夏麵館 (荷里活廣場)

营业中

休息中

一段時間冇黎過呢間餐廳，今日就專登黎幫襯一下。一去到門口，等位既人唔少，但竟然唔見登記既員工。等咗一陣，終於有人出黎，於是咪排隊攞籌囉，但原來入面大把位，唔知佢地留黎做咩。入座後就劃嘢食，直到入單，都冇人斟茶，叫咗侍應好耐先有人理。首先係小籠包，包皮都薄，有肉汁。之後係黃魚煨面，雖然魚湯好甜，但好係係落超市有售既濃縮魚湯。魚肉都算滑，整體唔錯。跟住係椒鹽黃魚，外層脆，魚肉仍滑，熱辣辣，好味道。最後就係鍋帖，冇心情影相，追咗好多次，冇人理，都最後我地埋單要取消鍋帖，突然又黎咗。餐廳話75分鐘要交枱，但佢地咁慢既速度同咁既服務，想有人返轉頭幫襯都難。

一早在荷里活廣場訂了飛睇戲，還有小小時間，就選了商場入面的夏麵館食個下午茶。下午茶套餐都有不少選擇，價錢亦十分相宜，真是花多眼亂！最後選了<<津白肉絲炒年糕>>及<<凍豆漿>> ($44)即使是下午茶，津白肉絲炒年糕的份量亦都相當大碟。年糕炒得恰好，配上津白、肉絲及冬菇絲，味道又不會太咸。凍豆漿亦十分大杯，一點也不稀，豆味十足。另外再加$10配了<<豆沙鍋餅>>豆沙鍋餅炸得蠻好，外皮很脆，入面有豆沙作餡料，和正宗的豆沙鍋餅一樣。$10就有四小件，很抵食！

突然想食小籠包，於是便想起這家餐廳。平日通常要等一會才有位，這天很好，不用等多久便可進入。點了3個菜， 雞排擔擔麵，三鮮炒年糕，和當然是小籠包啦。三鮮炒年糕很煙韌，廚師把味道調較得很好，不會太油膩。雞排擔擔麵，沒有預期的辣，不過這也倒不錯。雞排炸得很香口，幾鬆化，仍然保留着雞味，脆醬也不太厚，這個菜處理得不錯。最後當然是期待的小籠包，細細隻，剛好一口一隻，皮不算薄，但也不算厚，味道亦是調較得剛好，滿足了這天的期待。

自從多年前在上海嘗過第一口夏麵館蔥油拌麵後，便喜歡上這實而不華的小店，及後落戶香港，自不然成了此店的常客了。    香港的夏麵館，當然不是跟上海同樣的水準吧!卻總有六、七成的功力，而價錢方面也十分親民，特別是午市時段，五十多元便有麵食、小吃與飲品了。    這天跟友人在夏麵館午餐，選了排骨擔擔麵($68)。先上的是小食，四喜烤夫份量不少，是晚市的一半份量吧!烤夫有一定的綿密度，軟綿有濃濃豆香，醬汁甜惹，加上毛豆和金針，口感更豐富。友人的是夏味燻蛋，雖然不是太流心，但十分入味，是不錯的小食。      排骨擔擔麵以大碗子奉上，麵條份量十足，女生很難把它吃完。    上海排骨即是豬扒，另上以保持脆感。湯底有濃濃麻醬香，辣味來自麻辣醬，只是微辣，味道一般。上海白麵偏稔身，但亦因此更能吸湯，幼身的麵條口感不錯。排骨面層炸粉微甜帶點點五香粉香氣，上海白麵偏稔身，但亦因此更能吸湯。  隨餐附送大大杯凍豆漿，豆香算濃，不太甜，十分冰凍，這兒的夏伯伯酸梅湯甜度有點過了，不建議點選。感覺夏麵館稍微進步了，但論價格而言仍是抵食。那邊廂老公在上海公幹中，傳來夏麵館總店食照，實在讓人恨得牙癢癢的。------

可能 6:30 pm 未到晚餐黃金時段, 不用等位就可以直入  坐下無耐就見到外面有人要等位了。下次再食一定番點既涼拌茄子 平時好小點食既擔擔麵，因為見係推介既～所以點食，沒有後悔 皮薄，內裡多汁。

星期五晚上, 同男友經過荷里活廣場搵晚飯食,見好耐冇食上海菜, 就來到夏麵館~同男友點了3款菜 :-1) 炸銀絲卷炸得剛好不太油, 同煉奶好夾, 好好食呀!2) 涼菜五小碟可以自選五款前菜做一個拼盤, 而且好抵食!!份量也是剛好~我最喜歡是麻醬粉皮,麻醬非常香, 粉皮厚而爽..3) 豬扒擔擔麵豬扒炸得好味, 只是油了一點,擔擔麵不是太spicy, 有一點麻醬調味既湯底, yummy !!!

Friday night 要喺鑽石山揾食，原來需要無比耐食！Lizzy 已經比友人早近1個鐘到達，實行漁翁撒網式領飛仔仔點知間間都要等over 1個鐘以上，肚仔餓又唔想食得太趕(買咗飛睇戲), 唯有退而求其次，揀間少人等ge, 如是者就入咗呢間！>> 雞絲粉皮個粉皮口感唔錯，夠新鮮，分量足！但個醬偏咸，甜味如果可以多返少少就更好。另外唔夠凍都係一大缺憾，始終冷盤最強調ge, 就係個冷字嘛~>>蔥油拌麵大大碗賣相吸引，炸得香而入味ge 蔥絲好惹味，個麵ge 口感亦算彈牙，只係2者撞埋1齊出事，個麵其實完全沾唔上蔥油，變成各有各食咁，完全拌唔埋！>>甜酸魚塊魚塊出色，因為夠鮮，炸又唔會太厚粉漿，皮薄內鮮，整體都做得唔錯~

招牌上海擔擔麵,麵條煙韌彈牙，好吃得很,全部吃掉，不忘滿足的輕呼一聲"讚"！夏味鱔糊麵鱔糊味道很好,筍絲不會太多麻醬撈麵夠野味，味道不錯家鄉煎餅就失水準，口感硬不夠脆菜肉雲吞麵，分量大，面夠彈牙，雲吞香此餐廳確實食物新鮮熱騰騰，分量十足，談不上美味，但算是中上質素

有時喺Hollywood shopping完，唔太想周圍走，都會去夏麵館食既，大大話話都去過3-4次，唔係話佢特別好食，只係普普通通唔太差，又唔多洗等位啫。呢一晚我地2個女仔叫左5樣野，首先係雞絲粉皮，每次我都會叫，多麻醬，夠凍又好味，夏天既開胃小食喔！另外點左燻蛋，呢個蛋既煙燻味好濃，加埋佢個豉油+美極配搭，真係好香，而且蛋黃係半流心的，好入味，值得試下。糖醋小排骨個汁冇得頂，我極為欣賞的，酸酸甜甜，有d豬腳薑既味道，不過。。。佢d排骨就硬過乜，基本上硬過豬肉乾，我同朋友一致認為就算食唔到d肉，都要啜下d汁(笑)，希望佢d排骨肉林返d就perfect啦！呢碟XO醬辣味雲吞(我忘記左個名) ToT，都唔錯，皮薄得黎又煙un, 內裡既肉都幾juicy，如果XO醬多少少就更好啦！最後係牛腩麵，其實麵夠彈夠爽，湯亦夠濃，可惜主角牛腩真失敗，件件都硬過石頭，我地一件牛腩都食唔到，認真浪費 (>﹏<)。

黎都就一定要叫個上海粗炒食，粗炒既料比平時少，都無咩驚喜，但係反而麻婆豆腐就整得幾出色，好夠辣，送飯一絕。小龍包皮薄多汁，不錯。同埋呢度坐得幾舒服，係食得幾貴 過家庭日食就無咩所謂

一向都覺得夏麵館係名牌，水準唔差。自從沙田間唯一執左，好耐無食嫩雞煨麵，就入去試下。叫左四樣野：嫩雞煨麵 — 一味死鹹家常煎餅 — 呢個反而淡而無味，蔥花嘅鹹味都感覺不到唐芹鮮肉水餃 — 肉嚡全無肉汁燻蛋 — 係得呢個正常D失望。講完！

一個人係新浦崗做完嘢,行行下就去咗Hollywood Plaza夏麵館,好耐無嚟喇,係我食過咁多間𥚃面,一向覺得呢間最好食,環境又靜,啲客又斯文,服務姐姐又有禮貌.我冇等下午茶,雖然仲有廿幾分鐘,就叫咗個"排骨擔擔麵+烤麸+豆漿".碟烤麸唔係講笑,好大碟下,正常冷盤份量,材料唔馬虎,除麵根,仲有毛豆,金針菜同木耳,味道好好呀,麵未嚟到我已經食哂,飽咗六成.至於碗麵,湯汁一向夠濃夠㘃味,芝麻花生碎蔥花都好多,麵就淋咗少少,排骨今次有d油膩,可以再脆d就好喇,我食咗一半就投降,真係好飽.食食下,好多人湧入嚟,原來下午茶時段,街坊都係精明d,知道乜嘢係最抵.

夏麵館內牆上都有畫醬茶鴨味道剛好 又不會太肥蟹粉豆腐煲原來個煲係凍冰冰豆腐冇味 又大粒一啲蟹味都冇豆腐菜羹加上胡椒粉 冇乜特別菜飯都幾多油要成20蚊一碗 太貴了招牌小籠包皮簿 摺位又吾會硬內含係豬肉 份量岩岩好但食落又冇湯汁我食完已經口乾點知連續幾日都病左 喉嚨痛呢間味精太多了

我對鑽石山的認識，暫時只有荷李活廣場同志蓮静院，而亦因為荷李活廣場時常有令人興奮的泊車優惠，所以每一次來鑽石山，我們出沒的地點，都離不開這荷李活廣場。下下食 food court 大食代，下下麥當勞，我同太太都唔制，所以，這一次我們買完野後，花多了心思在商場內尋，結果，《夏麵館》放在門口的 menu 令我的腳步停下了，而主要原因，是有素食麵，啱我太太食。有好幾個素食麵選擇的，而太太就選了最簡單上海担担麵，這個，要求了全素，店方也十分之幫忙弄到只有濃濃的豉味醬油湯底，而且有輕輕的辣，再者，輕輕的一層花生醬油，增添了香口的感覺。店方亦加了一個素湯給她，味道清清的，亦足料，味道不會太咸或太淡，是不錯的。茹毛飲血的我，要了一個很傳統的大排麵，這一個用了上湯做湯底，味道更鮮，而且那湯底是很香的，感覺不到有味精，我順帶飲了幾口，好正。大排，亦即是上海排骨，也就是我們的炸豬扒，這扒不油，肉味香濃，放宧湯後食，不會太上火，而且沾一沾湯汁後，上湯把豬扒的香口感完美地昇華，吃入口的感覺，絕對是冇得彈。很不錯的麵館，也是一個很有水準的連鎖品牌，《夏麵館》的麵食，大大碗，計翻價錢，其實是值口票價的。荷李活廣場

周末與朋友到荷里活廣場「醫肚」，友人建議到夏麵館，反正未拜訪過，一試無妨吧！雖然適逢假期，但只消等10分鐘便有位了我們每人點了一兩道菜，上菜速度也算快！先來了涼拌茄子，茄子軟硬度適中，微辣的醬汁相當惹味，實在是夏天恩物！觀「夏麵館」之名，對其麵之質素固然特別期待。首先，水餃擔擔麵的麵質優良，口感煙韌，惟肉質未見鮮甜，僅屬一般之作。麻醬撈麵是最「好玩」的一道菜，因為麻醬把麵條糊在一起，要夾起確實相當費勁，而味道上未夠惹味，亦過於油膩，個人而言不大喜歡。吉列豬扒擔擔麵整體感覺還不俗，可惜豬扒的肉汁欠奉，但份量極之大，填肚一流。來到上海食店，吃小籠包是常識吧　這道鮮肉小籠包外表包滿，外皮不大厚，輕輕一咬便濺出湯汁，餡肉尚算新鮮，值得一嚐！紫菜湯非常鹹，置於一旁罷……千絲卷熱度剛好，口感柔軟，沾點煉奶香味吸引。由於點餐紙沒有「南瓜餅」的照片，但這南瓜餅的外形﹑做法跟我們想像的相差太遠了……不論外形還是味道，在我認知中應介定為「年糕」吧店內侍應服務良好，不斷為我們加水　在香港吃上海菜的價錢一般不便宜，所以「夏麵館」在偏低的價位而言，也值得光顧的！