夏麵館 (樂富廣場A區)

营业中

休息中

好耐無去哩度食野喇 經過樂富就再黎食下喇 嘿嘿 由於過了繁忙時間 所以有好多位 我地兩個人都有得坐卡位啊😁😁 今次叫了上海擔擔麵 仲有夏味燻蛋 先講上海擔擔麵 好好味丫😍😍夠哂入味啊 麵質又夠彈牙👍🏽👍🏽不過如果有花生碎在面就比較好 撈埋一齊食口感會更好🙂🙂而夏味燻蛋就夠哂凍 係流心的 吃起來好好食啊 good👍🏽👍🏽甜品方面 點了酒釀丸子同埋高力豆沙 兩樣都係小妹的飛佛 酒釀丸子 一端上枱我就食喇 第一啖已經係唔熱 有點失望 味道過酸所以食唔到酒釀同埋桂花的味道 但丸子的口感卻很好 煙煙韌韌又細細粒 都唔錯架 嘿嘿高力豆沙 哩個就真係即叫即整喇 入面真係熱到出煙架嘛 味道方面唔太甜 蛋白同豆沙的分配非常好 基本上每咬一啖都係有豆沙的 推介 要食啊👍🏽👍🏽

今次叫咗麻醬拌麵，應該係冷食，不過D麵就暖暖地，都可以，D麵幾彈牙，材料好多，都係30幾，好抵，不過D醬就多咗D，如果鐘意醬多既朋友，可以試下。另外既雞排擔擔麵D雞排炸得好香，落咗花生，所以脆得黎好香，D面就好入味，都無重麻醬，不過我覺得D醬太濃，而且太辣，個人覺得麻麻。

讀書時代的我, 逄星期五放學後都喜歡到樂富去, 因為這裡有間漫畫店, 每次我都會抱一兩套漫畫回家看, 直至升上中五, 要應付考試及工課, 漸漸的把這個嗜好放下了o 最近接受朋友的邀請, 到樂富來做義工, 我又再次來到曾經熟悉的地方o我跟朋友約了在做義工前, 一起吃午餐, 順道講解是次服務的細節, 我們約好到夏麵館用膳o 這裡的裝潢充滿中式風味, 地方也寬敞, 可容納六十至七十人o 我們點了"上海炒麵" 及"自選涼菜五小碟"o上海炒麵 : 粗麵滑溜, 可惜味道過咸, 材料少, 份量尚可o自選涼菜五小碟 : 開洋拍青瓜 - 青瓜每條大少均一, 入口清爽, 味道不錯o 雞絲粉皮 - 粉皮口感不錯, 雞絲份量較少, 醬汁香濃o 糖醋小排- 這個最為出色, 醬汁味道一流, 排骨煮得很腍, 很入味o 鎮江水晶肉 - 一如其名很有水晶感, 這個餚肉和鹵汁分佈均勻, 極有口感, 味道不俗o 虎皮素鵝- 外形有點像春卷, 腐竹外層香脆, 內裡的餡, 有些香菇及少許木耳, 加上多汁, 簡單而美味o

一個人的晚餐!因為夜收工,屋企無飯食加上最近食得太飽,好'濟'!清清地點左個'木耳'做前菜味道酸酸小小辣好開胃!好味道,全碟食曬^^再黎個清清地陽春麵湯底好清甜,好好飲簡簡單單配幾條菜作點綴 麵亦煮得好爽口,唔會爛好好食最後又來個飯後甜品'香煎南瓜餅'! 好香呢!不過內裏係無'餡'....有點失望因我較喜歡外面吃的,有南瓜茸在內的那種而呢種則係用南瓜漿煎的味道稍為不同但一樣好吃味道唔會過甜,剛剛好遠遠也聞到香煎味入口好煙韌但唔黐牙老實講食完三塊仲想再食...

垃圾招呼，咭機壞了數月也未修好，問佢點解？竟然話冇嚟整，算啦，小籠飽皮硬兼冇湯汁，似雪櫃攞出來感覺。湯年糕又唔掂，啲年糕硬兼煮唔透，啲菜真環保，似菜頭兼食落有根，如此食物，真不值。

午市套餐包括一個前菜，一個飯或麵，加一杯飲料，大約$60-70。前菜推介涼拌粉皮和燻蛋，味道不錯，很傳統。但千萬不要叫四喜烤麩，烤麩口感太軟，也煮得不味。夏麵館的鱔糊拉麵好唔掂。本應是爽脆大塊的鱔真的很"糊"，好像在食很粉的手撕雞糊一樣，一些咬口也沒有，糊糊的粘在牙齒上。雞扒菜飯就做得不錯！雞扒炸得鬆脆，給我意外的驚喜！菜飯亦有有很多菜粒。軟軟的菜飯加上脆脆的雞扒簡直是絕配。下次來會再叫，但鱔糊拉麵就免問。

通常沒有逛街的日子，都懶得外出……但始終要吃晚餐，所以只好被迫到家附近食肆來個晚餐，加上一個人。。。是次去左夏麵館，叫杯熱豆漿，點了個大大粒菜肉雲吞！最想講係杯熱豆漿，侍應經常裝唔滿，而且無標準，有些食客裝滿，好似我的有三分一無左一杯豆漿12元，感覺揾笨而且飲唔飲茶都收每位3元茶位，應該每間上海餐館都如此最後係“主菜“~菜肉雲吞湯好清好好飲，飲唔停口，其實味精令人覺得好飲，因我每次吃完後回家都經常口渴而菜肉雲吞，詩詩十分滿意，雲吞皮厚薄適中，煮得通透，菜肉入口易咀嚼，菜唔會有菜渣，肉亦味鮮，必定連湯雲吞吃得光光的！服務方面：侍應好忙碌，但尚算主動執拾桌面食物殘渣，杯碟等等……價錢方面：屬中上價格，份量較少，感覺不划算

可能人手及經驗不足, 已經幫襯過幾次, 但次次都有發火的經驗....不過因為附近食肆唔多, 而且食物質素ok, 所以間中都會嚟考驗個人EQ值午餐都有唔少選擇, 除主食(麵, 飯)外, 還會有個小食&一杯飲品, 是日揀咗炸雞扒麵, 四季豆和凍豆漿雞扒炸得好脆, 肉質嫩又入味, 湯麵亦爽口彈牙; 四季豆爽脆夠味, 豆漿就略淡&唔夠凍.餐排間中都有轉變, 不過午餐選擇算唔少, 若果出菜快一啲, 員工態度好一啲, 會繼續幫襯

夏日炎炎，最想嘅梗係涼浸浸嘅嘢食，而正餐最好就梗係食冷麵啦！今日咁啱去到樂富，行過夏麵館，望一望個餐牌，有｢三絲拌冷麵($38) ｣，加上笨妹一直好鍾意食上海嘢，仲唔狗衝？＝＝＝＝＝＝＝＝＝我是分隔線＝＝＝＝＝＝＝＝＝兩個人叫咗兩份主食，一個小食同一杯飲品，埋單$16x。男朋友點咗「香辣牛腩麵($58)」，個煲其實幾有誠意，個麵都keep住熱，就算你食晒所有嘢，望住個湯都好似見到對流，仲好似加熱緊咁，所以冬天食嘅話真係一流。成個麵最諷刺嘅係，佢叫做香辣牛腩麵，但係一啲辣味都無，牛腩亦無炆淋，好韌。(食嗰個講嘅。非笨妹意見。）而笨妹食嘅「三絲拌冷麵($38)」先係戲肉，咁大個女，從來都唔知道冷麵原來係熱食，我問侍應姐姐：「點解冷麵會係暖嘅？」佢答：｢因為個麵一早整定嘅，佢要用個湯煮返好，你望下個碗仲有湯係到(指住碗麵) ，所以就係咁，如果你要凍嘅要再整過俾你。｣當然，費事煩，照食。我心諗，你煮完個麵好耐，痴埋咗，你落少少麻油撈散佢都得啦。而家搞到個麵不知所謂咁。以拌麵嚟講，今次亦係笨妹咁大個以來，食過最「鞋」口嘅醬，而且個麵一啲彈性都無，真係劣食中嘅劣食。其實笨妹對「蒜泥白肉($44)」

今日下午去食lunch叫左個lunch set$238有小食同小菜選擇4個人食加多左個炸菜牛肉菜飯D野黎得都幾快我冇影野食既習慣，本來都冇唸住寫，但因為忍無可忍，唔寫唔得今次呢餐唔係賣相既問題，係味道既問題我地叫左以下幾樣野：酸辣湯一個唔記得咩羹四季豆炒年糕黃金蝦炸菜牛肉菜飯以下就每樣都講一講：酸辣湯 = 成碗醋咁酸，完全入唔倒口，好"拿"口果個唔知咩羹 = 正常，夠熱四季豆 = 涼拌小食唔錯，好多garlic炒年糕 = 幾好食，年糕幾軟黃金蝦 = 都唔錯幾好食，最遲上，係炸得幾靚炸菜牛肉菜飯 = 係肉碎黎既，菜飯好硬跟住我叫個waiter黎話比佢知個菜飯好硬佢話"菜飯係咁既，會硬身少少，不如我比多碗你"跟住佢再黎果時比多碗我地，就話"係硬少少，用糯米整既"我心唸"下，似未熟wo D飯"但就免費多左碗菜飯我早去食，食完差唔多到午飯peak hour，有人等台我碟黃金蝦仲有一隻未食佢就收左，我算佢放低張bill我拎銀包果下收埋我個碗連問都冇問我要唔要，我轉頭就見佢收埋我碗未食完既年糕我話"我隻碗呢？我未食完ga wo"佢一句唔好意思，係佢果層收左既碗碗碟碟道打開最上果個碗，有隻碟蓋住佢話

又是慶生飯，今次來了夏麵館，很久沒前來，沒想到看到Menu的小菜不多，但都足夠我們食個飽肚之外，味道也能滿足口慾了，無論食物和環境，都很滿足的一晚。******************************放工後便來取位，沒想到這裏平日晚上不算多人。雞絲粉皮。涼菜一碟，麻醬香口，配上粉皮一流。花雕醉雞。又是前菜一碟，花雕味太濃了，入口有點苦澀味，但雞肉尚算滑口，但都不能補足那苦澀味。上海擔擔麵。不過不失的擔擔麵。因為花生醬味不多，麻醬味又不多，所以味道感到欠了些什麼似的。蟹粉豆腐煲。季節的蟹粉所煮成，味道香蟹粉味，豆腐入口滑流，唯一美中不足的是湯汁有點稀。蟹粉小籠包。又是季節蟹粉所做的小籠包，入口蟹粉味香濃，小籠包內湯汁十足，小籠包的大小又適中，能一口食完，很不錯。蛋餃娃娃菜。這個菜有點淡口，夏麵館的菜式一般都較清淡的，這個蛋餃會因為較為清淡有點失色下去了，因為入口都沒什麼特別的味道。蟹粉兩黃麵。又是季節的蟹粉所炒成的汁，再配上炸麵，那麵即時因為那些汁而軟身了，不再香脆入口。蟹粉汁帶了點甜味，感覺上有點不太合口味。炸銀絲卷。外皮炸得香脆，內裏層次多又軟口，點上牛奶後無論口感及味道都一

初嚐夏麵館大約2點幾去到唔洗等位 超快有位午餐:一個前菜+一個主菜+一杯飲品超級抵食!!今次試左酸辣麵好大碗啊 麵質彈牙味道岩岩好 唔會過酸過辣推介!!前菜叫左 夏味燻蛋是凍食的 咪道好特別 不過唔夠流心

年初三同朋友去左車公廟行大運,之後去左樂富拜年,我們在商場先醫肚,本來見水牌有一間食泰國菜,朋友話想食,上到去見到個門口好怪,原來係一間茶餐廳,但係兩邊有兩個名,有泰國嘢食,但感覺好奇怪,見前面有夏麵館就嚟左,都要等一陣位,我們等左十幾分鐘左右入座.我想飲酸辣湯,但係冇,朋友話有酸辣湯麵,就叫左一碗,同埋叫左一個皮蛋豆腐及小籠包一齊食,先嚟皮蛋豆腐,賣相好靚喎,豆腐切得好細片,一夾起就爛,中間有些皮蛋,加埋D醬汁,豆腐好滑身好香好味喎,個醬有些麻油香味,咁樣配撘好夾,正呀.酸辣湯麵都好大碗架,不過味道不酸不辣,有點失色,麵的質地係唔似拉麵,扁扁地又幾爽幾彈牙,我在細看呢間餐廳的發跡史,原來D麵係好出名,自家製的,所以真的幾好味,如果個湯味道再弄得好點,可以再出色. 個湯都好多料的,有豆腐,木耳,笋等等.最後的小籠包有四隻的,原來都好大隻的,非一般小籠包,朋友話個頂自己開左個小孔,根本唔使自己咬開,但我食的兩隻都冇,唔知點解會咁,皮都薄身,肉汁都多,好味,不過朋友話都係鍾意一口一隻小籠包,比較食到成隻好味D,我都認同.餐廳在攪最佳笑容員工奬,我們兩個都發現員工真的笑容欠捧,大家都在想是否

真係唔應該食是凍四季豆是頭盤 凍我可以理解 但不喜歡但連我的肉絲韮黃炒麵只是暖又得一兩條肉絲真係嚇親我不知所謂的食物水準我是很少寫食評 呢間野差到我要提提大家 不要浪費金錢最後埋單 店員是 pat 你的收據俾你的服務態度有待改進

前晚很想吃中菜，之前吃過圓方及鑽石山的夏麵館都不錯，昨晚便與友人到了位於樂富廣場三樓的夏麵館。門面佈置很富中國味道。那時8時半多，不用等位。店員安排入座。環境舒適，燈光柔和。店員為我們放置餐具，遞上餐牌。我們叫了黃魚煨麵，蟹粉素雞，鮮肉小籠飽，排骨擔擔麵和夏伯伯酸梅湯。先來了兩杯夏伯伯酸梅湯，第一次飲，與平時飲開的很不同。平時的酸梅湯比較甜，而這杯是酸味幾出，味道很濃。很好飲。之後蟹粉素雞也來了。這個麻麻地，沒有味。雖然有汁點，但點左就變左食個汁。可能係素，所以冇咩味。到鮮肉小籠飽，皮薄餡料很鮮。先咬皮，再啜汁，再吃肉，不用點醋已經很好吃!至於黃魚煨麵，我個人覺得魚的份量略少，但一分錢一分貨。原先見個碗咁大，會好大碗，便與友人SHARE。我兩邊鄰座都有叫這個。黃魚煨麵的魚很鮮，把魚起了骨，不用吐骨啖啖肉的放入口，正!麵質軟硬適中，很快便食完碗麵。之後發覺唔係好夠飽，再來一碗排骨擔擔麵。排骨擔擔麵嘛，個湯好重花生味，好香。豬排冇咩特別。整體來說也不錯，可以推介!埋單盛為$226再加一服務費。