大力水手炸雞

营业中

休息中

機場常客每個月都去機場所以成日都食呢間炸雞，當我睇到呢間炸雞開咗喺旺角之後開心到爆炸，即刻搵埋朋友去試食啦，點知原來同機場撐好遠，可能而家新開所以人流好少啲油用完有用啦⋯一食落去完全同機場餐太遠了⋯真係好普通，不過如果機場單叫一件雞$26好食咁多嘅話寧願返機場食啦，旺角單叫件雞要$20⋯平時去機場就費事煩住人哋問拎手套啊因為機場好忙㗎嘛，或者濕紙巾，去到旺角原來都係冇⋯真心好失望，以為可以食到機場咁好味嘅炸雞⋯同幾個朋友講咗好耐好鍾意食機場的⋯

好開心！ 平時要入機場先食到！ 我真係好鐘意食Popeyes 架！ 自從係杜拜食完佢超好味小咸小甜嘅鬆餅之後！ 我成日念念不望！ 機場嘅鬆餅都無話太出色！ 但今次係旺角分店就食到啦！ 念到都好想食🤤🤤鬆餅就咁食已經好好味！ 鐘意甜食嘅朋友可以加上蜜糖👍🏿👍🏿 不過$15 一個我覺得有D貴！ 小小唔捨得！ 不過無計啦。至愛黎🤣平時食完麥記會有內疚感嘅我！ 食Popeyes 就唔會 😆 日日食可能都唔會厭！ D雞 同薯條都好好味！

夜晚10點半左右。去左呢間炸雞店買晚餐返屋企食！！我都明白就收工所以冇咩野買係正常既！！所以得返2號餐同3號餐可以選擇！！我就揀左要2個3號餐係2件炸雞🍗（一大一細，雞槌/雞亦+雞胸/下脾）+薯條🍟同埋汽水！！之後佢就話冇晒大件雞。問我1個餐比3件細雞我（雞槌/雞亦）得唔得。我諗左陣之後就搭佢。好丫。要2個3號餐。全雞槌！！咁就等左一陣就拎得。當時我冇check一check就走左!!點知返到屋企2個餐都係只有2件細雞。而唔係果位服務員咁講既每個餐都係3件細雞搞到我而家夜媽媽唔夠飽又冇野餓住訓

搭地鐵出旺角，見到有個出口連接新商場，於是就行入去。在電梯地庫有啲食店，見到一間在機場有的炸雞店，而且是很好食。抱着滿心歡喜點了炸雞餐，當店員出餐給我時，見到賣相不佳，但，都要試試。食笫一口，我無想過是乾到連副假牙都拉得出來。真的好乾，好難食。而且，薯條有些就乾，有些好油。想點呀以上是我個人睇法，在旺角店一定就無下次，要幫襯我去機場嗰間好啲.

味道好一般咁嘅價錢expect 好好食薯條好淋..好油炸雞ok但無想像中咁好食、同kfc差5多質素唔知點解食得出雞皮有d類似鹹蛋皇味🙊份量偏小可一不可再可食kfc代替

還記得小時候曾在機場吃過水手炸雞，一直念念不忘，當時覺得很好吃，但小妹之後甚少外遊，即使出遊亦無機會及時間去再試吃水手炸雞。當時身邊親友都對這家炸雞讚口不絕，所以當旺角新開的商場開了這家水手炸雞，小妹就立即衝去吃了。相比起最大型的兩家快餐店，水手炸雞menu的選擇不多。價錢亦比同行貴一點。跟朋友選了五件雞柳餐和兩件炸雞餐。薯條還算好吃的，薯身比較粗，外層脆身，脆皮厚度比平日m記的薯條厚，上面有少許黑椒調味。炸雞卻比想像中一般，雖然雞肉仍有少量雞汁鎖住令雞肉不會太乾，但味道卻不及kfc的炸雞惹味。

旺角開了間商場T.O.P，而地庫有6間星級食府包括北海道拉麵味の時計台、美國炸雞專門店大力水手Popeyes、充滿清邁風情的泰式餐廳Khaosai House，還有來自本地的鴻師傅、蓮香和小巷咖啡，最後選擇食炸雞。2件雞套餐 $48 加 $25蝦勁失望，真係又細又薄身，圖二已經係個炸雞厚度，肉極少，雞翼都係瘦，薯條有黑椒味都幾特別但係凍，蝦味道普通不太新鮮$25/6粒價錢仲可接受只可講味道的確吾錯，炸得香吾油，但吾會有下次。

終於等到市區有Popeyes炸雞！！吃Popeyes對於我來說是一個情意結，以前在紐約生活的時候，不論在家或是在學校，走五分鐘的腳程就有Popeyes，而且價格相宜，所以還蠻常吃的。在旺角這家新開的Popeyes老實說很普通，完全沒有達到我預期的水準。炸雞夠熱，但裡面肉質偏乾，外皮脆可是是硬的。牛油鬆餅又乾又硬⋯唯一可取的是薯條夠味夠熱，口感味道都不錯。我想⋯除非思鄉病很嚴重，否則應該不會吃吧⋯

知道旺角有新商場開咗，當然即刻去試吓佢哋f嘅foodcourt啦，第一時間就被Popeyes 長長嘅人龍吸引了，叫咗兩個餐一個係二件炸雞🍗配薯條，一個係爆谷蝦配薯條餐，炸雞size足夠，肉質濃郁，而且皮脆肉嫩，相反炸蝦就冇咁有驚喜，可能略鹹，掩蓋左蝦嘅鮮味，值得一讃係薯條🍟也是即炸的，所以又evil又令人忍唔到口！如果唔想食成分餐嘅話，佢哋都有散嘅雞胸雞上腿，我哋試咗＄20嘅雞胸，大大件抵食又好味！

抱住試新野既心態去睇睇呢間美國炸雞同其他有咩吾同，祈望有驚喜。叫左個3號餐，有一件雞胸，“細”全翼，一包加大左既薯條同加大左既汽水。盛惠54大元。首先講一講個炸雞黎講，佢可以揀辣同吾辣。小弟可以食少少辣，所以揀左辣既黎試試。首先食個雞胸先，一咬落去個肉質比較乾，中間部分有少少嫰肉，大細同味道還可以不過不失。細全翼大少真係有的細，肉質乾，味道尚可。薯條大小同出面M字快餐店大細差不多，係唯一可以讚既地方係口感豐富。成個餐以性價比來說不高，食一次已足夠。

很開心旺角開了一間新商場，地庫食街有得食大力水手炸雞😁😁😁平時要在機場才可食到，而家搭車出旺角就可以，太好了~yeah 🖐🏻🖐🏻🖐🏻排隊人龍都很長，我猜應該好多人都想試一下大力水手炸雞風味😋😋等候時間約10分鐘，買餐時間都好快，說好要什麼，1分鐘內可送餐給你。炸雞套餐比某大型炸雞店差不多，但炸雞味道就差很遠了。大力水手的炸雞，皮脆肉嫩😉😉肉質很juicy, 啖啖肉，連皮都唔可以錯過🤣🤣🤣。炸薯條都好好味，味道有點辣辣地，似薯角的口感，大愛啊～ 難怪咁多人幫襯，排隊都值得的😊😊

1. Second branch in Hong Kong, with the first one in the Hong Kong International Airport2. Small menu, which helps you to narrow down your choices to chicken, shrimp, mushroom rice or chicken burger3. You can choose normal or spicy for your deep fried chicken. I chose spicy and it’s real hot stuff!4. Deep fried chicken has a crispy skin; juicy, tender and spicy meat on the inside5. The fries was quite cool though, would taste even better if they are hot

今天，我在旺角行下，發現了旺角煮場，便行入去睇下。 入去時，就落去地庫睇下，便發現了一間炸雞。 但是，這 間炸雞🍗不好吃，因為炸雞又貴又小又很油（雞翼比一包茄汁小好多） 而其他雞肉都是勉強可以接受的，但是以上的雞得幾塊，就要138蚊（沒送飲品！！！）而一杯可樂大約要二十幾蚊，就算係西貢也只係要十五$。 而唯一送既只得細包茄汁五六包，不過完全用不完，因為那些雞翼雞脚都細過包茄汁！ 下次我不會再來了！因為這裡的味道差，比KFC差很多(價格&大細&味道）

旺角區好耐都無試過有新商場進駐，一開幕就即刻去視察下環境先～商場嘅basement係一個foodcourt，餐廳種類都幾多，點心中菜，台灣菜，日本拉麵，漢堡都有。拉麵有好多人排隊，而其他餐廳就無需要等位啦。以前巿區嘅快餐店來來去去都係麥當勞，kfc，近年多左姐姐勝地Jolibee。而Popeye只會係機場先可以見到佢嘅蹤影。見佢一場黎到，我就試一試佢啦～我地總共點左兩個套餐，一個係雞翼餐。套餐有六隻雞翼或雞膇，小辣。普普通通無乜特別，只係炸粉有點多。另一個餐就係雞件，基本上味道都係一樣。但雞件就炸得非常乾，完全係鞋霎霎嘅😥兩個餐最好食嘅就係薯條，好似以前哈迪斯嘅口感，不過變左直條～

下午茶經過旺角，終於可以試吓呢個咁出名嘅炸雞。之前Facebook有好多食評同廣告，都講到佢好似jolibee 一樣咁好食。但係我一打開個外賣袋就發現出事啦。第一佢執錯左辣雞俾我，睇返其他食評都有人試過俾店員執錯野，我就好食得辣嘅，不過唔好嘥野頂硬上啦。第二一咬落去就出事啦，雞皮炸漿同肉係分開哂，好多空氣。D肉又柴又乾個辣雞呢就一味得個辣字，完全無雞味。另外我試左個爆谷蝦，一樣炸漿同內分開，個皮仲要係淋嘅，唔好食，失望🙍🏿