞腎 $18/串> (下圖右)3粒雞腎，每粒切開一半咁串。都幾韌，難咬開，難咬碎，是又爽又硬，沒有期待的爽脆。<海鹽燒極品牛脷芯 $32/串> (下圖左)正常認知中好食的牛舌本是煎到入口即融，又帶點油脂和爽口。但我今次吃到的是厚切，燒得較乾身，所以沒有期待中的軟。•••••••••••••••••••••🤪可能我唔識叫，除了蔬菜，兩款燒肉串都未如理想。因為區內串燒店唔多，我猜應該都係會回頭再返去食，但下次要跟大家試其他款式 😛🕵🏻我是神秘食客，因為製作串燒時油氣比較大，對衞生要求高的朋友可能未必會接受到堂食。🤓非專業的我有個小小建議廚房的抽氣要做好啲，排出去前隔一隔油氣先，否則混濁空氣又會於大門口抽回店內，令店內的設施都鋪上油漬。…查看更多

夜晚7點先開門，已經有好多人order 。燒原條蒜香茄子，HKD 32。呢個價錢真係好抵，唔算好辣。燒牛油什錦錫紙包，HKD 38。好熱好大包，有娃娃菜、金菇、雞脾菇。之後，叫左一堆串燒。最好食係呢串 海鹽極品燒牛脷芯，只係HKD 18。入口即溶，5星推薦！燒豬花腩，HKD 18。賣相好靚，食落唔錯。燒蟹子丸，HKD 15。不過不失。燒雞肉串，係以前超級市場d來貨，唔好食的，不用叫。另外仲叫左雞軟骨同明太子燒雞翼，明太子燒雞翼幾特別，可以一試，兩款都好食！…查看更多