大伙頭傅二代 (已易手)

Black店！下午茶2:50-5:30pm, 如果叫下午茶鮮油多士一定要叫「魔鬼鮮油多士」，不能叫「鮮油多」，否則收正價時段$27，侍應話「魔鬼」有煉奶和牛油，但鮮油多只有牛油，之前已經幫襯過兩次，多士size是相同的，侍應沒有任何提醒就落咗正價時段，離譜！一分係比塊牛油嘅！…查看更多

之前裝修了一段時間, 最近重新試業, 價錢貴了起碼30%, 但份量細咗好多, 以常餐為例, 炒蛋只是以前的一半！服務水準更可以說是非常差, 侍應好似全部新手, 落單又唔識, 擺位又唔識, 帶位又唔識,  落單唔係落漏又計錯數,  催多兩催又手騰腳震, 食完一肚氣, 就算正式開業都唔會再去…查看更多

開業食到現在，呢間係土瓜灣最有水準嘅早餐👍經理服務態度嚴重欠佳，口黑面黑好似殺佢全家一樣。今日 11：23分，入門口就同我講「做唔切冇早餐食」😱 從未去過一間餐廳係會咁樣做生意理論完一輪都係冇結果，最後要逼我去咗翠華。上早期都差不多，10時半入去就畀人趕出嚟好冇禮貌叫我哋出去等... 人又唔多..天呀，又要你出去食二手煙😔呢啲事以前從未發生過，唔通間舖頭賣咗畀人？點解玩咗經理可以將成間鋪頭變得咁差呢？…查看更多

明知是日上班會俾人照肺，早啲起身，食個豐富早餐，等自己有個靚心情先啦，我忍我忍我忍忍忍...呢間餐廳係屋企附近，已經幫襯過無數次～平時假日都會黎食個靚早餐或者下午茶，性價比唔錯架～我地一行3人，都係叫常餐。牛油多士：面包比較厚身，有塗滿牛油，咬落好脆身好香雖然相比起開店初期，個多士已經薄身左好多，以前真係厚多士黎，可惜可惜。炒蛋：夠滑身亦有蛋香有滿滿既五香肉丁，面都爽，唔會好爛意粉都係偏向硬身啲蕃茄湯夠濃郁，豬潤都爽身,但如果蕃茄味再濃啲就更好～食物既份量都好大碟，成個餐食晒，可以飽到中午～但係餐廳冷氣就有啲唔夠涼，不過店員都自動feel到我地有啲熱，較大左個坐地風扇～但都係愈食愈熱，哈…查看更多

半年前留言讚賞過他們入單時可輸入走飲筒，是推動環保的好行動。但今早幫襯，卻發現客人需自行填紙選擇食物，一個歺必需填寫一張。我企圖嘗試照樣呼換侍應生直接入單，但她也是需要填寫該張紙。咁我唯有都係自己填啦。另外，熱飲匙是用膠匙。未知道是洗唔切，定已轉用膠匙。為了為環保盡一點綿力，我唯有少幫襯，可用少一張紙，少個膠匙啦。食物價錢方面，我發現早歺價錢平過半年前，質素還算保持到，但多士無咁鬆脆。希望歺廳能幫手推動環保。…查看更多

今日放假,過左土瓜灣探望親友, 平時過土瓜灣都很少行過這條行, 記得朋友說過這家茶記都幾好,便去一試!門口都有位坐方便吸煙人士,非常貼心,今日入到去坐位都算多和寬闊舒適,都很不錯坐下來看餐牌, 有好多美食由於未食早餐;我好急不及待,點左午餐A牛腩好冧,味道唔會好濃,食物唔會落太多醬汁,份量都足夠一個人食而我朋友就點了all day breakfast,叉燒米粉配煎蛋煙肉有煎蛋煙肉及多士,賣相好美觀好豐富既餐, 叉燒每舊好冧好好味,應該是自家制整體來說,服務員的態度有代改進,食物質素是可以的,有機會會再光顧的餐廳!…查看更多

途經土瓜灣又見肚餓梗係要搵嘢食醫肚啦！但要搵個地方可以睇住架車真係唔容易呀🤷‍♂️假如又價廉物美簡直係無得彈！！！兜左陣圈終於坐低左主要係因為價錢平而望到車👍餐牌簡簡單單下午茶有兩頁我地分別叫左雞翼烚蛋出前一丁🍜仲有星洲炒米🍤再加兩杯凍奶茶加加埋埋都係$66!!凍奶茶大大杯👍等左10分鐘星洲炒米就到啦👍👍👍$30價錢都算幾大碟而且炒得好香😋出前一丁本身應該無咩特別但竟然驚喜係隻雞翼用左七味粉煎好香口👍好有心 值得一讚！…查看更多

星期日當然要睡到自然醒嚕🤤而且還可以以下午茶餐代替午餐👍🏻價錢亦相對便宜❤️但很難找到一間又平又正常份量的在整車期間🤦🏻‍♀️無意中發現了這茶餐廳😏點了茶餐廳式all day breakfast😂😂多士是厚厚的❤️❤️重點是配蕃茄牛肉通雖然比不上上環有名的那一間但絕對比上不足 比下有餘👍🏻令我喜出望外的是！！！！肉絲炒麵😱😱😱😱😱是鐵板上的！！！ 太有誠意了吧😍才$34 而且份量一點也不少👍🏻👍🏻…查看更多

欣賞終於見到有間餐廳打單有得入"走入筒"。👍🏼👏🏽👏🏽👏🏽👏🏽👏🏽雖然最後有一杯走咗，一杯冇走；一杯"甜"都幫我走埋😅。不過，我都好欣賞Li 個action，點都係一個好開始。Good job!!!!!繼續努力......…查看更多

話說去土瓜灣附近放狗 見到有間餐廳可以和毛孩一齊坐露天位坐係度食坐低之後 見桌面有個呼叫制明明係室外都聽到個制有著聲但只見樓面既員工在發呆當時是下午茶叫左既野食有薑汁牛肉麵 鮮茄肉丁通粉薑汁和鮮茄都不太出平平無奇等於叫了清湯牛肉和肉丁通粉重點是非常咸和麵到既時候糊糊地：加上餐廳對狗狗的態度十分不友善餐廳環境一般煙油會直接排到街上所以如果坐露天位置便會在煙霧離漫嘅情況之下進食外加一句可能心態影響境界所以直接已經對餐廳有負評大家可以儘管來試試一個字 伏唯一可以讚嘅係冇收錯錢…查看更多

11:30後收42蚊的全日經典早餐（11:30前34蚊），請問係咪人地食唔哂的拎黎俾人食？好唔開胃囉仲要塊魚柳大到呢！蛋仲送蛋殻tim! 小朋友或者食得飽，但大人點飽呀？！我唔明白大伙頭點解變成咁，價錢愈黎愈貴，但份量愈黎愈唔make sense，嘢食愈黎愈唔好食? 好失望好嬲！以前成日幫襯，但自從2016年下半年後，轉左menu, 就開始變差...茶餐廳最基本的早餐都可以咁樣衰！點解呀？希望可以有改善！…查看更多

呢間食肆有個奇怪的名字，完全聯想唔到係一間茶餐廳。今晚又要自己一個人食飯，所以叫了一個生炒排骨晚餐。鴛鴦－完全沒有咖啡味，只有茶的苦澀味，好奇怪地用膠羹，咁唔環保㗎😱😱😱西湯－羅宋湯，開始飲只是感覺有些咸和酸，越飲就越咸，可能落了太多鹽😂😂😂，我諗如果唔係太咸可能幾好飲，因為它的材料都好足夠的。生炒排骨－酸甜味道都算可以，排骨係骨排唔係肉排，唔係半肥瘦，當然唔係咁好食。我可能會再來試試其他野食。唯一可取係有幾張枱係外面行人路旁，可以給客人抽煙，另外有些養狗人士都喜歡坐在這𥚃，因為寵物可以坐在旁邊。…查看更多

【2016 年 11 月 27 日】早排天氣凍，最想食個暖胃的醒晨早餐 ... 牛油多士 + 香滑炒蛋 + 煎煙肉 + 港式奶茶 ... 配埋個薑絲豬潤通粉 ... 咁就真是大滿足 !!! 豬潤無腥味，湯底又夠薑 ... 雖然個薑絲豬潤通粉無深水埗維記粉麵咁出色 但是一早起身，就近食到咁的水準都唔錯的喇 !!! 牛油多士唔個薄薄的，但又唔算好 烘到微焦的上枱仲暖笠笠，牛油仲好均勻的溶了在多士上，食落去外面香口裡面又鬆軟 不過，咁邪惡的豬潤通不可以成日食 仲可以換其它早餐配搭 ... 換個薑絲牛肉通就健康點了** 以上分享是以我的口味、喜好和情況作出分享及感受，一試 / 合用與否請自行決定…查看更多

送過大姨一家離開，日常生活一切回復正常。五時多班機離港，一家人送機後當然要出外開飯，巴士剛好經過土瓜灣，就落車隨便找個地方落腳....自從在土記出走之後就沒有來光顧過。聽太太說她每次路過時都有很多人在內用膳，其受歡迎度似乎比旁邊的名牌茶記有得揮....難道東西真的比剛開業時大有進境了 ?很可惜，試過後發現答案是絕對否定的....光喝那碗所謂的例湯，味精多得好像不用錢似的....一向奄尖的岳父大人，喝了一口後就大皺眉頭....同樣的情況亦出現在那所謂的花膠雞煲。湯頭同是一大窩的味精水；花膠是碎濕濕的份量極小；雞肉是老柴得韌到咬不動....蝦米蒜子肉碎紹菜的情形好像好一點，起碼紹菜炆煑得夠軟淰因而甜度盡出；芹菜的存在令菜香更形突出....煎肉餅雖是店內的招牌但咬下去質感鬆散之餘味又同是鹹到暈。食嘢一向偏重口味的我也真頂它唔住，只食了一件就放棄....最後的梅膏骨酸咪咪的頗令人開胃；一字排肉本身算是夠軟熟的....這可是在一眾菜式中算屬能放心入口的....真的難以理解為何這兒會有如此多人如此人山人海....小弟無論如何也絕不會再來的了....…查看更多

今天放學以後的時間還算多沒有吃午餐的關係就在學校附近一帶找東西醫肚因減肥的關係都不敢吃太多很甜的食物但這間餐廳的西多士外貌很可愛因此.......減肥還是明天才減吧下午茶時間人也比較少所以不用等就有位置了從點餐到食物到的時間也算快吐司外皮金黃色 上面淋上糖漿還有正在融化的牛油好罪惡😭😭😭😭但是也不錯吃 只是吃的時候不要沾太多的糖漿和牛油就是了多士很鬆軟 很好吃 很少吃到外面脆而裡面是鬆軟的多士！…查看更多