大八方中國料理

一行到入去好快就有waiter搵台比我地，都無等過而且仲要安排左我地坐係近窗既位~最衰係夜晚啦，唔係既話應該望到海景架!~ 3個人叫左4個小菜，除左個咕嚕肉比較硬之外其他都幾好食，呢個咕嚕肉個味係幾好既唔會太酸又唔會太甜，就係D肉硬左D咁啦...老人家唔係幾咬到~隻燒雞真係覺得係必食!~上次黎食果陣已經覺得整得好好, 今次水準都KEEP到而且隻雞一D都唔老，個皮又脆又夠香而且價錢都唔貴$148就有半隻* 個酥炸桶蠔真係好大隻!~大到我地嘩左聲~炸完仲有咁既SIZE真係未見過 (我地見識少)~雖然蠔味唔係認真好重，不過炸皮夠薄夠脆又夠香口，咬落去都啖啖肉幾正既感覺，加埋淡淡既蠔味都幾balance既~係我比較中2重蠔腥+海水味重既，如果怕腥既不仿一試因為佢真係唔腥既=] 咁大隻蠔7隻都係$188，本人就覺得好抵~另外個龍蝦伊麵味口係比較淡，老人家 / 平時食得清淡既就好岩胃口~如果D汁再濃多少少會更加好~!整體黎講野食係唔差而且入面D人既服務態度都唔錯* 尋晚人比較多，出菜都唔算太慢~…查看更多

今曰去左影汀九橋日落景色，係青龍頭個邊食埋晚飯，睇餐牌見到有個好抵食既四人燒雞餐。酒樓裝潢好光亮，而且座位寛闊坐得舒服， 更可以望到汀九橋夜景。食物即叫即煮溫度熱烘烘咁好好味。📍重點：燒雞一隻旁邊幾檯食客既雞都一起剛剛燒起，色澤好「令」身，而且外皮香脆，雞肉暖暖的好嫩滑，味道好味過好多間酒樓。老火湯底下有湯渣，真材實料。味道有住家風味唔會過鹹，清甜解渴，我一口氣飲左2碗半。［小菜］椒鹽炸蠔：一上菜已經聞到個陣酥炸既油分味道，蠔大隻肥美； 外皮脆口而且鹹香。蒸魚： 加入熟油香蔥特別惹味，魚蒸得剛好魚肉超滑，可以一梳梳咁起，入口即溶。…查看更多

【大八方中國料理】上次帶兩老去屋企去食晚餐 發現佢地宜家個晩市4人燒雞套餐都幾抵食 為反都係每人110蚊左右😚😚 而見個脆皮燒雞係整得幾好 皮薄脆 雞肉嫩滑🐥 佢地都好滿意👍🏻老火例湯 每人飲到兩碗左右 有好多粉葛 清熱去濕 同呀媽煲個啲都好似😂潮式金沙叉燒粒炒飯個炒飯有好多料 蘿蔔乾 叉燒 芋頭絲等等 飯粒粒粒分明 都幾夠鑊氣檸檬果皮蒸海鱸魚魚肉味道都幾鮮 唔算超多骨 偏清淡既味道🐟富貴蜜盞火方第一次聽呢個名唔知咩 佢係用划包包住個蜜糖火腿同埋腐皮 食物甜甜地鹹鹹地再加脆脆嘅口感幾特別😇另外叫咗兩個小食 涼拌雞絲粉皮好鍾意食雞絲粉皮 就正正常常啦上海烤麩有少少偏鹹 整體晚市嚟講，四百幾蚊四個人即係幾抵食😆 地方都幾大…查看更多

今日去左影汀九橋日落景色，係青龍頭個邊食埋晚飯，有間「大八方」酒樓，睇餐牌見到有個好抵食既四人燒雞餐，入去休息下。酒樓裝潢好光亮，而且座位寛闊坐得舒服， 更可以望到汀九橋夜景。食物即叫即煮溫度熱烘烘咁好好味。燒雞餐：前菜自選二款燒雞一隻主菜自選兩款老火湯一窩📍重點食物：燒雞一隻旁邊幾檯食客既雞都一起剛剛燒起，色澤好「令」身，而且外皮香脆，雞肉暖暖的好嫩滑，味道好味過好多間酒樓。老火湯底下有湯渣，真材實料。味道有住家風味唔會過鹹，清甜解渴，我一口氣飲左2碗半。［小菜］椒鹽炸蠔：一上菜已經聞到個陣酥炸既油分味道，蠔大隻肥美； 外皮脆口而且鹹香。蒸魚： 加入熟油香蔥特別惹味，魚蒸得剛好魚肉超滑，可以一梳梳咁起，入口即溶。［前菜］兩款都凍凍地好開胃，而且味道調得剛好。…查看更多

脆皮燒雞 ⭐️⭐️⭐️⭐️⭐️潮式金沙叉燒粒炒飯 ⭐️⭐️⭐️⭐️⭐️西子湖熏魚 ⭐️⭐️⭐️⭐️上海烤麩 ⭐️⭐️⭐️⭐️檸檬果皮蒸海鱸魚 ⭐️⭐️⭐️⭐️⭐️酥炸台山蠔 ⭐️⭐️⭐️⭐️⭐️之前去過呢間深井嘅 大八方中國料理 飲茶覺得佢環境好好，而且點心都幾好食，最近比我見到佢出咗呢一個四人套餐，即刻要過去食下，勁抵啊！依家仲有得網上訂咗㖭！⭕️剛好一定要叫 勁大隻⭕️佢個炒飯好香唔係周圍都食到嗰種⭕️個湯超正 非常之足料啖啖魚肉⭕️仲有兩個前菜小食跟埋⭕️環境開陽可以打個靚卡⭕️燒雞非常嫩滑⭕️用料都係新鮮高質如果住深井附近嘅，你一定唔可以錯過，建議同屋企人一齊去食。…查看更多

超好味中華料理！！環境清幽～服務超有人情味！裝潢漂亮完全唔似已開業20年！難怪可以做20年！今次試左個超抵食4人餐✨2個前菜 京汁前蹄同雞絲粉皮 ，前蹄勁入味！嗰個香味係我唔食豬腳嘅朋友都覺得超好味嘅程度！粉皮好爽口比例恰到好處～好味好味～～酥炸台山蠔好鮮甜炸皮又薄～大蔥爆雙花既魷魚同花枝片都比好多而且處理得好好完全冇海鮮腥味！！最重要係脆皮燒雞 ！好酥脆！！！！潮式金沙叉燒粒炒飯！係個餐既點睛之筆～如果鐘意飲湯！一定會喜歡佢地個老火湯！！。 …查看更多

每星期都會叫佢既外賣晚餐 一至兩次因為基本上係屋苑內獨市餐廳咁滯晚市外賣紙既晚餐真係要讚下🫶🏻🫶🏻🫶🏻佢外賣晚餐紙既小炒 我至少都食過一半以上✅✅✅ 不過，最想介紹既係咕嚕肉真係勁勁勁勁正 每次叫外賣都必點！！！唔會淨係得舊炸粉 少少肉咁 佢比例完好岩再加上有紅椒黃椒做配搭酸酸甜甜 真係超好食 讚👍🏻👍🏻👍🏻仲有佢個水煮牛 都要讚！！雖然真係好辣 但真係好爽 佢d牛易咬 唔肥加芽菜好吸味 一流！！🫶🏻🫶🏻🫶🏻…查看更多

今次同家人嚟到荃灣嘅「大八方中國料理」，一嚐佢哋嘅超值燒雞四人餐，真係好開心！個餐套餐價錢唔算貴，$438就可以食到幾款唔同嘅地道中菜，份量又夠大，食咗之後仲有滿足感。老火靚例湯（細）：係開場嘅第一道，湯底清甜，滋補又唔會太膩，啱晒當日暖身。湯唔單止係解渴，仲帶住一種安心嘅味道，好似屋企人煮嘅咁。脆皮燒雞：係呢餐最吸引我嘅一部分，燒得外脆內嫩，雞皮嘅脆口感，而肉質非常嫩滑，唔會過於乾，調味都非常到位，配合埋少少鹽，食唔晒打包返屋企。另外，潮式金沙叉燒粒炒飯真係好惹味，每粒炒飯都粒粒分明，金沙嘅鹹香味配合炒飯一齊食，開胃又唔會膩。至於兩款涼拌小碟，特別係夫妻肺片，辣味適中，口感非常過癮。而雞絲粉皮都係清爽嘅選擇，好開胃。至於兩款人氣小菜，酥炸台山蠔外脆內嫩，味道濃郁；檸檬果皮蒸海鱸魚則係清新嘅選擇，海魚鮮嫩配上檸檬果皮嘅香氣，令人食得開心又唔會太重。…查看更多

青龍頭美食探險：超值燒雞套餐今天，我和朋友專程來到青龍頭用餐，這裡的湯品非常吸引，套餐的價格也極具實惠，四百幾元就能享受豐富的晚餐，真是街坊價的最佳選擇！呢度食飯，仲可以睇到好靚嘅青馬大橋海景，食飯之後喺附近行吓散步。環境非常之衛生，整潔乾淨，而且仲好寬敞，服務員都非常之有禮貌，仲好細心體貼，大部份都係老店員，令人感受到親切的氛圍，尤其是很多都是老員工，讓人倍感放心交通就需要轉乘其他小巴或巴士過嚟，自駕遊就更加方便。以下就係我叫嘅套餐，超值燒雞4人套餐$438• 脆皮燒雞（一隻）外脆內軟，而且雞肉又滑，整隻雞都甚滿咗燒烤嘅味道。• 老火靚例湯（細）今日嘅老火湯係西洋菜湯，意想不到的是加入了魚肉，令湯更加鮮甜，西洋菜更是新鮮嫩滑，這碗湯絕對是必試之選。• 潮式金沙叉燒粒炒飯這道炒飯鹹香可口，炒得乾身，師傅的功夫可見一斑，讓人食指大動我揀咗以下兩款自選嘅小食涼拌雞絲粉皮，上海烤麩以下兩款熱菜酥炸台山蠔好大隻嘅台山蠔，食一隻已經大滿足，非常之肥美又新鮮。咬落去嘅時候簡直係爆汁。富貴蜜餞火方（4件） 金華火腿的鹹香與蜜糖的甜味混合，簡直係層次感豐富。…查看更多

位於深井豪景花園, 環境雅緻、落地大玻璃, 景觀非常開揚, 飽覽青馬大橋海景, 主要提供粵式點心及中式巧手小菜及海鮮✨我們點了脆皮燒雞四人套餐 脆皮燒雞（一隻) 🐔脂肪分布較均勻, 外皮透薄不油、乾爽酥脆的雞皮、雞肉柔嫩多汁, 外皮超脆香口, 咬落脆卜卜老火靚例湯（細)花生眉豆雞腳湯, 非常足料、膠質豐富雞腳, 味道清甜滋潤潮式金沙叉燒粒炒飯🍚配料豐富有叉燒粒、炸芋頭絲、蘿卜, 飯粒很飽滿、炒得粒粒分明, 味道鹹鮮適宜涼菜涼拌雞絲粉皮色澤白皙透明、口感滑溜, 清新惹味, 作為前菜非常開胃上海烤麩是經典素涼菜, 麵筋吸滿鹹甜醬汁, 味道濃郁酥炸台山蠔炸至金黃色, 外皮酥脆、結實豐厚的蠔肉, 鮮甜飽滿富貴蜜餞火方（4件）厚薄適中餅皮夾上香甜的蜜汁火腿及香脆素方酥, 滋味鮮甜, 入口完全不油膩, 非常特別有驚喜😍套餐已包茶介及加一, 非常抵食, 整體水準高, 用料新鮮, 座位舒適、地方很寬敞, 主動加茶及收碟, 很適合一家大細、朋友聚會的好地方揸車的朋友, 可泊豪景花園停車場🅿️, 非常方便, 餐廳滿$𝟐𝟎𝟎可享有兩小時免費泊車優惠…查看更多

大八方中國料理環境舒適，寬敞的環境，配上復古吊燈，營造優雅的用餐氛圍。落地大玻璃，增添明亮的感覺，可遠眺汀九橋海景。座位舒適，適合家庭聚餐，看著藍天白雲，跟家人享受休閒的週末，十分寫意。超值燒雞4人餐$438老火靚例湯䁔胃的青紅蘿蔔湯，入口温潤，味道濃郁，散發著清甜蘿蔔香，瘦肉軟腍，火候十足，溫暖入心。脆皮燒雞（1隻）肥美的燒雞，外皮香脆，雞腿肉香嫰，肉質油潤，啖啖滋味，要舔舔咀邊的雞油。 潮式金沙叉燒粒炒飯炒飯充滿鑊氣，粒粒分明，叉燒混合著金沙的咸香，口感豐富，充滿暖笠笠的感覺。涼伴雞絲粉皮煙韌的粉皮，搭配清爽的雞絲，淋上特柔滑芝麻醬，爽脆青瓜絲口感清新，適合開胃。西子湖燻魚燻魚製作方法是油炸浸滷，把炸酥了的魚塊，放入醬汁吸味，慢慢帶焦糖甜香，味道獨特，令人回味。富貴蜜餞火方（4件）蜜餞火方是淮揚傳統名菜，用蜜汁將火腿煨至軟腍，甜而不膩，以饅頭包著由金華火腿、香脆響鈴，鹹甜滋味充斥味蕾，香甜可口，深受大人小孩喜愛。檸檬果皮蒸海鱸魚果皮清蒸的做法，保留原汁原味，海鱸魚肉質細膩，滑不溜口，慢慢澆上蒸魚豉油，鮮香滋味。…查看更多

大八方深井燒鵝酒家一間燒鵝唔好食嘅燒鵝酒家。馳名燒鵝1/5外皮燒得甘脆 但係燒鵝上配上一層厚厚的脂肪 肉質好乾 咬唔開 有點失望。燒賣4/5材料十足 蟹籽蝦仁 豬肉等等 餡料豐富。橫財就手(豬手)1/5豬手炆得好腍 但係冇乜味道 唔算太肥膩。蝦仁炒滑蛋4/5滑蛋炒得甘香唔鬆散 淡淡嘅油香會隨着蛋之間散發出。肉碎炒四季豆整體感覺太多油 唔係太惹味冇咩鑊氣。粟米斑塊 5/5魚炸得甘香唔會腥 脆卜卜配上簡易肉汁 係咁多款入邊最為推薦人均消費$150…查看更多

今晚同屋企人食飯，叫圍餐，食食下上錯菜我地同佢講返上錯。原先都冇所謂諗住照食要，點知有個好似女部長出黎話肯定我地tick 錯，仲問我地要唔要check 返張點餐表。既然你地問到當然話好，最後返到黎又冇話對唔住，只係問我地要唔要換返。食完最後埋單又係，6個大人計7個茶錢，又唔行黎睇清楚😮‍💨😮‍💨不過要讚係其他d 姐姐服務員好好人同d 前菜好食，湯好飲。埋單千二蚊，果幾個員工如果改善返d 態度可以好高分。…查看更多

店名： 大八方中國料理 地址： 深井青山公路 - 大欖段100號豪景花園商場1樓大八方中國料理隱身於青龍頭豪景花園內，坐擁180度青馬大橋海景，寫意環境伴隨美食，多年來深受街坊及捐窿捐罅嘅食家支持。🌟熱門推介：-客家紅蔥頭浸雞（半隻） $148-好芝味蒜香蝦球 $148-海派蒜泥白肉1）大八方燒鵝例 $158餐廳位於深井附近，緊係要試下出名嘅燒鵝，落單時經理好好人問我地要上庄定下庄（上庄帶翅膀部分，肉汁偏瘦，但肉比較多，下庄以腿為主，精華所在，但會較油膩少少），諗都無諗過，緊係要個下庄試試，經理無介紹錯，燒鵝皮脆肉嫩，肥美油香，鵝腿咬落去啖啖肉，啲油標晒出嚟！配埋個梅子醬一流，大家記得要試試👍👍2）海派蒜泥白肉 $65大方八嘅蒜泥白肉好正，唔似出邊食肆將蒜頭磨泥放係白肉上，而係將蒜泥磨到好Creamy，好似山藥泥咁，保留濃濃蒜蓉味味同時又好特別，白肉好滑嫩，配埋黑醋青瓜好好味，但切記蒜泥要小心，太大力攪勻，佢就會溶咗喺醋度3）好芝味蒜香蝦球 $148不愧為餐廳熱門推介菜式，師傅好手勢，芝士味超級濃郁又稠身，可以包實到每一嚿蝦球，再配埋蛋絲，非常好食，呢個時候如果有伊麵就好啦😋😋4）西芹百合炒魚塊 $118火喉足，魚肉新鮮又大嚿，食落去魚肉鮮嫩彈牙，配埋西芹同百合，入口好清新，份量十足👍👍5）蠔皇生扣翡翠鮑魚鮑魚厚身嫩滑，炆到好軟腍入味，用餐刀切開時，根本唔費力，入口時更會食到口感十足，不得不讚，西蘭花清脆嫩綠，配埋個蠔汁好好味白飯 $30晚芥 $26總價連加一（$500）…查看更多

章魚雞粒煲仔飯 ⭐️⭐️⭐️⭐️蟹籽燒賣 ⭐️⭐️⭐️⭐️檸檬果皮蒸海鱸魚 ⭐️⭐️⭐️⭐️⭐️原隻鮮蝦腸 ⭐️⭐️⭐️⭐️壽桃包 ⭐️⭐️⭐️⭐️⭐️酥炸魷魚鬚 ⭐️⭐️⭐️⭐️叉燒包 ⭐️⭐️⭐️⭐️炸春卷 ⭐️⭐️⭐️⭐️呢一間位於深井嘅隱世酒樓，令我有啲驚喜喎！最令我驚喜嘅地方，竟然係有奶茶飲呀！係我最愛嘅奶茶啊！⭕️環境好開陽好光猛好舒服仲有海景⭕️員工服務態度好又親切⭕️仲有兩個鐘免費泊車優惠⭕️壽桃包有鹹蛋黃㗎⭕️飲茶又得叫餸又得同屋企人去啱晒⭕️海鱸魚蒸得好滑好開胃⭕️價錢平民有人情味⭕️其他食物都係有返咁上下水準…查看更多