大勝豬扒清湯腩

態度好有問題 唔會再幫襯叫左小窩米線寫明有雪菜韭菜芽菜豬肉肥牛豬肚雲吞 拎左食左兩啖發現無雪菜韭菜芽菜 就拎去問佢 佢就咁黑面話今日無哂就唔理我 無道歉 無一早講明呢3樣係呢個米線包概餸 唔係湯底 （我食過好多次佢其他米線本身個湯底係無呢幾樣既 我都係因為好想食雪菜芽菜先叫）就好似你叫5餸麵 其中兩樣係雪菜同芽菜 佢無哂 唔講 直接收左錢然後話無哂 唔make sense如果你話我知唔好意思今日無哂頭先唔記得講 我ok 但你咁樣真係唔得 好失望 唔會再食…查看更多

潺潺人流中，突然聞到陣陣飯菜香，走進了「木馬工房」，一次過試晒幾款人氣菜式。首先點咗個大勝豬扒麵，豬扒真係又大又厚，肉嘅質感十足，麵條勁彈牙，湯底帶點酸酸地，真係激發出食欲。再點個香煎肉餅，佢隻肉餅外皮煎得脆卜卜，咬落去彈牙得嚟多肉汁，醬汁混咗煎蛋，流心蛋黃一混，撈飯真係一流。而嗰重慶一口雲吞，真係辣得嚟重麻重香，好滿足！最後杯凍蜂蜜百香果茶，清新得嚟消暑，一飲而盡。整體嚟講，呢度嘅食物真係夠曬實在，都會想再黎幾轉，試吓其他嘅好料。🍽️😊👌…查看更多

老公拍板，今次佢揀左呢間大勝豬排清湯腩（九龍灣名物）外賣，個名就好似好勁，食過先知。的確，一打開既感覺係，好大份😂😂😂，老公點左個大勝豬扒煎蛋飯（64蚊），帶兩大塊烤豬扒同一隻煎蛋，有少少鼓油伴飯，如果有埋少少蔥花就更理想，不過唔緊要，勝在豬排真係炸得好鬆軟，而肉質又保持到嫩滑，加上少少鼓油配埋個煎蛋送飯真係一流。我就叫左個香煎雞排米線配酸辣湯（56蚊），雞排切件完都有成8大塊，雞排兩邊煎得金黃，唔會過火，雞扒一d都唔會鞋口，重好嫩滑，唔會有雪藏味，但個湯就比較失色少少，雖然佢有大量既酸菜，但欠缺左辣味，呢樣扣左少少分，但整體黎講好算滿意收貨，可以回頭幫襯既。…查看更多

得寶熟食中心翻新後，周不時都會去試下。有次食左一間餐廳叫「大勝豬扒清湯腩 」，因為佢個餐廳名都用豬扒同清湯腩命名，咁我諗應該幾好食，所以就叫左一客咖哩豬扒煎蛋飯食。等左十分鐘左右，終於有得拎了！咖哩豬扒煎蛋飯 （$52 連凍檸茶)豬扒連骨非常厚肉，睇起黎好似鋸扒咁，豬扒本身有調過味，咬落去都算多汁，配上港式咖哩同煎蛋，令口感更加豐富。咖哩汁的辣度適中，不會太辣，整體而言好大份亦好滿足，下次食應該叫少飯都足夠。凍檸茶正常的好味。最後，留意到得寶呢間熟食中心所有餐廳都係用即棄餐具，如果可以轉用可重用餐具就更好了，為環保出一分力！！！…查看更多

香煎肉餅飯😇$46大勝豬扒煎蛋飯🐽$48好耐冇嚟呢個Food Court😆結果走咗入去行咗個圈😂咁啱經過呢間小店🙂有位食客拎住呢一盤勁大塊嘅肉餅😙即刻引起我嘅注意🤣走埋去問店員，呢碟嘢咩名堂😌順便叫咗一碟去試吓🙃肉餅唔算薄，真係幾足料👍即叫即煎，夠晒新鮮熱辣辣😎味道方面就中規中矩😃但勝在加入好多蔥響入面🥰之後睇到唔少人介紹佢哋嘅豬扒🤣既然響度當然要試埋啦豬扒真係好厚身，亦都好大塊👍食落唔鞋口，而且好Juicy😋相比之下，我鍾意豬扒多過肉餅🤓另外杯熱奶茶都唔錯☕️大勝豬扒清湯腩 (牛頭角)牛頭角牛頭角道3號得寶商場地下木馬工房FC01號舖…查看更多

去到牛頭角木馬工房個塊燒豬扒厚得嚟又唔會韌，真係好好食 我encore 左 3 次。建議可以叫多少少酸菜唔想食譚仔 肥仔米線 可以試下嘢飲都係正常嘅 通常我會叫咖啡 下午茶豬扒沙律都好好食 …查看更多

讚: 牛腩好諗有牛味，一大碗牛腩俾你又有菜，$54算抵，另外菜蜜好好飲no-no: 個餐寫住系湯飯，但個湯好鹹呀，味道系茶餐廳食湯河既湯底黎，撈飯食好唔鴿。另外餐廳使用即棄餐具，呢點希望可以改變啦～…查看更多

本身想去買章魚燒，看到這家以豬排命名的小店，當日正好想試試肉餅飯，就選了，加多一個太陽蛋，味道整體沒有什麼特別驚喜的地方，但是肉餅也算是煎的正好，有汁水不會太乾！…查看更多

最近，見到得寶商場開咗好多食店， 呢間店係近住入口，見到推介嘅豬扒好似幾吸引。 估唔到夜晚都可以唔使$50 ，就食到晚餐，仲有位坐。 大勝豬扒煎蛋飯 $48 包熱飲豬扒非常厚身，大大塊，口感軟腍，太陽蛋做到流心，蛋汁同豉油撈飯一流。 性價比高。肉餅、清湯腩都係店舖推介，有機會都想試下。…查看更多

YouTube 飲食男女好介紹：位於九龍灣得寶商場內Foodcourt嘅大勝豬扒清湯牛腩。肉餅飯餐價錢大眾化，肉餅薄煎好大塊，鹹香脆口，調味如配飯適中，淨食少鹹。而且生肉球顏色粉嫩，一睇就知新鮮。勁推加流心煎蛋，以蛋黃沾肉餅配飯一流，增加味道層次，入口會醇厚好多。個人唔鍾意太陽蛋嘅可要求反蛋，特別提醒唔要全熟蛋，少燶邊好正。另外，外賣咗清湯牛腩飯，南乳豬手飯，豬扒沙律茶餐返去做晚飯試匀signature items。（唔記得影相，sorr......😅）清湯腩嘅牛腩份量十足，白蘿蔔稍嫌唔夠冧但尚算清甜，湯好重胡椒味，同一般清湯腩嘅湯唔同。豬手飯老公食，但係冇乜comment。佢一直想搵返之前佢食過嘅一間台灣豬手，十分香軟入味，仲要炆到豬皮黏口。呢間似乎未達佢哋理想但係份量真係好足，見佢清盒又一大堆骨應該唔差，又抵食。豬扒沙律係下午茶餐，只需卅幾蚊，豬扒返叮都好好味，冇過鹹，肉質鬆軟，如果即場食會更香。沙律係我喜歡嘅港式薯仔蘋果沙律，啱我口味。整體價錢公道，味道都好好。呢間小店據悉曾喺美食戰場大角嘴營業多年，實力有返咁上下，下次會覆桌再去食。…查看更多

究竟有無人數度我係第幾次介紹得寶商場嘅木馬工房😆 因為呢度真係有好多好嘢食🤤今次試既係大家喺茶餐廳成日會食到嘅碟頭飯：豬扒煎蛋飯（$48）連飲品😌 我細個嗰陣係超鍾意豉油撈飯既，所以呢碟飯可以話係正中下懷🤓豬扒肥瘦嘅比例係2:8，件豬扒食落去係質感係紮實嘅，而最吸引嘅當然係訓係豬扒旁邊既流心半生熟煎蛋naaaa!!!🍳雖然試食當日撞正午餐時間，人流超多，但係我基本上彈咗唔夠10分鐘就已經有熱辣辣嘅煎蛋豬扒飯食😨 速度100分！呢個$50以內既午餐連飲品真係幾抵👍🏻 出開呢度附近，但又唔知食咩嘅，真係不妨嚟木馬工房food court行吓😎…查看更多

We ordered beef brisket soup noodles. The beef is so tender and not much fat. It is highly recommended. My husband and I feel the same. The staff is sincere and nice. The milk tea there is very famous recommended by a local person. I tried it and it is quite nice. …查看更多

德寶商場嘅food court 重新裝修後，以木馬工房為名重新開業，引進咗唔少新嘅食肆。我今日就幫襯咗大勝豬扒清湯腩。招牌菜式分別有大勝豬扒、胡椒清湯牛腩同埋手打煎肉餅。大勝豬扒煎蛋飯，豬扒厚切大塊得嚟夠哂鬆軟、醃得剛剛好，唔會太過濃味。即叫整煮、絕對唔係預覺整好。上碟嚟到埋位影埋相都仲係熱辣辣。加埋濃邊太陽蛋同埋香蔥豉油汁，食到停唔到口呀。午市時段精選飯餐送熱飲，+$2仲可以轉凍飲添，夠哂親民。👍🏻 …查看更多

好味清湯腩已經好耐都無去得寶食下嘢，之前見到food court裝修，但今日見到已經開返。仲當日見到有七間餐廳，不過我地今晚想食D有家庭感覺既菜式。香煎肉餅飯肉餅飯好耐都無食過啦，賣相好有屋企味道，將肉餅加蔥醃好左，再煎香塊肉餅，D油香散發晒出黎，落晒個飯度，個飯簡單加啲甜豉油已經好好味🤣大勝清湯牛腩個湯味道好濃又帶點胡椒味，有芫茜蔥既香味。 個牛腩幾肥，岩晒我！食落夠腍又有牛味。白蘿白同生菜做底索晒湯汁既味道，都好好食，仲有叫左杯熱檸水同凍百香味，吾錯…查看更多

我已好久未行過得寶商場，原來商場有間全新裝修嘅Foodcourt「木馬工房」，裏面有不同種類食物可供選擇，今晚好想食豬扒就試吓「大勝豬扒清湯腩」🥣大勝豬扒麵 $48小店提供三種不同嘅湯底及辣度選擇，另外可以配米線🍜或者上海麵，豬扒好大件又厚身，肉質鮮嫩多汁又入味，酸菜蔥花配上海麵、酸酸辣辣好惹味😋😋香煎肉餅🫓 $46 + $6 配煎蛋🍳手打肉餅質感彈牙，煎到外層香脆之餘，淋上甜豉油、流心蛋汁，令白飯更好味，一口一口食唔停🤚重慶一口雲吞淨食(12粒） $36麻辣湯底夠刺激，一口一隻夠過癮😘😘凍蜂蜜百香果茶（跟歺）$8/each蜂蜜潤喉，百香果酸酸甜甜，又清涼又解渴👍👍…查看更多