大員

放假出街食午餐，但想食好味既野又想健康无味精，荔枝角既大员就啱晒我要求🥰大员系一间台湾菜餐厅，食物唔添加味精主打天然健康，而依度既厨师仲系台湾人添，真正系香港都食到正宗台湾菜😋我好仲意花雕醉鸡腿卷配药膳汤面，汤底好香药材味，饮落好足料味道刚刚好，好味到我饮晒个汤底呢🤣花雕醉鸡腿啖啖肉入晒味，肉质好嫩滑！冻低糖鲜草奶茶好香滑，甜度唔会好似其他出面既奶茶咁甜到腻，但又好好饮！而朋友叫既十三香牛肉面都好好味，牛筋牛腩好入味，刀削面好好口感！阿美族烤松板猪系必叫啊！好爽口肉质超靓！手工古早味芋籖粿表面少少香脆入面软糯好正！手工肉松咸蛋黄芋饼入面既芋泥包住靓靓咸蛋黄，好想食多几只🤤茶叶蛋超流心🤤Food list🍽️十三香牛肉面 $82-是日大厨靓汤 +$8-冻低糖鲜草奶茶(跟餐送)花雕醉鸡腿卷配药膳汤面 $75-是日大厨靓汤 +$8-冻低糖鲜草奶茶(跟餐送)阿美族烤松板猪 $50手工古早味芋籖粿 $28手工肉松咸蛋黄芋饼 $13茶叶蛋 $8…查看更多

今日真汉子介绍位于荔枝角半岛大厦地下嘅「大员」，系台式餐厅，有几款素食供应。😉🍄 椒盐杏鲍菇，配前菜，白饭及饮品 $68作为素食者，椒盐杏鲍菇都食唔少啦，但呢碟系我食过最好食嘅。之前食嘅都系切块炸，但呢度就切成幼丝，薄薄咁炸咗一层。食落去首先食到好惹味嘅椒盐味，仲有啲辣辣哋嘅香脆蒜粒，好过瘾。咬到中间杏鲍菇软得嚟有少少弹牙，完全系食紧椒盐鱿鱼须嘅感觉。🐙埋单同老板讲起，原来佢哋真系想模仿椒盐鱿鱼须，所以先咁样整嘅，咁你哋真系几成功呀。👏🏻老板仲好细心，惊炸杏鲍菇比较干，送咗啲酱油膏比我送饭食。佢话台湾酱油膏一般用猪油整，但佢哋就用豆油，所以素食者可以食，不过就有蒜。我想讲个酱油膏捞白饭食真系超正，冇𩠌都可以食几碗饭。😋🍲 锅边素卤味，配前菜，白饭及饮品 $58锅边素嘅意思即系响荤食素食都有嘅菜式中，拣素食嚟食。呢个菜式个名叫锅边素，而事实佢哋个卤味汁都有煮过肉嘅，所以绝冇违反商品说明条例 😂。如果唔接受锅边素嘅素友可以略过。🚫其实个菜式嚟到，大部分𩠌都并冇汁浸住嘅，系个底有少少汁，而且啲汁都冇话好「肉感」，所以分分钟比大家去两𩠌饭店食锅边素嘅感觉仲纯净啲。🌱卖五十几蚊但完全冇将货就价，有好多𩠌包括：百页豆腐，豆干，海带结，杏鲍菇，酸菜，姜丝。酸菜食落唔太酸，但就辣得好开胃。百页豆腐软硬适中，海带结有咬口之余，调得好好味，非常好送饭。卤杏鲍菇食落凉凉哋，卤得入味而且充满麻油香，切成三角块状，所以咬落去好弹牙。☺️望落去以为系芽菜嘅姜丝，拌埋其他嘢食竟然几醒神。感觉呢个锅边素所有配料加入去都系有谂过，而唔系求其拼埋一齐咁简单。👍🏻🍜 凉拌面 $57呢个价钱未必人人一样嘅，因为视乎拣咩𩠌。素食嘅𩠌有：🥬青菜🥒青瓜丝🌽玉米粒🥚蛋丝真汉子拣咗青菜，青瓜丝同玉米粒。上枱见到有蛋丝同半只溏心蛋，我相信因为青瓜丝，蛋丝同溏心蛋系个 base 嚟嘅，如果唔食我谂可以同店员预先讲声。🙋🏻‍♂️个面份量超大，食哂饱咗成晚。面质都算几靓，咬落有少少弹牙。麻酱加咗少少醋，所以食落几开胃。呢个拌面虽然冇上面两个餐咁惊艳，但就大件夹抵食。😙呢度嘅餐大部分特色饮品都唔使加钱。同而家好多新开食肆一样，饮品系预先入好樽，虽然系咁但质素都唔错。台式餐厅必点嘅冬瓜茶有，白桃乌龙茶有，苹果泡茶亦有。佢哋仲有台式蛋饼，不过只限早餐，下午茶，同星期六日先供应。😅真汉子几欣赏佢哋开到晚上八点，因为好多工商业区类似餐厅主要做 office 客，所以好多都六点前就收铺。开到八点就更多街外客都可以试到啦。🥳…查看更多

最近喺长沙湾试咗间新开嘅台湾菜《大员》，听店员讲厨师系台湾人，难怪食物咁正宗喇😍！ 除咗我叫嘅午餐同小食，呢度仲有古早味嘅选择㗎🥰🐥 葱油手撕鸡肉饭（$62）每个套餐都有前菜，而且系全自家制嘅，每日都有机会有唔同嘅前菜，好开胃㗎🤤葱油手撕鸡肉饭份量啱啱好，调味咸香得宜又唔油😚跟餐饮品我拣咗自家制豆浆，饮得出鲜磨口感，而且仲系低糖嘅添！🐮 十三香牛肉面（$82）牛肉面一样都有前菜同饮品，今次就拣咗个自家冷泡茶：香芙苹果冷泡茶，酸酸甜甜咁🍎十三香牛肉面有牛筯腩肉，面底系粗面，但都够入味，而且汤底香辣，另外仲配咗旧辣牛油增加口感🥰 🥚 茶叶蛋 （$8）茶叶蛋系用红茶浸泡嘅糖心蛋，好正😍🍟 甘梅地瓜条 （$28）甜甜哋嘅地瓜条洒上酸甜甘梅粉好match🥰🐣 花雕醉鸡腿卷 （$55）超推呢个醉鸡！鸡肉嫩滑啖啖肉🤤🤤🐤 啤酒盐酥鸡 （$40）呢个感觉冇一般盐酥鸡咁热气，做到皮薄肉厚，啖啖肉🤭🥬 烫青菜 （$18）最后仲叫咗青菜，健康戎人选💕…查看更多

最近去咗荔枝角半岛大厦食台湾菜「大员」 餐厅主打唔用鸡粉同无味精🙌🏻非常之健康 厨师系台湾人嚟添所以系正宗台湾菜 餐厅简约有好多坐位 墙上挂咗好多幅画 而餐厅推出左全新「台式桶鸡二人餐」 两个人食非常之够 「台式桶鸡二人餐HK$278」 好抵食！有包到台式桶仔鸡配鸡油烤时蔬、前菜: 锅边素卤味、白菜同饮品🥤锅边素卤味系人气嘅台湾小吃 有海带结、百页豆腐、豆干、杏鲍菇、酸菜 口感非常丰富 𩠌饭就啱哂 豆干豆腐都唔会好咸味道较清 非常之推介台式桶仔鸡😋无鸡粉无味精同其他餐厅食嘅真系好唔同 桶仔鸡原只上热辣辣送上枱 店员会俾两对手套俾你去用手撕啲鸡肉落嚟 鸡肉非常之嫩滑 加上胡椒粉同自家制蒜头酱油膏食得非常滋味👍🏻👍🏻…查看更多

🍜「大员」餐厅主打台式风味，佢嘅手工制面仲系冇味精❗️重点系价钱亲民，份量唔足，CP值爆灯😍🐮十三番牛肉面 + 前菜 + 白桃乌龙冷泡茶 $72牛肉面汤底香浓，牛肉炆得够腍😛手工面条烟韧弹牙，配埋白桃乌龙冷泡茶，果香清新，够清爽😉花雕醉鸡腿卷配药膳汤面 + 前菜 + 冻低糖仙草奶茶 $75醉鸡腿卷酒味唔会太抢，鸡肉滑得嚟又入味😍药膳汤底温和唔燥，啱晒秋冬饮😚仙草奶茶甜度啱啱好，饮完好满足。啤酒盐酥鸡🐔 $40盐酥鸡炸得香脆，入面仲几Juicy🐷手工肉松培根蛋饼 + 茶叶蛋 + 台式饮品 $36呢个set 真系劲抵❗️蛋饼外脆内软，肉松同培根够晒香口，茶叶蛋仲系流心ga😍台式饮品可以拣奶茶、冬瓜茶、仙草茶等等，款式选择够多☺️主食加$8有大厨靓汤，今日系海带蛋花汤，唔系𠮶啲味精汤，系真材实料煲出嚟🤩…查看更多