大卡司 (擊壤路)

行街經過見到大卡司,好想飲翻杯奶茶透下！！我叫嘅系正常糖，但系甜度對於我嚟講剛剛好，唔會甜到膩口。可以感覺到呢個甜度系經過精心調配嘅，既能夠突出奶茶同椰果嘅甜味，又唔會掩蓋住佢哋本身嘅風味，就算飲完整杯都唔會覺得口乾或者好膩。椰果嘅口感QQ彈彈，好似喺口腔中跳舞咁哈哈，嚼勁十足，而且椰果吸滿咗奶茶嘅精華，咬落去嘅瞬間，奶茶嘅香濃味道同椰果本身清新嘅椰子味一齊爆發出嚟，真系好正。飲翻杯中意嘅奶茶心情都跟住變得好靚。…查看更多

試下啲未幫襯過既鋪頭，嗌左2杯卡司烤奶：加左白玉珍珠，芋頭粒，紅茶，可惜甜度只可揀少甜，因為唔想飲太甜，平時會揀半糖/微甜。好彩少甜都接受到。茶底香。芋頭粒係好棉個隻！但又食到粒粒既口感！好味道！葡萄肉超多：有啲似喜茶既配搭，有果肉，好fresh ，推薦！…查看更多

而家愈開愈多多飲品店，有時咁熱既天真係出街點都要飲番杯😙今日小編又係元朗試新野了😉唔知大家聽過/見過呢間大卡司未呢😎🧋 白玉珍珠奶茶 $22第一樣要讚既係：平！連小編中意既sharetea 都要$24了🥲 仲要愈飲個味愈水🥲反而呢間大卡司雖然只係$22，但奶茶既味超濃！（係濃到小編個晚有啲失眠🙂建議大家日頭飲好了！）飲落奶香味較重☺️ 珍珠無咩特別，幾QQ同埋甜😙😙另外，叫大杯飲品仲有細杯爆谷送🤪本身小編諗住唔要，但企係度等野飲時真係太香，唔知醜咁問左店員要番份爆谷😌係幾好食架喎😍 覺得賺了hahaha🔎評分：值得一試💯…查看更多

天氣熱，想飲杯肥仔水降吓温涼爽吓，但係喺元朗嘅大卡司就真係一般般啦......😅😅叫咗杯鮮百香茶，加椰果，而且我要求嘅係少甜少冰。佢少冰係做到，拎上手冰唔算多，但佢個少甜真係好甜......我都已經撈均咗成支之飲，但係真係由頭甜到落尾......完全冇少甜嘅feel😅😅茶味唔算濃，底下有啲百香果嘅籽，不過百香果味都突出。買大杯飲品即送爆谷一份。爆谷脆嘅，不過味道就爭啲，食落有少少焦味，真係太一般了......…查看更多

叫咗個布丁奶茶 半甜半甜都係甜，半甜剛剛好。布丁奶茶好好飲，啜到啲布丁好正價錢唔算貴，算幾唔錯烏龍奶蓋都好好飲要微糖，屋企人話好好飲😋好推薦大卡司價錢幾親民😋…查看更多

夏天一出街就出到成身汗路過手搖飲品鋪😋😋見到啲冰就抵受唔住誘惑大卡司系比較小型嘅連鎖台式飲品鋪我個人嚟講都幾鍾意奶綠嚟講個味系比較甜，😋😋但唔系好假個種飲到佢系有糖個種茉莉綠茶沖出嚟嘅好好嘅系飲完唔會有一陣酸味留系口(因為平時糖系口入面會分解做酸性嘅野)真系可以解到渴，又唔會滯。佢嘅奶蓋都幾厚，不過可能有人會覺得太甜，但我ok。依家仲有爆谷送添🤭🤭…查看更多

落左巴士好想飲杯野，就喺附近近近地買杯野🤤買左三杯珍珠奶茶，其中一杯加左奶蓋，佢奶蓋都佔左五分一杯，所以加左$6都覺得接受到。佢珍珠係用白玉，都幾有咬口，奶茶就甜左少少，味道都ok。依加買大杯就會送一份爆谷，員工都好有禮貌問我要唔要👍🏼…查看更多

位於屋企附近既呢間大卡司珍奶 一直以黎飲過好多次但係真係寫食評就係第一次！咁耐以黎試過既飲品都有好幾款 但當中我就最鐘意今次講既呢款 黑糖珠珠厚奶 微糖少甜。其他店家既黑糖系列飲品大多都係會preset甜度所以首先有得揀甜度冰度呢件事係十分加分的而呢杯既微甜對於我而言就啱啱好。。而黑糖珠珠厚奶既厚奶就係指奶蓋呢家既奶蓋相對唔係太厚身但個鹹度就啱啱好成杯飲落去唔會奶蓋還奶蓋 珍奶還珍奶咁。不過可惜呢間店既店員既態度大多時間都一般但大卡司既分店好似又唔多 只有旺角同元朗有…查看更多

可以話佢推出黑糖珠珠鮮奶係純粹為左「蹭熱度」，完全唔推介，佢黑糖珠珠鮮奶好伏下伏位：（排名不分先後）1. 黑糖佢D黑糖比起其他地方嘅比較「傑」，搞到要搖好耐先搖勻D掛杯2. 珍珠珍珠口感比較硬，有D珍珠嘅心甚至係生嘅（可能唯獨係我呢杯係咁）3. 奶雖然D奶嘅奶味好突出，但係用完個口唔知點解會發酸4. 份量佢嘅分量都好細下，唔知係唔係以為個杯寬D定係佢真係細🤔，同埋D珍珠真心少（可以加珍珠，加珍珠+$3）（以上言論只係我自己個人意見）…查看更多

元朗最老字號嘅 台式茶飲店....................Dakasi Tea， 喺元朗都有十多年歷史， 可以係到咁耐就一定有原因嘅！店舖雖小， 但出 飲品 速度亦相當之快！點了一杯 黑糖珠珠大杯裝$26原價是$29， 衰仔著住校服可以攞到學生優惠減三蚊 黑糖味道濃郁......珍珠比較煙韌有咬口， 牛奶係用維記 紅白包裝嘅......如果核黑糖珍珠係熱既就更加好！ 店員話3月25日開始做買一送一優惠， 到時又有排肥啦…查看更多

是日因為身體不適到了附近看醫生。可能人病了, 口淡淡, 想找些甜的飲品喝~剛好經過大卡司, 決定買一杯飲品解渴~看見餐牌上, 現時主打黑糖珠珠厚奶!見到人有已買了, 拿著樣子不錯的樣子, 決定買一杯試試!黑糖珠珠厚奶(大) $31整杯都是日本牛奶來的~ 牛奶濃郁香滑~底下是黑糖珍珠~珍珠口感煙韌~黑糖味濃~然後整杯的杯身都掛上了黑糖~每一口都是濃濃的黑糖味呀!喜歡黑糖的人, 一定要試!題外話: 因為它整杯都是牛奶, 其實喝完都挺飽的~本來打算去吃東西的我,喝完都不太吃得下東西了~…查看更多

咁岩經過大卡司見到近期好hit 既黑糖撞奶，而且唔使排隊，所以抱住試新野既心態試一杯，叫左大既黑糖珠珠，29蚊。杯野飲唔使2分鐘就已經到手lu唔使點等對我黎講都好重要拎野飲個陣，職員好nice 咁提醒我要搖下先再飲，仲問使唔使幫我搖好杯野飲好多黑糖，d 黑糖好似瀑布咁掛係個杯到，珍珠好重黑糖味同埋好軟綿綿，煮得岩岩好，因為我好怕食好硬既珍珠大size 比其他台式飲品店既黑糖撞奶抵飲好多，好夠喉:)值得encore:)…查看更多

昨晚我在買了飲料後員工還在聊天，沒有馬上去泡，最後員工連號碼都沒看就讀錯號碼給錯飲料我，可惜我沒馬上發現（是在回家的車上發現）不能馬上換回，請老闆多加看管，以免再次發生.…查看更多

大卡司係國產名牌，去過東門就知道行兩步就會有一間大卡司，不過唔好以為係國產野就無好野!大卡司係我飲過最好飲既苿香珍珠(天仁珍珠奶綠排第二)，但香港就只有元朗一間分店(之前有多間係千色，不過而家結埋業)，而我個人係幾接受同中意飲大卡司沖出尼既味道今次我叫左兩杯飲品分別係1. 紅豆抺茶胚芽奶蓋(唔記得左幾錢)同我最最最中意既2. 苿香奶茶加珍珠($18)紅豆抺茶胚芽奶蓋都有珍珠底，係C先生話要買尼試下。珍珠係細珍珠尼，佔了一杯三分之一，不過佢係煙煙韌韌好好咬。成杯紅豆抺茶胚芽奶蓋整體係偏甜，有好重既抺茶味，overall都係好飲既(C先生話)。我自己就繼續飲我最中意既苿香珍珠，今次飲落無咁甜味道淡左一D，但依然都係好好飲><。而大卡司既服務態度幾好(對我>3<)，收銀員有時見我諗緊買咩好就會比D提議我，而叫走冰又唔會另收一蚊同特登要你等十分鐘咁。大卡司既吸引之處係佢既味道同貢茶，天仁或者歇腳亭都好唔同，大卡司重奶味而天仁重茶味，而且大卡司沖到一種我細細個飲既珍珠奶茶味道比我，所以每次入元朗都必買，希望佢呢一間可以做到落去…查看更多

一向覺得呢d大杯台式奶茶係頂肚之選，唔想食lunch一杯搞掂。台式奶茶與港式不同之處是用奶粉泡，飲之時會感受到奶粉味道，茶膽亦唔會好似港式咁煲完又煲，所以易入口，味道唔算濃郁。嫌加糖太多，我都會叫少糖，有時少糖都已經很甜。我比較喜歡加仙草凍，即涼粉，吮入口有種爽快感。…查看更多