大伙頭 (已結業)

土瓜灣又一名物：豬扒包 - 豬扒皮脆，肉厚而嫩，值得一試！四十蚊，已有個豬扒包，仲可以拼生果沙律及飲品，性價比極高，真係唔駛過澳門，在土瓜灣已可以食到極有水準的豬扒包，正！…查看更多

土瓜灣有好多茶餐廳，好多間都地道又高質，今日就嚟試吓呢間叫大伙頭嘅茶記，我同另一半兩個都揀咗茶餐，沙嗲牛肉麵係正常水準茶餐廳嘅質素，不過不失。炒蛋份量幾多，呈現鮮艷嘅黃色，而且唔會太熟又唔會太生，熟到剛剛好，不過蛋味就唔係咁濃。午餐肉厚厚一片，好有誠意。我揀咗多士，備注咗想要多牛油，上台嘅時候係一片厚多士對切，牛油好似唔係特別多，但係烘到比較深色，邊角有少少焦啡色，非常之脆，個人幾鍾意，如果多啲牛油就好啦。另一半揀咗甜多士，係長方形一片嘅，食落同多士差唔多脆脆地，但係有多少少甜味。茶走就好得意，係分開上嘅，可以因應自己鍾意嘅份量倒，不過我係一個嗜甜嘅人，所以倒晒之後都未能滿足我，我有另外再落咗少少砂糖。成個早餐整體感覺幾好，就係地道茶餐廳嘅感覺，幾欣賞佢個茶餐可以揀兩款餸，而家好多剩係得炒蛋多士，如果喺附近嘅話應該會再返黎食下。…查看更多

難得的跟同事外出晚餐，要好好記錄一下到訪位於土瓜灣的茶餐廳「大伙頭」，首次到訪時看到餐廳有提供扒餐，可惜現在已不再提供了，只好點小菜-蒸魚小菜二人套餐 $188配2碗絲苗白飯及足料靚湯，奉送熱飲 (凍飲+$3)及甜品▶豉椒涼瓜黃花魚▶甜梅菜蒸肉餅▶金銀蛋肉鬆時菜煲蒸魚變炸魚有點失望，慶幸味道還不錯；梅菜蒸肉餅有驚喜，肉餅嫩滑彈牙，調味剛好；金銀蛋時菜上湯清甜，發揮正常-鮮雞小菜二人套餐 $168配2碗絲苗白飯及足料靚湯，奉送熱飲 (凍飲+$3)及甜品▶例牌霸皇雞▶蝦仁炒滑蛋▶魚香茄子煲霸皇雞雞味欠奉，肉質偏韌；蝦仁炒蛋蛋香全無，蝦仁大隻爽口；魚香茄子煲富鑊氣好惹味，惟略嫌偏油膩-店員服務較冷淡，有待改善，而且最後並沒有奉上甜品，扣分！…查看更多

來土瓜灣上堂, 唔想食連鎖店, 想食小店, 比我行到依度, QR code落單, 選擇也多, 我叫人薑絲豬潤配通粉, 見包都有好多選擇, 我叫左左麥多士, 餐肉, 烚蛋, 熱央! 麥多士淋左d, 不過味道可以, 烚蛋只蛋好香, 餐肉乾左d, 央就正常味道, 唔會太苦😅, 最正係薑絲豬潤通粉, d湯夠熱, 豬潤厚又爽脆, 好食, 不過我覺得多士可以比少一塊, 早餐收平d…查看更多

話說我今日係到食個早餐，咁落單前就打算電子落單。但電子落單冇花生醬多士冇走牛油及另加烘底。我就立即向侍應落單，待應立即顯得不耐煩（確實電子下單不夠全面），到餐首先冇走牛油，第二次就冇烘到底。我地都向待應查詢，佢就用極為散慢的態度，幫我跟換。結果牛油走左，但最後都冇烘底，（再詢問待應佢又聲稱有烘底）烘底同正常面包會顯得乾身，佢面包仲係軟，簡直當食客傻，好我就將就下。到埋單果時我有幾張d儲印仔既卡，要求店員整合。其女收銀員話冇得整合，但我過往食晚市他們都有將其整合。下一句就用質問我的態度問我邊個幫我整合，佢要罰錢$50蚊之類（佢應該講佢員工內部守則整合要罰錢），但首先作為一個食客係唔會知你任何員工守則。佢都極為企硬以及不作出不友善的態度（真分儲夠10個印先減小小錢）仲要受你氣，如果咁唔鍾意人支持你間餐廳，取消你個計劃丫，你將你員工守則放在客戶身上，好似客戶找你麻煩似的。結果呢間餐廳員工令我感覺無下次，一般食物，態度極差。（一直支持的老顧客，透徹的感受）。bye bye 土瓜灣大x頭…查看更多

話說我同我嘅同事都好耐無響土瓜灣大伙頭食早餐，今次話想食返次久違嘅大伙頭早餐，回味下往事（佢幾年前都仲係住土瓜灣嘅）。我就叫左個歐陸魚柳餐，佢就嗌左個常餐額外加$6薯餅。我哋係用手提電話電子下單...咁張單都係分開兩欄列明我哋食咩嘅。然後佢嘅餐嚟先，未見薯餅響碟，咁我話應該另上薯餅俾佢。之後我個歐陸早餐都上左枱，我碟嘢有兩個3角薯餅。進食左一陣，然後我食緊第一塊薯餅個陣，就嗌咗個男侍應，問問我同事另加$6嘅薯餅會幾時有...個男侍應竟然話：「塊薯餅出左啦，咪上左係歐陸個碟度！」我就回覆：「吓，但係我個同事嘅餐另加架喎！」個男侍應好理所當然話：「歐陸早餐得一塊薯餅，你碟上有兩塊，其中一塊就係另加個塊嚟！」我開始著：「張單都好清楚係邊個餐加嘅薯餅，點可以加落唔係order個食客個餐碟度就當加左架？」男侍應續說：「係，張單係分開邊個餐加薯餅，但可能係廚房一時無為意，見係同一張枱，咪將薯餅放埋一齊。」我無再答落去。我非常不滿咁樣去同個食客解釋...如果照佢講，咁唔將兩個餐撈埋一盤上菜，係同一枱。佢完全無諗過解決問題，亦都無理客人感受...將人哋order嘅食物放係另一個食客個餐度，我未食另外個件薯餅啫，兼我同事唔介意我已經食緊個碟上去拎返個件原本屬於佢嘅薯餅啫！咁樣嘅做法同解釋，真係唔得喎～我又無渠道投訴佢，只好透過openrice去講呢件事。如果我一個就唔會再幫襯。P.S.: 我個同事好似無乜所謂，反之我係執著嗰個，消費者唔係大晒，但今次唔係無理取鬧。而且，塊薯餅係要另加$6先有嘅，點可以以咁嘅方式敷衍食客？…查看更多

今日去咗土瓜灣大伙頭食早餐。.餐廳用QR code落單，比較方便，可以慢慢揀冇壓力。.揀咗炸魚柳米粉配煙肉蛋，熱奶茶，可以點選分開上，炸魚柳就唔使擺落米粉度。炸魚柳新鮮熱辣辣。.另外一個豬扒麵配火腿蛋，都係飲熱奶茶。香煎豬扒幾大塊，份量足夠。.早餐有好多款選擇，價錢都唔算貴。記得以前用QR code落單有折，而家就冇咗。.相比起其他附近嘅茶餐廳，人比較少，可能因為附近開咗太多新嘅茶餐廳，有好多選擇。.服務就唔講得上，水同餐具都係自助，上菜速度有少少慢，不過都好，即係新鮮做。…查看更多

今日一家人去大伙頭食下午茶，食到一肚氣。3點03下單，食物到齊，食晒食物啲飲品都未來齊。催促左6次，結果3點25分先到飲品。食物質素一般，不過不失，但漏單又唔跟進呢下真的太惡劣，永不會再光顧。…查看更多

🐷豬潤麵點至喺深水埗食到😋個個人都認為食豬膶麵喺深水埗先係王道，其實土瓜灣早餐都有一間好出名嘅豬膶麵🍜*餐廳環境衛生*餐廳入邊可以容納20台左右，有二人或者四人座位，裝修新穎，唔似古舊嘅茶餐廳，乾淨企理寬躺🤩坐落去都好舒服⭐️⭐️*食物貌相味道*因為好多茶餐廳多數都係腸蛋麵、鮑魚絲通粉、沙嗲牛公仔麵、五香玉丁米粉。。所以見到呢一間冰室個名好特別，就入去試一試💥出乎意料！竟然有豬膶麵食🐷🍜薑絲豬潤公仔麵($38)早餐來講，$38係呢個時期都好合理！首先講一講個湯底，有濃烈嘅薑絲同豬潤味度，早上食一食薑絲，可以暖一暖胃，豬潤有四舊，好厚，完全無生根，易咬‼️‼️公仔麵就係普通麵，不過如果有啲要求，可以加錢轉出前一丁🤤🤤🤤個餐除咗有公仔麵🍜，仲有可以配搭黑糖麥包，普通方包同埋多士🍞，我最欣賞佢可以免費配搭黑糖麵包，雖然冇西餐廳嗰隻咁好食，但係比起其他茶餐廳已經係勝過一級🍞🥖之後仲可以配撘多兩個餸，我就揀咗火腿🍖同煎蛋🍳因為有啲肚餓，我再加多左塊薯餅，薯餅炸到金黃色，脆卜卜‼️新鮮熱辣♨️記住食之前要攤凍⚠️⚠️⚠️*服務質素*餐廳用QR code落單‼️非常簡單方便。但可能因為早餐時段太多人，製作食物比較長時間，起碼等咗10分鐘以上⏰如果加快速度會更好✨✨…查看更多

趕時間又唔知食乜好路過大伙頭見有D人食 所以試一試點咗常餐 香煎豬扒拼腸仔煎蛋轉出前一丁腸仔煎蛋正正常常豬扒size合理,算ok厚切,食落都有D咬口唔係霉滋滋果隻環境算清潔服務:正常茶記水平…查看更多

每次早餐時段都爆多人既一間餐廳堂食 總會見到餐廳員工都好忙今次早餐 比較趕急 所以選擇咗外賣🥡外賣🥡細心已分湯沙嗲牛肉米粉其實沙嗲汁可以 😌 牛肉一般 咬口比較硬但米粉出色 浸湯如果比較耐都唔會過淋仲好爽口 所以每次都會叫米粉配炒蛋腸仔有時候炒蛋會太水今次好左d😌腸仔今次改用廚司腸🥳平時係豬肉腸 仲好細條 味道怪😆佢哋早餐 其實最吸引係厚多士仲要係共2塊食完佢哋既厚多士 滿足晒☺️熱奶茶 ☕️茶底比較一般有時太苦少奶 有時又會多奶如果奶茶改善下佢哋既早餐算合格啦😌…查看更多

之前到此店食早餐，十分滿意，因為選擇多，種類特別，十分個性化，今日再度光臨，花了差不多20分鐘手機點餐，點了沙嗲牛肉麵，跟黑糖麥包多士，腸仔太陽蛋；另一份鮮茄叉燒通粉，黑糖多事，烚蛋及火腿。麵級通粉先到，沙嗲牛肉份量足，味道可以。叉燒通粉，叉燒不過不失，但蕃茄湯底過咸。之後再上蛋及多士，記得之前選項中有芫荽炒蛋，但現在沒有了。至於檸茶及茶走，記得之前選項中可以煉奶花奶另上，現在只可以煉奶另上！感覺就是價錢貴了，選擇少了，味道出事了。…查看更多

疫情關係，食肆都冇乜選擇，今朝就試吓呢間大伙頭既早餐，叫咗一份煙肉蛋通粉+多士，以為好精心製作要等成35分鐘先拎到，點知，塊煙肉勁細，通粉個湯底仲要好鬼鹹，真係令人失望！…查看更多

看到服务員疫情下也保持笑容，謝謝你们！食物很好，扺食！d下午茶超水準，40蚊食到人地50元以上水準，香港需要有心嘅茶餐廳！魔鬼西多士如果能夠有番就好囉，食到停不了，其他地方食唔到！…查看更多

現在晚市禁堂食，我在這裏外賣自取，買了一個蒸倉魚套餐。 而我從8時18分下單，到了晚上九點零八分才可以攞， 等了足足五十分鐘， 餐單是寫明了需要等十八分鐘，但是我等了完整五十分鐘，就算弄好第一個倉魚套餐再弄第二個倉魚套餐都綽綽有餘。 只為求賺錢，就算漏單都不跟客人說一聲，我企在那裏 那麼久，他沒有跟我說過一句。而且在等單過程中， 畀夥記一腳踩落隻腳度。 成隻鞋嘅腳印喺隻白色鞋上面， 一句對唔住都冇。 永遠唔會再幫襯呢間垃圾餐廳。人生第一次寫劣評，終於明白餐廳的其他顧客是何等憤怒，才會浪費時間，用那麼多時間去寫200字給劣評！…查看更多