大力水手炸雞

营业中

休息中

話說機場間Popeyes閉咗門後TOP開咗見新嘅，之前都試過佢地整得唔錯嘅炸雞。過咗段時間有股衝動好想試佢地嘅炸雞柳，所以今日午飯時間過去TOP食午飯。現場無人排隊，相信係過咗佢嘅熱潮。呢度有份2號餐，5件炸雞柳餐($58)，配中薯條同中汽水，另外加咗份普通菜絲沙律($20)同蜜糖鬆餅(特價$6，原價$15)，total $84。炸雞柳食時唔熱，已經涼到室溫。整體味道唔多，質感較乾，要點燒烤醬先多返啲水分。不過炸漿仍然小小脆，值得小小讚賞。薯條整體幾出色，炸得金黃香脆，表面嘅黑椒味道上無想像中咁突出，不過比炸雞柳好。菜絲沙律有生菜同紅蘿蔔絲，伴咗唔少質感幼滑嘅沙律醬，口感creamy味道甜同稍微算算哋，開胃得來cut下炸雞柳嘅油膩感。可惜生菜絲出咗好多水，應該係預備過程無用鹽抽走多餘水分，想食嗮份沙律的話就要用叉慢慢減啲菜出來。鬆餅焗耐咗，比平時嘅顏色更金黃，底部有啲濃，口感較乾，第一口咬落去鬆化得來碎濕濕，要點蜜糖先有啲甜味。味道上係一個字，鹹。食食下覺得有啲刺喉嘅酸味，相信係泡打粉啲酸同鹼在焗嘅過程無撈混，咁都得真係出奇。已經決定以後都唔會食呢度炸雞柳，寧願食Jollibee炸雞柳

今日行TOP商場，地庫有個food court，黎咗搵野食。揀咗呢間邪惡既大力水手炸雞食。分別叫咗兩個炸雞餐（炸雞翼、炸雞柳）除咗炸雞都叫咗個炸蝦小食。炸蝦好失望。首先原來佢好細隻下，而且食落冇乜味好雪藏feel。至於薯條就一讚，係有黑椒係面，味道就算就咁食都夠調味，炸得都好脆，好香口。主角炸雞，感覺唔算好油，味道唔錯，雞翼似脆香雞帶點微辣，雞柳啖啖肉，個人幾喜歡，外皮好鬆脆，但放耐咗唔夠熱就即刻冇咁好食，熱辣辣食先夠肉汁。

抱住滿懷希望 迎來無限失望先講野食 爆谷蝦難食 蝦肉化學加工得好犀利 好大陣鹼味。 一間炸雞店 點解唔可以好好地咁做炸雞？可以buttermilk, pickle juice 甚至唔醃 點解要用化學野搞到啲雞不倫不類？肉質食落竟然可以有橡膠的口感 驚為天人 睇到呢度 一定有人開始話我食快餐 要求多多 我成世人最中意就係食kfc嘅雞 兩間都係快餐 點解可以分別咁大呢？ 優劣係相對嘅 兩間快餐對比真係高下立見 呢間真係垃圾到難以置信 最後講服務 一間快餐可以有咩服務？ 我諗就係最低限度嘅 機械式嘅對話 幫客落單 但係有位傑出員工kris wong就加入自己嘅元素 西口西面 我完全覺得我前世欠左佢（我發誓間鋪無乜客 我行過去叫野食都係話唔該我想要..... 但係佢爆發性嘅演技即刻就開始震撼我） 無諗到我係open rice第一個食評竟然係呢間野。。。

TOP商場多野食就係人都知架啦，今次就試左下面有個food court，雖然係food court,但個味道都算ok嘅，今次就叫左個蘑菇飯配炸雞翼套餐個蘑菇飯就有少少伏，個賣相一般，而且飯又比較爛身，食落去個汁似係魚香茄子汁個種，不過好彩個炸雞翼加番分，個皮都幾脆同熱辣辣，而且可以點埋茄汁，因為個炸雞食落去有少少辣，而個茄汁甜甜酸酸咁就可以中和番👍🏻👍🏻，所以叫得大力水手炸雞🍗，就真係最好食返炸雞🍗

同朋友們一齊去 Mong Kok Top 商場food court，見倒一直好想食嘅Popeye炸雞！之後機場禁區內有一間，總係無機會試下！所以今次就算食飽都要叫兩件食下！勁鍾意食炸雞嘅我，每次去泰國都會勁食KFC，呢度嘅炸雞可以拍得住！新鮮炸起熱辣辣😋皮薄唔會太多炸粉，有少少spicy。最重要係肉質鮮嫩，食落好juicy又無雪藏味！單買都係都$16至$20一件。果然名不虛傳！另外再叫左個scone, 有啲硬又無咩果咁，可以唔洗試。我覺得佢比蜜蜂炸雞好食得多，無咁油膩，唔會食完覺得好滞咁，單件買咁食無咁有罪惡感嘛！

T.O.P.地庫有個FOOD COURT，蠻多食店的，看見幾多人都食大力水手，有D好奇，就去食啦！比起KFC/MCDONALD'S快餐，這裡的價目相對較貴，而且份量不算多。為了感覺抵食少少，我選了個與別不同的爆谷蝦餐。食物已經一早弄好，所以點餐後已經可以即時拿到。第一個感覺是覺得爆谷蝦比想像中細隻，而且太多油，下面D蝦被油浸淋了。吃下去，蝦的肉質太有冰鮮蝦的口感，蝦的胡椒粉味太濃烈，有點辣辣的，鼻水都要流出來了。要飲汽水中和一下。薯條是黑椒的，與鹽的調味夾得很好。味道是小妹喜歡的！可惜是放了一段時間，有D淋淋地，如果是新鮮炸起就會好好食了。可能預期覺得會好食過大眾的美式快餐，因此有點失望。其實炸物只要新鮮炸起，停乾D油，保持脆身，就會好好食了！

由細到大都係覺得炸雞來講係KFC最好食。直至當年去美加旅行，親戚叫咗Popeyes嘅炸雞做晚餐。仲記得嗰日係星期二，親戚話逢星期二有特價，就會買返嚟同兩個女一齊食。🍗我到嗰陣時先知，原來我真係見識少，我好食嘅美式炸雞，原來係可以炸得皮薄，而且雞皮好香，一咬落去亦有暖暖嘅肉汁。所以嗰陣時知道香港開咗Popeyes, 就即刻衝去試！ 好正，係好熟悉嘅味道啊！佢既cajun薯條亦都炸得啱啱好，我好鍾意佢嘅幼薯條連埋薯皮一齊炸。🤤🤤

行開旺中，行行下就入左黎呢個商場落到去地庫發現呢間餐廳就叫左兩個炸雞餐平時係機場上機之前有時都會食下佢，估唔到呢度都有呢度既價錢平過機場，扺呀叫左兩個餐-6件奇趣辣雞翅配奇趣薯條-2件炸雞配奇趣薯條再加多個中洋蔥圈同埋一件鬆餅🥞果6件雞翼唔係全部係雞翼黎架，如果有得揀全翼就好薯條係即時炸(我好彩),值得加分洋蔥圈個size都幾大,而且熱辣辣鬆餅只係$5一個 好重牛油味好正係兩件炸雞唔係幾入味如果唔係就滿分!

之前Popeyes只係得機場有分店，搞到平時突然想食都難！😫依家終於係市區開咗，仲要係旺角，真方便咗好多！😍-佢一直覺得佢嘅薯條同炸雞都比同類嘅快餐店出色！👍🏻我多數食2件炸雞餐(可揀原味/香辣味)，而餐嘅炸雞就可以揀1件雞胸/上腿拼1件雞鎚/雞翼，如果想2件都揀好雞胸同上腿就要加$4。啲炸雞外皮好香脆，肉亦嫩滑，有肉汁又唔會有雪藏味。薯條亦好有水準，本身已經有調味，就咁食都好好食！-不過最最最緊要嘅係一定要叫埋椰菜絲沙律！雖然有好快就出水，但都好fresh！配炸野一流，成件事即刻冇咁膩同熱氣！！🤣

中午時分，food court剛開不久，沒什麼人，繞一圈後隨意地決定吃炸雞。可供選擇的套餐不多，幸好還有幾款小食可以點，價錢與份量相比不算便宜。3號餐包括兩件炸雞、薯條和汽水，另外散點一小份爆谷蝦，蝦頗小隻，雖然不特別，脆脆辣辣的還算不錯。兩件炸雞的大小差異很誇張，撕開時熱氣馬上湧出，還會滴水（還是雞汁？看起來不像。外皮的調味同連鎖炸雞店差不多，但內裡的雞肉完全跟水煮無異，肉質也差，又乾又柴，以為是在吃減肥餐的白焯雞胸，最後受不了沒吃完，一頓下來70多塊錢但沒有很飽，不推。

Popeyes in the USA is a well known fast food chain specialising in cajun-seasoned fried chicken and other related food.Popeyes in Hong Kong is the result of an extremely interesting scientific experiment to see how dry you can get a piece of chicken. All the chicken comes from Hong Kong's premium supplier of tiny, scrawny Midget Chickens. The pieces of chicken are so small it looks like they removed them from the chicken before it even hatched. Which turns out to actually be pretty lucky, becaus

位於旺角彌敦道新商場T.O.P的大力水手炸雞，以前要到機場先有得食，依家終於可以近近地就食到炸雞餐：汽水+薯條+雞翼炸雞皮薄脆口、肉厚多汁，薯條鮮炸香口，味道唔係喊，啱啱好。

終於等到係市區開左，唔洗係機場先食到啦！呢日經過旺角，醒起大力水手炸雞開左啦！人流唔係好多，叫左個一人餐，水準一樣唔會令人失望 隻雞岩岩炸完熱辣辣，雞皮爽脆又keep得住d肉汁，一d都唔乾！薯條都好好食，都係新鮮炸完出泥

The Popeye fried chicken is a good choice for me. Actually I did not give high expectation on this restaurant at the beginning since we already have so much similar restaurants in Hong Kong. Yet, this store has changed my mind. The breakfast I ordered looks great. The fried potato balls are crispy and tasty, they are very match with ketchup. However, the sausage is small and somehow salty. For the chicken fillets , I really have to give them credits. Those chicken fillets are tender and juicy. T

呢排經過top商場 發現左呢間新嘅炸雞 上網查一查原來得機場先有 見幾特別就試一試價格大概$50左右 唔算貴又唔算太平 我叫咗奇趣雞翼餐 有六隻雞翼或者雞鎚 一個奇趣薯條同埋一杯可樂 我係加大左所有嘢 大約$60左右 因為食炸雞可以冇嘢飲 12安士我驚唔夠飲炸雞翼食落去皮好脆 有少少辣 整體來講好食過M記好多 🤤🤤🤤 記得要配埋佢嘅辣醬 如果直接食會好似唔係好夠味最特別嘅反而係佢嘅薯條 薯條食落好似薯角咁 炸得好香好脆 好食過M記好多好多好多整體來講如果有得揀我會寧願食呢間都唔食M記