壽司郎 (銅鑼灣廣場二期)

营业中

休息中

收工近近地見係壽司郎app呢間唔使拎飛就去食喇，上到去時間大概係下午5:40 見門口已經有一堆人 唔知道係拎唔拎得飛 因為又好似排緊隊因為去其他既壽司郎其他時間都係禁飛等叫號碼入座 咁我走去前台客氣地問左一句請問而家可唔可以拎飛？企前台既女侍應就即刻用差既語氣問 你係咪可以即刻入坐？我有小小黑人問號我答佢係 然後就被安排企係門口排隊 等左5分鐘左右就入座 叫左兩個新既吞拿魚款……大家都係食返舊款式好啲蝦三味 鮟鱇魚肝 芝士三文魚🍣都係好味的 都係舊款式好食

同家人路經呢間分店，就走左上去拎票，當時大概下午3:30,然後上到去見到唔洗100張就叫到，所以就決定食左先等咗大概45分鐘，當中有好多補票人士🤣而且呢間分店都多旅客。比起其他分店算係等得少就入得座，壽司同其他分店比差唔多，無話特別好食，正常發揮。

元氣價錢，爭鮮質素。見今日清閑少少，特意排隊一試！真係第一次幫襯。本來一碟日本真鯛外表幾好，可惜魚生側面暗藏污漬，我請服務員再換一碟，居然來碟油甘魚...😞！我隨即通知服務員，佢居然同我講嗰碟就係鯛魚。雖然最後都肯換返碟鯛魚來，但對客人反駁指鹿為馬！已經令人扣晒分！再加上，壽司飯嘅味道，茶粉及魚生嘅質素...都真係好一般！我唔會用到差去形容，更差嘅一定有，但會唔會吸引到我再次去排隊幫襯呢？絕對唔會。最後杯甜品芭菲都幾好味！但$32偏貴。講完！

今次為左食焙茶和風芭菲先黎食～中午時間食，等左一個鐘都唔使，都幾快有位叫左d期間限定野，例如白子軍艦，但佢賣相爛哂，同相好大出入可能我對個芭菲有太大期望，到真係食既時間係比較失望，個雪糕唔夠大份😆😆，個底唔知點解有水不過最可惜係我走左先醒起佢無比印花卡，希望佢地識得主動派，吸引人黎再幫襯

食物質素唔差，但係好普通冇乜特別，唔值用咁長時間去排隊等，等咗個半鐘，價錢都唔算平。。。無下次，我最中意嘅三文魚子軍艦都係得一半魚子，另一半有一片瓜。。。有少少搵笨，我下次寧願食元X

#20230118 🤍📍 壽司郎 @sushiro.hk 銅鑼灣駱克道463-483號銅鑼灣廣場2期3樓3A號舖 🍽紅磡｜長沙灣｜黃大仙｜樂富｜屯門｜上環｜旺角｜藍田｜葵芳｜將軍澳｜大埔｜佐敦｜天水圍｜荃灣｜元朗｜鰂魚涌｜馬鞍山均有分店——————————————————————————————#厚切天然藍鰭大吞拿魚腩 $27💭 壽司郎最近越開越多，但係都仲係咁多人排隊😅今次為左食拖羅去左銅鑼灣分店，排左個幾鐘⏳盤點幾樣🐷有印象架啦😂一月拖羅祭之中最好食就係呢個，油脂豐富，色澤均勻，真係入口即溶，就算$27一件🐷都食左3碟.#極上厚切長鰭大吞拿魚腩 $12💭 若果覺得$27有啲貴🤑呢個🐷覺得可以頂住先，油脂同樣豐富，係可能有時會少少帶微微筋位，不過$12尼講性價比算好高.#油甘魚 $17💭 12月1月呢啲月份係油甘魚既季節，魚油好香，見到面頭令立立即刻食慾大增😋$17有兩件同樣都係性價比高之選.#紅瞳赤鯥 $27💭 呢個係少數🐷覺得係壽司郎入面唔抵既野食🙈佢質地都帶啲油香，不過總括尼講係好似一舊屋企煮熟左既魚咁😅.#梳乎厘海鰻 $12💭 穴子係🐷去日本一定會食既壽司🍣呢個整得麻麻，唔夠

今日去咗銅鑼灣「壽司郎」排隊食壽司，攞完票之後就係附近行吓街，一個鐘回來，店員安排我們入座，我哋叫咗：《黑碟》2 x $27 = $54🥢 厚切天然藍鰭大吞拿魚腩 x 2《銀碟》 7 x $17 = $119🥢 大盛天然黑鮪蔥花吞拿魚海苔包 x 2🥢 大切日本產油甘魚腩 x 2🥢 油甘魚🥢 三文魚子軍艦🥢 拖羅鰹魚《紅碟》5 x $12 = $60🥢 極上厚切長鰭大吞拿魚腩 x 2🥢 香蔥赤蝦 x 2🥢 蘿葡蓉炙燒三文魚腩《白色五角》$17🥢 炸水牛芝士件數：15件，小計：$250服務費：$25，合計：$275整體來講：用料上乘，各款壽司都好食，唔怪之得長期都有咁多人排隊

前2日見到fb啲文章講壽司郎有新品出即刻飛去試下事關未食過所以都抱有期待其實我第一次食咋好彩男朋友 醒醒豬上app book定位去到完全唔洗排隊不過得1個鐘上菜成日嚟錯嘢每次只可點4個item覺得超趕新品有明太子忌廉烏冬培茶芭菲等等先講烏冬上枱有蓋保持熱度但味道有啲複雜又咸、又辣、又有紫蘇味價格合理而培茶芭菲有啲失望賣相好靚但甜味比茶味重唔太啱我不過都發現到兩款壽司幾正和牛壽司好重牛味肉片薄薄較爽身白子做嘅壽司第一次試好滑好彩唔腥呢個價錢食到確係抵食

回想銅鑼灣分店開業初期，好多期間限定食物都無提供， 到而家差不多所有食物都有得選擇甜蝦壽司每次都會食，甜蝦唔腥，配沙律醬，非常好拖羅(黑色碟)， 新鮮，魚油多帶子壽司，鮮甜，無雪味义燒壽司，反而有d失望，我預期係暖/微熱，但幾次食過都係凍豚肉味噌烏冬， 呢個期間限定， 值得再encore， 個豚肉汁係煮，唔係開粉嘅，又夠熱 巴斯克烤芝士蛋糕， 都係期間限定， 非常非常好食， 芝士味足，值得推介

銅鑼灣壽司郎是少有會有時段不用排隊可即時入座的分店，一般五點至六點時間去到也不用等位。壽司種類繁多，價錢豐儉由人，大拖羅是性價比頗高的一款，每次必吃，忘了影相。今次吃了恆常餐牌的幾款壽司，包括海膽紫菜包飯、烏賊壽司、海螺雙味、三文魚子軍艦、鯡魚卵軍艦、蟹柳沙律軍艦等，大部分都味道正常。其中烏賊壽司值得一試，烏賊與飯中間有一片紫蘇葉，味道清新，烏賊新鮮，味道頗好。但海膽不算新鮮，不算香甜，個人不太喜歡。另點了新餐目的鱈魚白子軍艦、和牛雙味壽司。白子軍艦是限定項目，較少吃到，味道比想像中好，帶點魚香、滑溜，值得一試。和牛雙味中的和牛比較像配三文治的煙燻牛肉，雙味是指和牛上的toppings，一是醬油啫喱，另一應該是麵豉Wasabi，味道比想像中的平淡，無甚特別。熟食點了茶碗蒸、炸蝦天婦羅拼盤，茶碗蒸不算太滑，味道亦一般。天婦羅有炸蝦、冬菇、南瓜、紫蘇葉，其中南瓜味道非常好，香甜新鮮。甜品方面，選了焙茶瑞士卷、提子雪葩，及人氣巴斯克烤芝士蛋糕。雪葩味道比較像汽水，個人不太喜歡。焙茶瑞士卷味道幾好，香甜、但茶味較淡。巴斯克烤芝士蛋糕有驚喜，味道甜中帶少酸，質地不會死實，還帶點鬆化，頗有驚喜。

可能新開張嘅關係假日晚都出奇地唔使排隊，銅鑼灣黎講都算奇蹟。當然唔可以放過佢要試一試啦。今日主力食較貴自己又鐘意嘅壽司🍣打頭陣嘅有時令推介嘅帶子，比街外嘅都要大碼，新鮮肉嫩。金碟價首選！另一時令推介嘅金碟有鰻魚，個人覺得凍食鰻魚麻麻哋，都係鰻魚丼熱食會比較好。但魚質本身唔差起馬唔鮏。黑碟嘅海膽，好新鮮好香濃 紫紙好脆口，咁多間壽司郎都保持到同一品質。油甘魚腩又係個人喜愛之一，入口油脂豐富，冇根，口感軟軟 好好食。火炙左口魚又係喜愛油脂感嘅朋友必選嘅推介，但依家就略嫌唔夠火候。可以再迫迫油脂出嚟。炸蝦天婦羅卷物，雖然係壽司郎上錯左，但食完都有驚喜 份量好大炸蝦更大，其實食完一碟個人都飽左一半

星期六約咗朋友過嚟銅鑼灣新開嘅壽司郎食下午茶🍣可能係我哋2點幾先到 居然等咗一個鐘都冇就有得食啦😋呢度啲壽司10幾蚊有一碟 食物質素又ok 簡直係性價比之選🤩今次終於試咗好出名嘅卡達拉娜 Creamy嘅口感同表層嘅焦糖脆脆簡直係超級夾！下次嚟一定會再嗌🥰

☘️一直好想試壽司朗，因為身邊朋友個個都話好抵食，但聽倒下下要排成個鐘至有得食就即刻怕怕。前排同朋友放假入咗去坪州一日遊，三點幾回程響船上提起，竟然一呼百應話摘日不如撞日，一於即刻去睇吓非飯點時間會唔會好啲。所以就去銅鑼灣間新開嘅睇吓！☘️可能間店都係新唔係太多人知啩，亦可能係非飯點，我哋去到即刻入坐，店亦冇坐滿。一坐低就嗱嗱臨叫想食嘅，講真刺身嘅質量就唔係頂級，不過勝在新鮮，同埋性價比高！☘️個人覺得最好味嘅係香葱赤蝦，其他的刺身味道都比較淡口，食不出太大嘅香味，尤其係吞拿魚腩同埋蟹羔。不過咁嘅價錢，就沒有太大嘅expectation. 都算係抵食夾大件嗰類😜

大家去壽司郎嗌甜品 除左卡達拉娜 又有新選擇啦！🤩最近壽司郎同西班牙知名麵包店 Mallorca聯乘推出左「究極巴斯克烤芝士蛋糕」一見到就即刻想去試🤩以Mallorca嘅巴斯克烤芝士蛋糕作為基底結合埋壽司郎嘅 「炙燒半溶芝士蛋糕」唔知會有咩驚喜呢？🙈🍰究極巴斯克烤芝士蛋糕 ($27)巴斯克蛋糕芝士味香濃得嚟 又有濃濃奶香🍼蛋糕體綿密又creamy 凍凍地又好似食緊雪糕咁🍦面頭撒上左砂糖炙燒 脆脆焦糖增添不少口感🥰雖然介紹有話蛋糕加入檸檬汁 唔會酸但整體確實冇咁heavy👍🏻🍋一啖一啖接住食 好快就食曬 完全唔夠喉啊😩鍾意食芝士蛋糕嘅朋友一定要去試下🤩

今晚8點幾去到壽司郎，可能已經過左最後入坐時間，冇得拎飛。想搵職員再確認一下係咪真係截左walkin，同拎飛職員講：「唔該，想問下…..」未講完點知個職員掉頭走。之後我再搵另外兩個職員問，講完唔該，職員同我眼神對上，然後冇理我掉頭走咗。去過其他分店，就算冇辦法安排入座，至少都有合理嘅對答。唔好意思，咁好接待嘅餐廳真係冇辦法幫襯。