壹號漁船

壹號漁船  位於旺角荷李活商業中心, 人氣地點, 交通極方便.   此店在 2  樓, 很有規模.   面積大,  漁船形的大魚缸, 海鮮生猛活躍.  餐廳設計明亮整潔,  通道闊,  有窗邊梳化卡座, 大圓檯.   空調好好, 無油煙味.   店員 招呼好有禮貌.我們訂了位, 準備食個放題火鍋 120分鐘套餐.     星期六日 成人全日任食不限時段,  $138/p.  (午市加 $30, 晚市加 $60  無限時飲食優惠)   星期一至四, 只係$98/位.放題鍋有兩種選擇, 我們揀了A餐:  山野無花果滋潤湯鍋  滿山跑脆皮雞.侍應有效率為我們安排座位.   湯鍋及五盆雞件立即送上.逛逛自助飲品物區, 大型雪櫃多個, 飲品任飲, 有啤酒, 氣水, 果汁, 竹蔗水, 健康茶...., 我們取了冰凍啤酒, 氣水.熟食區有燒鵝, 牛腩, 花生炆豬手, 炸蝦.   自助醬料區, 擺設整潔衛生, 有辣有吾辣, 自由添加.   火鍋配料可以到冰櫃自取.   有魚蛋, 魷魚,  魚/牛/豬肉丸, 菇, 菌........時蔬, 雲耳, 淮山, 腐皮, 生根, 生菜, 南瓜片........ 蔬菜新鮮擺放得好整齊.另有3 個涼食:  涼伴雲耳, 蕃茄.泡菜.電磁爐很快熱,   湯鍋好足料, 有山野無花果, 滿山跑脆皮雞, 雞件啖啖肉. 雞肉嫩滑, 肉質不錯, 油脂不多,  滋潤火鍋湯底, 先飲碗湯, 無花果湯好清甜滋潤.大家用 QR Code  點了肉類, 餃子:   肥牛,  豚肉片, 爽豚肉,  食物很快便由專車送到, 用膠盒子盛載.鮮滑牛肉, 魔鬼辣牛肉,  手工餃子,  可以無限添加.我們樣樣點齊,  一一擺滿台, 勁豐富.  顏色鮮嫩, 脂肪分佈平均,  滾兩滾就食得, 牛脂香味濃,   肉質鬆軟,  魚皮, 生根,  滾滾就食得,  可口.海鮮:   鮮海蝦 (自費）$24-   4隻, 上檯仍然生猛,  巨型又新鮮,  蝦肉彈牙爽口.海斑片（自費）$20-   3塊, 好大塊, 魚肉新鮮, 味道鮮甜, 十分可口. 鮮鮑魚（自費）$36 兩隻.  大件鮮甜無比.熟食取了牛腩, 花生炆豬手, 炸蝦 熱辣辣, 好香囗. 熟食烹調好味, 有質素, 食得滋味.牛丸, 蝦丸, 墨魚丸, 豬肉丸,  彈牙爽口. 手工餃子,  餡料滿滿, 入口好滑. 新鮮好味,  粉, 面, 也吃不落了.  清清味蕾, 吃些翠綠 蔬菜, 有唐生菜, 油麥菜, 娃娃菜, 西洋菜, 菠菜, 菜心, 南瓜片, 芋頭片....食完火鍋, 還有時間食雪糕. 吃了雪糕,   精神哂!!壹號漁船 食物新鮮, 款式多至吃不完, 座位環境好, 招呼好, 是間超值火鍋店.…查看更多

壹號漁船是連鎖中菜館品牌之一，餐廳佔地廣濶，環境乾淨舒適，交通方便，接近旺角港鐵站。主打全天放題火鍋，專門搭配無花果湯鍋底和無骨走地雞，可在120分鐘內無限追加牛肉、小海鮮，還有自助餐配料和飲品任飲，包括啤酒與汽水，性價比極高。自助區有各種火鍋配料、熟食、飲品和甜品。火鍋湯底有兩款選擇：「山野無花果湯鍋配手功無骨走地雞」和「香辣脆魚鍋」，揀咗無花果湯。湯底味道清甜滋潤，帶有無花果的天然果香和甜味。手功無骨走地雞肉質嫩滑，皮脆肉嫩，油脂不多。可無限追加多款小海鮮、靚牛肉，享用自助區的各種配料、飲品及啤酒。另外也可追加另外收費的火鍋配料，其中鮮海蝦和蝦丸鮮甜彈牙，鵝腸都好爽口。最後食甜品都有不少選擇，尤其芝麻糊特別香甜。…查看更多

壹號漁船真係平到爆！平日晚市120分鐘火鍋連加一都只係$151，超抵食。環境寬敞舒服，仲有卡位坐位，抽氣系統做得好好，唔會感覺油膩。今次試左滿山跑脆皮雞火鍋，冬瑤蓮子湯底湯頭清淡不油膩，一坐低就即刻上咗五碟脆皮雞，雞肉切得細細件，只需碌18秒就食得，咬落好爽口。黑豚肉片都幾厚實，食落幾淋。自助區：燒鵝、牛腩、花生燜豬手、炸南瓜四款熟食任揀，再加啤酒、汽水、維記雪糕、丸類、蔬菜同開胃小菜，芝麻糊都係任食㗎！用QR Code可以無限追加脆皮雞、肥牛豚肉等，如果想食海鮮都可以另外加購。…查看更多

依家食打邊爐好多優惠，前排同朋友又去食啦。壹號漁船有120分鐘任食火鍋放題香辣脆魚煲同山野無花果滋潤湯鍋，兩個套餐可以選擇，天氣比較乾燥，我哋揀咗滋潤嘅無花果配埋滿山跑脆皮雞一齊食，雞肉切到好薄，18秒就可以食得，咬落好爽脆。精選靚肥牛肥瘦均勻，食落有牛味，鮮滑牛肉，大大片肉質好嫩滑，仲有好多唔同款式嘅肉類。我哋另外單點左海鮮，新鮮大生蠔夠晒肥美大隻，鮮鮑魚爽口彈牙。仲有好多唔同款式嘅蔬菜，餃子同埋丸都係任食，選擇都算幾多。除咗打邊爐，仲有好多熟食，南乳炆豬手，枝竹羊腩，炸雞翼炸蝦，蘿蔔炆牛腩，涼拌同埋芝麻糊，非常之豐富。飲品櫃各款飲料包羅萬有，韓國，台灣嘅牌子都有，連啤酒都有得任飲。另外雪糕櫃有幾款杯裝雪糕，仲有雪條可以揀，任食火鍋嚟講性價比幾高。…查看更多

很久沒有打邊爐了，見到網上講壹號漁船又抵食又長時間，我地就去咗。它有兩個餐可選擇。一個係山野無花果滋潤湯火鍋，另一個係麻辣蝴碟魚尾煲。而我們選了「山野無花果滋潤湯火鍋」，還搭配了手作去骨走地雞。入口清潤不膩，雞肉肉質緊實，小朋友可能覺得未夠腍，但每一口都能感受到手工去骨時的細緻用心，沒有一絲碎骨影響口感。雖說套餐里的肉類選擇不算豐富，只有精選靚肥牛、黑豚肉片、爽五花豚肉。但 “120 分鐘任食”，盡可以把食材慢慢放進鍋里煮透。自助區的配料也很貼心，蔬菜新鮮，蔬菜總類都多選擇。各式麵食吸飽湯汁超入味，還有多種醬料能自由搭配，已經足夠滿足需求了。…查看更多

我哋今次叫咗佢嘅全日成人A餐，128蚊已經包咗無骨走地雞同無花果鍋底，好抵食山野無花果滋潤湯鍋呢個湯底除咗好多無花果之外，仲有紅棗杞子同松茸等等嘅食材，好清甜，同嚟淥肉真係好鮮甜再加上出邊好少見到呢一個湯底，呢一個價位可以食到咁滋潤嘅湯底CP值好高記得一開始要飲吓啲湯先滿山跑脆皮雞雞味香濃，脂肪比例唔會太高，皮薄肉嫩配菜&熟食至於出面嘅配菜區都有好多選擇，仲有幾款熟食可以揀，單點嘅海蝦都好新鮮彈牙，值得叫嚟試吓👍🏻👍🏻另外呢度嘅炸魚皮都好脆，絕對要夾嚟過吓癮…查看更多

百幾蚊就食到火鍋放題😱好抵食！仲食到脆皮雞配山野無花果湯鍋，多款自助區配料任食，同埋牛肉無限追加。✨ 山野無花果滋潤湯鍋 湯裡面有吾少無花果，紅棗，味道相當清甜。✨滿山跑脆皮雞個名過癮🤣將脆片雞擺入湯裡面，口感爽脆，雞肉吸收清甜湯底後更添滋味。✨自助小食區有蒜香芝士雞翼同埋避風塘炒蝦，雞翼蒜香芝士味好濃郁🧀避風塘炒蝦少少辣夠惹味🔥✨鮮滑牛肉 滑牛肉肉質軟腍，牛味香濃🐮✨精選靚肥牛脂肪較牛肉部份多，所以都好易入口。✨鮮海蝦呢樣我覺得係咁多樣火鍋配料入面最好食嘅，一嚟到睇個色已經知係靚蝦🦐整熟之後相當鮮味。✨鮮鮑魚鮑魚同樣新鮮，口感係充滿嚼勁。✨斗門墨魚丸/ 鮮爽蝦丸兩者同樣爽口，個人喺火鍋店一向鍾意食丸類。…查看更多

話說旺角有好多間放題或打邊爐任君選擇，我同另一半想食得養生少少，呢間壹號漁船一定會滿足又好味又養生的大家~湯底兩款都好特別，我地選左山野無花果滋養湯鍋，山野無花果湯清甜而帶天然淡淡果香，淨飲湯底都非常美味，菇的鮮味滲入湯中，喝得暖胃又滋補。滿山跑嘅脆皮雞份量都好多，雞肉係鮮切的，保證雞片啖啖肉無骨。呢間餐廳用的雞種很特別，雞肉片好似脆肉鯇一樣彈牙爽口。脆肉雞骨用黎煮湯底一流。枱面仲貼上教學:黃金18秒,皮脆肉香任食的黑豚肉片和爽五花豚肉都切得薄薄，輕輕在湯中涮幾秒即熟，入口帶脂香。重點每一塊黑豚肉片油花都幾均勻，每塊肉片都大過一隻手掌，肉汁多又鮮嫩。鮮滑牛肉和魔鬼辣滑牛肉片亦相當新鮮，辣牛肉帶點麻辣刺激，滑溜溜好味。抄手細緻美味，韭菜水餃皮薄餡多，韭菜香氣十足。熟食都好多款選擇，豬軟骨非常軟爛入味，愈食愈香。蝦件都幾惹味，如果覺得單吃肉肥膩，除左自助區有超過30幾款蔬菜同邊爐肉丸可以自取之外，亦都有涼伴小菜，有甜酸醃蘿蔔、冷盤手拍青瓜、雲耳、蕃茄等等，令整餐口味層次多變，爽脆清新又解膩。甜品除左有中式煮芝麻糊，仲有雪糕及大量飲品可以自取，款式很多。總括來說，湯底主打健康滋補，價錢以晚飯黎講都幾實惠，食材方面脆皮雞肉真係特別的，又新鮮，味道豐富令人回味。非常推薦愛打邊爐又想吃得滋潤的你試試呀！🔥🍲…查看更多

試佢哋嘅放題火鍋，成人每位$138，揀咗A餐 - 滿山跑脆皮雞餐，仲額外加$36試咗鮮鮑魚，幾抵食😆湯底我哋揀咗山野無花果滋潤湯鍋，味道清甜，帶有無花果嘅天然香氣，飲落好滋潤，完全唔會覺得膩，簡直係驚喜！配上主角滿山跑雞，效果更加出眾👍🏻 呢款雞肉係任食，切成細條，超新鮮，只需喺湯底燙18秒就食得😍 咬落去，肉質嫩滑、脆口又彈牙，完全唔柴，食得多都唔會覺得重口，點醬汁更加惹味！雞翼同雞腳就用來煲湯，滾一陣後，湯底滲出雞嘅鮮味，變得更加濃郁🤩鮮鮑魚（2隻+$36）雖然要加錢，但質素好高，爽口彈牙。自取區選擇多到令人開心！炸雞翼外脆內嫩，咖喱魚蛋香辣惹味，炸蝦同炸魚皮炸得夠脆，響鈴吸湯好正，超滿足😌 蔬菜新鮮，款式又多，配搭火鍋好perfect～…查看更多

喺旺角諗住食個快飯，行經多間茶餐廳食個碟頭飯都要80蚊以上，放棄選擇。諗起呢間酒樓有火鍋放題一於睇吓，目標係平放題就食最平的火鍋放題。走地脆皮雞，真係未食過超彈，層皮係彈到咬唔入，雞肉唔滑，唔啱我。肥牛就係最便宜嗰種，不過唔算好韌，還可以，滑牛肉口感比肥牛更好，豬肉片普通。其他火鍋配料在自助區，主要係丸類，蔬菜有好多款，質素正常。熟食區有豬軟骨唔錯，蘿蔔牛腩碎一般，花生豬手出咗一轉幾好食，另炸物有雞翼，蝦，南瓜都係普通，有燒鴨普通，芝麻雞無驚喜，燒雞皮有啲脆比較好食。啤酒汽水任飲，雪糕杯雪條任食。食物質素認真一般，唔算難食，價錢反映一切，任食嚟講覺得幾抵。…查看更多

家庭聚會就選擇在這間酒樓用膳，來之前還打算早一點準備排隊的，到達以後才知道入座率大概一半而已，時間是中午12點30分，也許是我太來沒有飲茶吧，現在市區的酒樓普遍也不需要輪候。直到大概兩點離開時，才出現一些輪候隊伍。餐廳分了兩個部分，一邊是打邊爐，另一邊是常規的飲茶，仍然閒置的是打邊爐部分。一行四人，派發了一個茶包，大概能夠沖到五次。由於我吃素為主，未能在菜單找到多少合適的吃，就叫了一下腸粉，這是街市的那款，而不是廣東有餡料的羅漢齋腸粉。…查看更多

壹號漁船120分鐘全日放題有2個餐選擇A: 山野無花果滋潤湯鍋配手功無骨走地雞B: 香辣脆魚煲（可選大、中、小辣）因為我不吃魚，所以就選了 A 手功無骨走地雞。自助區有火鍋配料、火鍋調味料、4款熟食、糖水、雪條和飲品，都是可以任攞任食。而火鍋肉類除了雞可以任食外，還有3款牛和2款豬，也是可以任叫任食。火鍋肉類我主要食牛，叫了精選肥牛。牛肉質素不要抱太大期望，始終價錢是$98任食。但是，以$98任飲質素來講，牛肉質素是可以接受。食物款式選擇不多，但$98+10%可以任食120分鐘，肉類還可以任叫任食，都算性價比高。…查看更多

很久沒有食過令人滿意嘅小菜，廚師廚藝佳，小菜絕對有用心去做，鮮味龍躉兩味好抵食，翠玉瓜炒魚柳及古法蒸龍躉，雖然係優惠小菜組合但味道有水準份量足，再來咕嚕肉粉薄肉靚口感佳，可以食多幾舊不會感覺肥膩粉重，最後紅燒花膠豆腐都好吃，豆腐嫩滑可口，配合冬菇花膠同美味醬汁，用來餸飯一流，長者也可食得好滋味，下次會再光臨及試下任食打邊爐，聽講好抵食還有“大家好”姐服務態度非常好，殷勤又親切，難得遇到咁好嘅服務員👍…查看更多

😋實測旺角邊爐店舖🍴旺角有間自助任食邊爐嘅餐廳呢度嘅邊爐放題價錢平實，平日人均$98加一俾你輕鬆享受到滿滿嘅火鍋樂趣！🤩🍲我最近試咗佢哋嘅招牌邊爐，選擇多到你眼花撩亂！有各式各樣嘅肉類，丸類，蔬菜，全部都可以隨你搭配。我試左山野無花果滋潤湯鍋，個湯底淡淡地幾健康。✨呢度提供兩個鐘嘅用餐時間，俾你可以慢慢享受😎餐廳環境舒適，適合同朋友聚餐或者家庭聚會。值得回訪！😋…查看更多

這次我們選擇了套餐A：「山野無花果滋潤湯鍋」配手功去骨走地雞，湯底果香濃郁又帶淡淡草本氣息，清潤不膩，非常適合喜歡清爽口味的食客。雞肉滑嫩、肉質緊實，吃得出手功處理的細膩。雖然整體肉類選擇不算多，也不見海鮮身影，但120分鐘任食的設定令人安心——可以慢慢煮、慢慢吃，享受與朋友的悠閒時光。自助區的配料種類適中，有蔬菜、麵食及各式醬料，雖不算多元，但足夠搭配主鍋。甜品部分也算有驚喜，為餐後帶來圓滿句點。以$128的價位來看，性價比不俗，若在指定時段享有$98的優惠，絕對是划算之選。整體而言，是一次舒適又滋味的體驗。…查看更多