壽司郎 (栢蕙苑購物商場)

見啲人成日話要食壽司郎，之前去現場食過覺得唔係幾岩口味，但朋友叫到叫個外賣啦，費事排隊等咁耐。黎到啲野食望落都正正常常，擺得幾整齊，但有一件吞拿魚壽司真係大開眼界😂我真係未見過螢光色觀吞拿魚，我想問下係咪打左野😂😂😂同大家happy share下真心唔敢食嗰舊....其他壽司中規中矩啦，但我都係會食其他品牌🙊…查看更多

🍣黑毛和牛配紅酒鵝肝 $27牛係全熟，油脂豐富唔會鞋口，紅酒鵝肝係半小塊，幾香唔腥，好食但一件起兩件止。🍣大吞拿魚腩配葱花吞拿魚蓉 $27好食過淨魚腩，油脂豐富，魚蓉減低油膩感！🍣三文魚刺身盛 $39有五塊，似魚腩位幾香，唔會太肥！🍣松葉蟹沙律茶巾壽司 $22外形似燒賣，普通正常嘢，叫其他更好。🍴巴斯克烤芝士蛋糕 $27$27質素幾好收貨，佢係微酸嘅芝士，有香味唔會太膩，cream都有奶香味！推薦指數: 7.5/106月10號開始，唔知去到幾時！想食快啲去食，冇伏推薦。…查看更多

壽司郎不嬲性價比高，鐘意食壽司嘅我已經當左佢係我飯堂之一，所以見今日早收工就早d 去拎位，但6點幾去到見門口已經有好多人等緊，拎完飛都等左差唔多一個鐘先有得入去食壽司郎d 座位私隱度都算高，就算係近門口位都有塊板好似自修室咁隔住，等門口等位嘅人唔會望住你食咁，設計值得一讚一坐底見佢有鵝肝期間限定即刻心心眼紅酒鵝肝平時係放題凍食就食得多，好似佢咁炙燒就第一次食，幾有創意啵，甜得黎又幾肥美嘅口感，食完一件完全唔夠喉，忍唔住又叫多左一碟，正所謂食飽先有力減肥另一款期間限定他他醬蝦餅都好好食，有d 似m 記嘅蝦堡，但呢個先$17，真係大件夾抵食! 食完其實想再encore 不過個肚已經飽到塞唔落野。值得一提，壽司郎嘅上菜速度都真係好快，等位時間大概一個鐘，但食飽基本上15 分鐘就搞掂!…查看更多

壽司郎性價比相對高過其他迴轉壽司連鎖店。雖然間間嘅質素都唔同，自己覺得上環同鰂魚涌分店都唔錯。刺身或餡料都肉質新鮮，味道鮮甜，而且經常有驚喜items，好似今日食嘅海苔包漢堡壽司。今日食咗14碟壽司加一個烏冬都只係$282。10分滿足👍🏼…查看更多

焦糖嘅甜味同鵝肝嘅豐富風味真係好搭，形成咗一個好好嘅對比。每一口都可以感受到焦糖嘅香甜同鵝肝嘅鮮美，再加上旁邊嗰啲水果醬同脆餅，層次感更加豐富。外面嘅焦糖脆皮加上裡面嘅軟滑，真係好好味！每一口都有唔同嘅風味交錯，好有驚喜！不過我最愛仲係芝士炙燒三文魚，三文魚嘅鮮味同香濃芝士融為一體，炙燒後嘅表面帶有微微焦香，令人一口接一口。芝士嘅滑嫩配合三文魚嘅細膩，味道簡直無法抗拒！…查看更多

壽司郎都算係本人經常幫襯既日式餐廳，亦試過唔同分店，但個人認為食來食去都係鰂魚涌店好食啲 由於本人對蔥吞拿魚腩軍艦壽司特別有愛，無論喺香港還是喺日本食壽司每次都會叫嚟食，適逢睇到Facebook廣告知道壽郎趁今日雙11做蔥吞拿魚腩軍艦壽司特價優惠，放工後即走嚟排隊食😋雖然只係減$1（$12/碟），不過感覺上份量好似比平日仲多，剩係呢款壽司我總共食左4碟再叫多個蒸蛋，一客烏冬，幾碟唔同壽司，好滿足的一餐希望之後再做多啲唔同優惠🥰…查看更多

壽司的款式較其他同類型店舖多，刺身夠新鮮，飯粒口感及温度良好。迴轉系統完善，索價合理。就以上優點已足夠成為我的至愛。唯一問題是，我怕等太久，所以只會在非繁忙時間來。…查看更多

邊間都大排長龍，一餐得來不易嘅壽司。📍地點：鰂魚涌🍽️菜式：迴轉壽司💰人均消費：HK$150~200🔖服務費：✅🧻餐巾/ 濕紙巾：✅ / ✅🪑座位類型：卡位/ 迴轉壽司長枱📝落單方式：平板落單【中吞拿魚腩】💰HK$17 一貫叫左兩件，第一件清甜魚味，肉質實淨。第二件魚中間略斷開，帶筋，口感自然失色。【三文魚腩】💰HK$12 二貫超市價錢，壽司郎質素，性價比高。【油甘魚】💰HK$17 二貫兩件入口都冇筋，魚身有油份。【松葉蟹軍艦】💰HK$17 二貫充滿蟹鮮味嘅軍艦。蟹肉帶蟹鮮味，蟹膏帶濃濃蟹味。【鰻魚卷】💰HK$27 三貫比鰻魚握壽司抵食，HK$27 三件，鰻魚份量都唔少。.仲食左其他食品，不能盡錄。..壽司郎 🏷️ 鰂魚涌英皇道1060號栢蕙苑購物商場UG樓B號舖…查看更多

我的最愛：壽司郎就算要排隊都要食今次li件大吞拿魚腩真係好出色，淨係睇，d油花已經好靚，入口即溶嫁🤤軟殼蟹壽司好出色新口味：三文魚腩嘅油膩加埋清爽嘅蘋果，一齊食，真係絕配…查看更多

必食海膽拖羅壽司-壽司郎心血來潮預早book咗壽司郎，登記後好快就有位，因為得1 hr 用餐時間，所以即刻用pad 點野食先😂必點既海膽壽司，拖羅壽司😌海膽好清甜，夠新鮮😛拖羅尚算肥美，呢個價錢都抵食另外發現貝類都幾出色架，北寄貝壽司，赤貝壽司都好爽口😙感覺上物超所值，都幾滿意😋梅酒都好抵飲😂聽講某D分店唔會太多人，唔使等咁耐🤣大家可以試試，記住訂位呀…查看更多

鰂魚涌壽司郎Lunch時間喺樓下望上去通常都見到一堆人喺度等緊位😅多數我都係會放棄選擇食第二間😂😂😂由於我真係好想Lunch食壽司郎所以我早成個星期就喺app book定位先✌🏻今次終於食得成☺️雖然喺app book咗位但嚟到鰂魚涌壽司郎都要先報到,報到完之後仲要等現場叫咗一張,下一張先到我地我地入到去就即刻喪叫😂😂😂由於真係叫咗好多碟同埋中間有d掛住食唔記得影低😅所以唔逐碟評論啦,主力講吓我推介嗰d啦油甘魚切得勁厚🤩同埋近腩位😍😍慢烤黑毛和牛配智利海膽海膽好鮮甜👍🏻黑毛和牛極重牛味😍三文魚腩配三文魚子三文魚腩充滿油香,配合埋三文魚子嘅咸香味真係無得輸#openrice#hkfoodie#quarrybay#sushiro…查看更多

壽司郎黎左香港咁耐終於終於約左細佬妹去拆返餐勁既一早叫定細佬妹去排隊等位一去到就有得食聰明的我我覺得佢係被壽司耽誤咗嘅甜品店款款甜品都好好味呀點攪🍣壽司方面【醬烤鰈魚鰭邊】HKD 12必點 5我一個人可以食4舊先【炙燒三文魚腩】HKD 12 價錢真心好抵食【生拌三文魚軍艦】HKD 12 依3款都係我覺得好食因為我地叫甜品🍧仲多過壽司🍮甜品方面🍈【蜜瓜味雪葩】HKD 12 超可愛超迷你我好中意蜜瓜味既野🍵【抹茶蕨餅芭菲】HKD 32好好味茶味濃🍫【朱古力香莓芭菲】HKD 32依款仲好味叫完第一款本來想收手但耐唔住都係好想試哂🍓【士多啤梨卡達拉娜】 情人節限定款好好味🍠【日式焦糖蕃薯拼蕨餅】2款都好食…查看更多

個人好滿意今次嘅期間限定之選😋 北海道產特大帆立貝 🐚~ 食落飽滿多肉～帆立貝夠鮮甜，再加上三文魚子一啖咬開滿滿魚油滲入口，鹹鮮味令成個組合更加出色松葉蟹軍艦配海膽三文魚子雙味 🍣鋪滿松葉蟹肉嘅軍艦上面再加上海膽同三文魚子，個人更鍾意配三文魚子脆脆卜卜嘅口感，鮮味喺口入面爆發💥 好正天然黑鮪大吞拿魚腩~ 邊個可以抗拒大トロ肥美甘香，入口即溶嘅鮮甜😋😋 （仲有火炙版本迫曬啲油脂出嚟，風味更濃）特大生松葉蟹腳 配松葉蟹拌蟹膏軍艦，生松葉蟹腳好有驚喜好長一條🦵肉質細嫩綿密蟹肉飽滿鮮甜~另一款係將松葉蟹肉拌上濃郁綿密嘅蟹膏，大滿足~蟹肉忌廉可樂餅~外酥內嫩，入面嘅內餡忌廉香滑，口感好 creamy 而且食到蟹嘅鮮味㗎🦀~ (要小心睇熱）今次叫到有池魚，雖然唔係深海池魚咁正，但咁嘅價錢無投訴啦~肉質緊實爽脆，加上姜葱🫚調味令個鮮味更突出巨大星鰻肉質細緻夠曬滑唯一失望嘅係鱈魚白子軍艦，個鱈魚白子淡茂茂... 😵‍💫 無白子應該有嘅鮮甜味…查看更多

哇，今次嘅食評真係要同大家分享一下喇！呢間店嘅刺身，新鮮得嚟，每一片都切得咁薄咁透，食落去魚味突出，完全唔需要太多花巧嘅調味，一啖落去嗰種爽滑，真係令人回味無窮😋。點了份拖羅，肥美得黎又唔膩口，同埋份赤貝和帆立貝，口感爽彈得嚟，帶有海水嘅微咸，perfect！放眼望去，郎裏頭嗰抹茶蕨餅芭菲真係吸引晒我，抹茶味夠濃郁，而且賣相簡直唔得了，好似小小嘅藝術品一樣。話時話，雙層卡達拉娜都真係正爆，表層焦糖咬落去嘅時候啲聲音脆得嚟，中間嗰層雪冷冷，帶少少苦咖啡味，款款係寫意得嚟又惹味。做為海鮮控，我可以話你知，呢度嘅海津島產金目鯛同油甘魚刺身絕對值得試，鮮甜嘅肉質同嗰種微微海味簡直係驚喜嘅結合。簡單黎講，我諗我會再返嚟打卡，食過依家仲想食🥰。過嚟試試，保證你都會點讚👍。…查看更多

因為鰂魚涌係一個美食沙漠都冇乜嘢好食的了於是試吓排壽司郎，看看平日能不能吃到壽司郎做午餐。大概11:30左右去拎位12:30再拎多一次，然後1:00午餐時間剛剛好趕上叫飛的時間。一如既往的質素也很不錯，最近好似多了小型飯團，所以可以食多幾嚿壽司埋單每個人計算大概$128對於午餐來說也算是很合理了😍😍…查看更多