影片
以上资料只供参考，请与餐厅确认详情
元朗有好多大排档，但我比呢间嘅招牌烧鸡吸引咗!! 一定要黎食!夏天食大排档有风味之余最紧要有冷气，呢到有2层室内，都有冷气，可以食得舒舒服服🥢炭火烧鸡基本上每枱都必点! 建议一入座就叫左先，因为即叫即烧，要等30分钟~原只上枱，好有睇头!! 一上枱已经闻到阵阵烧烤香味，鸡皮烧到金黄色，仲有啲微微焦痕，带少少油光，卖相超有食欲! 啲肉仲系嫩滑多汁，冇焗到干晒。鸡皮脆卜卜，咬落去先有炭香，跟住啲鸡肉鲜味就爆晒出嚟，肉汁渗晒出嚟，每咬一啖都好满足，再点啲淮盐，味道即刻再提升🥢西兰花炒鲜鱿西兰花炒得啱啱好，保持到爽脆同水份，咬落去有啲“咔嚓”声。鲜鱿片厚薄适中，唔会嚡口，弹牙又带鲜味。成碟菜用咗啲蒜同清鸡汤快炒，味道唔会太重，啱啱好突出晒材料本身嘅清甜同鲜味🥢啫啫鱼头煲成煲热辣辣，香气扑鼻，啲鱼头件件煎到金黄色，外皮微微焦香，仲渗住啲惹味酱汁，煲底铺满晒蒜头、豆豉、干葱、辣椒粒同埋葱段，全部炒到香气十足，鱼头皮脆肉滑，鱼肉厚实又多胶质，食落啖啖黏嘴，送白饭一流
继续阅读
多多鸡大排档今次系我第二次嚟元朗食呢间大排档叫「多多鸡大排档」，每次嚟到一定会叫佢哋招牌菜炭火靓鸡，系用大瓦缸高温碳即场烧制，大约要等半小时，轮椅人士如果要入去食嘅话，连我都无办法，呢间大排档门口系有两级，好彩门口可以放枱，无论天气几热都好，门口放张枱，食只靓鸡，饮饮酒，几热都唔记得哂，依家有新优惠就系用$48可以堂食饮38支啤酒，仲可以叫大支蓝妹，只要求其叫一碟小菜就可以用呢个优惠，今日买明天就可以用，每次只可以叫2支啤酒，六人以上可以叫4支啤酒，有效期两个月期要用，非常抵饮！1.招牌即烧炭火靓鸡$198/只（9.5/10）呢只炭火靓鸡系用大瓦缸高温碳即场烧制，大约要烧半小时，靓鸡真系靓鸡，大大只烧到好靓，外皮好薄脆，一剪开肉汁流哂出嚟，鸡肉好嫩滑，好新鲜！2.沙嗲金菇牛肉啫煲$128（10/10）呢个沙嗲金菇牛肉煲个沙嗲味非常正，粉丝完全吸收哂沙爹汁，牛肉肉质非常嫩滑，大约都有10片牛肉，金菇都几多，仲有三色椒同洋葱等等！3.干炒牛河$108(9.5/10)呢碟干炒牛河唔会太油，牛河上面落咗好多芝麻粒，牛肉肉质非常嫩滑，大约都有10片牛肉，仲有芽菜同葱等等，加埋辣椒酱更好味！4.罐装忌廉$12（10/10）正常味道，果晚起码35度，冻饮已经唔系冻饮！5.罐装可乐$12（10/10）正常味道，果晚起码35度，冻饮已经唔系冻饮！6.大支蓝妹$32（10/10）正常味道，果晚起码35度，有冰桶都好似饮紧热啤！2人总共价钱$490个人口味总评分：9.83/10 @duoduojifoodstalls 地址：元朗又新街37-51号富祐阁地下14号舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#多多鸡大排档 #元朗美食 #元朗好去处 #香港美食 #无障碍餐厅 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
同老best真心想感受一下热热闹闹嘅夜生活😂决定找间人气大排档食饭吹下水，开开心心过一晚。✨招牌即烧炭火靓鸡✨上枱就忍唔住 「哗！哗！哗！」🤩🤩🤩，闻到超香，望落金黄靓仔，打卡一流👍🏻👍🏻 一啖下去，鸡皮烤得香脆，鸡肉滑嫩，名副其实皮脆肉嫩😍肉质不柴且见到不少肉汁，真的令人好满足。✨王牌多多鸡小炒王✨超级多料，内里大有干坤，有韭菜、虾米、腰果、花生、白饭鱼、鱿鱼及洋葱等。超有镬气之余，炒得极其干身且非常香口，真的十分惹味，令人胃口大开，马上叫碗白饭一齐食🙌🏻。✨椒盐鲜鱿✨炸衣薄，完整地包裹着鲜鱿，不会有食粉的感觉，零粉感。一口下去，香酥且脆卜卜，弹牙又爽口，好食到舔舔脷😋餐厅非常热闹，可以开心畅谈，气氛超正👍🏻想睇更多介绍，马上Follow我啦😁。#多多鸡大排档 #big_big_foodie #big_big_foodie食匀元朗 #big_big_foodie食匀香港
继续阅读
🙌🏻元朗必食大排档 食物即叫即整 烧鸡真心超好食 香口又多汁 系呢度嘅大皇牌💖 手快有手慢冇 一坐低要即落只鸡先 其他再慢慢睇😛💗即烧炭火靓鸡 $198/只烧鸡皮真系好脆口 脆感就系似炸子鸡个种 食到嚓嚓声 而且鸡肉嫩滑 一路手撕 鸡汁鸡油系咁滴出嚟 真心正👏🏻 💗金银蒜蒸开边海中虾 $158蒜蓉好香口 唔会苦唔会辣 蒜蓉虾膏虾肉一齐食 真心又鲜又好味👍🏻 💗椒盐九肚鱼 $128即叫即炸 热辣辣 外层脆口 内层食到啖啖鲜嫩嘅鱼肉真系好够镬气又惹味 叫埋支💗Asahi 啤啤佢 真心爽 又满足🥳💁🏼♀️8pm 前离座 全单88折💁🏼♀️仲有好多啤酒套餐优惠
继续阅读
多多鸡大排档｜元朗又新街51G号富祐阁14号舖｜炭烧鸡一上枱全场哗哗声！今日同班friend去咗「多多鸡大排档」开餐，果然名不虚传！重点系佢哋只炭烧烤鸡，成只金黄色咁捧出嚟，伙记仲要特登拎过嚟我哋面前「展示」一下，皮脆到反光仲滴紧鸡油！肉质滑到似食紧棉花咁，仲要juicy到爆，连鸡胸都唔「鞋」口，真心惊艳！ 其他小菜都冇hea做㗎～ 蒜蓉生菜：炒得够镬气，蒜香扑鼻，菜叶脆绿冇出水，简单但好食！ 嘟嘟滑牛煲：牛肉嫩到唔使咬咁济，酱汁浓得嚟唔咸，捞饭可以食三碗！ 椒盐鲜鱿：外皮脆到似天妇罗，鱿鱼弹牙唔韧，撒满炸蒜同辣椒粒，送酒一流～ 环境就典型大排档风味，枱櫈挤少少但够热闹，伙记仲好风趣，成日同我哋讲笑。下次一定会再encore只烧鸡！
继续阅读