夜蝶

終於有機會試到全城熱話，一位難求的左口魚煲仔飯😍果然沒有令我失望(ᴗ͈ˬᴗ͈⸝⸝)⭐️韓式生牛肉他他 $168店員有介紹過這是屬於較重口味的前菜，果然！生牛肉混和了鵪鶉蛋液份外滑溜，吃到韓式辣醬的辣、蘋果和風汁的甜，甜甜辣辣的味道十分濃郁，什至乎稍為蓋過了牛肉的鮮味，有感可惜😢獨特的西米脆餅口感清脆，帶墨魚汁的香氣，記得要趁熱食！🌟蜜柑鯛 $208白身鯛魚肉質本是清甜，加入了三文魚籽大大起了提鮮的作用；而蜜柑的果皮和土佐醋凍帶來清新的對比和酸甜度🍊最欣賞主廚用了「湯引」的方法處理魚皮部份，令魚皮更有彈性更有咬口，必叫🙌🏻🌟紅蝦紫菜夾餅 $108紫菜天婦羅十分脆卜卜，盛載著微溫的飯粒和大量滑溜鮮甜的紅蝦🦐雖不見蝦頭，卻充滿蝦膏的香氣，原來蝦膏早已用細火焦糖化的方式融入蝦油❣️加上柚子酸汁、三文魚籽和魚子醬，盡是海洋的鮮味(ॢ˘͈ㅂ˘͈ ॢ)🌟炸和牛波波 $98波波的外皮薄脆，輕輕細咬還是免不了肉汁噴射出來🙈難怪店員溫馨提示要小心食用❗️波波內裏的免治和牛肉質軟熟，香氣十足，滿滿肉汁之餘又有牛味，果然是招牌之一👍🏻🌟韓式燒牛舌心 $148牛舌十分軟嫩彈牙，外皮帶微焦香，而且吃到果甜味😋個人覺得比同區早前大熱的居酒屋更出色；伴碟的泡菜韮菜都好特別，有辣勁同時食到韮菜的香氣，仲幾有咬口添ദ്ദി ˃ ᵕ ˂ )🌟左口魚煲仔飯 $238終於來到戲肉，就是傳說中的左口魚煲仔飯！廚師端上枱介紹後，便會揭蓋淋上豉油，撈一撈後便會到後台為客人分成兩大半碗🤤炙燒過的左口魚香氣撲鼻，入口軟滑又肥美🤎用上北海道的七星米，每粒軟熟又豐盈飽滿的飯粒都充份吃到魚油香ჱ̒⸝⸝•̀֊•́⸝⸝)間唔中還吃到香脆但不會難消化的飯焦，與噗吱噗吱在口腔爆發鮮甜味道的三文魚籽和黑魚子形成多重豐富的口感，確實令不愛吃飯的我都好想添多碗飯( ♥︎ᴗ♥︎ )雖然坊間有好多仿效嘅食譜，不過我認為佢最特別嘅地方係用咗自家製酸酸甜甜的梅子豉油，加上有馬山椒的微麻感，大大中和了左口魚的肥膩感，還多添了一陣清新的香氣🥰真係冇得輸.ᐟ.ᐟ⭐️焙茶雪糕配玫瑰蝴蝶酥 $88玫瑰蝴蝶酥正正常常；雪糕有焙茶香，唔算奶味好重，口感偏向似雪芭；底底墊了曲奇餅碎，整體可以啦👌🏻/由於我唔飲酒，所以閨密都陪我一齊飲茶冇額外酒水，二人消費連加一合共$1335.4，個人認為價錢與質素相稱🙂‍↕️餐廳服務十分親切殷勤，會詳細介紹餐牌和細心地不斷添茶，主廚也會關心食物啱唔啱胃口。而當晚大部分嘅菜式都好啱我哋口味，尤其煲仔飯令人回味無窮！會想再encore，也誠意推介大家試試原創的味道🫶🏻…查看更多

一試近排好hit嘅餐廳🤩🔥🐟刺身 深海池魚𝙎𝙝𝙞𝙢𝙖𝙖𝙟𝙞食落有少少酸酸地嘅味 配埋秋葵同青瓜粒食好fresh🐂韓式生牛肉他他𝘽𝙚𝙚𝙛 𝙏𝙖𝙧𝙩𝙖𝙧𝙚 食落係韓式甜辣醬嘅味 但唔辣嘅 偏濃味所以配埋sago chips食就啱啱好😋🌮海膽拖羅紫菜夾餅𝘿𝙚𝙡𝙪𝙭𝙚紫菜用天婦羅方式炸 好香好脆🤤海膽都好新鮮 食落無腥臭味🍲左口魚煲仔飯𝙀𝙣𝙜𝙖𝙬𝙖 𝘾𝙡𝙖𝙮𝙥𝙤𝙩 𝙍𝙞𝙘𝙚推薦!! 店員一打開已經好香 燒過嘅左口魚入口即融 好香魚油 仲有啲飯焦脆脆地 口感再升級🙈🍜雪濃牛白湯麵（一人前）𝙎𝙪𝙡𝙡𝙪𝙣𝙜(𝙛𝙤𝙧 𝙤𝙣𝙚)牛骨湯係經過72小時燉煮 夠晒香濃〰️🍸香印提子cocktail 🍸水蜜桃cocktail 水蜜桃係off menu嘅 視乎當日店舖嘅供應可以揀vodka/gin base亦都可以自己決定比例〰️整體黎講係值得一試！食物質素唔差 價錢偏貴🙂‍↕️…查看更多

利申 唔係打手都唔係Foodie🤣朋友介紹去呢間度食招牌菜「左口魚煲仔飯 」食咗第一啖終於知道點解係招牌菜！啲左口魚入口即溶 加埋啲飯焦同埋醬汁嘅配搭，簡直係人間美食仲有其他菜式，都係一樣好食到暈，本人都比較鍾意飲湯，有個牛白湯面，佢個牛骨湯底係經過72小時燉煮，會有一壺湯自己倒落去個面度，然後個面會有啲生牛肉，倒落面度嘅湯同埋喺壼度嘅湯係兩種味道，都係好好味道，所以我哋係將個湯飲晒每一份嘅份量唔算多，所以可以試到多啲菜式，如果要揀一套MVP嘅菜式，我真係揀唔到，因為樣樣都真心好好食🤣🤣服務都係比夠200分，staff 都好細心幫我哋分嘢食，然後又每一道菜上嘅時候都會介紹…查看更多

朋友好叻地book到呢間人氣嘅餐廳由waiting list到confirm booking已經超期待有幾位員工好值得讚 服務貼心見我哋有帶花會主動提供協助𐙚⋆˚韓式生牛肉他他 $178(9/10)𐙚⋆˚炸和牛波波 $98(8/10)𐙚⋆˚左口魚煲仔飯 $238(9.5/10)𐙚⋆˚焙茶雪糕配玫瑰蝴蝶酥 $88(7/10)𐙚⋆˚韓風陽光香印提子與柚子琴蕾 $220(8.5/10)𐙚⋆˚喜馬拉雅山麓大吉嶺紅茶琴蕾 $185(8.5/10)雖然價錢偏貴 但比起唔少fine dining餐廳更值生牛肉他他富麻油香 辣度過癮招牌左口魚柔軟至無須咀嚼 油脂豐美煲仔飯佐秘製醬汁 梅子酸畫龍點睛甜品係唯一失色位 茶韻未夠悠長蝴蝶酥脆度較弱最驚喜係兩杯Cocktails 非常順口特別係紅茶款香味猶如伯爵茶 同Gin好夾…查看更多

早係一個月之前，已經book咗位，因為佢都實在太full。今晚一行三人去試呢一間喺網上好多人宣傳嘅餐廳。頭盤叫咗蜜柑鯛魚，魚肉鮮甜配上蜜柑汁，非常清新。另外叫咗韓式生牛肉他他配上西米脆片，牛肉新鮮，配埋韓式辣醬，味道帶少少酸，非常開胃。小食方面，就叫咗炸和牛波波，口感其實似可樂餅，不過係迷你版。另外叫咗韓式燒羊頸，羊肉味非常之濃，所以配埋紫蘇葉會比較好食。另外，職員推介紅蝦紫菜夾餅同海膽拖羅紫菜夾餅。比較喜歡食膏嘅人，比較推薦紅蝦嗰款。最後當然係必食嘅左口魚煲，魚油味非常之濃，連埋飯焦一齊食，非常惹味。仲有今晚特別推介嘅冷麵，但棉質偏硬。整體嚟講，價錢OK ，食物質素都唔錯。唯一唔好就係要好早之前預約先有得食。…查看更多

最近去咗一間日系fusion嘅餐廳，整體食物質素唔錯，味道幾有誠意，食材配搭都幾有新意。不過比較細份，適合想輕鬆試下多款菜式嘅朋友。🍚 左口魚煲仔飯煲仔飯一上枱已經聞到好香，都做到少少飯焦，食落有口感。左口魚炙燒得好，油脂香氣啱啱好，加埋魚子，鹹香中帶啲微爆感，整體味道幾有層次。🥩 和牛牛脊翼肉味濃郁，煎得外焦內嫩，熟度掌握得好，唔會乾。牛脊翼啲筋位處理得乾淨，配埋自家製辣椒洋蔥醬，味道平衡得幾好。不過份量比較精緻，幾啖就清晒。🟤 炸和牛波波睇得出一炸起就上枱，裡面啲和牛肉仍然保留肉汁。咬開仲不停冒緊煙 ，唔算太油膩，上面嗰啲醬點綴啱啱好。不過只係得兩粒，食完有啲唔捨得。🍘 海膽吞拿魚蓉夾餅 / 紅蝦紫菜夾餅兩款夾餅都幾有創意。海膽吞拿魚蓉入口滑，同夾餅嘅脆感做出對比，味道幾鮮，但冇乜驚喜。反而紅蝦嗰款有驚喜，紅蝦本身好甜，加埋蝦膏，成個感覺好夾。總結整體食物水準高，擺盤靚之餘味道都交足功課。fusion元素唔會太花巧，反而幾自然貼合。不過份量方面的確偏細，建議多人一齊share多幾款，會食得比較滿足。…查看更多

呢排見到社交平台勁多人推介所以訂左位去試試入到去有日本酒吧feel呢到都有調酒師推介⭐️⭐️⭐️⭐️紅蝦紫菜夾餅上面仲有紅蝦蝦膏😍😍正👍🏻韓式燒羊頸第一次食，包住芝麻葉食得幾特別羊頸肉軟腍👍🏻韓式燒牛舌芯經過醃製味道入味但有少少韌左口魚煲仔飯好香魚油味😍大推…查看更多

原本打算 walk-in 嘗試這間餐廳，初時感覺不錯，雖然冇枱但有職員問我哋飲唔飲Cocktail並主動提出可以坐吧枱，仲話可以照叫主餐牌嘅菜式，只係冇左口魚煲仔飯。呢點我哋都覺得無問題，就決定一試。（我哋嗰陣時唔知佢意思係每人一定要嗌一杯酒）入座後，我哋點咗唔少食物，等咗半個鐘都仲未有野食。其間 bartender 問我哋會唔會想飲杯酒，我哋話唔飲酒，但見佢炒茶好香，就問可唔可以飲茶。佢語氣極不禮貌咁回應：「我哋呢度整酒唔整茶，食嘢返隔離餐廳睇下有冇位」，明明就係因為冇位佢哋職員先提出可以坐喺度食。點知嗰位 bartender 行咗過去，佢返嚟之後就叫我哋轉去後面 sofa。之後更加過份，佢即刻用消毒噴霧對住我哋原本坐嘅位置狂噴，枱、凳、甚至坐位踩住嘅嗰舊木都噴足1-2分鐘，好似我哋污糟晒咁，侮辱性極強。再之後，有另一位職員走埋嚟話如果唔嗌飲品就唔可以喺度食嘢——等咗大半個鐘頭，之前完全冇人同我哋必須叫一杯酒，我哋被迫離開。臨走時，嗰位男 bartender 好大聲咁講：「同埋呢下次着返對鞋！」，我哋load咗一陣佢講咩因為我哋一直都着住對鞋。然後我哋先醒起我朋友係因為整親腳，所以等食物期間有癡布，佢竟然話我哋除咗鞋（正常女生刮腳黐膠布嘅動作，絕對冇將隻腳放上枱凳），態度粗魯無禮，完全唔專業。佢仲要好大聲講多次「下次唔好除鞋」。整個過程令人極度被冒犯，係我人生中極少數咁差嘅用餐體驗。唔單止服務差，仲要羞辱客人，絕對唔會再幫襯，亦唔會推薦俾任何朋友。…查看更多

一間創新又用心來做既新派日本菜，無論在飲料與菜式料理方面都给人一种新鲜既感覺，前菜與主菜都令人驚喜，好食和食材好新鲜，絕對是物超所值，吃過後一定会跟朋友再來幫襯。希望他們繼續努力創新更多菜式…查看更多